一休(居食屋)日本料理 (38廣場)

营业中

休息中

今日同兩位朋友去咗旺角食日本嘢 分別叫咗一個拉麵一個魚生飯一份壽司 同埋幾款小食綜合壽司拼盤 有12件壽司 分別有三文魚吞拿魚帶子海蝦花之戀等等 賣相都唔差 魚生刺身都切得豪爽 完全包裹住舊飯 魚生刺身嘅味道唔錯 唔會有雪藏味✌🏻豬骨濃湯拉麵 嗰幾塊叉燒都唔錯 肥瘦適中 唔會太肥太油膩 麵質亦都幾爽口 幾十蚊來講都算係抵食小食方面 玉子燒都做得唔錯 蛋味香濃 蛋唔會太老 再加埋上面嘅燒汁 令到玉子燒更加惹味😋另外燒魷魚都幾好食 成條嘅份量都幾多三個人食買單先$500左右 每人百幾蚊就食到好飽 果然好抵食👍🏻

第一次嚟旺角山東街一休 職員正正常常😺環境都唔錯 俾咗張卡位我哋。可以坐得舒舒服服 唔使迫。啲嘢食算係嚟得快 👍可能冇乜人嘅關係, 同埋啲服務都可以 👍因為都係QR code落單 ,要改進嘅就係啲刺身同埋壽司， 尤其是個三文魚沙律真係超級細碟，好似啲放題嘅頭盤咁 ，跟住個特價三魚刺身真係好霉 好彩細細舊 之後嗰個活赤貝壽司真係麻麻哋。特價$9嗰個仲好過佢😿唯一可以嘅都係鐵板牛油帶子👍🏼都係果句冇下次😿😿😿

朋友介紹話呢間日本餐廳，好味又抵食，帶埋我去試下。我地叫咗幾款食物share。~~三文魚刺身叫咗十片，睇到三文魚d魚紋就知好新鮮，食落好香油脂味，口感同味道都一流。~~火焰黑豚肉拉麵好大碗，黑豚肉燒過，食落好香。肉質好軟腍，肥瘦適中，仲有成三片。隻蛋係流心蛋，好好味。連配料嘅粟米都好甜。~~軟殼蟹天婦羅即叫即整，熱辣辣。天婦羅炸得好香口，食落脆卜卜，軟殼蟹份量都算多。~~三文魚加州卷加州卷係我最愛，每次食日本嘢都要叫。呢間餐廳嘅加州卷都幾好食。三文魚好新鮮。加埋青瓜，玉子，蟹柳，蟹籽，同埋沙律醬，味道超夾。餐廳環境好大，坐得好舒服，好啱同朋友，屋企人嚟食。

同幾個朋友約去旺角食飯，嚟咗一休。遇到佢有優惠：7點半前食夠$100可以$68加十片三文魚魚生！仲有幾款$9壽司都好高質！大推佢嘅牛油果軟殼蟹卷同埋芒果蟹肉卷，味道好夾，亦好新奇嘅配撘。常見嘅壽司例如帶子、赤貝、赤蝦、螺肉軍鑑等等，味道都不錯，價錢都抵食。朋友裡面有男仔所以都有叫個拉麵，都唔錯。如果想飽啲可以試吓。甜品就試咗日式芝士蛋糕同埋紅豆丸子，正正常常。個丸子其實係雪糕糯米糍，加啲紅豆同埋Cream，一班朋友食都幾好。同埋可以坐幾耐，傾到九點幾十點都OK😝。

