一喜‧拉麺

营业中

休息中

💛一喜·拉麵💛同朋友放工去石門食飯~心郁郁想食拉麵，一出地鐵站行30秒左右就見到間拉麵店，環境舒服光猛，價錢合理，食物圖片都好吸引，就行入去試下~想唔到食物質素唔錯，仲要無收加一，依家真係買少見少!!😆😆😆❇️九州風豬軟骨濃厚醬油豚骨湯拉麵🍜🐷🐷我簡咗濃味湯底~湯底充滿骨膠同濃濃嘅豬骨味🤤🤤豬軟骨嘅份量好巨型，比我手掌仲要大!🫲豬軟骨煮到好淋~輕輕夾一下D肉就可以分開，但並唔係煮過龍，口感適中!本來我好糾結拉麵要咩硬度，有D拉麵店普通都好硬，今次我選普通，非常理想，唔太硬唔太軟!仲掛到D湯~🤙🤙❇️博多豚骨湯拉麵🍜🐷呢個拉麵嘅湯底同豬軟骨濃厚醬油豚骨湯底唔同，呢碗肉味出D~佢有兩大塊炭燒叉燒係面，叉燒有甜嘅醬汁係面，再用火槍燒，油香味出曬黎，食落仲入口即溶!!❇️+ 加$30 追加腹滿套餐 (小食 1 款+飲品 1 款)我地叫咗炸雞塊，雞塊份量都好足，有3件好大件~1件炸得剛剛好，咬落仲有雞汁滴出黎，但有2件就炸得有D乾身😄我地仲叫咗枝茶🍵

突然想食拉麵，就試一試佢。舖面簡約光猛寬敞。環境風味欠奉，但係整到日本拉麵店格局就一定回唔到本，所以不完美可接受。一碗正常拉麵$79 應該係市價甚至偏平，嫌貴去食雲吞麵適合啲。試咗醬油叉燒拉麵加天婦羅雞翼。湯底： 夠晒熱。味道淡麗，飲晒成碗唔覺死鹹拉麵 ： 幼麵，冇驚喜冇失望叉燒： 偏肥但係燒得夠焦香冇油膩感，有肉羶味但可接受溏心蛋： 真溏心嘅，夠味，冇醃過龍配料： 葱花同木耳絲，冇特別雞翼： 全隻去骨，炸得酥脆，充滿誠意整體黎講係中上之選，性價比高。呢度有雞白湯雞叉燒，怕豚叉燒肥可以試下。小食加唔加就豐儉由人，抵就唔算，不過值嘅有人話呢間係麵道復活。畢竟麵道都冇咗半年，味道已經唔記得 比較唔到。

醬油拉麵嘅秘密就係師傅自己獨製嘅蔥油！好少可以喺拉麵店食到蔥油嘅拉麵。一上枱就已經有好香嘅蔥油味，第一啖飲湯嘅時候唔會好油，但就已經有好香嘅蔥味喺口腔。加埋炭燒叉燒，掛住啲蔥油，成碗食完仲可以飲埋啲湯！期間限定，慢煮鴨胸拉麵，佢嘅鴨胸煮得好淋，鴨皮嘅油脂好香，油脂滲落湯底，令湯底多咗份鴨油香味。餃子大大粒，啲餡料夠多汁，再點埋餃子汁都幾好食。炸雞翼好juicy，肉質好多汁，包裹住佢嘅外層好脆，調味啱啱好。套餐仲有2枝日本茶。

