一休(居食屋)日本料理 (38廣場)

营业中

休息中

已經食咗幾年，今日手痕寫下嘢。環境唔錯，地點就腳，方便坐耐d都ok。野食水準唔錯。最愛芝士年糕！！侍應態度唔錯，MK黎講難得一見啦！食物款式充足，各有所需，滿足到一大班朋友！價錢方面合理。

今日小弟加班，放工嘅時候已經係午夜十二點正，一條友勁肚餓，想搵返間好嘢食吓，但心諗，應該大部分餐廳都收哂咁滯。於是就上網睇睇openrice先，見到附近有間叫一休嘅日本餐廳開到凌晨兩點，啱哂！即刻去試一試先。餐廳到十二點過後人客唔太多，我嚟到就被安排到卡位坐。因為實在太肚餓啦，所以用咗九秒九嘅時間睇餐牌，之後就即刻落咗order。先嚟係三文魚刺身，一個人食，份量算多，有成十切咁多，每片亦算厚身，滿足！之後試佢哋嘅特色壽司，三文魚卷，算係我依餐嘅主食，大大件，食哂嘅話，基本上都飽咗。不過話明要慰勞自己，當然想再食吓其他嘢啦，所以一開始都叫埋串燒。先上嘅係燒牛舌，估唔到咁有水準，牛燒得香口，食落有嘴勁，加上黑椒嘅調味，一絕！再嚟係鹽燒雞軟骨，燒到金黃色，但唔算太過油膩，同樣食佢嘅口感，鹽嘅味道亦恰到好處。以一個人嘅份量嚟講，今餐已經係超豐富啦！

同朋友行街行到攰，緊係要嘆一嘆HEA一HEA先啦，同朋友揀左呢間日本料理黎食，見到個MENU都唔算好貴，平食岩哂我地窮L我地二人行叫左一個岩石燒牛舌薄切，一個壽司拼盤(戀火)同一個蟹籽海膽炒飯。我同朋有都好鍾意食牛舌，平時食嘅牛舌通常都係串燒黎而且吾係薄切，所以見有啲新意所以叫左碟黎食，夠熱亦都唔會好爛咬，都算嫩口，出面好多牛舌都係食過夜粥，練過武功壽司拼盤啲刺身幾新鮮，$78就有13件，真係好抵食！而且啲刺身仲要唔係薄切，係正常嘅厚到 整體黎講，呢間餐廳可以encore，唔貴而且水準OK

31/3/2018 用餐食物：3/5 (不過不失）服務： 3.5/5 (牛油果軟殼蟹卷明顯漏單，當時客人不多，催單時幸好服務員態度不錯）環境： 4/5 (整潔舒適，氣氛不錯）730  前落單壽司刺身有85折（唔包卷物）三文魚刺身10片： 惠顧滿100蚊可以40蚊享用，尚算新鮮肥美，幾抵食蔥吞拿魚蓉：味道唔錯，有油香。海膽壽司：唔腥無怪味，甜中帶苦味。三文魚子：唔腥味甜，唔錯。鰻魚：一般，無特別。池魚：好少食，覺得唔算好食。赤貝：特價9蚊件，味道普通。特大帶子：肥美好味。辣味蝦：特價9蚊件，只食到微辣味，個人幾鍾意個味道。火炙和牛：9蚊件，火炙後幾香口，抵食。火炙左口魚邊：加了7味粉，味道還好牛油果軟殼蟹卷：味道一般，軟殼蟹不夠脆，牛油果味不強。雞軟骨：香口，好大碟，好抵食燒冬菇串： 有點太咸

不起眼的日本料理，如果唔係朋友講過都唔知有呢間野🙈🙈🙈一上到去地方乾淨企理，啲位都幾闊,坐得幾舒服👍🏼👍🏼我同daddy mami嗌左鐵板羊架，雜錦天婦羅同和牛刺身(半客)🤤🤤鐵板羊架(2件$68):唔會太熟，唔會太生，岩岩好👍🏼 亦都厚肉，而且價錢都幾抵👍🏼雜錦天婦羅：即叫即炸👍🏼 粉唔會太厚，亦炸得幾乾爽，唔會勁油和牛刺身(半客)：同係韓國食嘅生牛肉唔同，冇甘甜，但另一番風味👍🏼整體黎講都不錯吃👍🏼