一休嘅食物款式真係好多， 日本料理餐廳當然唔少得壽司同埋刺身，另外仲有提供各種餐前小食、燒物、炸物、鍋物、丼飯等等。價錢合理，走平民路線，同食物質素相符，比得錢食嘢就想有一定嘅質素，起碼唔會食到成肚氣壽司拼盤(梅) 三文魚腩 和牛 帶子 油甘魚 劍魚腩 甜蝦 北寄貝 磯燒鮑魚 加州卷 是日精選壽司$188 一個拼盤有十二舊壽司 真係夠曬豐富 叫拼盤嘅好處就係比單點便宜 整齊款款都好食 刺身夠新鮮 冇雪藏味 又唔腥三文魚腩真係好肥美 滑捋捋 油脂豐富 好鬼正和牛刺身 沒有血淋淋嘅感覺 感覺有點像在吃魚生一樣 脂肪比例平均 入口有種即溶感覺劍魚腩刺身$62 刺身以厚切方式呈現 足足有一對筷子咁厚 口感確實大滿足 劍魚腩好爽口 魚脂豐富油甘魚腩壽司$20 大分縣直送 食材由日本空運到港 嚴選高質食材 作為食客的我確實有口福環境方面 日式裝修格局 乾淨整齊又企理 有窗邊位置可以望到街景

次次食親日本嘢都好貴，今次阿妹就帶咗我黎依間旺角鬧市好抵食嘅《一休》試下！雖則食日本嘢多數食魚生，但個日就無嗌魚生，反而嗌咗好多熱食！.《芝士火炙三文魚加州卷》暖笠笠嘅火炙三文魚+加州卷絕對無得輸！份量都好足！.《廣島吉列炸蠔》炸衣脆卜卜，唔會太厚。啲蠔雖然唔係好大隻，但勝在無腥味，配燒汁食係熱氣但好滿足嘅享受！.《鐵板帶子牛油燒》大推🔥🔥🔥舊舊帶子都好大粒，配燒牛油係有少少邪惡之選啲牛油味都infuse埋落啲菇到好正面嘅檸檬都有助消滯超抵食！（兩個人食到依個位已經飽咗8成😆）.《滑蛋吉列豬扒丼飯》食親日本嘢，最後都一定要嗌個飯滿足下對澱粉質嘅慾望！個飯好夠熱，豬扒份量都好多！平時食嘅滑蛋飯好多時上桌已經唔夠熱/炸豬扒淋咗，但依度嘅豬扒仲keep到外皮脆！私心覺得如果再多少少蛋會再豐富滿足啲🤣但overall都好抵食好滿足！食得多啲都唔會覺得肉赤！💕

今日同幾個朋友去咗旺角食飯，想食得清淡啲，於是就揀咗日本嘢，見到呢間價錢唔算好貴，舖頭嘅裝修都唔錯，所以就入咗去試下。個人最鍾意食有牛油果嘅壽司，因為有creamy嘅口感，拍得住魚生。所以叫咗一客牛油果軟殼蟹，一客有六件，入邊嘅軟殼蟹新鮮炸起，所以脆卜卜，香脆嘅口感加上牛油果嘅順滑，再配上沙律醬嘅調味，口感豐富，唔需要額外點豉油都已經好好食。另外叫咗個鐵板牛同埋牛舌串燒，兩款都唔錯，烹煮煮嘅時間啱啱好，牛肉唔會乾柴，充滿肉汁。魚生刺身同其他食物正常發揮，價錢親民。

過了午飯時間，大概兩點入座，完全不用排隊，座位十分寬敞，卡位有 privacy, 座位與座位之間有距離，感覺舒服。除了入口有點兒難搵之外，地點在旺角市中心，非常方便。先來火炙吞拿魚沙律，吞拿魚新鮮，沙律爽口。火炙三文魚腩厚切壽司，三文魚腩肥美，食完想再食。鹽燒冬菇，再配上薑蓉，將冬菇的味道調起來，好味。香草燒雞翼，醃製入味，可惜只有三隻。因為我與友人都十分之喜歡番薯，所以只叫了番薯天婦羅，味道適中，炸而不油膩，佢嘅汁加上蘿蔔蓉薑蓉，超好味。至於佢嘅大阪燒，分量剛剛好，不會太油膩或者粉狀，配料混合得好味，不過要趁熱食。最後推介佢哋嘅豚肉泡菜鍋，超入味，豬肉片好友豬肉味，配上泡菜，非常惹味。可能因為過咗午飯時間，所叫的食物，轉個頭便迅速上枱，因為吃唔切，有部份食物已轉冷，有點兒可惜。基本上，以佢哋嘅食物質素，以這個價錢，是非常之性價比高，十分之推介 ！筆者會再來 …

