一休(居食屋)日本料理 (38廣場)

营业中

休息中

今日同女朋友懷念舊時番工嘅飯堂，以前差不多番親工都係呢度食，野食好味，價錢合理，份量好夠，侍應好友善。我同女朋友一如既往都係叫牛肉鍋定食同炸雞球定食，由於係定食，都配有麵豉湯，之後都上主菜啦。牛肉鍋，牛肉好足料，啲菜，金菇全部都好入味，仲要配隻蛋，但其實我最鍾意嘅都係佢嘅湯底，甜甜地而不失牛肉味，另外就係個炸雞球，份量又係十足，上面仲有沙津醬同燒汁。雞球外脆內軟，裡面仲保留好多肉汁，而最值得讚係每上次上菜都熱辣辣，証明係即叫即炸，唔會好似出面咁預先炸好一大堆，所以等下都無妨，係附近番工真係值得一試。

今日老公放假，一齊出街睇戲食戲，一早上網買定飛睇mission impossible🤩第一次睇imax 🙈不過沒有太大驚喜😅由於我同老公共同喜愛的菜式都係日本菜，睇完戲係朗豪坊行左陣，見到附近有間”一休”的日本料理，即刻諗起和尚仔😂見佢做緊推廣所以上去試一試。上到去，見到吉位都唔多，可能係因為做緊promotion，好彩唔洗等！地方唔算大，燈光比較柔和😌叫左三文魚腩刺身半客$54，價格適中，睇到皮位條真係腩的部分，脂肪均勻!鵝肝壽司，鵝肝Size 算大件😂鵝肝上的醬汁帶上鵝的甜味！雞軟骨餃子，內𥚃有豐富的雞軟骨，料理多，如果煎耐些會更好！好耐無食銀鱈魚，size 比想像中大，簡單煎就好味~

朋友喜歡食日本菜所以介紹我嚟呢間一齊試下環境尚算ok 冷氣都夠涼 茶水供應充足 一坐低就會提供熱茶食物水準不過不失冇咩邊款特別令人留下深刻印象想一再嘗試而且晚市都比較忙 店員都嗌咗幾次先嚟到（等5至10分鐘左右先落到單）

我而家嘅旺角因為周圍都充斥着好多日式嘅放題所以邊上少咗好多獨立餐廳就好難得問咗一間都係喺個日本餐廳樓上舖咁首先睇過餐牌價錢就顯得幾親民嘅而且選擇都唔少最重要係每一樣野都好吸引到你嘅味蕾咁今次就試咗個辛辣豚骨拉麵咁一買到黎都聞到好香同埋好濃烈嘅辣味第一啖面食落去都算係幾彈下就算時間耐左，texture 依舊，表現幾出色之後就輪到三文魚親子卷，首先賣相方面都幾唔錯而且份量方面梗係幾大絕對會食得飽而且價錢都係大約50幾蚊如果擬一間專業人士餐廳都性價比都幾高。 最後都有芝士吉列蠔卷，咁個主角當然要講下蠔啦諗都是得出啱啱新鮮即炸所以都要等大約15分鐘先有咁飯方面都仲係保持暖暖地所以成舊嘢食起黎都係熱辣辣配合小小Wasabi更顯出特別

今日做完GYM 夜夜地, 又好想食日本野, 朋友之前去過一間係山東街開到零晨2點既日本料理(一休日本料理), 佢話幾扺食所以去試下~去到裝修簡潔舒服, 卡位好闊落~ 幾好坐~ 睇下餐牌, 價錢好扺食下~ 刺身飯50-70蚊左右, 親子丼都係60左右~ 重點佢原板既海膽都係148蚊一大板~ 所以今日豪少少~ HAPPY下~ 叫咗一板海膽, 一客三文魚腩, 燒牛舌, 明太子鑲雞翼, 牛肉石頭鍋飯, 炸豬扒親子丼一來真係海膽+三文魚腩, 廚房好有心咁將佢地併埋一齊, 擺得好靚仔, 打卡一流丫~ 海膽係日本海膽, 好有海膽味, 勁鮮甜, 三文魚腩勁厚切, 好肥美, 咁原真係咬落好有口感~再來燒牛舌, 好大串, 牛舌好厚, 燒到外脆內軟, 一咬入面D牛脂爆出黎~ 好香口~明太子鑲雞翼, 隻雞翼燒得好有燒烤味, 好惹味~ 炸豬扒親子丼, 蛋汁甜甜地好好送飯, 豬扒炸得好脆, 同埋豬扒份量好多~ 好大塊~ 牛肉石頭鍋飯, 其實有D覺得叫得太多了~ 有少少食唔落~ 但係都要講下佢D牛肉好靚~好軟熟, 牛肉飯個汁做得好好~ 最後要叫返個巨蜂提子汽酒消下滯~ 哩一餐好滿足丫