之前都有同大家介紹過喺石門嘅一間高質拉麵，但好可惜佢而家已經執咗🥲不過今次又喺石門發掘到一間好高質嘅拉麵，每碗拉麵加$30就可以升級到滿腹套餐，跟一款小食同飲品，感覺好抵！醬油清湯叉燒拉麵 $79呢款係期間限定😆平時食醬油拉麵都好驚會太鹹，但呢度嘅醬油湯底調味適中，味道清甜😋叉燒特別出色，有兩塊大大塊、煎香過嘅叉燒，肥瘦相間，入口即溶😍😍另外糖心蛋都煮得啱啱好，食到蛋黃流心嘅效果，好高質！博多雞白湯拉麵 + 溏心蛋 $79+$6另外亦都嗌咗我平時食拉麵最鍾意嘅雞白湯😆呢度嘅雞白湯同樣好高質，湯底質地比較厚身，雞味好濃郁嘅同時唔會油膩，最後忍唔住飲曬😍😍雞白湯拉麵跟嘅會係雞叉燒，雞叉燒同樣好大塊，肉質滑嫩，一啲都唔鞋。因為呢碗拉麵附設洋蔥同埋筍，所以食到中間都可以轉換下口味，唔使驚太寡，非常出色😋天婦羅無骨雞翼（滿腹套餐） +$30齋睇賣相就知一定好食，雞翼好大隻，外層炸得好酥脆，炸粉亦夠薄，內層嘅機翼肉質滑嫩，仲好juicy，大推！！珍寶炸帶子（滿腹套餐） +30有三隻帶子，size都唔細，帶子炸得金黃酥脆，炸物點蛋黃醬食一定冇得輸👍🏻

每次經過石門站，都會見到呢間拉麵店。今晚唔想食飯，咁就不如食呢間拉麵啦。餐廳位置非常方便，環境乾淨整齊。餐牌有好幾款拉麵選擇，另外仲有小食同飲品。腹滿套餐就比較抵，任何一款拉麵再加$30就包埋小食同飲品。醬油清湯叉燒拉麵：期間限定拉麵，醬油湯底清甜，清爽，唔會覺得好膩。調味亦剛好，唔會話好鹹。叉燒大大塊煎過夠香，旁邊木耳爽口，仲有半隻糖心蛋，加埋蔥花同芝麻就更加香，整體唔錯，有驚喜。辣肉味噌豚骨湯拉麵：叉燒有兩大塊，同樣係煎香過。呢款拉麵係一隻糖心蛋，咬開中間流心剛好，處理得幾好。湯底味道好濃，帶少少辣，拉麵都幾吸汁，幾好食。羽根燒餃子：外皮燒得夠焦香，裡面係豬肉同椰菜，點埋餃子汁仲好味。芝士天婦羅無骨雞翼：雞翼鋪滿芝士，仲可以拉絲，正! 外皮炸得好香，咬落去係脆，肉嫩，夠juicy。我最鐘意佢無骨，啱晒我D懶人。飲品：信州蘋果梳打蘋果味香，果汁味重。靜岡綠茶可樂幾特別，綠茶味可樂又幾好飲。

收工時間同朋友去咗石門食新開嘅拉麵店店內座位寬闊光猛，見到有呢個期間限定拉麵，辣味味噌豚骨湯拉麵同埋煙鴨胸拉麵 ，就決定試吓。另外,加$30有小食同飲品套餐，小食選擇有炸無骨雞翼、炸帶子同餃子，選左雞翼同煎餃子。先來鴨胸拉麵有4塊燒過的鴨胸、紫菜同埋筍做配料面質彈牙，拉麵掛汁，鴨胸燒過幾香。另外友人的辣味噌豚骨湯拉麵，味增辣香惹味入面有肉碎粒，配埋豚骨湯底好夾，豚肉叉燒燒過好香，跟餐的小食炸得香口，小店冇收加一服務費，埋單兩個人$230，價錢合理，會列入開飯清單。😋

🍜【 一喜‧拉麺 】 🍜⋄ —————⧫♟⧫————— ⋄而家石門真係好多嘢食，連日式拉麵都有，今日專程來試試地鐵站出口一出即達嘅「一喜‧拉麺」🤗因為鍾意食辣，毫不猶豫揀咗「辣肉味噌豚骨湯拉麵」🌶️ 以豚骨湯為基調，配搭辣肉味噌醬，佐以新鮮蔥花，湯底富濃郁辛香而不嗆喉，仲十分濃稠，令人直呼過癮🥰唔好睇佢小小一碗，麵嘅份量都幾多，選用幼麵，非常掛汁🍜糖心蛋有一隻，流心效果做得唔錯🐣叉燒有兩片，燒得香氣撲鼻👍🏻加$30 追加「腹滿套餐」，仲可以揀小食同飲品✨店員推介「天婦羅無骨雞翼」，炸得外脆內軟，表皮酥脆，內裏juicy💦認真唔錯🍗由於太飽，樽裝烏龍茶我就拎返屋企先飲😂整體嚟講都幾推介呢間拉麵店，價錢合理，店員服務態度又好，最重要係食物有誠意、有水準，下次一定會再嚟❤️⋄ ┄ ┄ ┄ ┄ ❖ ┄ ┄ ┄ ┄ ⋄🌶️辣肉味噌豚骨湯拉麵🐖（$85)追加腹滿套餐(+$30)小食 1 款：天婦羅無骨雞翼飲品 1 款：樽裝烏龍茶⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：一喜‧拉麺 (石門）沙田石門安群街3號京瑞廣場1期地下G18號舗⋄🔥更多同區美食👉🏻 #ccrreami石門⋄⋄⋄#hkig

