一品雞煲火鍋

营业中

休息中

漏單所以白等30分鐘，待應只係5至6次叫我哋order 象拔蚌。棘味蓋過鮮味，所以唔order。待應在雞未熟巳筴俾我哋，生嘅，又有血，所以我哋請該位待應俾我哋煮熟先食。鯇魚肉'梅'，hoagarden 啤酒杯冇雪凍，暖啤一杯。四個人輕食，點咗牛肉、菜，烏冬、大蜆、一隻雞煲，鯇魚，響玲、魚滑同雙拼丸，900+埋單。都係荃灣分店有水準。

今日一心想食雞煲,一行6人去紅磡一品,點知門口七靚姐話係碼等兩個鍾.係我地失望之際,靚姐話土爪灣開左間分店幾日,可以留張枱俾地,我第一時間問清楚係唔係一樣味先佢話保證一樣,見都唔係好遠,立即的士去!!去到門口見到無人等位,心諗新開張D人唔知所以先留到枱俾我地.點知去到下面(因係地庫)全埸滿晒,.經理話最後一張枱留左俾我地,真係多謝晒紅磡靚姐~~~~去到有三大驚喜俾到我地.1.地方超大,真係好大.....,唔知以為去左酒樓.坐得好舒服.服務都好好2.有HOEGARRDEN飲!!雞煲配佢一流3.$26大杯凍檸茶,超抵飲.講緊係用HOEGARRDEN隻杯上俾我地!!正而雞煲味道同其他野食就完全一樣,呢度坐得舒服好多,食食下仲有電視睇添!! 我諗呢度係我食雞煲第一選擇囉!!!

知道一品開左新分店,鍾情雞煲既我叫左三個人去試一試....去到既感覺係:嘩.......洗唔洗咁大呀.....對起之前果兩間真係無得比,坐得非常舒服!!! 唔等咁多,即刻開飯先來一隻雞煲,中辣,味道一樣!!!正!!! 滑滑嘟嘟呢食晒啲雞後加湯打邊爐,今次醒啦我地,叫左個雞汁保住D辣味道!!手切肥牛,肉紋脂肪分佈均衡日本烏冬,非食不可, 我地一行三人每要了一碟,一流今次點了不太索油的粟米和九菜花,粟米好好好甜!!墨魚滑,蝦滑,烏冬,炸腐皮又係必叫, 因為好好味!今次仲試左個牛肉滑,意外地咁好!!鮮牛肉,雞子,豬潤,貢丸都好正常, 依家出面d貢丸已經好難食!豬皮,豬紅,魚皮餃,四寶丸都係正常野 仲有呢間大杯裝凍檸茶$26,但係好好好好大杯,叫完唔洗叫其他野飲, 個Friend就叫左Hoegaarden~~~走果時仲見到有幾間VIP房,問左D姐姐係可以訂,我決定下次吹雞訂間房同D Friend 食!!mad: