一喜‧涮涮鍋

营业中

休息中

太古康怡廣場有間日式火鍋放題，好耐無食過，今日餓餓地入去試下先。裝修好簡約乾淨，店員都好好服務。蔬菜，前菜同甜品都係雪櫃獨立裝好，好衞生乾淨。任食90分鐘 （每位計埋加一大約$300）唔同時段價錢會有唔同優惠😋椰子雞白湯底 （另加$10）有雞肉同椰子片，好香椰子味，都好特別特別介紹：😋澳洲安格斯牛板腱😋特選美國choice牛肩肉😋極品美國CAB牛肩胛肉😋日本豚肉😋日本廣蠔😋墨魚仔😋海蝦平時任食日式火鍋既牛都唔係太高質，但哩度既牛同豬質素都好高，超新鮮有肉味。店員話即叫即切，所以好新鮮。仲有日本廣蠔，墨魚仔，海蝦任點。食物吧可以有好多丸類，蔬果及其他熟食食材供應，款式都比較特別，好岩我哩d愛蔬菜既人士。感覺哩個火鍋都比較健康。另外仲有多款飲品及甜品供應，真係好爽，任飲。啤酒就另加$58 任飲。只係食肉都夠抵食，如果約唔到人一齊打邊爐，哩度都係一個唔錯既選擇。⭐️⭐️⭐️⭐️（5星為滿）一喜‧涮涮鍋 (太古)太古康山道1-2號康怡廣場北座3樓T2號舖飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #香港打卡餐廳 #打卡 #日式餐廳 #香港特色餐廳推介 #吃貨 #

今次去咗太古康怡嘅一間打邊爐放題，我哋揀選左係特選美國牛肩肉眼火鍋放題🙋🏻‍♀️❤️入到去好多人，晚市時段真係好熱鬧😆我地一入去就聞到啲肉嘅香味，仲有唔同種類嘅肉俾我地揀～美國牛肩肉、美國牛五花同埋美國豚肉等等，啲肉都好新鮮，大大塊非常肥美😆😍特別係美國牛肩肉眼，肉質嫩滑，入口即化，真係好正啊！😝而且佢地嘅湯底都好濃郁，我哋揀咗椰子雞白湯，鮮甜好飲😝特別係打邊爐會食好多肉類同埋海鮮🦞有時會有少少油膩～呢個湯底清新又唔肥膩😋😋另外，出邊都有一啲小食吧，有餃子天婦羅🍤選擇都唔少😙蔬菜吧乾淨企理，亦都有多款蔬菜同埋魚蛋類嘅可以選擇！整體來講，我覺得呢一間打邊爐放題都值得一試，佢哋可以挑選嘅價錢同埋套餐好多選擇，豐儉由人，想抵又食到好多嘢不妨可以嚟睇吓🙋🏻‍♀️

今日約朋友去康怡廣場北座三樓一喜.涮涮鍋吃火鍋放題。我們揀左特選美國牛肩胛肉放題，$248一位再加一。肉類方面可以任食特選美國CHOICE牛肩肉，特選美國CAB牛肩胛肉，精選美國牛五花，美國豚肉，美國䐁五花肉和特選美國雞腿肉。肉類質素不錯，我們encore了美味的牛肩胛肉和牛肩肉多次，值回票價。湯底有9款，我們選了要加$10的椰子雞白湯，這湯底清甜滋潤，真材實料。自助的蔬菜和火鍋料選擇多，我尤其欣賞新鮮的蔬菜，今晚吃了超過十種蔬菜，菇類和根莖類，好滿足。朋友就吃了多種丸子和炸物。甜品飲品都多選擇，我特別欣賞豆腐和奶茶味雪糕，朋友就推介海鹽味雪糕。店員有禮效率佳，自助落單後火鍋料好快送上，90分鐘有足夠時間吃夠。我們都覺得滿意。下次帶爸媽來試下，凡出示長者咭/樂悠咭可享長者優惠價。

