一幻拉麵

营业中

休息中

來自北海道札幌的「一幻拉麵」主打招牌蝦湯拉麵，湯頭用上大量蝦頭熬製，湯底濃郁鮮甜，可選味噌、鹽味、醬油&香港限定辛辣味噌蝦湯拉麵，鮮蝦味十足一幻屯門店位於屯門市廣場一期2/F，座位擺放整齊，光線充足辛辣味噌蝦湯麵與其他日式拉麵店一樣可選湯底濃度、口味、配料等，一碗內有叉燒，糖心蛋，挑選了幼麵麵底彈牙掛湯，湯頭濃稠蝦香撲鼻，微辣嘅味噌湯鹹中帶鮮味，灑上紅姜和蝦味麵酥，入口層次豐富甜辣小蝦沙律椰菜絲上鋪上甜辣蝦乾和沙律醬，作為前菜開胃惹味 蝦味飯團本身撈咗醬油同蝦乾已經好有味，不過我自己鐘意沾埋蝦湯一齊食，好正後記：下午2:30到5:30有下午茶供應，包括麵食+小食+飲品$68，份量細份d，但有埋小食飲品，滿足

一幻一直都係我心目中頭三嘅拉麵店，勝在價錢唔貴而且周不時都有唔同嘅套餐優惠。今次冇嗌到佢嘅招牌蝦湯拉麵係帶咗蕃茄蝦湯拉麵。個人鍾意招牌蝦湯拉麵多啲，係蕃茄湯依然都濃郁。至於佢嘅麵質方面呢我就選擇左，普通軟硬度我個人覺得係非常之配合一個蝦湯嘅。而且佢有半隻糖心蛋葉得好入味蛋黃香滑，叉燒肥瘦適中唔會好乾。 一幻唔同時候都會有期間限定嘅拉麵下次一定要試試。

日本拉麵係其中一樣鍾意食嘅嘢。以前返中環，有間拉麵舖非常好食，賣完就收舖，試過七點去到都拉閘。因為佢哋對品質嘅堅持，令我愛上吃日本拉麵。後來轉工加上佢哋水準大跌，就無再幫襯了。旺角有間拉麵舖都係我最愛，但我唔係成日去旺角，加上早前堂食限制，想放工過去食都難，希望盡快有機會去食。難得屯門都有間食得過嘅拉麵舖，最重要係響市中心，位置極方便。所以經常會嚟，大約兩星期就嚟一次。今次例牌叫咗個一人套餐。包括一碗麵、一碟小食（可選木耳／味筍／雞髀菇）、一罐可樂（加錢可轉其他飲品）。我覺得係抵嘅，碗麵本身已經要$88，變相加多$11就有埋小食同汽水。點咗辛辣味噌蝦湯拉麵、雞髀菇、無糖可樂。鍾意食葱，加$10要咗增量。雞髀菇不過係淥熟加木魚同豉油，好難會唔好食，份量唔多，但作為小食都夠了。麵本身跟半隻溏心蛋，無過熟，但醬油唔夠入味，少少美中不足。叉燒大小厚薄都可以。麵夠熱，呢個好重要。碗麵唔夠熱咩都係假。我鍾意佢哋個蝦味湯底，出面好多都係豚骨湯底，但呢個有蝦味吊住，最重要係食完唔會頸渴要狂飲水。我通常揀幼麵，因為湯汁會比粗麵掛到湯。無嚟一排，佢哋個幼麵麵底轉咗扁身，掛到嘅湯更多，更加入味。如果要再食飽

《一幻拉麵》屯門店 - 屯隆街3號屯門市廣場一期2樓2319號舖好耐冇食過一幻拉麵，有少少掛住，今晚襯出市中心買野，就來買外賣食。叫左外賣二人set，$155好抵食。返到屋企，開餐！😋辛辣味噌拉麵：湯底好香濃，唔會太咸，食完都冇口渴；好耐冇食，感覺比之前辣左少少，正！麵底可選粗幼，但分別不太大。隨麵附上的乾蝦碎，是精髓，加入湯後充滿蝦香味，可惜越比越小，這份量是兩碗用份量！🤨餐自選小食，選了餃子及木耳：叫餐加$20，可以有小蝦沙律，好味😋自選餐飲品，叫了烏龍茶：

