一休(居食屋)日本料理 (長發廣場) (已結業)

平時好少去青衣，亦都唔特別鍾意去青衣城食嘅，因為全部都係一啲大型食肆，今次去到長發邨，呢個廣場呢比較多一啲本地小店，亦都係我特別鍾意幫襯嘅。喺OpenRice見到呢間鋪頭，特登去搵。不過呢間鋪頭唔容易見，我都係問咗人先至搵到。去到見到個餐牌，好開心，因為好多選擇，入面唔止有刺身，仲有熟食，仲有拉麵款款都好吸引，而且價錢唔貴，為返都係五十幾蚊左右一個。淨係餐牌已經影咗六張相我最後揀咗拉麵，本身好驚淨係食一個拉麵唔夠飽，但係好驚喜地原來仲有小食，可以揀三文魚壽司或者係加州卷首先嚟咗加州卷先，味道都可以個拉麵來講，我覺得啲麵有少少硬，但味道都可以以呢個價錢來講，唔錯！

自從離開左舊公司之後都有好幾年冇黎過青衣區了，今日難得黎開呢頭探朋友，重遊舊地之際發覺長發廣場重新裝修後煥然一新，除左果幾間老牌連鎖食店之外，仲多左間「一休」日本料理。我記得之前係旺角見過大排長龍，今日難得有機會當然唔可以錯失良機，7點半鐘去到已經坐無虛席，好彩等左20分鐘就有位😬蜜桃梳打基本上只要果間餐廳有蜜桃飲料我都一定會叫🤗生赤貝刺生大大塊厚切，鮮甜爽口紫芋甘栗餅炸紫芋好多地方都有，但呢度會加埋甘栗，兩者相得益彰，唔會太甜，加上粒粒栗子🌰，非常有咬口👍🏼蕎麥麵份量適中，但個麵煮得有小小淋同日本醬油比較淡口壽司拼盤（戀火）魚生應有盡有，最驚喜之處係有生和牛同原隻鮑魚😎埋單都係二百蚊鬆D，讚🙂

青衣向來都很少去，今天揸車去青衣探朋友，在長發村內找找有什麼東西吃，整個商場只有這間一休日本料理大排長龍，心想一定不錯，就取票等候，時間約18:30，大約等了二十分鐘就安排入座。內裡都很大，座位算多，餐牌有很多不同種類刺身，連和牛刺身都有。最後我們點了特盛海鮮丼 $68、海膽刺身（細板）$78、ZERO 可樂 $12、蜜桃梳打$22、壽司拼盤（戀火）$218。大約等了約十分鐘食物就上檯，特盛海鮮丼比我想像中份量還要大，有蟹籽、甜蝦、吞拿魚、熟蝦、甜蛋、蟹柳、三文魚等，每款都新鮮，種類也很多，很底吃。還跟一碗麵豉湯，不過不失。海膽顏色靚、色澤分明、$78 算很便宜。壽司併盤有很多款，一般用仿鮑片，但真鮑魚就第一次見，味道也不錯👍🏽。和牛刺身壽司、海老壽司，每款都很新鮮。總評：想不到領展下的商場也有如此高質餐廳。

每次去青衣都唔想去青衣城食嘢，知道呢度有呢間餐廳以後都會係首選。坐得舒服，桌椅乾淨，價錢平民，味道比元氣/旺角的餐廳好。待應有笑容又有禮貌，好神奇，留意到我同朋友得一份菜單，即刻有禮貌雙手遞上多一份菜單，今時今日已經係驚喜服務質素。魚生飯好好吃，充滿回憶，味噌湯普通。加了5元要凍檸檬雪碧，是另上一罐雪碧，夠老實，檸檬也很香。下次要吃有花之戀的午餐！

平常午膳多是快餐便算。今日難得約咗幾位同事齊去開餐，經過長發商場見到間日本料理，一於入去幫襯。餐廳裝修好有日本風，地方寬敞，仲有貴賓房，我哋就選張六人卡位挺舒服。打開餐牌，午餐款式好多，又不用加一服務，我地分別叫咗幾款定食及小食。三文魚海膽飯$65三文魚鋪滿面大大碗飯面，上層嘅海膽望落好新鮮，吃一口就賞到鮮甜香滑，仲感受到淡淡海水味，一口壽司飯夾一塊三文魚齊食，美味到不得了。特盛刺身定食$75這款飯賣相真的吸引，內有三文魚、吞拿魚、劍魚腩、油金魚、張紅魚、八爪魚、鮮𙶘魚（各x2) 帶子、甘蝦、蟹棒配壽司飯，仲有味噌湯，無得輸。雜錦天婦羅刺身定食$68天婦羅蝦兩件、野菜天婦羅三件。炸得香脆唔油膩。還有油甘三文魚腩兩件，吞拿魚兩件，油甘魚兩件等刺身，配壽司飯，送埋味噌湯，同事們個個吃到好滋味。小食厚切牛舌串 $28一串有口感又唔靭，每人一小件，分甘同味，一樂也。唐揚墨魚咀$45這道小食很少地方吃到，炸到香脆，食到停唔到口，唔錯。一休海鮮沙律$68成隻船咁上碟，賣相好吸引， 各款魚生好多，細細粒易入口，值得一讚是醬汁不是沙律汁，有少許辣，微酸帶點甜，點住汁來吃真的好夾，食落有口感。這頓午膳，