一般去開居酒屋食飯，落樓買單都要成五六百 ，今次去呢間居酒屋食飯，價錢不單止好親民，份量都唔少。同埋佢哋嘅種類都好多，除咗壽司刺身外，仲有好多唔同種類嘅錢財、卷物、燒物。叫咗個日式豚肉鍋，豚肉都有成六七件，仲要全部大大塊，另外下面仲有豆腐同埋雜菜，豆腐好滑，個湯底好濃郁。叫咗個軟殼蟹牛油果卷物，軟殼蟹新鮮炸起好香脆，同埋牛油果一齊食好夾，完全中和左熱氣嗰種感覺。另外叫咗一碟多春魚同埋一個帶子黑松露炒飯，帶子嘅份量都幾多，整碟好濃郁嘅黑松露味， 啲飯咬落去好彈性，個多春魚就冇乜太大特別。

同朋友行街，突然想食日本野。隨心去咗呢間餐廳，發現驚喜！首先，唔駛等好耐位已經可以入去。實在太肚餓所以即時點咗一堆野食：三文魚刺身、帶子壽司、牛油果軟殼蟹卷、芒果乳酪蟹肉卷等等，全部都好食，同埋卷物有好多款揀。我本身鐘意食芒果同牛油果，啲壽司都配撘得好好呢！飲品就當然要配清酒。佢嘅清酒樽同杯都好靚，又Keep到啲酒凍但唔好稀釋啲酒，係好貼心的設計呢！🍶食完想同朋友再傾耐啲都無問題。嗌多咗杯生啤酒，配埋炸雞軟骨真係無敵！每人賣單都不用$200！抵！

今日同朋友食飯，喺openrice見到呢間居酒屋好似幾好又唔貴，一於試下。地點都幾方便，好近朗豪坊，係樓上舖嚟嘅。入到嚟環境都幾闊落，我哋被安排去一個卡位，望出玻璃就係見到街景。呢度係q r code落單嘅，所以都好方便。檯面會有一壺暖水，同埋兩個茶包畀我哋自己沖茶飲，茶係玄米茶黎嘅，食完凍野之後飲返啖好暖胃。三文魚 （十切） 三文魚黎到色澤都幾新鮮，每塊都切得好厚，食落新鮮唔會好重雪味，所以質素其實唔錯。大蝦天婦羅 嚟到都有五大件，炸到好大，炸得好酥脆，擺咗一陣都唔會話好快就淋，咬落蝦係彈牙嘅，不過如果炸粉可以少啲嘅話就會更加滿足啦！炸雞軟骨粒 分量超級多，好驚喜，炸得幾好，而且呢隻雞軟骨係會帶埋少少肉嘅，所以唔會淨係得骨畀你食，點埋佢嘅沙律醬好惹味。牛油果軟殼蟹卷 一入口牛油果係熟嘅，超重牛油果味，好creamy，而軟殼蟹炸得啱啱好，分量都多由於我哋兩個女仔，所以食咗唔多嘢，整體嚟講質素唔錯，價錢都好平民貼地，好適合一大班friend一齊可以share更加多嘅嘢食