每次經開都見到不少食客趁今晚凍凍地食碗拉麵暖下身先😚醬油清湯义燒拉麵$79個湯清清地甜甜地有兩塊大义燒份量十足辣肉味噌湯拉麵$85個辣肉味噌湯唔錯👍兩個拉麵加$30可以轉set有幾款小食同飲品可以選擇小食一：天婦羅無骨雞翼小食二：唐揚炸雞真係啖啖肉飲品方面我哋叫咗可樂如果唔好甜，還有烏龍茶、綠茶呢啲選擇！食完呢個dinner set好飽餐廳仲有其他拉麵提供拉麵可揀軟硬不同的程度價錢都好合理值得一提的是餐廳上菜速度快👍員工亦好有禮貌☺️Service好好我哋食完果陣餐廳員工會主動門我哋食物味道如何，感覺係一間用心經營的小店😊重視客人的食後感👍👍👍店舖位於石門地鐵站出口附近非常之方便值得支持的小店

石門一向多美食，一出地鐵站經過見到呢間拉麵小店，就決定試下！☺️🌟醬油清湯叉燒拉麵（$79）醬油清湯湯底十分鮮美，帶清甜味道，醬油風味濃郁深厚🍜湯頭口感清爽，完全唔會感到油膩，怕肥嘅女士完全可以放心叉燒肉肉質鮮嫩，入口即化🐷溏心蛋完美呈現流心狀態，蛋香十足🥚麵條軟硬度適中，蔥嘅香氣同木耳絲嘅口感為成碗拉麵增添豐富嘅層次感🥰我加多＄30升級做「滿腹套餐」，包埋飲品同一款小食🤤小食揀左珍寶炸帶子，外層炸得金黃酥脆，內部帶子肉鮮嫩多汁拉麵店係自然簡約嘅木系風格，清新舒服而店員有禮貌又細心，會詳細為客人介紹餐點👍🏻大家經過不妨一試

今天很想吃拉麵就說近近的買回家吃點了兩份雞白湯拉麵加錢要了糖心蛋我弟那份只有半隻😡要雞叉燒給了豬叉燒不會有下次的了！！！而且那些湯沒有包裝好，有點點漏了出來餐具有點瑕疵應該不會再吃啦兩份是：雞白湯拉麵雞叉燒+溏心蛋很多蔥，好吃的不太想吃豬叉燒的人可能會接受不了糖心蛋一般正常裏面的荀乾也不差總共大約3/5分

平時冇乜寫食評，今日忍唔住。。。太嬲叫雞白湯拉麵外賣加隻溏心蛋我同細佬叫嘅一樣我細佬得半隻溏心蛋要雞叉燒俾普通叉燒漏哂單筷子又有裂痕，唔用得一隻字～差唔會再食，大家小心

香港比較少有嘅鴨胸拉麵，估唔到而家香港石門都有得食。 $85 一碗拉麵，份量材料，賣相吸引，同埋位置都幾方便，喺石門站A出口行幾步就有得食🤣今次叫咗鴨胸拉麵同埋醬油清湯叉燒拉麵醬油清湯叉燒拉麵 $79 ，大大碗，幾抵食，湯底清新鮮甜。叉燒肥瘦適中，juicy!相反鴨胸拉麵湯底 $89就比較濃郁， 鴨胸厚實，鴨胸偏瘦，但係肉質嫩滑。追加 滿腹套餐只需要加$30，就可以選擇一款小食同一款飲品，小食有得揀無骨炸雞翼，啱晒我哋啲懶人唔想咬骨😆同款一個飲品，飲品選擇多，唔鍾意飲甜嘢，可以揀綠茶烏龍茶胃口少嘅人仲可以揀輕盈拉麵套餐$68 （ 輕盈拉麵+小食+飲品） 整體嚟講係比較抵食嘅拉麵店，百幾蚊一個人就可以有飲品小食拉麵。