長發有新的日本料理店開張了， 當然要朝聖一下~ 娘親大人又有藉口不煮飯啦XD 裝潢充滿日式風格， 最喜歡這種二人卡座， 私隱度高。 店內約有130座位， 但可別小看青衣人的覓食能力， 不到7:30已坐滿， 還有多人在店外輪候， 下次來還是預先訂座較好。 一休還備有數間包廂， 特別適合多人聚會， 營業時間更是由中午11:00直至晚上23:00， 難得聚會不怕要早早完場掃興啦！ 餐牌印上大量彩照特別吸引， 料理選擇多樣， 也有酒水供應， 清酒、啤酒一應俱全。 七味蒜香三文魚腩骨炸得香脆， 入口還有魚腩位特有的脂香， 灑上蒜粒、七味粉提味， 蒜香加微辣最引人食慾。 一休海鮮沙律是和洋Fusion風格， 沙律上有大量刺身， 新鮮甘美， 配搭西式醋汁， 微酸開胃。 鰻魚卷一碟6大件分量不少， 面層鰻魚經火炙處理略帶焦香， 下層飯卷有蟹柳、青瓜、玉子， 簡單清新不會搶走鰻魚風頭。 岩石燒豬軟骨鍋飯上桌時還熱氣騰騰， 石鍋還能保持溫度不怕變冷飯。 甜醬汁很下飯， 大大件豬軟骨連骨帶肉， 最愛嚼那又香又彈牙的軟骨組織， $58認真超值。 角切魚生飯精緻登場， 鋪滿飯面的厚厚刺身， 一碗吃盡三文

青衣開左新日式食店，都開左一段日子，見今日少人就同朋友黎試下。不過估唔到係熱食上菜先，仲要食完拉麵，追左幾次才上沙律及壽司，很奇怪亦不合理。幸好服務員很友善勤快，才未至於激怒眾食客，因為有幾枱都是追凍食的菜式。【山葵虎蝦沙律】$48虎蝦有六隻，係平時係泰菜生蝦個款，唔夠爽口，但沙律菜新鮮爽脆，山葵太多太辣，頗刺激。【戀花火 壽司拼盤】$218睇menu就有14件，但上菜只有13件，應該少左貴價海膽，食完先覺，真係唔抵。磯煮鮑魚味道幾濃頗入味，但有好重味精同醃製既味道。三文魚花之戀最抵食，超大件又肥美。吞拿魚腩就好失望，太多筋，雖夠多油脂但入口不算即溶。甜蝦最正常，味道尚可。鱆紅魚爽口有彈性。朋友食的珍寶赤蝦鮮甜細嫩，蝦味突出。【火炙黑豚肉拉麵】$65黑豚有三大塊，厚切有咬感，經火炙燒過有獨特香味，醃料亦很入味。糖心蛋有流心效果，濃郁美味。麵條粗幼剛好，具有彈性，豬骨湯底咸淡亦適中。

好耐無來過長發，今日咁啱經開附近見成個長發商場都翻新過，商場乾淨企理左好多，由巴士站入口開始的一條食街已見管理得好乾淨整潔，店舖規劃整齊，本來諗住去青衣城搵野食，見商場入面開左呢間日本料理餐廳，原來旺角都有分店，時間早未有太多人就選擇係度食埋個dinner先。餐廳新開張所以環境裝修好新，坐位空間充足，食物選擇都唔少，坐低無耐就已經陸續有好多人入坐，好快就已經坐滿9成，到食完走時出面已經有好多人等緊位，睇黎呢間日本餐廳係長發既綠洲食物種類多睇到花多眼亂，有沙律前菜、串燒燒物、壽司刺身、拉麵烏冬、丼飯等蕃茄鴨胸手打烏冬，蕃茄濃湯好開胃，除左鴨胸仲有流心旦，栗米粒，紫菜蟹子沙律份量不少槍燒鰻魚飯，鰻魚有輕微燒過更香口厚燒牛舌，外皮燒得香脆內裏爽口但唔un，好好味啱晒我口味

