一休(居食屋)日本料理 (38廣場)

营业中

休息中

旺角雖然食肆多，但每逢需要選擇，確是一種煩惱呢。既然都是找個地方傾計食飯，眼見樓下廣告賣相吸引，就與友人一齊試試。樓上店最大好處就是環境較舒適及寧靜，相比樓下的鬧市，確是很大對比。刺身三點盛 ($68)三文魚腩肥美，每口都充滿魚油香味。油甘魚很鮮味，肉質彈牙，口感不錯。甜蝦大大隻，新鮮欠奉，有腥味的。我們點了五款食店的特價壽司，雖然特價，但份量和質素都可接受的。厚切三文魚壽司 ($9/件)特厚的三文魚，像” 綿胎” 一樣，看不見底下的飯，味道與三文魚腩接近，值得一試。A5和牛壽司 ($9/件)輕輕燒過的和牛，不會過熟，肉質軟滑，但芝麻份量過多，蓋過了和牛的味道呢。醬油七味火灸左口魚邊壽司 ($9/件)左口魚邊香滑，入口即化，整體口味配搭，值得一試。鰻魚加州卷 ($9/件)鰻魚入口軟綿綿，味道香濃，以這個價錢來說很吸引。日式吉列牛扒 ($125)日式吉列牛扒確是少見，加上餐牌的圖片和描述，另我們點了來試試。可以用一個 “伏” 字來形容，牛扒與茶餐廳的吉列牛扒沒有大分別，分別應該是價錢，炸粉皮鬆散且厚，口感奇差，有待改善。鰻魚串燒 ($58)吃過鰻魚加州卷，覺得味道不錯，所以過了鰻魚串燒滿

放工同同事搵飯食，熱辣辣好想食日本野，又到糧尾，夜晚要係旺角搵唔迫又坐得舒服的平價日本餐廳真係幾難，上星期終於搵到呢間~呢間日本餐廳係樓上，都幾大，好多卡位，我同同事係晚飯時間都唔使點等位，就有窗邊卡位坐，寬敞好坐，無限制用餐時間，可同同事吹水 勁鍾意食軟骨的我叫左個軟骨餃子棒，32蚊都幾平，怎料餃子好有水準！食落啖啖都有軟骨粒，好有嚼頭，薄餃子皮炸到脆口，我差啲自己食哂成碟 我地散叫左啲壽司，都幾多款式。壽司算抵食，無失水準。值得讚的係海膽壽司，42蚊兩件，海膽夠凍，無怪味，密舖成件壽司，食落好滿足，唯紫菜不夠脆。磯煮的帆立貝好大件，醬汁惹味，28蚊兩件，抵食！芒果乳酪松葉蟹卷都落足料，天時熱好岩食，微酸芒果乳酪幾醒胃。不得不提鰻魚炒飯超大碟！我同同事兩個一齊食都食唔哂，幾多鰻魚粒，炒飯醬汁香濃。總括來講，呢間日本餐廳用餐環境良好，服務不俗，座位舒適。食物抵食，質素不俗。

天氣好熱無咩胃口，所以揀左黎依度食日本菜一入餐廳，地方好大好寬敞暗黃色燈光是居食屋既格調星期一至日都有一款食物優惠當晚食係星期一我地都叫左海鮮沙律食刺身份量不少，鋪得滿滿的仲有兩隻甜蝦，size都唔細嫁！而且挺新鮮沙律醬係分碟上，可根據自己既喜好而落食日本菜叫生蠔還是第一次泰勒生蠔（一打）生蠔很肥厚同爽口，食落新鮮可是沒有很重的海水味小食方面，叫了炸芝士飯配明太子醬有淡淡的芝士味，外皮炸得很脆👍🏻👍🏻炸飯糰挺特別的特盛刺身丼醋飯味道可以多一點提子汽酒微微的酒味，不會太甜整體來說這間日式料理價錢不貴，而且食物質素也不俗

今晚去左旺角捉寵物小精靈 就要搵個地方可以一路食野 一路捉!!!最後就去左山東街一休食日本野係街捉小精靈行左好耐 行到好肚餓今日兩個人都叫左比較多野食 叫完唔洗5分鐘 花之戀+一休海鮮沙律 已經到花之戀上沙律醬夠多 三文魚厚身食落去有很幸福的感覺 而且三文魚子脆卜卜一休海鮮沙律 沙律菜上滿佈刺身海鮮除左三文魚 鯛魚 蟹柳 仲兩隻甜蝦不錯的前菜係香港好少地方有熱既厚燒玉子所以每次去一休都會叫玉子很厚身 蛋帶有少少甜味 食入口時 還是暖暖的中意食蛋既人 必叫之前食過一休既壽司都不錯 今次叫左個香芒乳酪松葉蟹卷香芒酸酸 連壽司食落口不會覺很滯 不錯的配搭依到既食物種類真係好多 仲有日本串燒比客人選擇叫左串和牛串燒試試超好食 很有牛肉味 串燒上滿佈醬汁 牛肉夾住燒洋蔥一齊食 唔會覺太濃啖啖肉 牛肉又唔會燒到太硬 值得一試最後未夠飽 叫多左個 親子丼飯飯的份量也頗多 足夠兩個人一齊share非常抵食今餐真係好滿足 而且一休價錢真係好合理叫左6樣野食都係每人$150想食日本野 去一休真係最抵!!!! 

