一幻拉麵

营业中

休息中

一直都好想試呢間拉麵,每次都好多人排隊99蚊套餐有拉麵+小食+飲品,另有半價加叉燒同餃子我覺得佢個外賣套餐幾抵食,但拉麵,我諗點都係堂食好食過外賣北之極蕃茄蝦湯拉麵 (屯門限定)*個蝦湯底比較竭身,蝦味好濃,蓋過左蕃茄味,不過有兩片生蕃茄,俾我沉番熱食都算有蕃茄味道*本身已經有一塊叉燒,大小正常但偏薄,脂肪邊位好淋但中間肉質一般*最驚喜係麵酥,即係紅薑天婦羅,酥脆薑粒,脆卜卜既薑味,好有咬感,一定要加,好正*配料仲有我最愛既粟米粒,正*揀左幼麵,拉麵份量都多,大滿足札幌咖喱蝦湯拉麵 (季節限定)*個蝦湯底都係比較竭身,但今次係咖喱味好濃,蓋過左蝦味,而且都幾辣*本身無叉燒片,但有叉燒粒溏心蛋*溏心既賣相係好靚*大家都唔想食木耳同味筍,就揀晒溏心蛋,結果頂住個肚仔餃子 *味道一般,無咩特別男人竟然話下次要再黎試原味蝦湯底,第一次聽要encore既拉麵,不過我個人就覺得之前有食過一間係更好既

聽聞長期排隊，今日11點到，兩位直入坐高枱，除咗無位放袋，都無咩唔好。熱愛蕃茄嘅我一定係食北の極番茄蝦湯拉麵，仲可以半價（$17.5）加一份餃子。其實佢有餐嘅，就係一碗麵+配菜+飲品，可惜我哋唔飲汽水，就算加錢轉飲都只有凍飲，所以都係散叫。7-8分鐘後拉麵就上枱，立即試啖湯，係好濃嘅蝦湯，淡淡嘅蕃茄味唔係平時食三哥嗰種蕃茄湯底嘅酸甜，但足以提鮮開胃解膩，至少我食到底都唔覺得頸渴。麵份量極多，掛湯，我同女兩個食啱啱好，好在無再加麵（$15）。蛋就太熟，同埋上枱已爛，略為失望。加咗麵酥，有啲脆香嘅口感，令成碗麵更有層次。好快就連餃子都上枱，外皮焦化好吸引，可惜一咬發現只係微暖又淋，好失望，浸落啲湯度連湯食就算。整體：麵係好食嘅，其他可忽略。

🇭🇰#一幻拉麵 🍜襯其他#屯門 牛牛喺度排新開既壽司郎 我就去食一幻拉麵啦😆⚠️限定$99套餐🍜拉麵：辛辣味增蝦湯拉麵（香港限定）🥚小食：溏心蛋🥤飲品：可樂⚠️加一服務費單叫一個拉麵都$88所以就直接嗌套餐 一上枱超濃嘅蝦味🦐有蝦味之餘仲有少少海水嘅鹹味🌊面嘅硬軟度都適中其他朋友都話我呢個湯底係最好味😋得呢個湯底係有辣味🔥本身Menu冇得加蒜原來張枱度有任你加啱晒我呢啲重口味人🤣個人覺得叉燒冇溏心蛋咁好味其他小食方面雞髀菇一般可以唔使特別試味荀同木耳都好好味夠爽口📍 一幻拉麵 (屯門)屯門屯隆街3號屯門市廣場一期2樓2319號舖

一幻拉麵🍜來自日本北海道主打蝦湯拉麵,以我所知餐廳每日都會用新鮮蝦頭熬湯,因為要製作一碗美味的拉麵首要條件湯底吸引係好重要的一環😎今次點的拉麵選擇了原味蝦湯拉麵,口味係鹽味,麵質選擇了幼麵😋 當麵一遞上時已聞到濃烈的蝦味,氣味拍得住曬海味的味道😂我第一時間試啖湯先,果然夠鮮好有蝦的鮮味但略嫌咸了一點,麵的質感唔錯軟硬適中😁 叉燒肉質油脂分佈係半肥瘦,所以口感好"林" 另外因為叉燒浸入了蝦湯內食落味道除左有豚肉味道仲有蝦味,雙重口感認真不錯👍豚肉餃子食拉麵點少得餃子,但今次食的餃子另小編有點失望,因為食落肉質 偏"林"肉汁唔算多加上賣相一般😅

今日元宵節，同妹妹一齊慶祝，而且可以去有得晚市堂食，一於試吓係屯門新開嘅一幻拉麵！之前都有係其他分店食過，應該水準大家差唔多，一定吾會差掛叉燒拉麵都ok架，雖然得兩塊但勝在吾太肥膩又肥瘦適中，濃底濃郁、麵又吾淋身，抵食反而蕃茄蝦湯拉麵就一般，個湯底冇麥蝦味，有少少失望，不過整體來講都好食架另外我追加左一份餃子🥟D個必叫，因為原價$35，而家做特價$18（五只）堅抵食，又大大只，直頭大大大🈵️足！