過長發打波，以前喺附近嘅話食開丼x屋或者元x，呢間唔知係咪新開，見啲丼飯同刺身超平就吸引咗入去。通常呢個價位嘅日式料理都係坐得逼逼澀澀，但呢間相當光猛闊落企理。本身想食丼飯，但係見佢有生牛肉刺身，好少見出面有，所以有特別嘢就嗌特別嘢試。好新鮮爽口，雪花❄️分佈亦都唔錯，食落係好乾爽，唔會好aware自己食緊生嘅嘢。食生嘅嘢唔知點解，唔食尤自可，食開有種上癮嘅感覺，到第二日仲念念不忘咁。炸八爪魚明太子雞翼呢盤生蠔係必嗌，158蚊有半打，每隻大約女仔手掌心size, 質素大約係一田蠔bar即開四十幾五十蚊嘅質素，蠔身白滑飽滿，味道半creamy半海水味，幾適合大部分人口味。之後我再喺板x食過78蚊3隻，完全唔係嗰皮，又冇味又唔新鮮，除咗凍咩都食唔到。估唔到領匯商場都仲有啲有心機又抵食嘅餐廳。

AC:lookeat _22一休今晚同朋去食飯，約青衣到食，因為大家都係住附近，由於青發邨太多野食，大家都有選擇困難症，我地就上 Openrice 搵食，我地就發現呢間。入到去待應好好招呼，會帶埋你入位，好細心咁比兩份餐牌比我地，野食有好多好多，全部都好吸引，樣樣都好想試，可惜得兩個女仔叫吾到太多，最後我地叫咗7樣野食，哈！壽司款式好多，花多眼亂，我地叫咗海膽軍艦，北寄貝壽司，鰻魚卷，小食方面，厚燒玉子，牛舌串鹽燒，鯖魚鹽燒同埋蕃茄濃湯大海蝦鍋，點完餐待應印完張單會再比我地對多次，驚有錯漏，細心位加分！好，入正題，首先講下海膽軍艦，海膽好鮮甜，紫菜吾會好軟身，另外北寄貝壽司好爽口，除此之外鰻魚卷超足料，好滋味，啖啖鮮味，一份既份量都好多，好低食，食到尼到都有五成飽。食完壽司我地叫咗一些小食，首先講下我最期特既厚燒玉子，食洛口好厚，好滿足，而且是暖暖的，無令我失望，入口嫩滑軟熟，即叫即做，好新鮮，加分呀！！之後再黎牛舌串鹽燒，食完牛舌後個種油香停留在口中嘅感覺真係好正，食完又想加追，哈！鯖魚鹽燒有檸比你中和味道，條魚吾會燒到好乾，好多肉汁，肉質軟熟，最後係蕃茄濃湯大海蝦鍋，入面有大蝦，菜

其實每日放工真係好攰，最好梗係喺屋企附近食埋飯先返屋企，又想坐得舒服嘅～青衣城隔離村嘅長發商場都翻新咗好一段時間，最近仲開咗間居酒屋喺地下，今晚有機會去食喇～～星期四 夜晚8點，估唔到full曬，好多家庭嚟食飯裝修格局不錯，好多卡位，坐低咗基本上睇唔到隔離檯同埋都幾隔聲，三五好友嚟食飯傾偈係不錯嘅選擇！餐牌上嘅刺身同壽司款式好多選擇！餐牌上仲有刺身飯，估佢哋唔到喎！我哋兩個人order咗<角切魚生飯>好大碗呀～～～份量好大呀～～～魚生新鮮又夠肥美，而且價錢抵食！<鰻魚卷>睇賣相已經夠曬呃like!鰻魚軟熟，食唔到有細骨，但份量得六件，有點少！<一休炸雞球>炸雞算嫩滑，唔會乾爭爭咁，配埋蛋黃醬同蔥一齊食，味道更豐富！<唐揚墨魚咀>居酒屋不能不叫嘅送酒菜，炸得外脆內軟，味道唔會太鹹，不錯！<大阪燒>煎得夠香脆，味道可以嘅，不過感覺似剩係麵粉，入面嘅菜同餸都唔多，希望會改善一下。<茶壺海鮮湯>估唔到真係成個茶壺上枱，讚讚讚！茶壺蓋原來就係茶杯，打開用杯飲呢個湯有另一番風味～～味道清甜，一開蓋就見到

