一幻拉麵

营业中

休息中

2月14日, 收到對方的表白. 3月14日, 是時候回贈對方的心意. 緣份這遊戲, 就是如此, 最令人心跳的時候, 就是等待對方回覆的一刻. 當然, 今天的白色情人節, 對我來說, 已經沒有這個回禮的需要, 但, 跟另一半一同浪漫一下, 沒有不好吧?白色情人奶油包 $22 CEO這天帶回來的, 是一幻拉麵的白色情人奶油包, 一聽名字, 也知道是白色情人節的東東. 慢著, 一幻好像無包吃的. 原來, 這個是聯乘八天堂的. 上次就在那裡吃過甜品, 有點印象.$22一個的白色情人奶油包, 挺鬆軟的質感, 特別之處是那白朱古力奶油, 很貼題, 很濃郁, 最重要的, 還是很甜蜜.和情人深深擁抱來代替講話, 再一起吃白色情人奶油包, 這個三月, 情是這樣美.

<一幻拉麵>-平時都會經過灣仔果間一幻拉麵今次事緣係早左落堂 有半價拉麵所以諗都冇諗就走過黎食用apps訂位 但閒日lunchtime客人不多食完大約點幾鐘都仲有空位 網上介紹圖片 見有窗邊海景位 雖然同友人二人卡座冇坐到窗邊但不時見到外面馬路貨車駛過 大煞風景 but anyway卡位有水龍頭可自助斟水 但冇留意其他位係咪都有—————————————————————-『蝦湯拉麵』🦐 - $88-同一般拉麵舖一樣用點菜紙落單 可以customize自己碗麵 🍜有拌麵同湯麵選擇 想食有湯既野所以揀左湯麵湯底可以揀原味/適量豚骨/濃厚豚骨另外口味方面就有醬油/鹽味/味噌我就揀左鹽味濃厚豚骨 友人就揀左鹽味適量豚骨碗麵有兩片不過不失既薄片叉燒 同半隻溏心蛋🥚蛋都係正正常常 冇話特別黏口定點但叉燒如果被火炙過應該會更香至於麵身就揀左幼麵 但就唔係直麵 係曲身果隻(利申：有得揀會揀硬既直麵)同友人既粗麵比 不是相差太遠湯底係拉麵既重點 蝦味夠濃 個湯都厚身鹽味湯底可以清楚咁試到湯嘅原味但濃厚豚骨配搭起就有少少過鹹相比之下 友人既選擇就唔會有呢個問題 亦不失風味另外餐廳亦有提供

白色情人節, 要送花還是送朱古力給情人? 不如來點特別一點的, 送白色情人奶油包.白色情人奶油包 $22: 8.5分, 一幻拉麵跟八天堂, 一個做蝦湯拉麵, 一個做甜品咖啡, 兩者的結合, 就成為了白色情人奶油包. 質感鬆軟, 用上白朱古力奶油, 甜美而香滑, 兩口子一人一口地分吃, 甜嗎?白色情人節, 吃一幻拉麵 x 八天堂的白色情人奶油包, 甜蜜, 其實可以很簡單.評分味道: 8.5/10環境: 8/10服務: 7/10抵食: 8.5/10推介度: 8.5/10

聽講過一幻拉麵係一間黎自北海道既出名拉麵，一直都好想去試下。呢日去到海港城，又見冇乜人等位，所以就試下。我地係門口等左幾分鐘就入得去，但可惜冇比到海景位我地😟（原來想坐海景位既話要係入座前指定左先, 然後要係門口等安排）坐低左之後我地就叫左兩種麵，香港限定既特濃蝦汁叉燒拌麵，同埋最出名既蝦湯拉麵。兩款麵既賣相都唔錯，分別就係湯麵同拌麵。兩種都有紫菜絲、溏心蛋，再加埋好特別既紅色麵酥，令個賣相更加靚同更有口感。☺️拌麵入面既就係叉燒粒，都幾香，但個麵底對我黎講就稍為有d硬；蝦湯拉麵入面就係一片片既叉燒，個湯有好香既蝦鮮味。個人黎講鐘意湯拉麵多d🤤 最值得一提既係個價錢都幾合理,兩款拉麵都係$88, 加上店鋪位於尖沙咀最熱鬧既地方，再加上咁靚既環境,都算抵食😊