又一日本日拉麵過江龍，呢間係北海道蝦湯拉麵專門店🤩 今次喺屯門開新分店，屯門牛真係有口福😋😋🍅北極番茄蝦湯拉麵 ($78)←屯門店限定只係屯門店先有🤩 梗係要試下😍😍估唔到蕃茄湯同蝦湯可以配合得咁好😋 調配取得平衡，冇比大家搶fo😌 蝦味濃同時多咗份蕃茄嘅甜🥰P.S. 最初以為拉麵唔包糖心蛋🙈所以加咗$10要加蛋🤣🤣🤣 上枱先知原本都有半隻🤣🤣好彩隻蛋好夠味好好食😋多多都食得哂😛🦐招牌蝦湯拉麵 ($88)叫完限定當然都要試埋招牌啦😆以蝦湯做底，可選擇加豚骨湯😉 另外可選醬油/味噌/鹽味，非常多變化😲今次就先試鹽味蝦湯！蝦味果然非常濃😋😋 下次可以試埋加左豚骨湯加其他口味🤤🤤一幻拉麵係冇得自選硬度，但可以選擇粗/幼麵，我地就粗幼各叫一個😌個人鐘意食硬啲，所以覺得粗麵就啱啱好😋 而且掛湯力強😎 但如果鐘意食淋啲嘅，就建議揀幼麵😉

屯門新開嘅一幻拉麵🙈當然要去試試🙈當日都好多人 需要排隊等待🙈係入店前 店員會俾張紙剔番想食咩Order完食物係等候嘅期間要大讚店員好細心🙈當日我着白色衫 突然附上即棄圍裙 🙈（呢一下即刻加分）食物上到我地面前 賣相幾好 當然食物質素都唔錯 我同朋友都係叫左招牌蝦湯拉麵湯底極濃 配料同麵都唔錯 （極濃嘅關係當日我不停飲水）🙈餃子加17.5有5隻 食落似平日係超級市場買到嘅餃子 🙈評分：味道：3.5/5 價錢：3/5 （2碗麵加餃子 215） 服務：3.5/5

屯門一日遊 行到攰晒 心思思想食碗熱辣辣既拉麵就見到👉🏾一幻拉麵🍜係尖沙咀返工 一直都有去海港城食開 仲有埋無敵大海景✨再加埋我最鍾意既濃蝦湯底 食到上晒癮✨ 今次見到新開係屯門 仲有屯門店先有既番茄蝦湯拉麵👈🏾 就衝左去試好西😋🌻 果然唔令人失望 極濃既甜蝦湯底再加埋新鮮🍅🍤番茄既甜味 拉麵軟硬適中 必須加埋個麵酥 正呀👍🏽👍🏽👍🏽 呢碗屯門店先有既 番茄濃蝦湯拉麵🍜先$78 絕對係性價比超高👍🏽

知道一幻係屯門開左分店，貪新鮮都去左試下！3點後到左要排一陣隊，好彩15分鐘左右已經有位。係門口外面已經聞到好大陣蝦味🦐，入座之後感覺唔錯，環境都舒適同簡潔！今次試左招牌既蝦湯拉麵🦐🍜，一上枱已經聞到香濃既蝦湯味，個麵跟左溏心蛋🥚再加叉燒🥩適中既麵量配上大塊叉燒及金黃溏心蛋，整體賣相都幾吸引👍點左粗麵條，麵質唔錯，口感都幾彈牙，同濃郁既蝦湯底好夾，不知不覺咁飲左大半碗湯😋另外都點左兩款小食甜蝦沙律同涼伴木耳，加上熱辣辣既蝦味濃湯拉麵，非常匹配👏👏臨走前仲買多左兩盒麵，試下係屋企煮唔煮得番彈口既拉麵及香濃味道！🍜🤗

星期日入咗屯門一幻醫肚，2點半左右門外已多人排隊，排隊時服務員分派點餐紙，大約等咗25分鐘可以入座，店內寬敞地方整潔。我哋嗌咗個2人自選套餐$248 （包2碗拉麵+2款小食+2個指定飲品），計落著數啲。1️⃣屯門限定「北の極🍅🦐湯拉麵」，🦐湯濃郁蓋過🍅味，未能突出🍅味道，不覺驚喜2️⃣「特濃🦐汁义燒拌麵」，食材配搭夠野味 3️⃣ 「餃子」確實好好味，皮薄餡，所以另加叫一份🥟4️⃣「雞脾菇」都OK5️⃣🍑味/🍉味梳打，🍑味梳打香呢餐食得非常飽又滿足