朋友想食日本野，上openrice見到一休有過百個好評，就試試佢入到去個環境比較街坊，本來都冇咩期望，但食落估唔到有驚喜！三文魚腩刺身+海膽刺身三文魚腩十分肥美，亦好厚切，呢個價位係抵到不得了！海膽亦鮮甜唔腥成板都只係$148，必點！鹽燒牛舌串肥大肉厚，食落唔韌，有少量鹽洒係面吊味，不錯明太子手羽雞翼中間釀左大量明太子，令本身冇咩味既雞翼多左一重鮮味，不錯滑蛋豬扒飯豬排多到遮左個碗，味道適中，如果豬排可以再脆d就完美了岩石燒牛肉粒鍋飯呢道有驚喜，上檯仲係熱騰騰，牛肉粒仲好嫩滑，店方仲細心甘墊左好多洋蔥係底，令到飯唔會燶，值得一讚！一休性價比極高，值得一試！

今晚好想吃壽司，但又不想去迴轉壽司店跟別人迫，於是獨個兒來到了這家一休。打開餐牌看到有好多壽司選擇，有set好的也有自選的，因為我不吃蝦，所以選擇自選壽司。點了7款壽司，當中大部分都很少可以在普通放題吃到。《和牛壽司 $20 x 2》是生的和牛肉，色澤鮮紅，入口沒有血腥味，亦不韌，味道較淡，所以蘸醬油提味。《活赤貝壽司 $44》有三件。活赤貝爽口，蘸醬汁味道更佳。《大吞拿魚腩壽司 $52 x 2》入口魚脂香濃，但看價錢的話會對這款壽司會高期望一點，所以覺得大吞拿魚腩看起來比較單薄。《醬油七味燒左口魚邊壽司 $18 x 2》左口魚入口很有溶化感，而且調味很夠。《原條海鰻壽司 $40》十分長的原條海鰻，肉質厚實而且味道夠，實在很有飽肚感，真想加碗飯來拌。《蟹膏壽司 $26》黑漆漆的就是蟹膏。雖然份量多，味道是香但沒有想像中的濃，所以不會太膩。《九州池魚壽司 $30》池魚有口感，加上蔥和薑蓉增添香口

一直心儀著一對鞋子，找了多間分店都斷貨所以已經放棄了。但世事就是這樣，當你想或已經放棄時，它就回自己找上門。忽然收到電話說朗豪坊分店有貨，於是下班後便過海到朗豪坊順便在旺角吃晚飯。鞋子到手後便去找吃的。走出朗豪坊正門再環顧一下就看到這棟大廈，隨意走上了這家「一休」。《一休海鮮沙律 $68》份量大，有蟹柳、三文魚、赤蝦、吞拿魚、油甘魚、沙律菜和車厘茄，沙律醬另上自行添加，對於不喜歡沙律醬的人（正是筆者）來說實在貼心。《香草燒雞翼 三隻 $28》燒烤串串起了三隻雞翼。雞翼多肉不算嫩滑但都算入味。《唐揚九州池魚仔 $58》好香口薄脆，沒有炸得乾肉，仍然能吃到當中的魚肉，蘸上醬汁（喼汁/沙律醬）都很惹味。《岩石燒牛脷薄切 $68/1客》送上時很有熱度，熱板上仍然發出「吱吱聲」。牛脷明顯薄切而且大片，要快吃否則過熟會變韌。蒜味香濃而且蒜片多，牛脷連蒜片入口更惹味。《火炙黑豚肉醬油拉麵 $65》黑豚肉有四片而且軟腍，但麵底就是普通的成品，所以驚喜不大。