呢間餐廳係聽朋友介紹嘅，咁啱今晚媽咪冇煮飯，於是就帶媽咪嚟食兩母女撐下枱腳。 入到嚟見到環境都幾乾淨，座位都算多，我哋去到嘅時候係大概六點鐘，未係好多人，但係食完七點半左右，其實已經差唔多full曬，都幾旺架。因為媽咪鍾意食蟹籽沙律，所以我哋就叫咗一個嚟試下，價錢唔貴但都好大碟，蟹柳蟹籽青瓜全部都畀得好足， 啖啖都有齊曬，而且我欣賞佢嘅沙律係夠凍嘅，唔會好似其他餐廳暖暖哋咁樣，食落好爽。之後叫左兩串和牛粒串燒， 呢個應該係即燒嘅，熱辣辣，淋咗啲醬汁，兩串都有大大粒和牛粒 ，中間夾住一啲洋蔥，半生熟嘅，增加左啲口感，和牛食落嫩滑，唔錯而媽咪唔想食涷野，所以又叫左個牛肉壽喜鍋，入面都好多材料，有好多娃娃菜金針菇同埋肥牛，肥牛質素都ok,唔係好韌嗰一隻，連埋日本生蛋一齊食，再加甜甜嘅湯底，好味最後另外叫咗兩款壽司，分別係火炙芝士帶子壽司同黑松露油甘魚壽司，帶子壽司芝士味好濃，帶子都夠厚。黑松露個款味道超濃，油甘魚重油香。整體呢間餐廳都唔錯，價錢貼地，野食都幾好味，諗唔到食咩又想平平哋嘅時候可以試下

今日在旺角交收文件後，相約朋友在旺角附近吃好東西，朋友又有選擇障礙症，其實他是順得人就真🤣🤣當然在旺角區一定吃平、靚、正😁一休日本料理(旺角)1.特盛海鮮丼~新鮮材料非常豐富熟蝦和刺生蝦鮮甜，三文魚入口油潤，赤貝.....等2.蕃茄濃湯海鮮鍋加烏冬~濃郁蕃茄湯底酸酸甜甜，如愛吃蕃茄的人使一定愛上😋😋，烏冬滑溜煙韌掛上濃郁蕃茄湯好好味。但是不要忽視主打真材實料海鮮 ~ 北寄貝，三文魚，蝦，青口，墨魚仔，還有數不盡新鮮疏菜......等3.自家製章魚小丸子~章魚小丸子外脆內軟，每粒小丸子都有章魚粒有咬口，淋上章魚燒醬，還可加上芥末提味，面層鋪上柴魚片非常滋味😋😋4.北海道忌廉紅豆綠茶小丸子~綠茶小丸子細細綠茶味香濃，口感煙韌，紅豆軟糯，忌廉香甜可口，一頓非常滿足午餐

今日放工喺旺角搵咗間日本野試吓 呢間餐廳之前喺青衣都食到佢嘅分店記得質素都唔錯 最緊要係價錢都算親民所以今次都嚟咗食三文魚刺身十切 $98刺身雖然稱不上好頂級 但係都算鮮甜 而且份量都幾多 絕對對得住價錢另外都加咗杯抹茶牛奶🥛飲落去有啲似pacific macha latte今日都比較想食其他熟食 所以就試咗佢哋呢度嘅 鰻魚炒飯$88鰻魚份量都可以接受 係連埋炒飯炒嘅唔係分開上 炒飯粒粒分明唔會太過油膩 石鍋牛肉飯 牛肉飯加埋啲飯焦食落去有啲似日式pepper lunch 另一番風味👍個人覺得加埋個三文魚刺身食其實都啱啱好 有肉有飯 總括嚟講呢間日本餐廳食晏夜晚來講都算抵食唔算太貴 而且質素都算唔錯 喺正工作地區

旺角近彌敦道同朗豪坊之間有間日本餐廳7:30前落單有八五折，有三文魚刺身，赤海蝦壽司，赤貝壽司，三文魚腩壽司。提供嘅選擇幾啱口味，落完單仲可以慢慢食。上一樓，開lift就係正門。座位好多卡位，有一邊係窗口位望住雅蘭中心，燈光以暖色為主。order 三款刺身都用一盤上，賣相好 blink blink, 三文魚腩好有油脂香，北寄貝都算大塊同新鮮。胡麻豆腐沙律有蕃茄仔，分量唔算細。鹽燒三文魚鰭煎得香口，一共四件可以熱辣辣品嚐。西京燒銀雪魚厚厚的，仲有啲油香。每日下午仲有便當，豚肉生薑，吉列芝士蝦餅。下次可以試吓再配過三文魚刺身剛剛好