又一間日本拉麵店在海港城插旗!一幻以蝦湯拉麵為主打 店面簡潔光猛 這次平日晚上來到 不用排隊就可入座~~很少在拉麵店見到有拌麵 還是香港限定的 覺得很特別所以點了 但很失望特濃和鹹其實只是一線之差 這碗就是後者 拌麵汁完全食不到蝦味 愈撈愈鹹 蓋過其他食材的味道唯一可取的是切粒叉燒 夠淋又入味湯底夠熱 麵條尚算彈牙 但一樣很失望!原味湯底以鮮蝦頭熬成 聞起有很香蝦味 湯面浮起一層厚厚的蝦油 飲落卻只有鹹味和油膩的感覺拉麵的靈魂在於湯底 麵條和配料是錦上添花 這家的湯底完全不合格 也許本身不愛食太重口味的食物 覺得整體調味偏鹹 本身很喜歡食拉麵 尤其是蝦味 但這次食到一半都忍不住放棄了 飲了幾杯水仍覺口渴 希望這間過江龍會有所改善

呢間餐廳好多人 7點幾去到已經要排隊 好彩兩個人唔洗排好耐就有得入去不過冇晒窗邊位要坐卡位麵有得簡粗麵同幼麵 我同朋友一人叫左一個 好似粗麵好食啲湯底好濃好重蝦味 好正好滿足平時食唔慣太濃味都覺得正啊 想食下次要早啲去！

今日又去左尖沙咀海港城行街, 睇水牌搵食見到G/F 「一幻拉麵」 就去試下啦! 🦐行到門口聞到一大陣蝦味, 先知原來係專食蝦湯拉麵 大約三點幾四點完全唔洗等位入座, 正! 店內燈光令我覺得好舒適, 環境都好乾淨!本身自己都鐘意食蝦湯味既拉麵, 所以拿拿聲ORDER喇🍙蝦味飯糰 ($20)完全冇特別, 只係聞到少少蝦香味, 但食落口係好淡,好失望🍜香港限定-特濃蝦汁叉燒拌麵 ($88)個汁唔會好稀同真係好濃味, 完全可以令每條麵都掛到D汁, 好好食, D叉燒好腍好入味, 加埋D蔥花同脆脆麵酥(紅薑天婦羅), 口感好豐富, 不過隻蛋就有D失望, 冇乜調味又掛唔到D汁🍜蝦湯拉麵-鹽味 ($88)因為想食到本身既蝦湯味, 所以揀左鹽味底, 的確好香好濃味, 不過食食下就覺得好咸喇, 至於呢碗既叉燒, 我就覺得一般

黎到老尖行行逛逛，真係唔知食乜好人多、選擇都多。最後決定近近地行完海港城就食「一幻」啦見到「香港限定」，你唔係唔試呀我地倆人叫左拌麵、湯麵、煎餃各一1.拌麵：非常濃郁嘅蝦味，不過叉燒粒就真係太細，冇咬口，冇乜味整體黎講叫ookk啦2.湯麵：我地叫左粗麵，有咬口、不過就仲有少少「簡」水味有待改進，湯好油，唔係好香嘅豬本身煲出黎果種，係真係好油！可能我睇錯左唔係特濃，係特油嘅關係啦3.煎餃：普通啦，不過不失咁，叫左仲認得出係餃子🥟囉，好多時其他拉麵店嘅煎餃真係不知所謂，食「水餃皇后」果啲仲好食物質素一般、但服務就冇其他日式料理餐廳/拉麵店咁殷勤囉有好大進步空間，一試就冇所謂嘅，唔特別囉

拉麵熱潮不停有新店來香港所謂排隊店都不用一個月就人潮消散,不用排了日本都相當有名氣既一幻也來了主要以蝦湯底出名,去年4月第一間分店開幕了尖沙咀再開第2店面積比較大,無敵環境食拉麵特濃蝦湯拉麵 有拉麵拌麵供應蝦湯底每日新鮮製作,鮮味濃郁,可選蝦湯底,豚骨,原味蝦湯最鮮香,想濃郁少許可選混豚骨湯鮮香蝦湯配以粗麵或幼身麵條,香港製作,有彈性爽口每碗最後再加入蝦油,非常香$88起一碗一幻拉麵地址：電話：3105 1199

入到去就聞到好香蝦味，佢有期間限定，辣味蝦湯麵，就試一試，紅薑天掃蘿碎，冇乜特別，唔覺薑味， 麵冇鹼水味，都有咬口，湯頭飲得多都有點腻口，蛋就一般正常水準鹽味湯，都重蝦味，始終佢賣點係蝦，叉燒薄薄一，到喉唔到肺