日本性價比高料理店去開旺角食野，食日本野都五會太便，哩間好抵食，可以散叫五同日本野食，如壽司、炒飯、湯、三文魚飯，價錢都只係$50-70左右，仲要係夜晚食，認真性價比高，朋友聚會可以考慮黎，叫左海膽炒飯，好大碟分量好多，材料不馬虎!仲叫左蕃茄湯，入面有海鮮，材料亦不少，成個湯蕃茄好濃郁，我飲哂成個湯！ 好飲，我還叫左丼飯，有好多剌身， 應該有十幾塊， 飯都有好多，我地叫左甘多野埋單都左2豬幾，抵食！ 下次再來！

老公陪我去旺角拎嘢，順便食埋飯。佢見呢排天氣熱，知道我胃口麻麻，所以去食日本菜。見到樓下升降機排哂隊，直覺認為應該有好嘢食，就一鼓作氣上去啦~裡面的燈光較黃，而座位很有特色，近門口的係一些較開揚的枱，行入少少就係一些卡位。唔想有人行來行去打擾就啱哂~老公不停的看著餐牌，選擇可不少喔~岩石燒牛脷薄切牛脷切得超薄，雖然以鐵板盛載，但不失牛脷的軟滑，配埋蒜片一齊食，十分惹味。炸雞軟骨粒食落唔咸，咬落卜卜脆，一邊食一邊傾計最適合。壽司拼盤 (花)十多款壽司放在一盤，味道很鮮味，而以筷子夾起，舊飯係唔會散開，看得出師傳的用心製作。响咁多款入面，最愛當然係鰻魚壽司，令我食指大動呀~岩鹽燒赤蝦燒到連個殼都好香，拉開蝦殼極容易，而入面的蝦肉仲好彈牙，不會因為燒過而變得乾巴巴~

係朗豪坊睇完戲，行行下見到有間日本餐廳，朋友話不如去試下，所以我地就去左試，上到去等左2分鐘就位，唔會太耐，好快，職員仲安排左卡位比我地，太貼心。坐低之後，環境都很有日本風，感覺好似去左日本旅行一樣，好多野都好想試。我地首先叫左個三文魚飯，份量對於一個女仔黎講都算多，除左三文魚仲有呑拿魚刺身，好厚好鮮甜，佢上既速度超快，岩哂我地d肚餓既人，太好了，。另外，我地叫左一份牛柳粒，好好食，牛肉五會太硬，有小小肉汁，令我覺得有驚喜，份量兩個人食都岩岩好另外都叫左個魷魚，魷魚都好好食，唔會要咬好耐，但我就覺得個汁咸左小少少，但我朋友覺得岩岩好，之後我地每人各叫左一杯飲品，我叫左荔枝味，我朋友叫左桃味，我叫既荔枝梳打好重荔枝味，岩曬我鐘意食荔枝既人，我覺得係好值得一試，朋友都話佢杯唔錯，兩杯都好好飲。而且呢間日本餐廳款式又多，價錢仲要唔貴，食得落既我仲想叫多個拉麵，但鐘意食既我地最後忍唔住叫多左一份芝士年糕，呢個真係好，好，好，好食！芝士真係無得頂，一咬開超多芝士流出黎，又唔會太熱食五唔到，年糕都好好食，我同朋友都覺得好彩最後有加埋個年糕，成餐飯好完美。

今日收工約左朋友出旺角，我話想食日本野，佢就帶左我去食一休，我未食過就去試下，上到去五洗等好耐就有位，坐低之後，見到周圍都寫住五同刺身名，仲要用木造，好有日文風，，望一望個餐牌，有成10幾頁，d款式多到睇五哂，見到全部都好想食又有刺身，又有壽司，拉麵，烏冬，樣樣都齊，好想全部都叫哂，但2個人食五到好多，最後叫左小小去試，首先叫左個壽司拼盤，一共有12舊，全部都好想食，三文魚好肥美，海鮮好鮮甜和牛仲要入口就溶，甜蝦好新鮮，北寄貝好厚身，佢既size仲要五細，另外叫左一碗豬軟骨拉麵，豬軟骨好入味，加埋個流心蛋好滑，湯底五會太咸我覺得岩岩好，都幾大碗，細食既可以二個人食另外我地再叫左個芝士年糕，哇呢個真係好食，d芝士多到漏出黎，呢個值得一試，佢既上餐速度好快，叫左一陣就送到，完全五洗等好耐，五怕肚餓，係旺角搵到甘多選揀又平又好食既日本餐廳真係五多，，佢仲要有本日推介，可惜我同朋友食五到太多