每次打邊爐都會諗起呢間，幫襯咗呢度都不下數廿次，但今次真心頂唔住，難怪我一家都話以後都唔洗再幫襯！嘢食越嚟越唔好食之外，服務態度越嚟越差，尤其門口叫飛落埋單果位，冇耐性之餘仲要冇禮貌。嘢食選擇其實唔多，只不過咁啱果啲嘢食大家都啱食，先會選擇呢度。宜家做到嘢食差，服務差，選擇唔多，價錢又唔平，相信都唔需要再幫襯呢間，同區都大把選擇！！真係終於明白到點解啲人會北上消費。消費仲要谷住條氣，洗乜幫襯你呢！

上兩次去這間涮涮鍋，每個侍應態度都十分好，耐心講解之餘，回應都迅速又有禮貌，昨天再去的時候，感覺門口的男侍應說話語氣有點不耐煩，例如他叫我先生出示長者咭，我先生拿出來想給他看，他卻一言不發，問每個問題時都以催促的語氣詢問我們。之後他帶我們入坐，坐位的位置旁邊卻放了一架放廚餘的回收車仔，我們要求換位置，那個侍應便叫我們坐裏面那張枱，說回收車子不可以放其他地方（但上次我們同様坐這張枱，侍應姐姐二話不說便把回收車推走），那我們正想轉裏面那張枱時（因為當時有一個女士在裏面那張枱整理包包，貌似剛剛到的食客）於是我們再確認是否可以轉這張枱時，那個侍應說；「叫得你坐就可以坐㗎啦！」說話大聲程度令其他客人都望過嚟，於是我便大聲說：「嗰度有個人我點知佢係咪已經坐咗個位，你嘅態度令我覺得你好冇禮貌。」之後佢又話自己笑住同我地講嘢啦，佢覺得自己好有禮貌，於是我地立即說唔食走人。其實上兩次印象都很好，食物質素都唔差，不過以後有呢個侍應的話我一定唔會再幫襯😡

放工想打邊爐，於是去咗康怡廣場嘅呢間日式火鍋店試試佢！佢有唔同價錢嘅套餐，可以有唔同級數嘅牛肉同豬肉選擇，我就揀咗$258呢個B 級嘅套餐。湯底我揀咗椰子雞白湯，湯頭有淡淡椰子香味，亦有雞肉嘅甜味，質地又滑，飲落去非常舒服、好清甜牛肩肉嘅肉味好濃，食落去可以同時食到肉同湯嘅甜味，真係幾唔錯，又夠晒大塊！出面仲有唔同嘅菜、丸類、配料、小食同飲品可以拎，夠晒豐富！唔使驚唔夠飽，仲有烏冬、公仔麵、同珍珠飯揀，任落紫菜同飯素，超正👍🏻蔬菜同小菜櫃：蔬菜都幾新鮮，有西洋菜、生菜、白菜小菜：日式墨魚同豆腐、中式麻辣魚皮、韓式泡菜，樣樣都唔錯！甜品櫃：有埋甜品真係好似食緊buffet咁飲品都有勁多款揀，想清清地解膩可以揀茶，韓國同台灣果汁都好多種真係有選擇困難症。最後食返杯雪糕收尾，係香港製造，朱古力味好食總結：肉類質素唔錯，配菜同飲品嘅選擇都幾多，價錢合理，員工服務態度都好好，絕對係回頭之選！

今日去康怡探朋友，佢請我去康怡廣場北座三樓一喜.涮涮鍋吃午市火鍋放題。我們揀左$158一位的美國牛肩肉放題，凡出示長者咭/樂悠咭可享長者優惠價$118，超值。肉類方面可以任食美國牛肩肉，美國豚肉和特選雞腿肉。肉類質素佳，落左order好快就送到。90分鐘有足夠時間享用美食。湯底有9款，我們選了加$10的椰子雞白湯，這湯底真材實料有香濃椰子味，清甜滋潤，好味，真係一試就愛上。自助的蔬菜和火鍋料例如丸子豆品都豐富，好新鮮，可以自由選擇，各適其式。甜品飲品都多選擇，我特別欣賞冲繩鹽雪糕，又滑又美味。雪條和芝士蛋糕都要試下。店員勤快友善，令顧客舒服。店座位，通風和環境都好，是聚餐好地方。涮涮鍋放題母親節有優惠，值得帶母親來開心吃火鍋。

