一休(居食屋)日本料理 (38廣場)

营业中

休息中

去左間好高質素日本料理店，性價比高的餐廳，好有驚喜! 上到去要排一陣隊，本來餐廳已經高朋滿座，好旺場! 店面都很闊落! 餐廳安排了卡位給我們，位置很好，可以欣賞到餐廳的不同酒樽的擺設，實在大開眼界! 餐單實在有太多選擇，令人心大大細，有很多壽司、日式手卷、小食同丼飯等等，我看見旁邊桌的客人都點了丼飯，看來不錯，所以我也叫了特盛海鮮丼飯HKD68，餐廳上菜好快，好快就見到特盛海鮮丼飯，海鮮三文魚都好豐富，好好食，分量都算大，性價比高! 我點了鮮茄濃湯海鮮鍋HKD58，熱騰騰的鮮茄濃湯海鮮鍋，非常吸引，這個分量好大，濃濃的鮮茄湯味，當大仲有海鮮係入面，料有好多，亳不客氣! 好有驚喜，鮮茄湯整個鍋湯都比我飲清光，實在太好飲了，很鮮甜又健康! 這2個菜絕對可以再叫，因為價錢便宜分量又多，好符合小資女同朋友食飯。

這晚要到旺角買些手機配件, 之後便到這裡吃晚餐。先來枝樽裝朝日啤酒, 入口冰凍順喉。來一個刺身併盤(竹), 整盤刺身的賣相甚為漂亮，底部用碎冰砌成的, 包括有三文魚腩、吞拿魚、油甘海、鱆紅魚和甜蝦，最喜歡吃三文魚腩, 非常肥美；甜蝦也是鮮甜美味, 整體水準唔錯。最後有鮮茄濃湯海鮮鍋, 幾款海鮮鮮甜好吃, 配合鮮茄濃湯, 效果不錯。眼見當晚接近爆滿，認真旺場, 大多數是上班一族, 放工後同朋友一起來個聚會, 相信價錢合理和地段方便，是優勝之處。

今次約左幾個朋友食飯吹水, 佢地不嬲都冇咩所謂 所以我就發板決定試下呢間, 因為同事食完無耐呢間一休日本料理話性價比高又抵食， 加上朋友既胃口唔大，食放題又會唔抵左，所以來了 第一次黎呢間餐廳，地點就腳近地鐵站E出口，唔難搵，入到去鋪面都幾大，環境唔錯有窗境睇，我地兩個人都安排左張卡位比我地，坐得舒服。個拉麵湯底幾香，似醬油湯底，味比較濃味，碞重口味人士既我，個流心蛋真好食跟著有呢個梅壽司SET，用料新鮮，飯既溫度亦剛剛好，特別係個鮑魚超抵讚！鮮味而夠林仲幾入味的說！呢SET壽司個價錢係超水準啦!優惠價錢既三文魚刺身，有十片！!!!平得黎質素唔差，最緊要夠新鮮雖然三文魚並不是最優質的,但這個價錢不可以要求更多，唔係將貨就價 10塊 就算而係每片都幾厚下，食落新鮮肥美，唔會話雪太耐肉硬，又唔會解凍出曬水軟晒，而係幾厚下，係價廉物美的典範鐵板帶子牛油燒，牛油味濃，帶子勁大粒，爽口小食方面,點了炸墨魚咀，超香口，有嚼勁，挺有口感，份量多價錢平，質素好好，即叫即炸呢個明太子海鮮PIZZA好有驚喜，個批底做得好好，有D似脆餅好脆帶鬆化，好香口，面既料好多又重手呢個蕃茄海鮮鍋，好濃郁既蕃茄味料又多

今晚同朋友出開旺角，又到食飯時段，就當然要找下美食，我和朋友一向都係日式食物的友持者，途經山東街，發現依間叫一休日本料理。於是便入內進食。店內環境舒適，好有日本風情，裝飾也十分特別。冷氣又夠涼爽。坐位又夠寬。店員很友善和有禮貌。看完餐牌，食物款式很多選擇。最後叫咗三文魚刺身，十分新鲜，口感一流。另加鮮茄濃湯海鲜鍋，海鮮十分多，汤底好濃鮮茄味，好入味，十分難忘。至於墨魚咀好新鮮，好好味道，再叫咗鐵板帶子牛油燒，好食，帶子好新鲜，香草三文魚薄餅好味道，水準很高，壽司拼盤份量很多，每件都好新鮮，十分回味的一餐，咖啡也夠冰凍，好濃咖啡味。埋單约每人二百五十元左右，簡單物超所值。我個人必定再光顧這家食店。絕對值得推介給朋友去食。