同朋友係朗豪坊睇完戲，原本諗住去朗豪坊food court 睇吓，點知超級多人，咁就決定行去山東街嗰邊搵吓有咩好嘢食，係樓下已經比餐廳Menu吸引，上到一樓，嘩，居酒屋嘅感覺美國泰勒生蠔，叫半打淺嘗一下😂 海水味唔重，不過蠔味好濃！好鮮味！同行朋友KO左4隻！厚燒玉子一直都係我嘅最愛！次次去食日本野都一定要叫！可以叫我做玉子expert ! 層次分明，唔太甜好重要，如果唔係會搶咗玉子嘅香味大阪燒，粉漿同配料啱啱好，配上特製沙律醬真係好夾！餐廳有幾款壽司拼盤可以揀，豐儉由人今次揀戀火壽司拼盤，有譏燒鮑魚，珍寶赤蝦，和牛壽司，吞拿魚腩，油甘魚，帶子壽司，三文魚腩等等。見唔見到好大隻譏燒鮑魚壽司！最驚喜係珍寶赤蝦！好鮮甜！個海膽壽司朋友試咗都話入口即溶！

繼續同回港渡假的阿爸周圍逛，是日來到朗豪坊，本想掃下街睇下有咩食，點知又落大雨，揀了食在斜後面的日本野，叫一休的樓下舖。上到黎原來都都幾大間店，食客也多，坐了門口位的一個卡座，幾濶落。特盛海鮮丼（$68）阿爸揀了碗海鮮丼飯，咩都有大包圍，有甜蝦、熟蝦、三文魚、帶子、北極貝等，材料新鮮有驚喜。槍燒三色飯（$62）自己點了火炙丼飯，有帶子、三文魚同左口魚，燒過後很甘香，魚油迫哂出黎，好味到不用點豉油了。海膽手卷（$40）阿爸追加一條海膽手卷，海膽新鮮很鮮味，綿滑口感入口即瀜，而且手卷即叫即做紫菜仲好脆。火炙吞拿魚沙律（$46）仲有沙律share食，主要是西生菜，再加入點沙律菜蕃茄仔等，賣相還不錯。吞拿魚鮮味有口感，大大碗屬抵食呢。明太子三文魚串（$52）仲有串燒呀，點了兩串一人一串。厚厚的三文魚肉中間夾著明太子同沙律醬，燒起上黎三文魚魚油浸哂落明太子到，勁肥美甘香。仲以為旺角樓上舖無乜特別啦，點知價錢唔貴之餘，食物仲好有水準，食材新鮮，店面乾淨衞生，有驚喜！

終於做下mk妹出mk搵食！呢晚黎到旺角山東街近朗豪坊既一休日本料理同好耐冇見既朋友聚一聚～因為要上樓嘅關係，唔係好起眼，如果唔係朋友搵到，真係唔會知有間日本餐廳喺度～樓面都幾大下，但枱同枱中間多唔會太迫。嗰晚雖然唔係禮拜尾，但係都差唔多滿座咁滯～因為價錢唔算貴，所以我地都好放肆咁想食咩就叫咩，嗌到好似放題咁，擺都擺唔落🙈下面就擺啲特別推介嘅嘢食啦～岩石燒牛脷薄切（$68）佢個推介menu上面有呢個牛脷，咁我哋就試下啦～又幾好味喎，同蒜頭一齊炒得好香。除咗牛脷之外仲有啲洋蔥伴碟～黑松露薯條（$38）佢嘅薯條係粗薯，正呀！我哋食頭幾條發覺「咦，點解係普通薯條味嘅，又話黑松露薯條？」原來佢係比咗個黑松露醬我哋點個醬嘅黑松露味好重，好好味～不過因為佢嘅粗薯本身已經好好味，所以點唔點都可以～蟹籽沙律（$38）係我次次去日本餐廳必嗌嘅沙律！三文魚加州卷（$46）牛油果軟殼蟹卷（$48）鰻魚卷（$42）呢間餐廳有好多種壽司可以揀，呢到只係其中幾款，款款都好正！而且每碟份量都唔少，仲好好食添！香草燒雞翼（$28）好食！雞翼燒得好香同埋日本餐廳總係可以整到啲雞翼骨肉分離，好易食～炸雞軟骨粒（$39）熱辣