話說今日已經係年廿四, 仲有一個星期都冇就新年我女友捉左我同佢去掃年貨掃完都差不多6點幾7點, 甘就不如食埋飯先啦甘我女友第一時間就話食日本野...但係買哂新年野冇咩錢一休都好似唔錯, 日本野又唔貴~二話不說就衝上去, 好多人 , 好彩都有位我女友都叫左唔少野食日本生和牛 半份我第二次食生牛肉估唔到又幾好食, 唔算入口即溶, 但牛味幾重反卷有拼盤, 2款一齊慢慢食, 唔駛簡黎簡去芒果反卷夠好食, 芒果味唔算太濃, 搶左蝦既味道,微酸微酸夠哂開胃牛油果食落口感十足, 唔會悶.. 淡淡牛油果清香味配蝦味都幾夾幾清新雞軟骨係我至愛, 所以一定要點黎食上枱熱辣辣又多, 可能岩岩炸起入口脆, 有咬口, 佢有少少雞肉連埋一齊, 唔會得軟骨唔會過咸好野~值得一讚蟹籽海膽炒飯蟹籽雖然唔算多, 但勝在有海膽搭夠海膽味雖然濃, 本身我唔食幾鐘意食海膽既人都會食到蟹籽有咬口, 食口粒粒脆, 哈哈少飯算乾身唔會濕, 食得過最後叫埋杯野飲就夠哂皮估唔到樓上都有D算高質既餐廳

今日見幾位朋友收工就食個晚餐有朋友介紹一休話收到零晨2點啦。未試過咪食下。一入到去，已經冇人理咁要隨便坐，坐左4人卡位，叫人執枱個類似經理既人又話你地做乜坐4人枱，後面有6人枱，言下之意即係吾會執枱啦。。後尾就如平時食飯習慣叫最貴既刺身盛328咬吾開既吞拿魚刺身竟然話魚係生和牛！後尾卷物又多飯小涵。其實d魚生食吾到鮮味，得好腥講真食左每人幾百，我覺得可以有更好選擇。。情願食魚蛋河真係中中地伏以後都吾會再幫襯

本來打算去试下,去到ㄧ陣煙味,D人服務態度又差,未食ㄧ肚氣,即走,吾好話好吾好食先,依家D服務哽，比龍肉都冇興趣，ㄧ個字差,两個字好差,三個字好很差,四個字差中之霸

係旺角雖然好多餐廳食肆，但有時太多選擇係另一種煩惱今日又碰上左依個煩惱，只係收到吩咐話想食日本嘢，咁就唯有開始搵下啦無意間就見到依間，價錢係旺角嚟講尚算便宜，咁就上去一試啦大約六點幾上到去，都已經幾多人，真不愧為旺角餐廳既裝潢同環境一般般，有啲似廉價放題既感覺，所以我同朋友都驚去錯左餐廳發現去啱地方之後，其實對依間既期望都一般般所以分開左啲嘢食嚟嗌，驚中伏首先嗌左佢既刺身同一個沙律先，實在係幾平黑松露三文魚沙律($38)比想像中多三文魚黑松露醬都好濃郁但可惜啲醬痴晒係三文魚到，搞到啲菜無乜醬，頗乾如果啲醬撈埋落下面就更加好到刺身啦我地嗌左三款：三文魚腩($98)、鱆紅魚($48)同加拿大海膽($118)鱆紅魚不過不失，三文魚腩都幾肥美加拿大海膽就最有驚喜，係侍應不停話好多人嗌、好好賣，我地先嗌依個價錢食加拿大海膽，我地本身抱住一個可能會苦/無咁新鮮既心態去試點知出乎預料，一啲苦味都無，好鮮甜好正見佢啲刺身都唔錯，就開始嗌其他嘢左起：池魚壽司($28)、油甘魚腩壽司($36)、和牛壽司($36) 質素就一般般啦，無刺身咁驚喜食落未算太新鮮，腩位都唔肥美明太子芝士餃子($48)唔夠熱，芝士

係E1出口出咗之後，行2-3分鐘就到，搭電梯上1樓就到~因為我同個friend大約2100先到，所以間餐廳已經冇咩人~ 我嗌咗一個角切魚生飯($56)，刺身份量算多，但嫌飯唔夠多，刺身好鮮甜，好抵食！！！我個friend就嗌咗石鍋牛肉飯，份量多，d 牛好入味~ 如果堂食$100以上就可以以優惠價$40order 10片三文魚刺身(原價$80)！！d三文魚好新鮮！！！小食方面我地嗌咗芝士年糕，$28有三件，不過芝士味唔夠重~