收工返屋企女朋友話好肚餓。石門站一出見到一間新開嘅拉麵店好方便，見到佢係新開而且又新裝修，店舖好光猛。就入咗去食呢間一喜。拉麵店我叫咗碗特盛叉燒味玉伊勢海老豚骨。女朋友就叫左特盛叉燒味玉豚骨。兩碗拉麵都好有驚喜， 拉麵另外最主要一定要飲個湯，濃濃既豚骨湯店員話個湯底用咗大量嘅豬骨去熬製十個鐘頭，所以嘗試第一啖嘅湯就會嘗試到當中嘅鮮甜，其後就會試到佢既濃。味濃另外我叫咗海老豚骨，當蝦油加咗入豚骨湯裏面令到個湯底即刻提鮮十倍。叉燒厚薄度適中，唔會話太過肥。另外我哋仲嗌咗兩款小食：羽根餃子，珍寶炸帶子。餃子裏面餡料充足飽滿，而且煎嘅火侯啱啱好，咬開仲有好多既肉汁漏出嚟。珍寶炸帶子，炸既時間剛剛好，外脆內軟，而且帶子重要十分鮮甜。整體呢間拉麵店食物嘅質素到裝修樓面都十分好，極力推薦身邊嘅朋友試下

「一喜。拉麵」位於石門京瑞廣場，一出石門站就即刻見到，位置當眼易搵，小店應該係剛新開不久，無論裝潢定家具都十分新淨👍🏻「一喜。拉麵」提供多款拉麵選擇，豚骨、雞白湯定海鮮海老湯頭都有齊，仲不定時會推出期間限定口味添😆晚市時間仲可以加$30升級做套餐連小食同飲品。伊勢海老豚骨拉麵🍜一上台已經聞到濃濃嘅蝦湯味，香濃嘅味道原來係來自自家製嘅蝦油😆😆豚骨湯頭超級濃郁，飲落個口仲會有少少「張」住咁，日式叉燒大大片經炭烤後油脂香氣更突出👍🏻拉麵底仲可以揀太麵或細麵，湯頭濃度、麵嘅軟硬度都可以自選😚辣肉味噌豚骨湯拉麵🔥期間限定款，喜歡濃湯底嘅你就一定要試下啦，自家秘製辣肉味噌一定要試，可以先試原味湯頭跟住再加味噌，有少少似日式擔擔麵咁，拉麵本身已經跟咗味玉，溏心蛋勁流心，食個陣要小心呀😆天婦羅無骨雞翼🍗店長大推都試下，雞全翼已經起咗骨，再用自家製醃料調味，有別於一般嘅炸雞翼，哩到用咗日式天婦羅方式烹製，調味剛好唔需要再外加醬料，上台時亦已預先剪成細件方便分享羽根燒餃子🥟一客三件，想煎靚餃子都好考功夫，餃子唔穿之餘個式仲係脆身嘅🤭PS 無論係店長定店員嘅服裝都相當到位，會主動問客人需要凍水定熱水，亦會主

呢間小店裝修光猛，有好多款拉麵可以揀。呢度可以自行揀麵質同湯嘅濃淡度，可以按照自己嘅口味調整，真係好貼心～～我哋揀咗慢煮煙鴨胸拉麵$85。煙鴨胸經過慢煮，肉質嫩滑，有火炙香。麵質幼質爽口。加$30有滿腹套餐，套餐包括一份小食同一杯飲品。揀咗餃子🥟同玉泉忌廉。餃子煎得好香脆。另外有博多豚骨湯拉麵$79。湯底用博多豚骨熬製，味道濃郁。同樣都加咗滿腹套餐，揀咗珍寶炸帶子同綠茶，珍寶炸帶子夠大粒香脆～～