呢度都算大, 最好既係地方枱面都夠闊落, 我同朋友今日坐咗卡位位置, 好舒適早收工仲可以趕得及7:30前落單, 食到好抵既壽司刺身!鰻魚卷 $42鰻魚多肉多汁，有幾條幼骨，入面嘅料似加州卷 有青瓜玉子蟹柳，啲飯握得啱啱好 唔會太實又唔易散左: 火炙黑松露帶子壽司 $20 (discount -3)帶子厚肉又甜 但可以燒得再香啲就好了 黑松露味唔係好重 所以普通帆立貝應該已經夠好味右: 醬皇燒皇帝蟹捧壽司 $15 (discount -2)朋友食火炙左口魚邊壽司 $9 一件魚肉夠滑，燒得亦香 啲汁多又甜三文魚刺身 $40 (優惠價)好多件 好抵食！三文魚夠肥美鮮甜 真係堅抵香芒乳酪松葉蟹卷 $52好特別既口味 感覺健康 我最鍾意酸酸地嘅芒果 配壽司食好開胃。不過乳酪味好淡，而入面食落似炸蟹棒厚燒玉子 $38真係好厚 好香蛋味 上菜時夠熱咬落夠軟熟炸芝士年糕 $28強烈推介！炸得唔會太燶太熱氣，外皮脆得剛剛好！年糕好煙韌，入面流心芝士超濃郁嘅芝士味 我食咗兩嚿仲想再食！今晚食得好滿足 樣樣好大份又好味，食飽傾飽埋單只係$277，超抵

平日去日本餐廳唔想食生冷野的話，我通常都會點鍋物定食。因為濕濕地暖粒粒的湯飯很易入口，而且帶甜味既湯底的確很合我心意。上檯時要不斷將熱湯淋落隻雞蛋到，去到雞蛋半熟既情況下就可以用黎撈飯了~ 肉質夠薄又夠鮮嫩，唔想過熟的話就唔好浸太耐先食喇。冬菇煮得夠淋夠入味，而且都算大隻唔會一啖就食晒。用晒充滿肉汁既湯底黎送飯，又是yummy yummy的一餐。

今晚行到山東街附近，又唔知食咩好，見到個水牌7：30前落單有折就不如試下啦。上到去叫左個極上魚生飯，39.9十片魚生，地獄拉面，3樣。極上魚生飯，一上個樣ok嘅，但一夾起D魚生就火起，吞拿魚，一種好似係劍魚，魷魚，三文魚，片片紙禁薄片片紙禁薄又細片，薄到可(透光)氣忿，食左入口都唔知咩味，係有一D靑瓜粒蟹柳粒蛋粒就大大粒，D飯都好難食jam 住一嚿嚿，醋味多到暈，68元超唔值。。。😡😡地獄拉面，唔可以叫地獄，普通面啦，食完好要飲好多水。39.9十 片魚生叫合格，但都係細片ga la ，埋單203真係好搵笨，出去食都可以食到。。呢世唔會再去。。。😠

今晚同友伴諗住搵下新嘢食，點之中伏......講左個40蝦嘅三文魚，外填唔差，油脂分布都平均，但食落口好軔，同埋完全有魚生味只得冷藏味三色卷，海膽偏腥，另外兩個淡而無味大蝦壽司，惟一滿意嘅食物，蝦夠新鮮且甜美軟殼蟹芝士卷，其實味道上ok,但佢好大件而鬆散，軟殼蟹好似放得耐左所以淋了

朋友的曼魚飯，偷左一啖黎食，曼魚無骨幾好食，不過係咸左dd，送飯食就啱。三文魚頭窩，係令我喜岀望外的。冒險一試，已經有心理準備會腥or無乜料。結果d魚係唔腥，勁大窩，而且裝滿料。最後要好努力先食得完。真係大件夾抵食！好大窩，兩個女仔share都夠食！下次黎可以再encore咁既價錢，超值。