一直非常期待嘗試一喜嘅下午茶火鍋放題。到餐廳打開手機菜單，就見到原來可以無限點牛肉雞肉豬肉，放題式一盤盤攞過嚟，非常吸引興奮。出面有好多熟食鋪喺枱面，有魚蛋豆卜墨魚丸蕃茄芝士腸菇等等，以及多款蔬菜。雖然張熟食枱唔係好大，但係已經好多選擇。我同朋友即場嗌咗兩盤牛肉、兩盤雞肉、兩盤豬肉，同時知道有幾款湯底可以揀嚟，有昆布湯底、蕃茄湯底、豬軟骨濃湯等等。我就揀咗昆布湯底，適合喜歡健康輕盈飲食的人士。三款肉類肉質還算OK，不過好多得食真係好抵，而且熟食種類好多適合一家大細。至於甜品方面，唔算出眾，不過都有幾款選擇，例如有好特別嘅豆腐味雪糕、Tiramisu味雪糕、海鹽味雪糕，都有木糠布甸等等，都適合大家食完飯過吓口，唔使去第二度搵糖水。飲品方面，成個雪櫃都有林林總總嘅飲品選擇，例如有提子玉露、樽裝西柚味梳打水、罐裝冬瓜茶等等，非常豐富。整體用餐體驗不錯，大家不妨試試超值的一喜火鍋下午茶。

自從上次打邊爐食病咗之後，有段時間都唔敢再食，咁啱同朋友行開呢頭見到呢間睇落又唔錯，朋友之前食過又推介，所以決定俾個機會佢😂我同我朋友叫咗個放題任食牛肩胛套餐，最正係佢個湯底：骨膠原美顏玫瑰花膠雞白湯。講到除咗牛肩胛限定之外，有好多熟食可以就咁攞，佢哋嘅肥牛非常新鮮入口即溶，仲有得叫花膠，啲花膠爽口彈牙食落感覺到非常新鮮，而且好厚身係誠意之作，非常好味。嗰度啲熟食我最鍾意食就係炸帶子，所有都新鮮出爐熱辣辣，非常之脆口，所以我食咗好多粒，仲有煎餃子，食落又去咗日本嘅感覺😂仲有嗰度嘅汽水任飲，仲有我最喜愛飲嘅蘆薈汁😎整體嚟講感覺唔錯😎呢間外觀新淨，而且地點就腳，食物種類繁多，而且質素甚高，值得推薦。#一喜

在太古開工，就在附近(一喜·涮涮鍋)開餐店舖裝潢寬敞，店內整潔衛生，採用一人一鍋更加衛生，店員也很有禮，有需要時為客人添湯👍湯底嗌咗美颜玫瑰花膠骨膠原白湯~白色湯底添上幾朵紅玫瑰增添美感，湯頭味道不太濃厚，清淡中帶鮮甜❣️美國牛肩肉放題💥美國牛肩肉肉質擁有豐富的肉香，口感鮮嫩多汁，入口即化💥美國豚肉肉質鮮嫩juicy。帶有微妙的甜味，口感更加順滑。💥特選雞腿肉肉質鮮嫩多汁，帶有濃郁的雞肉香氣，令人回味無窮。❣️飲品區飲品款式多元化，一定選到心水飲品❣️凍櫃keep住蔬菜新鮮翠綠，令客人食得放心❣️肉丸區款款新鮮爽脆彈牙❣️甜品/雪糕區💥甜品精緻美觀😋，甜度適中💥雪糕、雪條採用made in HK，我們要❤️HK，更加要支要持香港

