一幻拉麵

营业中

休息中

平時行過呢間野，都會聞到好濃既蝦湯味，今次趁少人排隊，終於入去試下。入到去，我同朋友都揀左佢地既 招牌蝦湯拉麵餐，個餐要左 溏心蛋同木耳。另外再用半價去追加一碟餃子。d 野食好快就到左，呢個招牌蝦湯拉麵，個湯好好飲，唔會覺得油膩，又唔會飲完覺得口渴。真係好正。拉麵好好味，平時食拉麵，我通常都會食唔晒，今次因為個湯底，令我食晒成碗拉麵🤣🤣另外，餃子個皮都有d 脆口，入面d 肉都好有肉汁，同埋d 小食(溏心蛋同木耳)都好好味👍🏻👍🏻

呢日同男友一齊放假，平時既我哋放假通常唔岀街，但呢日要去一去市中心，所以順便食埋午餐。.唔知食咩好，就諗住試下呢間拉麵。我知道佢係過江龍，都知道佢幾岀名，但唔知點解即使經過對佢都唔太有興趣😅唔係男友提議都唔會想試😅😅.一入到去，本身諗住我就咁叫一個麵就算，點知見到有個餐，係99蚊有一個麵加一個小菜再加一杯嘢飲🧃好似又幾抵就嗌嚟試下。我哋另外仲叫左個餃子🥟.如果你鍾意蝦味重，呢間絕對岩你口味👍🏻👍🏻我食果個係咖哩蝦湯拉麵，男友食果個係辣味噌蝦湯拉麵🍜我哋各自都鍾意自己果碗多啲😂咖哩蝦湯真心正👍🏻好濃郁.麵條部分，我鍾意食彈口既，好彩佢都算幾好食，唔會太淋👍🏻👍🏻.值得一讚既係，佢嘅環境坐得好舒服，而且有啲位有提供叉電位👍🏻真係幾細心.我覺得雖然佢冇鬼金棒咁好食，但絕對好食過金色不如帚😂（佢哋風格唔係好同，不過我自己心入面既排名係咁囉😅😅)

盲中中沖左入黎. 唔知所有湯底都係蝦味. 本來想轉場. 友人話試下啦.... okay. I give it a try!蕃茄蝦湯底 (屯門店限定) +幼麵有鮮茄味, 濃湯底, 有D太咸. 食完唔口乾. 算可以. 幼麵有D淋左D普通蝦湯底+豬骨+粗麵湯底都係偏濃同咸, 我已經叫左最唔咸既醬油底. 粗麵偏硬有咬口, 我係中意既. 但真係個人口味, 人人不同 . 溏心蛋, 少流心. 好食.叉燒, 每碗都有3片, 薄薄的. 但因湯底太濃味. 叉燒咩味, 真係唔知. HAHA筍, 我幾中意. 好爽脆餃子, 無咩特別. $17.5/5隻, 平是優點吧 我就一次夠啦. 個人喜歡清D既日本拉麵湯底, 但可食到唔同味道. 呢度蝦太搶啦. 中意濃味, 可以一試. 

好久沒有吃拉麵了，之前這間拉麵店時時都排長龍，現在見冇乜人，終於可以一試，今次叫了碗拉麵和一碟餃子，第一啖試吓湯底，蝦🦐味超濃，感覺好有鲜味，麪不會太硬，咬落口感幾好，湯加麵一起吃，好似吃緊啖啖蝦肉咁，另外，餃子🥟皮薄喊靚來形容，肉質鮮嫩多汁，回味無窮，還有服務員態度都ok, 對顧客來說都算係咁，價錢方面不太貴，這店值得下次再回幫襯，但係不要選擇食飯時間來，以免排隊有排等，哈哈😄😄😄😄😄！