今天去了旺角行街食飯，表妹系個學生妹帶我去食平價日本菜是咁的～行過路過唔好錯的易拉架的廣告，所以我們7:30前落單有8折優惠，便毫不猶豫去食飯極上魚生飯$68～這個丼十分豐富有三文魚，甜蝦、吞拿魚、油金魚、蟹子、蟹柳丶甜蛋做成，魚生算新鮮冇雪味而且還是厚切，沒有因為平價而馬虎三文魚海膽魚生飯$68～比上一個簡單一點，但海膽永遠是我首選，同樣鮮味牛油果軟殼蟹壽司$48～一般水準，只是軟殻蟹太鹹，但粉槳薄而脆，有少許油益味芥末八爪魚$24～紫菜有咬口，八爪魚切粒混合wasabi 把腥味癖去，好少會失準星期六特價的蕃茄大蝦鍋$39～湯底是蕃茄濃湯加入什菜豆腐中蝦，湯底好正，有茄粒而且好重蕃茄味，什菜亦能提升湯的鮮甜豆腐都好滑但蝦確實太霉，所以我們放棄食蝦，但我們亦把湯全部飲清光消費才$270是平價之選，環境和服務都好好，在旺角人來人往可以食平價曰本菜也是一個好選擇

今日又黎左一休食個lunch，我間唔中都會去呢間食lunch，晚餐就真係未試過，貪佢午餐有好多選擇而價錢都經濟，環境方面雖然餐廳環境都幾舊而且燈光昏暗，但係so far 都未比我見到小強今次叫了槍燒鰻魚飯，跟餐的一碗面豉湯和飲品先到～ 面豉湯屬正常普通水準，熱辣辣的，飲品叫了杯熱鴛鴦，反而幾有驚喜 因為估唔到佢沖得幾好飲 碗飯的賣相都唔錯，鰻魚有五六片 份量都算唔少，雖然每塊的厚度都相當薄，但都幾好味而且全部都冇骨的，略嫌佢唔夠多鰻魚醬汁，多d 汁可以撈飯就更好。啲飯係壽司飯嚟，室溫偏涼少少的溫度，好似食緊好多件鰻魚壽司咁壽司飯都調味不錯，醋味適中。上面仲有好多我最愛的紫菜絲，撈埋一齊食幾好味。

係旺角，LUNCH其實好多選擇，偏偏我地就揀左個伏 ,下晝一行2人去試下呢間日本野。入去有一陣味, 勁凍,個員工話中央冷氣,冷氣10度,凍得傷風感冒 三文魚骨腩煱定食重點係D三文魚好差, 用特價買返來果D, 全部係肥到冇人會食果D腩位,腥唔新鮮, 飯非常乾硬,差!三文魚刺身飯，都係俾三文魚頭頭尾尾既位，唔少係有筋， 凍飯 ,簡單的說，争鮮的魚生飯更好食。除左唔洗等位, 同埋唔洗BOOK 位之外, 沒有再幫襯的理由...

這餐廳的午餐如在一點前結賬, 是有85折優惠的, 適逢今日提早食LUNCH 就去試試呢間啦~ 午餐餐牌有好多選擇, 揀左一輪先揀到呢個槍燒三色飯, 三色是指: 三文魚, 帶子和左口魚邊. 飯一上枱就覺得賣相好吸引, 好香, 每種都有三四片 份量都不少了! 先吃吃口飯, 原來是壽司飯嚟㗎, 喜出望外, 因為原本以為只是普通的白飯. 由於是壽司飯的關係, 飯底是不熱的, 但又不算凍! 這個溫度剛剛好. 而且壽司飯的調味也不錯, 不會太酸, 質地都幾好! 再吃吃三文魚, 稍燒一下的三文魚好好味, 感覺比魚生仲好吃點~不過就略為薄了一點....帶子都好香, 都幾新鮮的. 左口魚邊吃入口更有少少入口即溶既感覺~ 很香油脂味~ 這頓午餐好滿意, 一定會再來! 佢這個午餐仲會跟一碗面豉湯和飲品的.

今晚約左死黨H去旺角食飯吹水，行行下就去左呢間餐廳 坐底後我地2條友就左睇右睇，之後就叫左幾款食物 先黎有三文魚刺身，份量唔算好少，切得幾厚身吓，食落鮮甜之餘，仲好juice，好味道~壽司就點左鵝肝及帆立貝，配埋我最愛既ASAHI啤酒，真係爽 熱食方面點左個蕃茄烏冬，湯底好味呀！可能夜嘅關係，侍應比較少人，不過一叫到仆埋黎幫手，加分 又是滿足的一餐！

一休係細個就成日聽的名字, 因為果套卡通片嘛~~~ 但係一休日本野, 都係聽左好多年, 由女人街食到去山東街! 一休始終如一, 一樣咁好美, 性價比高!!!!!精美餐牌!!!炸雞沙律, 聽個名似韓風? 其實都係日本風, 沙律醬吱得好靚, 撈一撈黎食, 有生菜的鮮, 炸雞的香, 一休的水準! 烤雞一D都唔差! 表面脆卜卜, 入面啖啖肉!食日本野, 緊係飲Asahi, 是常識吧?!今日食下D靚野先! 生! 牛! 肉! 呢個生牛肉, 絕對泊得住平時貴價邊爐的生牛肉! 口感唔錯! 入面即溶有牛香!明太子醬餃子! 香香的明太子醬配上惹味金香的餃子, 味道濃而不膩, 一口咬落去肉汁即時飛出黎~~~難得難得! 一客成4隻, 夠飽肚!