係海港城shopping完，又搵間餐廳食個晚飯，又唔想咁多食物，就決定揀 一幻 食拉麵啦～當時係大約晚上九點，無乜人，所以唔洗等就有位。坐低先發現原來得兩款麵揀，其中一款係香港獨有的 特濃蝦汁叉燒拌麵。一黎到望落以為個麵個味好淡，原來啲汁係哂最底，拌好哂其實好夠味！而且叉燒粒食食下都好多份量，好夠飽！不過奇怪的係啲拉麵麵質有啲唔似日本既拉麵味道ok! 比較淡餃子好普通，餡料比散少同散現場有得買盒拉麵返屋企自己煮～咁岩睇到年初二煙花匯演的套餐

蝦湯拉麵🦐🍜來自北海道一幻拉麵，全店只有蝦湯味一種拉麵，可㨂湯麵或拌麵。湯底可揀加入適量豬骨同濃厚豬骨，但要試真個蝦湯味，當然揀番原味啦, 口味揀了鹽味，呢個配搭先可特出蝦味，先渴下一口蝦湯，蝦味非常濃郁。每碗有三塊叉燒，半隻溏心蛋和一些麵酥（紅薑天婦羅）叉燒算是半肥瘦，粗麵非常煙韌，麵酥甘香，$88一碗，都算合理

今日小編同母親大人拜完山就去左呢度試、小編我成日都話想黎試好耐，撞ｏ岩今日落尖沙嘴就即時唸起佢。其實都唔預計會好好味，反而出乎意料地好，濃厚系friend一定喜歡，撈麵好正、麵條軟硬適中、夠惹味。母親大人既湯麵都唔錯、湯夠味唔會稀lau lau、母親試佢地既辛辣味增濃蝦湯都好欣賞。食完唔算太口喝、味精意料中事啦但都可以接受既但，d服務真心、唉～算啦。都唔好expect佢咩日本服務，唔講粗口話你真心多謝曬

今日午餐同好友去試左過江龍 一幻拉麵位於尖沙咀海運大廈的分店仲有海景的，原本我地都想坐海景位，但店員又好好心提我地因為正直中午海景位置會好曬，所以我地就坐返店內的卡位。我叫左蝦湯拉麵，以下選擇：✅濃厚豚骨湯底✅ 味噌口味✅ 幼麵條✅ 加配料： 溏心蛋✅ 有蔥個湯好濃郁，一拎黎已經聞到好香好香蝦味啦，仲有佢的麵質地剛好，我唔鍾意太淋，所以好啱我口味，因為我好喜歡食溏心蛋所以我有加配料要多份溏心蛋（加$10），他的溏心蛋好好味😋食完好飽好滿足🥰

一段時間沒去海港城，這日發現原來又新開了數間新餐廳，其中一間就是在童裝店林立的海運大廈地下層的「一幻拉麵」。一幻拉麵店裝修簡約摩登，加上大量自然光及無敵開揚海景，第一印象很好。愛吃拉麵的朋友應該對一幻不會感到陌生吧。一幻來自北海道札幌，鮮味濃郁的甜蝦湯底，一向是店方招牌主打。一幻的鮮蝦湯底分為3款: 單以鮮蝦頭熬製的原味湯底，以及加入適量豚骨和濃厚豚骨的2款蝦配豬骨湯底。而口味亦有3款選擇，由淡至濃，鹽味、醬油及味噌。我這日就選擇味噌配適量豚骨湯底，麵條之間就從幼麵及粗麵之間選了幼麵($88)。拉麵一上枱已經聞到由熱辣辣湯底傳來的誘人蝦香。每碗麵會配上半隻糖心蛋、日本叉燒肉碎、麵酥及蔥花。湯頭相當濃郁，蝦的鮮味突出，配上煙韌爽彈麵條，蝦迷表示大滿足！另外亦點來一件蝦味飯糰($20)。飯糰有不少蝦肉粒粒，質感亦好吃。朋友就決定一試尖沙嘴店特別推出的特濃蝦汁叉燒伴麵($88)。吃之前把配料與麵條撈勻，與拉麵一樣蝦味爆香，叉燒肉碎入味軟腍。我們開始時眼闊肚窄，還點來一客餃子($35)。沒想到拉麵與伴麵的份量都相當足，吃完麵後已經幾乎吃不下餃子，餃子味道其實也不錯。