收工同朋友好想食日本野 就search下附近有咩 見到有間樓上鋪 價錢好似唔錯 於是就上左嚟🤣入到嚟 地方都算ok 有好多卡位 方便大家gathering傾計 於是就開始叫野食岩石燒牛舌簿切 燒得好香 牛舌好簿好入味 再加上好多伴碟 成碟小食都好香口👍🏻牛油燒帶子 d帶子真係大大粒 仲要有五隻 用牛油燒好香 再加上檸檬 中和返個肥膩感🤗黑松露薯條 我好鍾意呢d粗薯條 口感好正 再加上黑松露醬 個味好濃郁！軟骨餃子 煎得好香 咬落入面有好多細細嘅軟骨 口感好好🤤香草燒雞翼 雞翼好多肉 燒得好惹味😋香草三文魚簿餅 份量都唔錯 而且好足料 個底係蘇皮 好脆好好味😋我地仲叫左饅魚壽司 牛油果軟殻蟹壽司 饅魚好食 軟殻蟹配上牛油果 唔會又漏又有口感！厚揚串 其實係木耳燒豆腐 木耳味好香 配埋豆腐 個味有層次唔會寡最後想食下菜就叫左個野菜煲 清清地 但個湯底好香 岩哂大家清腸胃👏🏻蕃茄牛肉烏冬 蕃茄湯底好濃味 烏冬好彈牙👍🏻整體而言 價錢算平 食物質素亦唔錯 性價比高🤗

收得工都成9點幾，又餓又攰一定要食餐豐富嘅嚟慰勞自己，依間居酒屋又平又多款揀味道仲要唔錯，如果平日係旺角附近收工我都會揀佢嚟食。坐低就揀個滑蛋吉烈豬扒飯，補一補個胃嘅空 隙，由於太餓嘅關係我唔夠5分鐘就KO咗個飯。之後再叫咗幾款小食，先嚟個蛋卷依個蛋卷食落口就暖暖到有蛋香味，炸雞軟骨味道調得幾好又炸得夠脆，炸紫薯栗子餅外脆內軟仲食到一粒粒嘅栗子，叫咗個岩石燒牛舌依個相當唔錯，牛舌夠簿蒜片又簿用鐵板燒方法上，keep到熱度夾埋一齊食好香口，令我食完又食，再叫多個鹽燒三文魚腩，面都係燒到脆脆見到三文腩嘅魚油係個魚度慢慢滲出，令我好想大大啖食落口不過食之前要加D檸檬汁落去，去減D油膩感，最後食多個三文魚加州卷，做得唔錯個卷唔會做到散，一啖一嚿…食咗咁多嘢都係$351堅低食。

作為一間啲面唔算好大嘅餐廳，呢度嘅日本料理都幾多選擇啊。我哋呢就叫咗個壽司拼盤。 呢度嘅壽司拼盤有分三個級數，我哋就叫咗＄148 (梅 壽司拼盤） ，另外分別仲有平啲同貴啲嘅選擇。平啲嘅壽司拼盤魚生嘅種類冇咁多，但係我哋又唔想花太貴嘅價錢食最貴嘅壽司拼盤，所以就採取中庸之道。豆腐牛肉鍋（ ＄50 ) ,賣相雖然比較普通，但係湯底非常之鮮甜，亦都非常知足料，有鮮冬菇，豆腐，蘿蔔，芋絲，當然唔少得肥牛啦。只不過，肥牛又真係幾肥啊。燒三文魚頭（ ＄38 ) ,算係抵食嘅選擇。三文魚頭非常之肥美，燒到金黃色，魚皮好脆，配上檸檬汁同海鹽，就足以將三文魚嘅鮮味帶出，同時都唔油膩。燒牛舌($38)向來都係我嘅至愛，今次嘅燒牛舌都幾出色，牛舌唔會太煙韌。有用黑椒調味，不過個人認為可以再加多少少鹽。質素可以，環境靜焗，價錢平民，整體還可以。