早兩日很想吃拉麵，但是因為疫情關係沒有晚市。直到今天放假才去吃！！滿心歡喜去試新野，據聞呢間好多人排隊，點知伏到爆。可一不可再！！叫咗個季節期間限定，咖喱蝦湯拉麵，餐廳店員服務質素不錯都叫有禮貌，但個蝦湯為大大大敗北！！湯底好大陣蝦腥味，唔知點形容，總之唔係鮮味，你會分唔出係蝦嘅腥味定係面嘅鹼水味。總之個湯就好難飲，仲要加咗咖哩呢啲咁重未嘅配搭都仲係好臭，可想而知原味有幾難飲。 半熟蛋差唔多全熟，啲豬肉口感到實到好似五香肉丁罐頭嗰啲肉丁咁...成碗拉麵唯一優點就係啲面軟硬適中，只係我唔知道佢係有鹼水味定係佢啲蝦太臭。好彩唔洗排隊食，埋單成為$78加10%中意食好腥同勁重鹼水味嘅蝦子麵果啲人可能會覺得好食！！我就真係不了🙏

今日一早起身去行山，天氣真好，旅程完結的終點站在屯門，大約三點鐘左右先來過遲來的午餐！竟然發現我致愛嘅一拉麵喺屯門區有一間！即刻行入去可能因為是平日不用排隊呀😀，一幻的蝦湯單是香味已經令人垂涎欲滴，所以我便叫了一個札幌咖喱蝦拉麵🍜而我朋友便叫了一個屯門限定板番茄蝦拉麵，當然拉麵的水準保持一貫的good 麵質幼滑又彈牙，加上我喜歡嘅配料和蝦湯，真是極之美味，吃一啖就停不了口，而蕃茄味亦都蕃茄味十足，其實拉麵最緊要係麵質，我就極之喜歡一幻的麵加上湯底濃淡適中.

之前屯市啲食肆執得 7788， 😌不過舊嘅唔去，新嘅點嚟！繼牧羊少年同將會開嘅壽司郎後，屯門牛又有口福啦！🤤北海道人氣過江龍「一幻拉麵」終於開到入屯門！講到「一幻拉麵」，除咗對佢哋 LCX 分店個180度維港景🌃念念不忘外，佢哋嘅鮮甜蝦湯底真係一流！🦐今次屯門新店仲獨家推出「北の極番茄蝦湯拉麵」𠻹！同樣用甜蝦做湯底，再加上新鮮蕃茄後，🍅就更甜更清新！當然唔少得一幻嘅招牌麵酥，脆卜卜，好開胃！冬日限定嘅札幌咖哩蝦湯拉麵湯底不但有香濃咖哩香，🍛而且稀竭適中，難得地做到惹味但唔膩，咖哩辣味溫和，就算當湯飲都唔會有飽滯感！🥒而角切叉燒、椰菜、翠玉瓜都同湯底好夾呢！小蝦甜中帶微微嘅辣🦐，椰菜爽口加上特別嘅醬汁，非常開胃！

一幻拉麵又開分店啦！今次响新界啱哂，近屋企！ 地點非常方便，响屯門市中心商場。新開張一定吸引比較多人，排隊過程尚算順利，我哋排咗差唔多40分鐘到就可以入座。新分店有限定拉麵一定要試啦～ 呢個係番茄湯底! 同蝦湯原來都幾夾wor! 仲試咗佢哋個撈麵! 呢個撈麵好好食，蝦味超級重，叉燒亦都非常嫩，最鍾意佢將叉燒切粒粒，咁就唔會次次都一大啖肉，配料亦都好充足 食拉麵一定要點埋日式餃子kyoza! 煎得剛好，好脆口！最後嗌埋招牌蝦湯拉麵~

一幻拉麵終於開到嚟大西北屯門牛終於有幸唔使出去都有好味拉麵食北海道嘅一幻拉麵出哂名要排長龍今日專登Lunch之後先去，好彩唔使排好耐.舖頭入面好闊落好舒服我哋點咗屯門新店限定二人套餐 (兩個小食兩個麵兩個嘢飲).食拉麵當然要有味筍同餃子啦所以我哋都點咗食住等麵掛住影相加上餃子d皮太薄，餃子攤凍咗少少先食不過都無阻個味道.我就點咗招牌蝦湯拉麵 (幼麵)湯頭非常香！入口順口！極重蝦味！拉麵軟硬度適中！溏心蛋唔錯，叉燒比較瘦，不過薄切唔太覺瘦唯一係正常份量係150g，少麵係75g正常又太多少麵又太少不過始終未食嘢，所以都係叫正常啦 (最後食唔哂).友人就點咗辛辣味噌蝦湯拉麵 (粗麵)我試咗一啖個湯，仲濃過我個蝦湯，好好味呀友人話粗麵都好彈牙好好食！.最後提大家一定要加麵酥紅薑天婦羅！好正架！