一品雞煲火鍋

营业中

休息中

中同聚會，最適合吃雞煲！點了一隻雞，小辣。煮了差不多十五分鐘雞肉還未熟透，咬開肉質還是透明，要再煮久一點。本地手切肥牛價錢不菲，一分錢 一分貨，牛味很濃，肉質很實在。另外一隻雪花肥牛有一半以上都是肥膏，價錢比手切肥牛便宜一半，味道當然也差得遠。手打丸很彈牙，最愛墨魚丸。火鍋必吃凍豆腐，吸盡湯汁的精華，不用點醬料亦夠味。墨魚滑及鯪魚滑也是必吃，不會很膠，吃得出真材實料。友人最愛鯇魚腩，肉質彈牙加上滿滿的魚油，齒頰留香。響鈴及魚皮味道還好，不算很脆。

夏天食雞煲好鬼怕熱氣，但係都忍唔到口想試吓～ 於是揀咗一定有位嘅土瓜灣一品雞煲，呢度咁大就算要等都唔使等好耐～牛雜雞煲第一次試咋真係咩都有啲，叫咗一隻雞，大大隻，4個人都食咗好耐先至食得哂試過好都間雞煲，呢間嘅口味都算幾啱我，好足香料，麻麻辣辣咁，香味足～ 因為有人唔辣得，可以另配個醬，又幾好喎～ 自家制響鈴大大條，點一點即食～ 吸哂雞煲嘅汁，超濃味加拿大肥牛淥一淥就食得，入口即溶，有牛油香味～ 糖心皮蛋有酸薑係底，夾埋皮蛋食皮蛋係流心架～酸薑唔算辣，偏甜，好開胃，我鐘意呀～

一路其實都有間中幫襯開，長期都多人用餐既呢間雞煲。食左都好幾年，味道質素一直都keep到，不過最近又加左少少價😢不過好食還是會再幫襯的。講返個雞煲～通常都係叫原味*麻辣秘製雞煲*（中辣），辣度剛剛好，夠辣又唔係死辣個隻，雞煲醬汁惹味香濃，乾身雞煲做得真心唔錯。雞煲上枱稍滾一陣，再兜一兜就可以食喇。雞肉好嫩滑👍🏻半隻兩個人食岩岩好的。*本地手切牛*$150都係必叫牛肉唔係薄切切，淥一淥好香牛味又滑。*韮菜餃*$38無咩肉多韮菜既韮菜餃，但餡多新鮮又香，煮熟餃子皮少少煙un有口感。*牛筋丸*牛味重，爽口彈牙，唯獨本人嫌牛丸好易痴牙😂*雲耳*大大片，幾新鮮的～今日兩丁友食，叫野唔多，下次再食，希望質素依然保持💪🏼💪🏼

由只有荃灣店時已經好鍾情一品雞煲，不經不覺已開到旺角、紅磡同土瓜灣都有分店。由於一品一直是雞煲的名牌，所以老媽子生日再同全家8口再享受「全港最好食的雞煲」！今次是第一次來土瓜灣店！無他，只他分店星期五六日都只接受10人以上訂枱，唯獨土瓜灣地方大而且人流相對較少。這裏的雞煲一直是都這麼香口惹味，由一行落樓梯已重拾這份一品獨有香味。一直以來，除了雞本身夠吸引外，一品的手切牛肉、響鈴、手打丸類都值得大力推介，今次都沒有例外。土瓜灣店比其他幾間出色的，肯定是位置寬敞，枱與枱之間有足夠空間，坐得很舒服。適逢世界盃舉行，這裏亦有足球比賽直播，食物美味之餘亦有不錯的娛樂節目。不過唯一要負評的是，今晚全場爆滿，似乎店內在周末要增加人手，才能應付客人的服務需求！

經過土瓜灣…見到一品個招牌…寫住旗艦店…就入去試下舖頭係地牢…都真係幾大有卡位坐…最正係有個獨立電視…係張張卡位都有…真係有旗艦店既感覺梗係要叫返個麻辣雞煲(一隻)…因為算夜去食人唔多…呀姐好好心機咁搞個雞煲等佢唔好燶或者痴底雞當然一樣一向一品既雞煲味…洋蔥入晒味打邊爐唔少得肥牛…手切肥牛厚度適中…咬落有口感唔會薄chic chic…又唔會太肥太多肥膏響玲加埋雞煲湯底絕配地方夠大…卡位都幾好坐…相信旺既鐘數應該都唔洗等好耐位

今日收工，一行20人左右，收工11點左右開餐。當時人流唔算好多，唔洗等位。20人分左2圍坐。先點左杯大大杯。啤酒杯，凍檸茶之後要放一放毒，先黎象拔蚌刺身。流哂口水，新鮮！見住佢喺魚缸捉出黎，最後2隻都比我地叫埋。雞煲其實先係主角。建議食辣嘅。因為唔辣就真係冇乜味。辣嘅值得推介好好味！其他配菜。送上相片生蠔碌熟完都好大隻。一圍坐14人都幾好鬆動，傾計好地方。服務又幾好，不停幫我地加湯。又refill 檸檬茶。雞煲正正

