影片
以上资料只供参考，请与餐厅确认详情
呢个铺位之前都系做任食火锅有一段时间无黎康怡啦！原来铺头已经转左另一个名同好多任食火锅一样，呢度既蔬菜丸类都系放系出面大家可以help yourself蔬菜🥬类都系差唔多既选择：莴笋、西兰花、莲藕、芽菜比较特别既系有豆苗（见到周围既台都好多人攞 😂）墨鱼丸、贡丸、芝士肠呢啲就唔少得架啦！我叫既系寿喜锅，跟一只蛋 🥚只蛋无特别标明来源，但系我唔理啦～照样生食 😄因为寿喜烧既牛肉，我觉得一定系要用生鸡蛋蘸先好食 😋呢个安格斯牛板腱餐$305，里面有三款牛肉超级超级钟意食牛肉既我，一定系叫齐三款 ✌️以呢个价钱黎讲，啲牛肉既质素绝对系令我喜出望外既 ❤️如图所见，啲牛肉既雪花好均匀，颜色亦睇得出新鲜度放入寿喜烧汤底煮5秒左右夹起刚刚好 🔥牛肉好香好易咬，油分好够既关系所以好软熟，一啲都唔鞋口赞赞赞👍呢个餐仲有得任食日本蚝 🦪啲蚝既size中等，煮左之后又无缩水㖞！我一个人食，前前后后都好似食左5只左右 😂最后唔可以放过甜品架啦 🍮但系由于我食晒上面讲既三碟牛肉个肚已经无空间再放更多蛋糕类食物因此我去左攞雪糕 🍦除左呢啲杯装雪糕之外，佢仲有雪糕机竟然比我发现到呢只焦糖饼干味既雪糕 🍪好味到呢！！！！！佢系集合云呢拿、饼干碎同焦糖酱于一身唔会有焦糖味既死甜希望下次再黎都会遇得返呢只味 🥹
继续阅读
今日去咗太古城Shopping 顺便跟朋友吃Lunch ……朋友话打边炉，就去咗位于康怡广场3楼嘅「一喜‧涮涮锅」 麻辣鸭血汤，汤底好香浓，个鸭血亦都好烟靭韧口感不错。另外一个清清地是五指毛桃鸡汤，汤底甜甜地渌菜也不错😂😂安格斯牛板腱，牛味香浓👍😚牛肩胛，鸡腿肉也好鲜嫩….除咗肉类还有海鲜也不差⋯⋯广岛蚝大只不错！海虾鲜甜！特别推介是鱿鱼丸…有鲜味爽口弹牙！蔬菜也够新鲜，甜品也有不少选择🤭🤭
继续阅读
想食大餐又怕肥，所以叫左澳洲安格斯牛板腱餐，低脂又高蛋白质！😋另外呢个餐仲可以任叫美国牛肩肉，牛肩胛肉鸡腿肉同日本豚肉，够晒丰富！🤭选左椰子鸡汤，奶白浓郁！丸类嘅选择都几多，比较特别嘅系香芋鱼丸，鱼丸好弹牙，有一粒粒嘅芋头好特别又有口感～鱿鱼丸有鲜味，鱿鱼粒爽口～猪肚丸都系出面比较少见～另外海鲜都可以任叫，海虾好弹牙🦞青口大大粒，肉质饱满！安格斯牛板腱，油花分布平均，牛味香浓，即使脂肪比较少，但肉质都好嫩滑！其他蔬菜配料都有几多选择！大推西洋菜，好鲜甜！甜品当然唔少得雪糕，呢度主推香港制造嘅雪糕有冲绳盐味，玄米茶味同港式奶茶味，细细杯咁可以试多啲唔同嘅味，冲绳盐比较特别，食落咸咸地又甜甜地咁！👍服务态度几好，会主动问手我哋要唔要加汤👍
继续阅读
今日同朋友去咗太古城呢一区揾啲嘢食咁啱而家天气咁冻，我哋就想揾啲暖笠笠嘅嘢食，打边炉当然都系一个非常好嘅选择！呢一区打边炉选择真系唔多，呢一间餐厅我哋之前都冇去过，所以就决定去试吓，睇返佢价钱都唔系太贵，而且呢一个天气打边炉，简直就系啱晒！😍牛肉嘅质素几高绝对唔系出边平价货，而且叫嘅份量，你叫几多比几多！绝对冇漏单嘅情况出现，牛肉质素非常好，而且几秒就可以食，油花分布唔错，我同朋友都非常钟意！😍另外自助区都有好多唔同嘅嘢食，有好多唔同嘅丸同埋蔬菜，另外有惊喜嘅系佢有陈皮鱼蛋. 绝对系童年嘅回忆，而且味道非常好食！细细粒又唔会话太饱我都食咗起码五粒以上！蔬菜嘅种类非常多，而且亦都新鲜，净系食自助区都回本！选择真系非常多，呢个系值得加分！😍钟意食海鲜嘅朋友真系不能够错过，佢仲有日本嘅生蚝，当然要熟食！呢个位我同朋友叫咗起码五只以上！每一只都非常饱满同埋creamy! 出边都好少有自助餐会提供呢一类型咁大只size ！！我同朋友非常满意！而且亦都有新鲜嘅海虾！爽口新鲜！任叫任食呢一个位亦都系非常抵嘅一个位置！😍点少得食雪糕？雪糕都有好多种唔同嘅花款，令到我哋食到捧住个肚走！非常满意！整体嚟讲我哋都觉得系合格以上嘅餐厅，另外服务员嘅质素亦都非常好，有问必答，下次去太古嘅时候都会再次帮衬！
继续阅读
我哋系平日夜晚大约7:45入座，知道有限时90分钟，到9点左右侍应已通知我哋就快够钟，当时我哋已经食饱，只系坐度倾计，跟手问下餐厅收几点，佢话9点半，见重有几个字都收工，咪谂住坐到够钟走啰，其实当晚有好多吉枱，唔觉会阻佢哋做生意，到9点7左右，有个讲唔咸唔淡广东话嘅肥女人走埋嚟，好冇礼貌一野就话：你哋已经坐咗好耐，(心谂都系坐多几个字者)，同佢讲又冇攞野食，倾多阵计者，佢话我哋已经坐咗两个几钟啦，过哂时间，唔可以咁样，要即刻走，其实你哋都收工啦，唔使咁赶客呀？就算叫人走，都唔系咁态度，要有礼貌啰，再者重有其他客人未走，都唔明点解个脑唔识转弯，要赶人走都要睇情况，座无虚席多人等位，你唔叫我够钟都会即刻自动走人，咁样帮老板赶客，d野好唔好食除外，但有个咁嘅员工，下次唔会再帮衬啰。
继续阅读