一休(居食屋)日本料理 (38廣場)

营业中

休息中

今日去左旺角山東街附近搵食，呢間叫一休日本料理，價錢合理，就試下，果然都吾錯啊。先入到去，店員服務都好好，食物款式又多，刺身，壽司，天夫婦，鍋物， 丼飯，小食，炒飯，甜品乜都有，連飲品選擇都多，幾好！叫左帶子壽司同油甘魚壽司，要左金菇牛肉卷 ，點左個三色魚生飯配凍京都抹茶鮮奶，最後食埋件北海道芝士蛋糕，好滿足啊！點左一陣就上碟，好快，岩晒我心急又肚餓嘅人，壽司好新鮮，味道鮮甜，帶子係我喜歡嘅，見佢仲有珍寶帶子壽司，不過就咁點左帶子壽司，帶子都好大粒，抵食！金菇牛肉卷好耐冇食，價錢吾貴，上碟記得仲分開左醬汁，可以自己調教，大大件，仲加左粟米，增加口感。 三色魚生飯配凍京都抹茶鮮奶，都幾吾錯啊，加埋大大碗100元都吾洗，其實就咁碗魚生飯先68元，佢仲有熱茶提供，所以可以就咁68元食到魚生飯都真係好抵食，有 吞拿魚三文魚油甘魚，新鮮美味。最後食埋件北海道芝士蛋糕，真係好美滿呀，好滿足！

由我讀書年代到而家，出旺角諗唔到食咩就必定一休，質素穩定又一定食得飽🐒今日叫咗兩個午市套餐首先係壽司烏冬／拉麵餐（松）跟餐飲品選擇非常之多～揀咗凍京都抹茶鮮奶，套餐配黑蒜油拉麵我最欣賞呢個餐有成12件壽司咁多，北寄貝一如既往出色，爽口大塊，蟹棒都係靚嘢啖啖肉，帶子鮮味厚肉，唯獨今日花之戀細件咗少少黑蒜油拉麵，麵條比出面日本拉麵淋身d，唔會un胃，適合食快飯趕時間人士，黑蒜油湯底香濃惹味，唔會過鹹過油，食完唔會口渴另一個餐～老公叫咗極上北海道帶子丼實物同圖一樣咁大碗咁多刺身，如圖有三件厚身帶子，每樣嘢都珍寶size唯一係紅蝦帶腥味（可能我味覺比較敏感），但整體都食得幾滿足食到咁上下，有個哥哥係度派甜品，原來午餐會有和菓子送，好驚喜啊免加一

今日要去睇醫生，既然喺附近睇，咁就不如響呢度食個午飯先。行過見到呢個商場，見到一樓食日本料理，餐牌都好多嘢食，都ok喎，所以就搭電梯上咗去。餐廳都幾大，幾有居酒屋feel，呢度用QR code點餐，餐牌有好多唔同種類嘢食，我點左沙律、卷物、一品料理同甜品。一休海鮮沙律：海鮮係刺身，刺身有三文魚、吞拿魚、 𩶘魚、蟹柳、油甘魚同甜蝦等等，刺身份量多，帶鮮味。菜乾淨爽口，加少少沙律醬已經好食。牛油果軟殼蟹卷：軟殼蟹香脆，淡淡牛油果味，點少少wasabi就夠味，幾好。蒜片牛柳粒：牛柳粒淋得黎有口感，入味，有蒜味同洋蔥嘅甜味，調味調得唔錯。用鐵板上，食到最尾都係熱，唔怕凍晒。北海道芝士蛋糕：勁重芝士味，口感厚實，唔太甜，我就幾鐘意。

第一次食一休， 傳說中在旺角性價比好高的餐廳， 勁肚餓入去，結果勁失望。 叫了一碟海蜇冷盤， 有種咬極都唔斷的感覺，食左一兩口就放棄了。到壽司，平時食帶子壽司都係鮮甜仲有少少彈性， 一食落口， 帶子唔甜又太稔，成件事勁失望。 簡單啲講， 壽司唔夠新鮮又唔好食。軟殼蟹手卷， 心諗都應該係穩陣既， 但個紫菜真係有啲厚，個味同平時食既真係有啲唔同。鰻魚壽司， 係成餐飯最ok 穩陣既。到壽喜燒牛肉鍋， 成鍋最好食係個豆腐， 真係太咸， 牛肉又係太老要咬好耐。 一碟炸雞係即炸既， 但實在太多沙律醬，食左一半已經放棄， 太油膩，太酸喇🤦🏻‍♀️ 一餐飯埋單4百幾， 只有勁失望。

之前食過青衣長發分店覺得幾唔錯，可惜已經結業，出開旺角順道來試一下總店呢間，地鐵行兩三分鐘就到幾方便。見窗口位較為寬敞，不過我哋被安排普通四人卡位，感覺有點逼四個人每人叫咗一個午市套餐，雖然唔夠飽但覺得都好好味。魚生飯好新鮮，壽司的醋味剛剛好，天婦羅炸得夠脆、粉夠薄、食材亦好新鮮自家製章魚小丸子就冇乜特別套餐送嘅麵豉湯亦好飲。鐵板帶子牛油燒啖啖肉好惹味, 非常推介價錢亦都唔貴, 每人各自叫咗一份小食，食完之後好滿足，我同honey都覺得值80分。值得推介！

