影片
更多
2018-09-13
60 浏览
其實每日放工真係好攰，最好梗係喺屋企附近食埋飯先返屋企，又想坐得舒服嘅～青衣城隔離村嘅長發商場都翻新咗好一段時間，最近仲開咗間居酒屋喺地下，今晚有機會去食喇～～星期四 夜晚8點，估唔到full曬，好多家庭嚟食飯裝修格局不錯，好多卡位，坐低咗基本上睇唔到隔離檯同埋都幾隔聲，三五好友嚟食飯傾偈係不錯嘅選擇！餐牌上嘅刺身同壽司款式好多選擇！餐牌上仲有刺身飯，估佢哋唔到喎！我哋兩個人order咗<角切魚生飯>好大碗呀～～～份量好大呀～～～魚生新鮮又夠肥美，而且價錢抵食！<鰻魚卷>睇賣相已經夠曬呃like!鰻魚軟熟，食唔到有細骨，但份量得六件，有點少！<一休炸雞球>炸雞算嫩滑，唔會乾爭爭咁，配埋蛋黃醬同蔥一齊食，味道更豐富！<唐揚墨魚咀>居酒屋不能不叫嘅送酒菜，炸得外脆內軟，味道唔會太鹹，不錯！<大阪燒>煎得夠香脆，味道可以嘅，不過感覺似剩係麵粉，入面嘅菜同餸都唔多，希望會改善一下。<茶壺海鮮湯>估唔到真係成個茶壺上枱，讚讚讚！茶壺蓋原來就係茶杯，打開用杯飲呢個湯有另一番風味～～味道清甜，一開蓋就見到
青衣城隔離村嘅長發商場都翻新咗好一段時間，最近仲開咗間居酒屋喺地下，今晚有機會去食喇～～
星期四 夜晚8點，估唔到full曬，好多家庭嚟食飯
裝修格局不錯，好多卡位，坐低咗基本上睇唔到隔離檯同埋都幾隔聲，三五好友嚟食飯傾偈係不錯嘅選擇！
餐牌上嘅刺身同壽司款式好多選擇！
餐牌上仲有刺身飯，估佢哋唔到喎！
我哋兩個人order咗<角切魚生飯>
好大碗呀～～～份量好大呀～～～
魚生新鮮又夠肥美，而且價錢抵食！
<鰻魚卷>
睇賣相已經夠曬呃like!
鰻魚軟熟，食唔到有細骨，但份量得六件，有點少！
<一休炸雞球>
炸雞算嫩滑，唔會乾爭爭咁，配埋蛋黃醬同蔥一齊食，味道更豐富！
<唐揚墨魚咀>
居酒屋不能不叫嘅送酒菜，炸得外脆內軟，味道唔會太鹹，不錯！
<大阪燒>
煎得夠香脆，味道可以嘅，不過感覺似剩係麵粉，入面嘅菜同餸都唔多，希望會改善一下。
<茶壺海鮮湯>
估唔到真係成個茶壺上枱，讚讚讚！
茶壺蓋原來就係茶杯，打開用杯飲呢個湯有另一番風味～～
味道清甜，一開蓋就見到有大大隻嘅帆立貝，正呀～
入面仲有魷魚、蜆嘅海鮮，不錯不錯！
整體嚟講都好食嘅，可能剛剛開張，店員未係太熟店舖嘅運作同安排，不過環境都幾舒服！
話時話有間居酒屋開喺屋村商場都幾好，不過始終價錢都唔係特別平，所以未必吸引到太多人去食，所以首要條件係要keep得住食物夠新鮮同埋價錢要夠大眾化，如果唔係好難keep落去！
张贴