今日去開旺角行街，順便食埋個飯。天氣熱熱地，想食返啲清涼既食物，所以就黎咗食日本野。火炙吞拿魚沙律 ($46)先點了份沙律作為前菜，開開胃。店家非常貼心，醬汁係分開上，大家可以按照個人味加上所需份量。而沙律都不少，二人分享剛剛好。茶壺海鮮湯 ($48)檸茶、檸水，大家就飲得多，檸湯大家又試過未呢？這個海鮮湯十分特別，其先於茶杯中放入一個小檸檬，再把海鮮湯加進去。當中檸檬把海鮮的鮮味提出，令整個湯味道更加突出。令我飲唔停口！而且海鮮湯十分足料，入面有魷魚仔、青口、帆立貝等，飲完湯仲可以食埋材料。加$12，仲可以配飯或烏冬。利用茶壺飲湯，非常有新鮮感。更有大大粒既帆立貝！甜蝦刺身(5隻) ($48)、美國泰勒生蠔(兩隻) ($56)黎食日本料理，當然少不了刺身。刺身擺盤非常有心思，睇落都非常有食慾！生蠔大大隻，個Size有成隻手心咁大。餐廳上面加了點茄汁，我就食之前加了點檸檬提鮮，非常不錯呢！特盛海鮮丼 ($68)無飯落肚總是唔夠飽肚，所以我地點了個丼飯。飯量非常大方，夠兩個女生食。下午1點前埋單仲有85折，非常抵食。

首先我地係係openrice 睇到有好多好評先會去依間餐廳，去到既時候d職員係掛住係度傾計，到我地自己揾左位坐低，叫左幾次先有人過黎，然後我地問有關餐牌既問題，個侍應就全部答唔知唔太清楚，到另一個侍應擺低食物時下下都係”bam”一聲擺低，服務態度太惡劣，心諗就算好食都唔會再黎，因為依間餐廳幾位職員都係咁既態度。依度野食都係不值一提，d壽司質素又超差，真係街邊3蚊個d壽司店都好過佢多多聲，絕對唔會再黎食

又係諗唔到食咩，最終食返呢間食咗n次既一休，平時一大班人食晚餐可以坐入角落圍住吹水，幾唔錯。另外星期日晏就有時自己一個都會黎呢度食晏，因為1300前埋單有85折。晚餐時間，我地多數叫角切魚生飯同鍋類加飯/烏冬，味道幾好，人均$60-80，10幾人一齊可以坐埋人齊吹水確係抵，不過而家個份量同以前比明顯少咗，肥仔朋友食完角切魚生飯完全唔飽，魚生飯拎出黎未食之前完整見到d野都未及個碗既一半🙈，已經唔以前咁抵。今次第二次食呢個，魚肉好食，個人覺得其實唔點豉油都已經夠味，我鐘意將蘿蔔蓉搽係魚面，再狂加檸檬汁，食落感覺清新d,但唔會酸，味道幾夾，白飯少咗，得平碗一碗，不過條魚夠大，我覺得都夠食。麵豉湯較鹹，仍可接受，有昆布蘿蔔，尚算足料，例湯黎姐～唔好太高要求仲有85折埋單唔洗$40，有得用支付寶順便儲印花換coupon

今日同朋友行咗一日旺角，突然好想食以前返工成日食嘅牛肉鍋，係每次去都會叫黎食既，而且價錢都好抵！我哋兩個人叫咗兩樣野。🐂🍲豆腐牛肉鍋$48首先叫咗依個豆腐牛肉鍋，賣相唔係話好靚，但食落比預期好，呢個價錢來講性價比幾高，個湯飲落都好甜好啱拎嚟送飯，如果可以少啲油就更好，份量都幾多一個人食未必食得晒，入邊有嘅菜同埋冬菇都幾好食好入味，肥肉都唔差唔係話好多脂肪，最印象深刻就係佢好甜嘅湯，會令人食上癮😋🍣🍚魚生飯$58依個魚手丼入面有三文魚蟹柳蟹子甜蛋青瓜等等既料，呢個價錢來講都算幾唔錯，三文魚雞肉都切得幾厚，比想像中少筋，甜蛋可以再甜啲，撈埋一齊之後都幾豐富，每一啖飯都有啲料拌住，口感十足😛