位置旺角一間食日式料理嘅餐廳，cp值超高，可以食到新鮮嘅刺身，壽司等等。三文魚刺身份量多，又抵食又新鮮。一件壽司的價錢大概9-12蚊起，抵食到爆啊！如果想食綜合版嘅刺身，可以點呢個刺身拼盤套餐，包涵半板海膽，鮑魚，三文魚腩等等超抵玩啊。熟食就叫咗個蒜味牛柳粒，好惹味啊！

餐廳嘅位置由於佢喺朗豪坊朗行過嚟都係一分鐘左右, 所以餐廳個位置係比較方便現場有好多卡位, 而且啲卡位係窗口位嚟㗎, 所以景觀唔錯呢間餐廳枱與枱之間有一定嘅距離, 所以都係坐得比較舒服嘅芝士蛋糕啲芝士味夠濃, 同埋個蛋糕好綿密同埋又滑, 值得一試芝麻醬豆腐沙律, 呢個沙律個份量都幾多㗎, 足夠兩個人食三文魚頭鍋, 魚頭份量有好多㗎, 又有魚頭, 又有好多魚肉, 配菜方面有豆腐, 有菜, 如果一個人食曬呢個魚頭鍋, 絕對夠飽, 價錢就係65蚊, 唔算貴, 都幾抵食

以前經常在旺角工作，位於38廣場一樓的「一休」日本料理差不多是我的飯堂，一段時間沒有來，這晚和朋友來食飯，「一休」的出品依然咁好。《三文魚刺身10片》$118《希靈魚刺身4片》$48食日本菜怎少的魚生，三文魚和希靈魚都非常新鮮好味。《大蝦天婦羅》$68大蝦天婦羅的炸粉又薄又脆，蝦很大隻和鮮甜。《三文魚炒飯》$78炒飯香氣撲鼻，飯粒分明，三文魚的份量都多。《牛肉壽喜燒》$65非常豐富的壽喜燒，大大片的牛肉上有隻雞蛋，底下鋪滿蔬菜、金菇、豆腐…… 壽喜燒最大的一個特點是湯底甜甜的，非常好喝。

一休和尚就聽得多😆一休日式料理第一次食😎是日收工後，同朋友見到旺角有哩間樓上餐廳，睇相食物都幾吸引，於是一試下午4點幾去食，環境闊落，店員安排我地坐卡位Menu有分單點同套餐我哋叫左：1️⃣加洲卷2️⃣蟹籽海膽炒飯3️⃣蕃茄海鮮烏冬4️⃣大阪燒上菜上得好快，基本上落單後5分鐘已經上左個加洲卷，個碟仲係暖既，所以壽司都暖暖地。加洲卷岩哂中意食蟹子既我，而且當中的餡料雞蛋青瓜夠健康👍🏻十級推薦哩個蟹籽海膽炒飯，除咗炒飯黃金色粒粒粒分明外，每一啖飯都好重海膽味，仲幾大舊添，加埋蟹籽，哩個海鮮飯真係一芝棒😋😋😋蕃茄海鮮烏冬要讚下個湯底，番茄味濃，甜甜的蕃茄味。配料超豐富，有蝦、魷魚、粟米粒等。大阪燒真係食極都唔厭，主要都係海鮮同埋蔬菜係入面，口感好鬆軟，加埋燒汁和沙律醬，連埋柴魚片一齊食一流。Overall 兩個人食得超飽，飯同烏冬都好大份🤩🤩本身餐廳附送熱茶，服務態度好👍🏻人均消費：$146/人抵食，下次再encore😎

男朋友話想食日本餐廳，咁我就喺旺角搵咗間唔錯嘅選擇。🤲🏼旺角地鐵站行過去3分鐘，地點都算方便，樓上舖環境都比較清靜👌🏻餐廳都幾有日本特色，刺身壽司一個個名寫喺個板度，牆掛晒日風嘅deco，環境係偏黃燈，整體環境都舒服寬敞~ 壽司🍣Order咗三文魚同吞拿魚！感覺性價比都幾高，價錢唔貴之餘，仲有啲特價壽司俾你選擇！叫多幾款都唔會肉痛🙈另外仲有叫幾款火炙壽司，特別一齊和牛壽司，好香牛味入口即溶🥰香芒乳酪蟹卷今次試一試比較特別嘅蟹卷！配埋芒果同埋乳酪，整體上都比較特別好fresh！值得推薦！👏🏻汁燒原隻魷魚筒🦑成隻魷魚就咁上，配埋啲燒汁少少甜，而且啲肉都好厚身，係吸引眼球嘅必點小食👍🏼黑松露帶子🍚炒飯+荔枝梳打用咗日本珍珠米去炒，將啲黑松露撈勻，感覺都幾好食，好香濃👏🏼餐廳仲有唔同嘅石鍋飯同埋麵類，有機會都要去再試一試！配埋一杯荔枝梳打，荔枝味同梳打都好濃，比例好啱，唔會好似有啲餐廳咁好淡味～