青衣長發邨既商場本身比人既感覺只係普通屋邨商場唔會有咩好西食但係之前食旺角食過覺得幾好食既一休竟然係呢到開左分店見近近地就當然要黎試下啦==============================野食其實都幾多元化刺身壽司定食乜都有見到呢個期間限定既MENU好似都好吸引就決定都叫少少試下三文魚炒飯($65)炒得幾好,夠乾身所以可以粒粒分明而且每一啖都食到三文魚粒同佢既既香味而且份量都唔少,價錢又唔會太貴真係平靚正唐揚墨魚咀($45(墨魚我食得多,墨魚咀真係少食D原來又幾得意幾好食喎首先佢炸得幾酥脆口感同尤魚酥有少少似,似係切左粒既尤魚酥一粒粒咁幾盞鬼幾有咬口,會令人不自覺食完一粒又一粒香芒乳酪松葉蟹棒($52)味道幾特別通常食呢D卷物上面都係放牛油果多芒果好似真係比較少見芒果同蟹棒既味道都幾好幾新鮮但係個人就略嫌咁既配搭芒果味會重左D唔太易食到其他食材既味道另外佢既份量都真係幾夠每一舊都好大舊呢到相信有一碗飯既份量果然抵食夾大件蒜片牛柳($78)牛柳既牛味好香同埋又整得好淋,幾乎入口即溶唔會煮過龍/煮唔夠而太硬搭埋本身都係好香既蒜片食簡直一流岩鹽燒魚皮($28)呢個係期間限定MENU入

日式Casual料理呢個Concept幾好！顧名思義就係用親民嘅價錢食到日本料理，最岩一家大細又想食日本野嘅家庭。一休日本料理開左冇耐，趁今日經過要入去試下入到去仲有少少裝修味，裝修新淨企理，好有和式居酒屋風味，但鋪面貼滿告示只收現金同不賣酒精飲料，極有試業味道。安排左我地一家四口坐卡位，環境尚算舒適，坐褥略嫌單薄。蒲坐下，待應就送上四個碗仔，一級細心抵讚！我地四個人叫左三個午餐再加一碟壽司，盛惠$200大元，日本餐黎計認真抵食。朕叫左辛辣黑豚肉拉麵($55)，以咁0既價錢的拉麵唔抱太大期望，反而有驚喜。黑豚肉做到半肥瘦有層次，睇黎師傅下左一番苦工，抵讚﹗粒玉子估佢想整半熟，但過左火做唔到流水效果，麵質過得去湯底普通唔太辛(當然唔好用一風堂水準黎比較)，整體水準以上可以收貨。內子繼續健康餐單，入到黎日式料理居然話想食菜，當然難唔到計仔多多0既一休﹗一休海鮮沙律($68)，多種大路沙律菜配以新鮮的魚生，目測有三文魚、吞拿魚仲有海老，交足功課。唯一美中不足係果兜沙律dressing，就咁睇已經好油膩，如果淋上個沙律黎食絕對會破壞成個沙律的健康。小女和小兒就叫左吉列豬扒贊其烏冬，不過不失(吉

同家人一起落街搵食,係商場見呢間唔洗等位於是試下心態。三人叫左2飯5小食,餐廳新開無耐,只收現金連卡機都未裝好。上菜速度好快,係d阿姐比較遲鈍但ok la海膽明太子炒飯；炒到熱辣辣味道正常，香口滑蛋豬扒飯；滑蛋豬扒比例多，珍珠飯軟棉棉香吉列生蠔；啲皮好香脆，蠔有腥味雜錦牛肉鍋；配菜肥牛都多，係個湯就有啲甜鹽燒牛舌；太鹹冇乜口感金菇肥牛卷；金菇好多肥牛唔un,個汁甜左d燒三文魚腩；好香好肥美總括嚟講呢間餐廳可以，價錢唔貴本身餐廳有好多刺身壽司但係今晚無點過，有機會下次再試。

日本料理在香港的店舖數量有如雨後春筍，由繁忙的市中心商業區，到寧靜的居民屋邨，總會有一間在您附近出現。但如果想品嚐一餐豐富及美味的日本料理，又要顧及荷包的感受，位於青衣長發邨的一休(居食屋)日本料理將會是您的首選。在平民商場的 “一休”帶有濃厚的日本風格裝修，顧客踏入餐廳後，很難想像正在身處於公共屋邨，而店員的熱情禮貌接待及主動的幫忙，更是店舖的一大特色。縱使當時食客眾多，但當我們詢問有關寬帶使用的問題時，店員有禮地教導我們選用店舖的網絡。料理方面，筆者推薦點選的必定是玉子夀司及雜錦天婦羅。前者帶有香濃雞蛋味之餘，夀司所用米飯十分有口感，不是別的製造鬆散飯團。而天婦羅方面，咀嚼時鬆脆可口，材料的味道縱使在高溫油炸，也能得以保存。而岩石燒牛肉粒鍋飯及特級海蘚丼更是主餐的首選，岩山鍋底將牛煮得恰到好處，多汁之餘，也有牛肉的鮮味；而特級海蘚丼的用料豐富更是筆者所意想不到，一大碗日本飯再配上三文魚、吞拿魚及鮮蝦等，簡直令人食指大動，胃口大開。而價錢更是親民得令您難以置信，全餐只需二百九十八元，性價比極高。