土瓜灣...雖然地區細細，但係其實都係一個有好多好野食既地方！唯一問題只不過在於冇地鐡...所以一般食市既人流較少！雖然近年旺區開設咗不少雞煲店，但係如果食麻辣🐔，我此終對呢間情有獨鍾😋雞煲店位於地牢，店舖面積相當大，所以相對聲音亦比較嘈雜。佢哋嘅秘製雞煲可選擇吾辣、小辣或者大辣。Size亦有大細之分！我哋因為只係兩個人食既關係，所以就 order 咗細煲(半隻雞), 價錢係$145。如果大雞煲係一隻雞, 價錢係$220。雞煲還未上枱...聞到睇到隔離枱嗰個已經忍唔住流晒口水咁滯😋兩個人份量半隻啱啱好！食完雞倒啲湯底落去十下十下...味道依然濃郁。

一品雞煲今日上大人心情好，願意同我食雞煲。又見今天不是星期五及六晩，冇乜人！即時衝落去一品食雞煲！晩餐牛什雞煲，小辣，$180。溏心皮蛋。野生葡萄籽，＄38。一品已食過N咁多次，唔使多講，真係好好味。正常食完雞煲，就可以落湯打邊爐！Sorry....我一次都冇打過，因為食完🐔煲已經好飽好飽！邊爐真係打唔落去了！溏心皮蛋，前菜，好好味！溏心真係好正！葡萄籽，應該係Soda水加葡萄籽！味道好正！唔係度度有得飲！

之前食過幾次一品雞煲，一直印象都係好味不過有啲貴，今次星期五晚去，預咗會好多人所以訂咗位，但係基本上食完啲座位都無滿過。個底叫咗牛什雞煲，小辣，不過都已經好辣，啲料都幾足，雞同牛什夠四個人食都仲有剩，可惜嘅係得辣同咸味，啲料都係好基本。因為個煲都好大份，所以叫咗唔多火鍋料，嚮鈴、四寶丸、雲呑、黑毛豬同菜。四寶丸當中，最好味就係墨魚丸，而雲呑都比睇落去好食，另外，黑毛豬都好失望。飲品就叫咗葡萄籽同青檸水，葡萄籽值得一試（初時以為係利賓納）！

一行四人原本諗住去旺角好景商場嗰間一品嘅，點知勁多人排隊，於是就嚟土瓜灣呢間(因為知道通常都唔洗排😂)一去到叫左個半隻嘅小辣雞煲($135)，啲雞辣得嚟又幾滑，正👍🏼打邊爐又點可以唔叫牛呢，因為我遲左到，唔係我點餸，所以唔知呢個係咩牛🤔 因爲一品係有3款牛嘅🐮有睇過我食評都知我係一定要order桂花蚌($98)，食嘅期間有fd問我知唔知係咩🤔 咁愛食嘅我梗係知佢係海參嘅內臟啦🤣本身想叫脆肉鯇嘅，但唔小心劃錯左呢個鯇魚骨腩($48)，都ok嘅，係冇脆肉鯇咁方便姐，呢個煮煮下會散😂蟹子蝦滑($78)，個人認為有啲唔抵，因為真係好細粒🤔打邊爐不得不嗌嘅其中一樣就係蟹柳($38)，仲要唔係好似超市十蚊包嗰啲好明顯用麵粉整嘅先得喎，用嚟撈必嗌之選-烏冬($22) 就勁正😬 烏冬真係好食到我地要encore多個😂響鈴($38)一食就知係即炸嘅，正就正，不過呢啲油份咁高嘅食物都係淺嘗下就算啦😛打邊爐尤其係雞煲一定要叫金菇($28)，真係會好入味好正😋可能係一品長期都咁忙，就算嚟到土瓜灣呢間啲服務都係唔多掂😔 攞隻杯攞張order紙都要等勁耐，最後我地全程自助式攞野，連渣竹蔗矛根都係我地自己去水吧攞😂

最近其實一直在減食減重, 都已經有隱居2星期冇外出食飯了~本身今日去男朋友屋企食飯, 但最後因為天氣太熱佢地唔想煮飯而破界出去食飯不過點解要食雞煲嫁?! 實在太引誘喇!本身減食左一排練返細胃口既我又要破戒喪食 真係有d對唔住自己..... 呢2個星期既減食因此而白費喇!必叫一定係一品既招牌雞煲 - 秘製麻辣雞煲 $220醬汁味道十分濃郁~ 而且雞件肉質細嫩少辣少麻既口感刺激味蕾, 真係好好食呢! 不自禁係咁食係咁放入咀裡當中雞煲既紫洋蔥吸引左秘製醬汁後又香又甜食到我真係好滿足!食完雞煲當然就打埋邊爐喇! 其實食到咁上下已經有6成飽肚了所以之後打邊爐我都唔係食得太多肥牛食左一塊, 肥牛厚度唔會太薄食起上黎有d口感~ 不過減食後連牛肉都好似冇咩點食過, 食完又唔會覺得好香好好食, 整體都ok喇~~~中規中舉響鈴, 娃娃菜, 桂花蚌 & 墨魚滑併蝦滑, 呢幾款都係每次會叫既桂花蚌爽脆口感比珊瑚蚌更彈牙珊瑚蚌比較爽脆, 桂花蚌比較彈牙而且仲有鮮味, 男朋友至愛娃娃菜 & 響鈴 都係我呢個中意食菜&豆類製品既人叫的, 一品響鈴係自己做, 唔同出面買一盒盒果D啖啖豬油香~真係肥死!另外今次叫左份潮