旺角山東街一間開業多年嘅日本料理，一休居食屋，環境整潔，設有多個卡位，坐得非常舒服，Menu非常多選擇，有刺身，壽司，一品料理，唐掦，鍋物，拉麵，丼物……應有盡有，而且價錢合理，怪不得今日午市都非常多客人🐔雞皮餃子 $ 58炸到脆卜卜嘅雞皮包住豬肉餡餃子，外脆內軟，非常惹味好食
另外點左一系列嘅灸燒壽司，全部用了新鮮，即叫即燒，每款加咗師傅配搭不同材料嘅心思，特別又好食
🦆鵝肝壽司 $ 40
🐟蔥吞拿魚腩軍艦壽司 $ 40🦀醬皇燒皇帝蟹棒壽司 $ 16🐠醬油七味燒左口魚邊壽司 $ 18🧀火炙芝士帶子壽司 $ 18🦐火炙玻璃胡麻蝦壽司 $ 16🥑牛油果軟殼蟹卷 $ 68抵食之選，有成六大件，軟殼蟹即炸，香脆熱辣辣，配合新鮮牛油果，沙律醬和蟹籽，口感先軟後脆，非常美味

「一休日本料理」，位於旺角38廣場一樓（即雅蘭中心……山東街方向正對面） 餐廳以日式簡樸裝修，坐位濶落，4人卡位為主，以QR code落單。 食物選擇，有刺身、壽司、沙律、串燒、鍋物、炸物等…… 黑松露三文魚沙律獨特香味嘅黑松露，配上粒粒三文魚刺身，兩樣食物好似唔係好啦間，但夾埋一齊又好好食。雜菜天婦羅 薄薄炸粉，包裹茄子、青椒、冬菇、南瓜 、蕃薯，入口酥脆。 火熖三色卷 火熖帶子、三文魚、吞拿魚卷各2件，加上醬料，微微火熖後的，鮮味更突出。最愛帶子，入口新鮮軟彈。

旺角出名多好野食，朋友介紹呢間一休日本料理，今日就試下佢☺️入口就喺雅蘭中心對面，非常就腳。由於我地去到只係6點，就比較多位，但係一去到7點，就已經好多人，要book位！所以下次去食應該都要預早book定好d🙈食物方面真係有驚喜！我地叫左火焰三色卷、牛油燒帶子、牛肉壽喜燒鍋加烏冬、原隻燒魷魚。火焰三色卷實物比餐牌上嘅圖片更加靚😍原本我以為三色嘅意思係每一件卷物都有齊3樣野，原來係一碟有3個款，分別係三文魚、帶子同埋吞拿魚。每件都好好味好鮮甜。而且一碟就有3種海鮮，啱晒想食下唔同海鮮嘅人。牛油燒帶子有5大粒帶子！粒粒都又大又鮮味。牛油味都好香濃，好滿足呀😍燒魷魚一隻份量好多，切到好幼身，好爽口彈牙，鮮嫩，一D都唔老唔靭。🤤牛肉壽喜燒鍋好好味呀☺️個湯底都好好飲，連湯底都飲埋。而且好多蔬菜，幾健康，配烏冬好正！

嚟到旺角食日本嘢有很多選擇， 我哋就選擇咗呢一間 位於38廣場的 一休。一休我細細個就已經有呢食過， 佢哋現在新裝修， 座位好舒適 寬敞。裝修 闊落 地方乾淨大蝦沙律 有兩隻大大隻 刺身大蝦 有蟹子 清新田園生菜 車厘茄 爽甜醒胃番茄牛肉烏冬 甜甜蕃茄 新鮮牛肉 牛肉 彈牙多汁 配上日式魚蛋 烏冬非常 煙韌好味鰻魚壽司 大大塊鰻魚 壽司的飯粒用上日本米 口感豐富 火焰三文魚 新鮮好味 同火焰油金魚 口感豐富 油甘魚 火灼過後 魚 味濃郁日本 生蠔 清新可口 大大隻 非常之肥美 充滿海水 口感豐富 食落 精神可口。埋單剛剛好三百蚊有找

好耐之前黎過一休同朋友聚餐,好耐冇食,呢排又黎返,因為價錢親民。叫左杯桃味既梳打,好夠氣。燒蝦好有風味,加埋新鮮既檸檬汁,海鮮味更加出。鰻魚壽司都令人大滿足,啖啖肉,個汁都好吸引人,裡面仲有青爪、玉子,好豐盛,份量亦都幾多下。蕃茄烏冬有特色,好濃既蕃茄味,仲有鳴門卷、粟米添!烏冬相當彈牙,好抵食。呢度散叫既壽司都好平下,可以試到唔同既味道。整體黎講呢度算物超所值,而且上菜快。又近MTR!唔錯唔錯!