呢間「一喜·涮涮鍋」餐廳位於康怡商場裡面，連接地鐵站B出口，可以話係非常方便。呢度嘅檯與檯之間唔會太窄，坐得幾舒服嘅！呢度嘅菇類、丸類、小食都係喺出面同任攞，擺得好整齊企理。值得一讚係佢哋啲蔬菜係一兜兜擺喺雪櫃，既衛生又新鮮！我同朋友都係牛魔王，我地一致覺得「美國CAB 牛肩肉」同牛小排都好新鮮，牛肉同脂肪比例唔錯，相當好好食！我地encore左好幾碟。湯底選擇有辣有唔辣！甜品有個專門嘅甜品雪櫃，啲泡芙、蛋糕仔、布甸都唔會太甜，幾好味！雪糕櫃裡面除左有明治雪條任食，更加有Cocoberry嘅特色口味雪糕，例如海鹽味雪糕，正呀！

朋友搬咗去太古城住，早排約佢在康怡廣場飲茶，見到隔離有間日式自助火鍋，今晚就約左朋友試下，今晚係平日既星期一，唔駛特別等位。我哋點咗呢個90分鐘任食，坐低無耐就上左火鍋湯底。骨膠原美顏玫瑰花膠雞白湯，好神奇，真係有朵冰花一開始在個鍋度，當然隨住時間&温度增加就慢慢溶化於湯底當中。當然唔少得牛肉，有牛肩甲肉，牛五花肉，牛脊肉等既選擇，豚肉都有豚五花肉、豚腩肉，又有雞肉，墨魚仔、青口，出面自助區有得攞蔬菜、丸類同埋其他火鍋餸，同埋嘢飲、甜品雪糕、自助調料醬料。肉類都係間隔間肥瘦，值得一提嘅係我倆都覺得呢間溫泉蛋好好食，所以前後點左四隻黎食🙈🙈最後結帳兩個人淨付$568，諗番而家香港出去閑閑地出去打邊爐，都要$2xx-3xx 一個人，仲要唔係任食，所以我們今次揀任食涮涮鍋😌😌

係太古站想搵平小小既野食 … 過去康怡商場都係一個好既選擇！ -星期一至四 成人 7點前特選美國牛;肩胛肉放題$248. 算係平啦！ 一於試試佢！ 入座後 即刻要執混醬啦！我地揀左骨膠原美顏玫瑰花膠雞白湯真係有一朵玫瑰花既湯料係鍋裡面 好特別湯底仲有小小玫瑰花香味！ 幾有特色. 環境乾淨 企理牛唔會係好肥… 有牛既香味. 我地個餐仲有小量海鮮揀除左牛同海鮮， 出面仲有唔小選擇！菜就另外係雪櫃裡面 ～ 個樣都好新鮮唔想淨係打邊爐 仲有炸物食！

今日放 lunch同咗同事去食邊爐放題，呢間好抵食，好高質，選擇都好多！！湯底揀咗麻辣鴨血湯，勁香鴨血味！啲湯都偏辣，啱晒我哋啲無辣不歡人仕！仲有，啲鴨血索咗汁同湯，一咬就bit汁，好好食，不過小心辣口🤣🤣啲牛嘅顏色好靚，勁鮮，淥幾秒就上碟就最正，啲湯掛住喺牛到，完全唔點豉油或其他醬汁都冇問題！放題區都超多選擇！啲菜一兜兜咁任拎！仲有一啲係任夾。蔬菜類整體嚟講都新鮮，餐廳都保鮮得好好。仲有好多丸類選擇，個人最鐘意花枝丸，啲蒜味好香好濃！甜品區有啲mini cake, mini cup甜品，同埋好多泡芙！最開心係佢有CocoBerry, 食咗好多杯，超滿足！

一人一鍋👏🏼一喜‧涮涮鍋 🥰位於太古康怡廣場北座3樓😁湯底有九款揀，其中四款要加$10… 我揀咗（骨膠原美顏玫瑰花膠雞白湯）湯底濃郁有少許玫瑰花嘅香，味道不錯😁😁午市套餐豐儉由人有$108至$238…….牛肩胛肉放題…肉質唔錯好新鮮…就算美國豬豚肉同埋特選雞腿肉肉質也唔差！自助區放題都有很多多款選擇，而且質量不錯……..甜品亦有不少選擇🤣…..雪糕也有不少選擇😆😆$158都算幾低👍