做野做到天昏地暗,走得都成零晨12點幾,晏就個餐都未食,出番旺角醫肚,個同事介紹依間一休日本料理,話營業時間開到好夜又好食,最鐘意試新野,二話不說沖上去!!!加洲卷三文魚籽+蟹籽壽司,係個口一咬一爆,好過癮!!蟹柳卷+青瓜卷甘卷太卷金金黃黃既海膽真係好吸睛,食完又想再食,停唔到口!!!海膽抵食,軟綿綿好甘甜!!!依到有生蠔食,又抵食,又新鮮!!!生蠔有齊醬比人用!!!店內好多卡位,兩個人都可以有卡位,坐得好舒服傾計都感覺自由d!!!有海膽有生蠔,餐牌都有好多選擇,飯呀,拉麵,壽司,d野食真係唔錯,朋友係無介紹錯既,依家到我介紹番比大家啦!!

今晚同朋友嚟到旺角嘅一間日本餐廳，位置非常方便，食物嘅質素都唔錯，我哋都食得好enjoy!!食日本野當然唔少得要叫刺身啦，我哋今次就要左佢嘅刺身拼盤，分量十足,刺身亦都好新鮮,非常之好食另外佢其他熟悉都唔錯，我哋亦都試咗燒玉子，味道同樣唔錯係日本野之中,鰻魚晒我嘅最愛,我哋幾個今次就叫左一條鰻魚,價錢非常之合理,鰻魚亦都好好食,我哋都食到停唔到口！！嘢飲方面，我哋就試咗梅酒，加左冰之後唔會太甜，亦都好好飲，有興趣嘅都可以試吓！

同小胖女一行4人又出黎搵食,今次轉戰旺角啦今次朋友帶左我地去呢間一休日本料理到食,話款式夠多又抵食咁話,黎到餐廳地方好大,一打開餐牌真係好多野選擇,首先叫左一個壽司拼盤頂住肚先,有齊哂拖羅,和牛,帆立貝,鮑魚仔,非常抵食,跟手叫左個黑松露帶子炒飯大家一齊食,賣相同味道好好,夠大份,話到明多選,大阪燒 ,天婦羅蕎麥麵各類燒烤都係必叫啦炸雞軟骨份量夠又爽口,食極都仲想食,仲有大大隻燒魷魚筒,燒汁做得好正,大阪燒都整得幾好,唔會成口粉,最抵食應該都係天婦羅蕎麥,有天婦羅蝦有青椒有蕃薯都係$68邊到搵??其他仲有羊架啦,燒雞翼,真係叫到好似放題咁,最後黎埋一大盤絹豆腐沙律清下個口,真係又抵食又多選擇

這次來是他和朋友來過吃一次，價錢不貴而且味道不錯，剛巧過來記得就來帶我試試。工作辛苦了整天，要大吃特吃！我們點了半客和牛刺身試試，和牛刺身香軟，薄身的和牛帶點煙韌，不是很多地方都能吃到和牛刺身的。雞軟骨和墨魚咀都是他的最愛，香酥煙韌有咬口，十分惹味的小吃。這裡竟然有大阪燒呢，大阪燒非常香的木魚片香，非常熱辣辣，不算是很粉漿的味道，有點章魚肉粒，還有生菜絲，整體不會太乾，裡面還是濕潤的天麩羅海老卷是兩款不同的反卷，其中我最喜歡的是芒果反卷，夾雜著蟹柳、大蝦天婦羅，還有面頭的飛魚籽，這裡的芒果反卷有別於外面的，這裡的芒果香甜柔軟，點綴了清新的反卷，我十分喜歡最後再來一罐荔枝汽酒，甜甜荔枝加上梳打汽酒，一路皆爽

今日收工同朋友約左係旺角食飯，朋友想食日本野，見我地又近朗豪坊，一於去試下樓上舖既居酒屋😂平日夜晚唔會太多人，可以靜靜地傾計我地嗌左一份三文魚刺身（十切）三文魚好新鮮，好食身為三文魚控既我地，當然要嗌個三文魚加州卷！呢個啲三文魚雖然無刺身咁新鮮，但依然好食！咁凍既天氣，當然要嗌個烏東暖下個肚我地叫左個蕃茄牛肉手打烏東烏東好彈牙好好食，但個湯底就爭少少，濃多少少就好！最後，就係和牛芝士紙火鍋🍲和牛放落芝士鍋，入口即溶，好食！推介總括黎講，呢間居酒屋性價比都幾高，地點方便，下次再同朋友黎試先