步入一休，第一個反應是我係咪book錯地方，眼前的似是茶餐廳多過日本料理，但既然已經到來，即管一試。反正食評大部分都比較正面，相信也不會太差吧！打開餐牌，選擇頗多。而我們所點的東西有好有壞，現在逐一展示😄1）加州卷：很簡單的壽司，但味道不錯。壽司飯握得實，口感不俗，裡面的青瓜脆，蛋與蟹柳都新鮮，好味!2）厚燒玉子：跟相片不同，少了蔥花多了醬汁，不過上檯時仍有點熱，味道也不錯，玉子不會過甜。3）壽司：點了劍魚腩，蟹柳及芝士蟹籽軍艦，劍魚腩尚算新鮮，不過太薄，口感及油份欠奉。蟹柳沒有特別之處，只是適合小朋友。而芝士蟹籽軍艦味道古怪，真心，頗難食😖4）黑松露帶子炒飯：黑松露份量極少，味道一般，不過炒得尚算乾身，不會太油。5）蟹籽沙律：大大碟，但青瓜佔上4/5份量，蟹柳都唔多，難道蟹柳好貴🧐不過蟹籽算是勁多，如果平衡返會好一點。6）餃子：朋友話想試特色的餃子，於是叫了這個鋪了好似是櫻花味醬汁加芝士粒的餃子，味道古怪，加上餃子唔熱，真的是難食到極點😓7）串燒豆腐：我已經忘記了這菜的名字，但一定是豆腐。豆腐炸得好乾，實際很細舊，只是炸開了，完全無豆腐味，唔好食🤭這店好評如潮，但我個人覺得普通，未能

身為夜鬼一族，今晚1030pm先準備出動四處覓食，不過多數依啲時間都係得韓式燒肉 打邊爐 雞煲揀咁，但又唔想食得咁heavy，之後就揀左食依家日本野！🤩一行到去就見到佢窗口大大隻字寫住話開到2點，對於唔想食太重口味既夜鬼黎講簡直就係宵夜好地方。👍🏼 一入到去環境都幾乾淨，都算多咔位同啲位都幾舒服寬敞。打開個menu見啲野食都幾平幾高性價比，大部分野食都係around $28-70，連魚生飯都係$50~60最後同男朋友叫左2碗拉麵+2杯梳打+三文魚芝士卷，埋單都係$105，姐係大約$50一個人，仲要好飽，好抵！以$58黎講，牛肉算好多！有大約8舊，但湯底偏淡😢依碗啲蝦都唔算少，有4-5隻!拉麵入面隻蛋有驚喜！多數拉麵都係得半邊溏心蛋，但依間比足完整一隻😍仲要係有味蛋，蛋黃texture似軟心蓮蓉🤣果汁梳打跟拉麵+$10 單叫就$18芝士味幾香，但就蟹籽好食啲！推介依間深夜食堂比各位夜鬼價錢親民 有機會會再去

星期五夜晚都會滿坐，可見小店都有番咁上下水準，7點半前落單有幾款特價食物，壽司刺身等等，平時都覺得食日本野會唔飽，但呢間完全食飽都仲好平！今次叫左3款特價壽司($9/each)，三文魚刺身($39.9/10片)。壽司大小剛好，一啖食哂，三文魚略嫌淡味，但對得住個價。👍🏿鰻魚卷($42)，鰻魚汁好味，飯唔會太實，無野可以挑剔。和牛石鍋飯($68)，和牛好淋好入味，個飯夠多汁，不過因為有隻蛋搞到d飯濕左，乾身d更好，抵食，加$10有埋凍飲😛燒三文魚腩($38)，皮脆，淡淡鹽味已經perfect，有四大件，不過食完會有d膩，可以食下酸薑，都幾好😂埋單都係$286，服務都不錯，配呢個食物質素真係好抵食可以再encore!

同女友行街行到旺角，剛巧見到呢間一休。入到去要等位了，等左1張台，終於到我地。厚切三文魚🍣壽司：有成1cm 厚既三文魚壽司，新鮮食材，雖不是最頂級，食兩件已夠滿足。鰻魚炒飯：鰻魚炒飯，相信是店鋪是比較好味的一款炒飯，飯粒分明，不油利。三文魚頭鍋：三文魚頭新鮮好味，湯味濃郁，豆腐娃娃菜都好好味。