我第一次吃一幻拉麵是在東京，被那濃濃的蝦湯吸引。所以到北海道時，再到一幻札幌總本店。還拍了youtube片介紹。一幻來到香港，已經光顧過灣仔及尖沙咀。剛巧到屯門，所以特意來一幻吃蝦湯拉麵。✅味道 ：最初到灣仔吃的麵，跟日本的有分別，比較淡。之後再到尖沙咀及屯門，覺得已經跟日本很接近。😍重拾濃濃的蝦湯麵的味道。一幻是以甜蝦頭來熬湯，不知道香港跟日本是否一樣以8000個蝦頭熬湯呢？💰價格：日本價格是780Yen，當然比香港平，但以香港一般拉麵價格來說，以一幻的質素，他們的定價是十分合理。另收加一服務費。招牌蝦湯拉麵$88 （選了適量豚骨+味增）3款湯底選擇1️⃣原味2️⃣適量豚骨3️⃣濃厚豚骨如果是第一次吃的話，我建議選原味，感受一下蝦湯的味道，令我一試愛上❤️😋其實蝦湯真的很濃，所以第二次開始，我點了適量豚骨，以減底飽滯感。才可以吃其他的食物。因為通常吃原味，吃到一大半後覺得有油膩感。3款口味選擇1️⃣味增2️⃣鹽味3️⃣醬油個人覺得蝦湯味道已很濃郁，不選鹽味及醬油，以免令味道更濃麵上紅紅的粉是蝦頭磨粉的蝦粉，叉燒肥瘦適中，加上糖心蛋。屯門限定 - 北の極蕃茄蝦湯拉麵 $78如果怕蝦味太濃，也喜愛蕃茄味的話，可以

屯門呢間拉麵店經常喺繁忙時間出現一條人龍排隊，今晚等咗3個字左右就有位啦！值得讚既係喺排隊期間，職員已經會協助大家處理一啲入餐廳食飯既程序，安排好好！.我哋兩個人都分別各自叫左限定$99套餐，可以自選一碗拉麵，一款小食同埋一罐汽水。「招牌蝦湯拉麵」粗麵同幼麵🍽：湯底好濃郁好香，但味道唔會太咸，我都幾鍾意麵既質地，偏硬有口感。👍🏻「味荀」及「糖心蛋」🍽：每次食拉麵都好鍾意食味荀，呢度既拉麵本身裡面無，所以有得咁樣加都幾好！😋套餐另以優惠價加$17.5可以有5隻餃子，味道正常，但無咩特別。

屯門店限定套餐•番茄蝦湯拉麵🍜濃濃蕃茄蝦湯底 身為一個番茄控是必點的🍅配以叉燒玉子加粟米大滿足🤎•餃子🥟食拉麵點可以無餃子 外脆內軟 保持肉汁Yumyum🤎

特濃蝦汁叉燒拌麵 香港限定記得撈勻底下既蝦汁食先食呀頭幾啖好好食 超香濃蝦汁不過之後就覺得有啲咸叉燒粒幾多 冇想像中咁多肥肉 幾好 適中冇湯都唔會乾 真係有驚喜既北極蕃茄蝦湯拉麵屯門店限定蕃茄味同蝦鮮味並存原來咁正湯唔咸香蕃茄味好正 麵質有得揀軟硬同粗好大碗 有啲驚喜餃子 餃子好快到 應該煎定嫁啦 不過不失啦 煎得都算香脆既-💭開咗開咁耐都仲經常好多人排隊我地排左15分鐘左右入左去 算幾快排隊就到既時候有店員比紙落定單👍🏻

如果你同我一樣好鐘意食蝦湯拉麵🍜呢間值得一試🌟招牌蝦湯拉麵$99叫左$99套餐，包拉麵一碗、可樂同小食一款（木耳/味筍/糖心蛋），追加3片叉燒/餃子🥟就半價蝦湯拉麵🍜湯底係誘人既橙紅色，蝦味濃到隔住口罩都聞到，麵質ok，係湯汁如果再濃多啲就好，唔太掛到麵小食算大碟，木耳有少少青瓜添，味荀無怪味，叉燒肥瘦均衡偏薄，但都好食既🌟札幌咖喱蝦湯拉麵 $99季節限定款少辣，個侍應姐姐見我哋揀得好苦惱就推薦，咖喱香料味濃厚但無搶走哂蝦甜味，鐘意食辣既揀呢款食就啱哂

