一品雞煲火鍋

营业中

休息中

最近天氣炎熱都阻止唔到我想打邊爐嘅決心🤣咁啱喺土瓜灣食嘢 一大班人想搵間餐廳舒舒服服打邊爐都困難所以就嚟咗一品雞煲佢位置喺地庫 可能比較隱蔽 所以真係冇咩人🤣包場咁濟😂成間餐廳佔地幾千呎 都係得兩個夥計上菜全靠自助落單都幾方便唔使行來行去 係咁嗌人嚟😌舒舒服服服務都算可以但係食物質素同衛生有待改善 一入到餐廳門口位已經好大浸坑渠味🤮其實入去果下已經想走 但係搵唔到其他好嘅選擇🥺呢一陣味好影響食慾呢個味道關係我地都叫左好少野🤮🤮🤮

你住喺旺角都寧願飛的黎土瓜灣食！！！旺角間分店已經不斷俾機會，每一次只有失望！旺角分店水準下降！同埋啲份量真係一隻雞等於半隻雞，仲要啲雞好似後欄執返黎人地唔要嘅啲冇肉嘅，全部都係骨！仲要去過咁多間服務最差嘅一間！紅磡土瓜灣荃灣都冇呢啲問題！

一品火鍋雞煲🍲📍 土瓜灣馬頭角道28號地庫♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎今次要介紹呢間雞煲，係香港2011 年已開設門市，小編試過不同類型既雞煲，呢間都算係最好食😋，尤其是天氣凍凍地，好想食返d 熱野既時候🤣，呢間雞煲店真係唔可以錯過👍🏻🛍而家呢間鋪頭仲設有 18區外送服務， 坐係屋企就可以嘆到熱辣辣既雞煲啦😆。🌟 金蠔雞煲 （壹隻＄460 /有8隻金蠔）呢個雞煲可以揀辣與唔辣， 而且有8 大隻蠔，絕對足料， 味道唔錯。 兩個人食一個雞煲係非常足夠。👍🏻整體推介指數：❤️❤️❤️❤️🤍♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎♣︎

我堂食店員服務態度一般，尤其是致電外賣接聽電話嗰位阿姐，聽電話態度非常之差，可以講係趕客，串過碼頭咕喱，我叫外賣嗰陣時已經唔該前唔該後，但係嗰位阿姐都係表現得好唔耐煩

自己就鍾意食雞煲，一到冬天，就會成日都想食，都試過好多間唔同嘅雞煲。但幫襯得最多都係一品，土瓜灣呢間分店喺地牢，其實人流唔算多都算係最容易有位嘅一間。通常我哋都會幾個朋友嚟，大家都係鍾意食雞多過食配料，所以有時都會叫成兩個煲之後先至打邊爐。佢哋嘅雞煲分咗唔同嘅辣到同麻度，自己就鍾意食小麻小辣，咁樣係個胃負擔得到嘅程度又唔會太辛苦得個辣子字，佢哋嘅雞煲嘅雞做得都唔錯，走過油嘅雞件保持到肉質嫩滑，佢哋獨有嘅醬汁非常之惹味。配埋一杯大檸茶，咁就啱啱好

好多年前已經食一品，由佢開左冇幾耐開始。佢既雞煲一直都好有質素，又香又麻D料又入味，係以前一路食雞煲既不二之選。之後選擇多左，就好耐都冇去過了，咁岩朋友話想去一品食雞煲，再去體驗下佢既水準同質素同以前有冇咩分別。叫左個牛雜雞煲，大辣小麻，再叫左兩杯野飲。餐廳既人數唔算多，坐既卡位原本側邊係有電視，但係唔知壞左定點，佢冇開。牛雜好淋好入味，數量都唔少，牛肚牛腸牛筋咩都有，雞都好入味，唔會鞋亦都唔會好多碎骨。

一品雞煲已經食咗好多年..以前就多數去紅磡嗰間..近年來就比較鍾意去土瓜灣分店..勝在地方夠大..有好多卡位..坐得夠舒服。而家雞煲已經唔再係只係食雞多咗好多款式揀…而家變埋電子落單夠晒方便..唔使再舉手舉到手軟有一個位選項可以俾你揀多汁..所以一嚟到就放低咗碗汁先..勁大碗..如果會打埋邊爐就記得take呢一個位..兩個人叫左一隻（中辣）雞件黎到未係全熟架..店員會得閒過嚟幫你攪下焗下..等咗差唔多10分鐘就食得..雞件香滑..個汁個味道咁年都冇變..一品個汁真係我嘅最愛..又香又夠辣係最鍾意食嘅雞煲味..其他地方代替唔到

經過一番浪濤最後我們一伙來到土瓜灣吃餐廳為C型 可6位一桌而且營業時間到12:00剛好今日我們都晚了可以逗留久一點慢慢吃而我們前後到齊也剛好6位可以一起坐😆食物方面可先選雞煲湯底等的隨後掃QR code 自己用高科技點餐我們先點了半隻雞煲 微辣然後加了一底肥牛 丸類2款魚滑 牛滑 生魚切片4份 豬潤2碟豬皮 油麥菜 桶蠔 羊肉片 豬肉片響鈴卷 還有其他各式小食等等朋友們吹啤酒而在下跟一位開車的朋友就乖乖在那邊飲竹蓆茅根朋友表示上次來魚片沒那麼大碟今天的份量比平常多一倍所以我們似乎點得有點多 🤣不過本日朋友組合算很好我但各有不吃的和愛吃的所以不用搶食物各有各吃而在下就是要把那4碟魚和菜吃完雖然好像沒很多但在下幾小時前吃飽飽了加上魚骨無比多讓在下吃得好累這或許也是他們不要吃魚的原因嗎😵‍💫那些牛🐂羊🐑雞🐓之類的在下就沒吃了看朋友反應是不差的而重要的是有一個到12:00的地方可讓我但聚會盡興