同朋友講起好耐無食雞煲,真係心動不如行動喇行到土瓜灣就有好多雞煲店不過最後選左一品雞煲,埋到去店出奇地唔使等位平時門口排隊排到痴左線,可能因為熱天D人唔想辣啦不過有冷氣有凍飲對我黎講係無影響行樓梯落去,一入門口仲有都幾多位冇人坐二話不說就入去卡位,放下袋咁坐坐都坐得舒服D,食都食得安樂D食秘制雞煲就梗架喇位都未坐就叫阿姐一隻中辣小痳辣同痳就好似個朱古力奶廣告一樣,兩者不能偏向一邊...中辣小痳係我試過中比較LIKE食雞煲就一定要食白飯,令到成件事昇華左不少雞煲一定要講下隻雞先,醃過晒夠晒入門,加埋配料D辣椒入口刺激條舌頭既感覺真係好好好正點解話唔可以太痳原因係如果太辣就食咩都冇晒味,太痳就會成條脷都冇晒感覺再用白飯送下D雞煲辣汁,就真係正上加正

已經喺度食過好多次！食咗咁多次質素都冇跌過！因為唔係食得太辣 一坐低就叫左秘製雞煲半隻(微辣) $125原諒我食到一半先記得影haha依然非常入味而且我覺得土瓜灣呢間分店嘅雞係特別多食雞煲最重要係唔好嘥咗個汁！所以一定要叫我最中意既煎米粉餅($28)嗰種外脆內軟嘅口感再加埋啲汁真係一流而且我又覺得土瓜灣呢間分店嘅煎米粉餅大啲haha 其實我次次嗌嘅嘢都差唔多真係冇乜新意所以今次嗌咗椒鹽豆腐($65)其實呢個都真係唔特別平架呢一個豆腐外面好脆入面超軟好香豆味 我自己覺得唔需要點調味都夠味不過一邊食一邊傾計椒鹽豆腐就好快林啦 外面脆卜卜嗰層 會變得軟身同埋油膩所以叫咗要快啲食真係好鍾意嚟一品食雞煲！

土瓜灣~有d人會覺得冇地鐵好唔就腳不過我住左咁多年都好習慣, 而且呢度既車四通八達, 其實真係好方便今晚同好朋友食飯, 自自然就諗起呢度既一品雞煲了!又唔使點等位, 野食又比其他分店多, 仲使諗咩~ 一定係佢la!!!4個人食雞煲, 叫左一品招牌既麻辣雞煲(小辣) 一隻雞呢度既雞煲係同行而言真係冇得輸嫁!味道濃郁, 雞又夠晒入味, 最重要係個調味真係好正!! 食雞煲當然要食得夠濃味入味喇! 唔係講笑, 一品真係做得到嫁!!除左雞之外, 洋蔥吸晒雞煲既醬汁, 極之惹味!食完雞煲之後就打邊爐喇~ 材料都係d普通野, 正正常常冇咩特別, 所以都唔介紹喇!黎得呢度當然係食雞煲嫁喇! 唔通重點打邊爐咩?繼續食野喇!~~

雞煲]因為驚肥嘅關係，一年頂盡食一至兩次雞煲。我將呢個咁神食嘅機會比左一品。本身打算去食旺角嗰間，但多人到痴左線，成8點都仲有過百張台喺前面等緊，真係等到佛誔都未必食到，所以，我地決定轉戰土瓜灣分店。去到前面都有大概5group人等緊，個情況好得多啦。等左半個鐘就入得，原來入面好大，成8、9點都仲好多人。我地4個人都比左張大台我地，可以一路睇電視一路食雞煲一路吹水，正！嗌左一隻雞小辣再加其他野，大大大杯凍檸茶要飲是常識吧！啲雞都算多肉同幾滑，係咁食晒佢啲洋蔥😂佢索晒汁真係好正！雞煲除左雞洋蔥都係精髓！開頭擔心太耐冇食之後會唔慣，再加上打邊爐會愈打愈辣，所以叫左小辣。但因為一品嗰種辣係偏甜的，個人認為可以再辣多少少。其他食物必點響聆同墨魚滑。食到飽飽吹水吹到12點先捨得走！對呢個年度雞煲感到好滿意！