呢間拉麵之前都食過兩次😺之前都有出過食評😙個日朋友話想食一幻就一齊去咗食🙌🏻餐廳坐得好舒適而且店員都好nice💜🔺一人尊享套餐 $99A.自選拉麵有幾款拉麵可以選擇👐🏻今次揀咗招牌蝦湯拉麵🍜湯底揀咗味噌,之前都係食鹽味第一次食味噌😳味噌相對冇咁鹹但同樣蝦味好重🦐而叉燒係半肥瘦,唔會老🙌🏻拉麵仲有半隻溏心蛋🥚係用醬油醃過😙拉麵有得揀要唔要麵酥,必要蝦酥‼️B. 自選小食小食有得揀雞髀菇,木耳同味荀👐🏻今次就揀咗木耳🙌🏻木耳係麻油加醋😙食落開胃同清新😉而木耳下面有4舊青瓜🥒個人較鐘意食青瓜😋比木耳再酸d😜C. 飲品唔洗加錢嘅飲品都係可樂但我唔飲有氣嘅嘢所以就加$10要烏龍茶😆

愈嚟愈多分店嘅一幻🍜二人拉麵套餐抵食😛比起初頭第一間店啱啱新開嗰陣仲要係特登走去試，係覺得完全唔好食，唔明點解個個排隊🤔而家反而水準穩定返👍🏻好食返過之前

輕輕為大家介紹一下拉麵，可能好多人都認識這間連鎖式過江龍一幻拉麵。認真說吃過的朋友都會認同湯底夠濃蝦味，盡用蝦頭煲湯，不過拉麵其實油份極高，加上炸蒜就更油，所以都應該少吃為妙。不過有時候有套餐優惠很划算，溏心蛋還好，如果有兩隻就更貼合小編的口味。溫馨提示，這間小吃就真的一般，可能因為為主要sell蝦湯底，餃子我給了兩次機會，也是腍，不脆口，實在失望，希望會改善一下吧，否則只吃接麵，真的會感到乏味。

突然凍咗好多🥶🥶❄️☃️凍冰冰好想食啲熱辣辣嘅嘢衝咗去食一幻拉麵🤣.招牌蝦湯拉麵 $88一上菜已經聞到好香蝦味揀咗簡單嘅鹽味個人認為配濃郁鮮甜嘅蝦湯 輕輕用鹽提味就夠湯底表面有油脂但唔油膩夠濃郁 湯汁掛到麵每碗拉麵都配咗兩塊叉燒同半隻溏心蛋溏心蛋熟咗少少 唔係全隻溏心.拉麵實在太香 影咗一張相就忍唔住食🤤店內座位都幾闊落 比一般拉麵店坐得舒服

屯門 #一幻拉麵終於去試 呢間 蝦湯頭底出名的 一幻拉麵叫左個 12月 2人set $2xx 尾12月 週年慶 優惠12月份生日正日：免費拉麵1碗非正日但12月的： 拉麵半價蝦湯叉燒拌麵：掛汁，蝦頭湯濃，但嫌汁少左d, 叉燒 似台式肥卥肉粒唔夠深 & 膩，喜歡 紅薑酥天婦羅 脆脆好食溏心蛋沙律：正常貨仔，有大薯塊但算淋軟雞髀菇 & 荀 : 正常貨仔檸檬玻子汽水 & 白桃梳打： 唔錯可能期望太大入去，cp 值有d 低， 特別 男友叫左辛辣味噌叉燒拉麵，好勁鹼水味，應該唔會再去。

日本過江龍札幌蝦湯拉麵 一幻拉麵今次跟朋友食下午茶，店員話下午茶時段嘅拉麵份量會比較少一點，但對我嚟講就啱啱好！套餐包含拉麵+一份小吃+飲品！揀咗一碗蝦汁拉麵湯底+味增+粗麵，喜愛食多蔥嘅我，再額外點多咗一份蔥，可惜蔥嘅份量同其他日本拉麵店相比之下少。不過，蝦汁拉麵湯底就真係好出色，香濃入味，粗身拉麵都煮得剛好！套餐中會跟一份小吃，最後揀咗竹筍，都係一道唔錯嘅小食！仲有額外點咗一份餃子，餃子點醋食，味道唔錯！唔不太油膩，而且好開胃！

屯門巿廣場想打造成為小日本，Donki, 壽司郎, GU, namco, muji 等等新店進駐商場，星期日商場人山人海，一幻未見長龍，結果一試難忘。職員好有禮貌安排座位，介紹餐牌，我哋點咗2 人餐，2 個麵，3 個小食，2 杯飲品共$238 加一。2 個小食糖心蛋、木耳、白桃和蘋果波子汽水，神速送到。糖心蛋眼見juicy ，不用介紹都知合格。木耳份量多，底下有幾件青瓜，醃過味道帶酸非常開胃，刺激味蕾。餃子肉多而且煎得好香脆，可以話比其他拉麵店出色。特別推介牆上面的蒜蓉泥和拉麵胡椒，一定要試，會令你碗拉麵生色不少。主角好快出埸：一碗辛辣湯底，叧一碗香濃豬骨湯底，兩款湯底都好濃郁，上面紅色的是蝦味麵酥加上青蔥帶出香味。飲得出湯底是經過細心研究，他們聲稱每日新鮮製作，絕不過夜。難怪在日本開業短短數年已成為札幌名物， 香港更有幾間分店。一幻拉麵的杯麵更是本人去日本旅行在7–11必買的宵夜。兩塊叉燒比較薄但大塊一點都不油膩，肥瘦度啱啱好。