屯門一幻有蕃茄蝦湯同咖哩蝦湯限定蕃茄蝦湯幾掂，蕃茄同蝦原係幾夾，感覺似海鮮版羅宋湯不過咖哩蝦湯真心唔推介，太濃味，食哂成碗真係太重口招聘蝦湯就還好，個人覺得層次唔夠，有啲濁，但都算蝦味好濃，唔使排隊可以去面底方面，個人唔推薦粗面，因為呢間啲粗麪唔得，太厚太硬太實，反而上次食幼面好好多！記得記得揀幼面叉燒方面，十分普通+十分之薄，個人認為可以厚身啲，呢個價錢比呢個size的叉燒我個人覺得係唔值的…不過算啦，一幻賣點唔係叉燒

食過台灣嗰間一幻覺得好正，經過屯門有就過咗嚟食，估唔到會咁差。首先啲水係唔凍嘅，唔緊要，始終唔係日本，香港人可能無咁中意凍水。餃子，唔脆都不特止，個皮仲要硬掘掘，個餡好散，唔好味。木耳ok幾好食，好香。到個拉麵，我揀晒👍🏻個啲指示，諗住第一次試左default野先，個湯頭好弱，一幻出名個種極濃厚嘅蝦湯味唔出，麵還麵湯還湯咁，好失望。我老婆點左個粗麵，好硬，唔掛汁唔夠味。糖心蛋普普，叉燒ok嘅都。最後失禮地無食晒就走😢

屯門店開左一段時間 見終於少左人龍就同朋友一齊去食個晚飯 見到佢做緊個$99 set同朋友一人叫左一個set 再額外叫了餃子同沙律朋友叫嘅係辛辣味噌蝦湯 我就試左札幌咖哩蝦湯首先試下佢個湯底 好濃嘅咖哩味 隨後先帶出少少蝦嘅鮮味 豚骨我揀左適量 成個湯已經好重口味😂不過我覺得佢用番茄同瓜個配菜有少少奇怪溏心蛋幾好食 叉燒粒就不過不失如果佢用番切片我會更加中意麵我就揀左粗麵 麵質好彈牙好有口感 加上個湯掛到上去啲麵到 成個口都係咖哩味 重口味人士必試另外佢啲小食比較少款式 餃子個味道都唔錯

招牌蝦湯拉麵🍜 $88一擺上枱聞到好濃既蝦味，食落去都好濃郁蝦味都重既，不過食到最後覺得偏咸，揀左幼麵，偏淋身辛辣味噌蝦湯拉麵🍜 $88蝦味唔重，辣味蓋過左原有既蝦味，成個感覺得個辣字，啲叉燒偏薄身無乜咬口但味道都okay，麵無得揀軟硬度，粗麵會偏硬身餃子🥟 $35正常日本餃子，不過不失環境坐得幾舒服，放假去要排隊入坐，不過成個環境幾闊落，亦都有水、紙巾提供依加有推出一人套餐優惠！有埋小食同飲品都幾抵食！

近期見好多人食，雖然買一送一嘅優惠已經完左，不過都想試吓！拉麵落單張紙都好日本，有得揀湯底、麵條粗幼、配料等。而味道呢，食完覺得還好啦，未去到令人尖叫嘅程度😬【蕃茄蝦湯拉麵】$78 另加一湯底係比較濃稠，味道幾濃，不過唔太食到蕃茄味同蝦味，係鹹鹹地咁。配料方面，有一塊紙咁薄嘅叉燒、兩塊蕃茄、半隻溏心蛋。唯一幾中意係佢個麵酥，好香口又脆脆地，同埋麵嘅份量係好多嘅，食完都好飽，不過食完好口渴😬重會唔會有第二次？我諗要認真考慮一下！😬

食物方面只可以講唔係我杯茶😌😌唔理解啲人講嗰種嘩一聲......個湯底係好濃味但只係濃到鹹嗰隻🥺🥺同埋都幾腥下餃子🥟無乜特別對比碗拉麵嚟講算係美食嚟嘅🤭🤭服務👎🏼👎🏼真係有待提升😵😵有兩枱客在門口等都無人理💥💥有兩個員工明明見到有人等位都無理🙃要啲等緊嘅客人走入餐廳先有人帶位🥲🥲點餐時前後兩位員工講嘅野又唔同😩😩暈暈地😵😵唔會再幫襯嘅拉麵店🍜試左呢次就夠了