要如何表達我對雞煲的愛呢，就是那種隔一週就想拉著男朋友過來去吃一頓，一品雞煲可以說是遍佈全香港，我和男朋友最鍾情的是土瓜灣的這一間，原因有兩個：一是好停車，二是無論什麼時候來，人都沒有那麼多，不需要等位，同時也就保證了雞煲的質量。

雞煲係一個我暗戀咗好耐嘅菜，係佢大行其道果幾年，佢實在太火，等就閑閑哋十幾張枱，我年少氣盛，邊等得咁耐，之後周街都係雞煲，又到我唔志在食...加上開得多，自然良莠不齊，有嘀連鎖嘅做得都幾差，個雞煲個汁，重好似嘀粉都未開稀咁，食多一，兩次就放棄咗佢沒落之後，我間中都重諗起佢，但佢太油膩又帶點熱氣嘅缺點，攪到我成日提出都俾人投反對票今次好彩啦！係麻雀會格離有間雞煲！係我大力慫恿之下，終於如願以償食返一次我朋友竟然有食開呢間！就由佢發板啦！呢個牛肚雞煲真係好野味，大量蔥頭，芫荽，一打開個蓋已經香氣四溢，有個哥哥仔幫你即場煮，雞又夠滑，牛肚索哂嘀辣雞汁，好食到根本停唔到，超快就食完加湯打邊爐啦！手切牛夠厚，油脂分布平均，滾兩滾已經食得，牛味重，花膠筒夠厚，一睇就知唔係果嘀合成花膠，一百鬆嘀一碟，價錢合理！佢嘀野都好新鮮！而且雞煲個汁香辣適中！加上大量新鮮香料，唔係就咁開粉果種！食完都冇好口渴，睇返嘀相，我又想再食啦！最衰食呢嘀要多人先食到，唉～下一次又唔知幾時啦⋯⋯

此餐廳地點在士瓜灣，以食雞煲來講是最出名的食店。總店在荃灣，極之多人，極難搵位！想易啲有位，士瓜灣店就是最佳選擇。雞煲有多種，有牛什雞煲，鮑魚雞煲，田雞雞煲等。為食🐽最愛食牛什雞煲，小辣，雞件多過牛什，兩者一齊煮，非常野味，餸飯食一流，真係要食兩碗先夠。雞件嫩滑，骨頭鬆脆，可咬口！正！食完雞煲，客人可自行落湯打邊爐，手切肥牛也不錯。肥牛色澤均勻，肥瘦各半，美味佳餚。此店另一出名是飲品，各式飲品都是大大杯，價錢大約$38。野生葡萄幾特別，其他餐廳沒有。溏心皮蛋，喜歡食皮蛋的人嘅不錯選擇，皮蛋心痴囗，重皮蛋味。

一品雞煲可以算係雞煲界嘅皇者，首推麻辣味。兩位靚女去食雞煲火鍋一啲都唔出奇😹我哋都會好似麻甩佬咁高談闊論😼 呢度主打食雞煲，所以配料方面都只係選擇咗一啲配菜。響鈴同炸午餐肉都係王牌，新鮮即炸，值得推介～

一品雞煲係土瓜灣開左好幾年都冇食過，今次慶祝生日想食雞煲，原本想去爺爺雞煲，基於已食過兩次，今次就試下一品。七點去到由於尚早，店內仲有好多空位枱與枱之間算寬敞店內有電視但衹播放menu我地六人order左一隻雞雞肉算嫩滑，小小辣幾惹味，味道偏咸，安格斯牛肉好有牛味，2百幾都算大碟手打丸大家覺得味道一般，可以不試不過 .....食食下突然枱面有小強走過，嚇左一跳同店員講有小強，佢地似乎見怪不怪就走了一間食肆除了食物，衛生也很重要，希望店家加強改善店內衛生情況，令食客食得安心。

同事仔話想食雞煲諗都無諗其他就決定食一品皆因佢真係全港最好食㗎😂😋小編都食過四五次食過兩三間分店 獨愛土瓜灣呢間分店點解？地方大 唔會坐到好逼枱與枱之間隔得開 個場又唔會嘈到聽唔到隔離講咩今日1845嚟到 去到都係得三四枱客真係任你揀位🤣我地一行四人嗌左個秘製雞煲少辣signature嘅大檸茶就一定要嗌嘅無乜特別架 貪佢夠大杯飲得高興㗎咋😆#秘製雞煲(一隻)(少辣)煲上左唔好食住呀! 啲雞未熟哂㗎!放心 啲姐姐會幫你睇住幾時食得冚住蓋係咁煲 啲姐姐會自動波埋嚟搞幾下到佢話食得先好開動😁呢個雞煲好好好好味 夠哂味 無敵不過叫左小辣都好似無辣咁🤨落湯前記得涮下肥牛因為一落湯就淡好多#美國雪花肥牛(大)係牛小排 仲係厚切雖然得十片左右 但係好有咬口我地食左三碟🤣#脆炸響鈴長過手掌嘅響鈴😚絕對唔係平時街市買盒裝嘅貨式#手打墨丸蝦丸食到花枝同蝦係入面 一流#韭菜拼魚皮餃呢個係驚喜 兩款餃嘅餡估唔到咁出色

有病，黐孖根，食完雞煲點菜食火鍋，問侍應攞調味料，只攞嚟生蔥，蒜蓉，問要指天椒粒，竟然話要收10蚊碟，大佬呀，辣椒值幾多錢呀？擺明趕客，為咗收多10蚊趕走個客，你鐘意囉！食火鍋要自備辣椒，第一次。以後black list😠