今次來試下早排勁多人等位於屯門一幻拉麵，由於今日係平日晚上，唔洗等位就入得，餐廳裝修幾特別，好有日本風味，一幻主打係蝦湯，今日就叫黎試下啦。我地叫左屯門限定嘅二人套餐，一碗要原味蝦湯拉麵，一碗辛辣味噌蝦湯，拉麵一黎到，上面有大量，係大量嘅蒜蓉，多到係估唔到有咁多，其實未食已經知道蒜蓉會影響咗個湯嘅味， 已經立即不起咗一啲㗎啦，但始終個湯有蒜蓉浸咗落去，蒜蓉味完全蓋過曬啲蝦湯味，可能原本個他湯已經冇乜蝦味，拉麵方面要左幼面， 但係都比較粗同埋一陣鹼水味只係油麵多過拉麵，辛辣嗰碗亦都唔見得係特別好味辣味蓋過曬啲蝦湯味，拉麵有兩塊肉，塊肉都尚算ok，配料比較少。 個餐可以揀嘅配送食物唔係太多，於是就揀咗青瓜木耳同埋糖心蛋，再後加咗一個餃子先至夠飽， 總結係以拉麵店嚟講真係好一般，可以唔使再去。

嗰日我約咗個friend係屯門食lunch，見到有日本拉麵食。因為之前食過媽霸，所以就試下一幻。店員幾好人，有主動推介一人二人餐。我就點咗個一人餐辛辛辣味噌蝦湯拉麵，包叉燒同半隻唐心蛋，另外可以再加一隻唐心蛋或者其他配料。飲品只包可樂(正常或者無糖)，其他(波子汽水等)要加$15。睇到其他食評話好咸，其實日式拉麵湯底本來就係咁，係睇你習唔習慣或者接唔接受到，唔咸去食清湯麵。講返正題，湯重蝦味好濃，有辣味噌味。麵就普通野，冇話太淋或太硬，我食幼麵掛湯嘅。叉燒ok冇特別，唐心蛋好食。價格正常，日本野一百出頭合理，而家出面食普通一餐都$50,$60蚊，$109包服務費其實大部分拉麵店都差唔多都係依個價，話貴嗰啲返屋企煮公仔麵，出街 唔啱你食。

一幻剛剛開張的時候，排隊排到出商場外的景象記憶猶新，當時排隊情況十分誇張。難得今日放假行過，因為可能係平日關係，人流不像假日咁多人，見到入口位置有做套餐優惠宣傳，有小食和主菜蝦湯面配糖心蛋配叉燒，於是就試一試啦。店員招呼周到，教我如何填寫點菜紙，解釋麵底同湯底的分別，於是就揀左出名的蝦湯拉麵，湯底濃厚，有濃烈的蝦味，可見落足材料做湯底。如果平時食開淡味的朋友，可能會覺得呢個湯底會有點咸。麵底同叉燒口感味道都正常。個人認為套餐價十分底，有小食+主菜同飲品，再加埋有商場有現金優惠卷，呢個份量夠哂食👍🏼

黎到屯門食飯，見到呢間鋪頭門口有10幾人係度排隊，好似唔錯，冇得去日本旅行嘅關係都好耐冇食拉麵喇，都幾期待，等左幾個字終於可以入去喇，入去到發覺原來入面仲有好多位，點解入面咁多位又唔放人入去呢。。。叫左個招牌蝦湯拉麵，$88，同一般拉麵差唔多啦，都係有半隻溏心蛋同埋3塊日式叉燒，一黎到先試一啖湯，OK喎，幾重口味，啱晒我!再試埋個麵，質地有D淋，仲有幾重嘅鹼水味?點解會咁嘅，我依家係食拉麵喎，唔係食雲吞麵，真係唔係太好食，食食下個湯仲覺得越黎越鹹，都唔好話飲晒D湯，我連個麵都唔想再食呀。。。點解咁難食都仲有人排隊，冇下次呀，食出前一丁都冇咁嬲。