一休(居食屋)日本料理 (38廣場)

营业中

休息中

呢排少咗出街，有得摺就摺喺屋企，難得約咗朋友行下街，緊係要食餐好！🥳啱咁揾到呢間近朗豪坊嘅日本居酒屋 - 一休☺️ 我哋坐咗喺望住街嘅卡位，坐坐下都幾舒服，靜靜地好啱同朋友一齊嚟傾下計☺️食物選擇都幾多，同同類型嘅餐廳比較都算平，性價比高👍🏻 叫咗好多嘢食都唔算貴，係超滿足超飽嘅一餐！👅黑蒜油蝦拉麵 ($68)黑蒜油的確係神來之筆！啲蝦本身已經剝咗殼，味道不過不失😂辛辣黑豚肉拉麵 ($65)比想像中冇咁辣，湯底好濃郁，份量都好夠，食到停唔到口！👅炸雞軟骨粒 ($45)超推薦！啱啱就係熱辣辣，份量比想像中大，雞軟骨嘅份量好多，蘸埋蛋黃醬一齊食好惹味😋汁燒原隻魷魚筒 ($78)食落好夠鮮味，可惜唔太入味🙈青蘋果梳打 ($22)不過不失，解渴一流！

本身諗住去食個牛肉飯，因為吾想等就左呢到，點知又跌錢。叫左個吉烈豬扒拉麵，吉烈豬扒好似變壞咁，D炸粉又變左味加埋d沙律醬，吾識形容了。再配埋佢嗰啲拉麵質素真係好差，不過以佢嘅價錢來講都算係一分錢一分貨，仲有個蛋壽司好似烚蛋咁，雖然冇影到相，但係要等佢玉子壽司，佢同普通嘅玉子壽司係唔同，佢係圓形嘅，用啲蛋包住舊飯，真係夠晒新奇，同埋佢啲蛋用了比較差，食落去好奇怪。整體來講我唔會再去呢間好似屋邨日本料理嘅餐廳。

今日同朋友黎到旺角一休食日本野。餐廳食物選擇多，價錢唔算貴，我同朋友都好放心咁選擇自己鍾意食嘅嘢！我哋叫咗一個 梅 壽司拼盤、兩舊芝士蟹籽軍艦、一串和牛粒串燒、仲有一個滑蛋豬扒飯。梅 壽司拼盤都有幾多舊壽司，當中三文魚魚腩、磯煮鮑魚 同埋和牛壽司都非常新鮮！三文魚腩入口即溶，肥美無比，令人一試難忘！磯煮鮑魚鮮味無窮，口感十足。今次係我朋友第一次食和牛壽司，佢話牛肉咬落有口感，入口即溶，非常特別！芝士蟹籽軍艦芝士味非常濃郁，配上蟹籽獨特嘅口感，十分好吃！和牛粒串燒亦都非常高質，將牛肉、青椒同洋蔥一同放入口中，罪惡感十足。和牛甜甜嘅醬汁配上入口即溶嘅和牛，美味十足！最後滑蛋豬扒飯係我地今餐嘅飽肚之選，豬扒炸得香脆，咬落有肉汁，而且分量充足，不錯！面頭滑蛋、洋蔥同香菇配上豬扒，味道同口感層次亦都非常豐富。總括而言，我同朋友都好滿足呢一餐飯！！！

今日旺角收工就同男朋友響旺角搵嘢食，咁岩見到樓上有間日本嘢就試吓。餐廳啲位都好闊落，唔會坐得逼，所以食得幾舒服。既然食日式嘢就當然要試吓魚生啦，所以我哋兩個人叫咗一個角切魚生飯，一個就滑蛋豬扒飯，再加兩個餸，分別係四點刺身拼盤同牛柳粒。個角切魚生飯啲魚生份量好足，種類亦都好豐富。而四點刺身入面有我最愛嘅三文魚，三文魚厚切，口感一流，肉質肥美👍🏻👍🏻 刺身都好新鮮，無雪藏或腥味。男朋友佢就覺得個滑蛋豬扒飯啲滑蛋有啲煮過咗，老咗，而豬扒有少少”諧”，但味道整體都算okay嘅。咁而個牛柳粒都煮得幾入味，啲牛都軟熟，不過如果就再多啲火喉就仲正。所以整體成餐嚟講，食物方面，啲厚切三文魚幾好食😋，其他嘢食都okay唔錯，但個滑蛋豬扒飯有進步嘅空間。價錢非常親民，而侍應都幾好服務，一叫就到！

好中意食日本野 但餐餐食高汁日本野就真係貴一休屬於一般水平的居酒屋 熟食較佳 刺身不過不失 推介川味燒蠔 蠔好大隻 d汁好惹味 有驚喜！凍udon煙un彈牙sushi 以佢價錢黎講ok抵係個fusion 雞皮餃子麻麻地 感覺好油2人晚市埋單四百幾 但坐得好舒服既

今晚想食日本野，見呢間一休d食物款式種類幾多，價錢都唔貴，所以一試！我地叫左5樣嘢食埋單都只係$301!👍🏻首先有牛肉壽喜鍋，送到黎既時候d牛肉仲係生既，所以我拿拿聲翻d牛肉落去d湯度，係夠熱整熟d牛既！🤣呢個鍋既味道幾濃，d菜同牛肉都好入味，唔錯！👍🏻仲有紫芋甘粟餅外層脆口，入面好足料，仲會見到大大粒既粟子添！👍🏻另外，牛油果軟殼蟹卷，軟殼蟹好脆，牛油果熟度剛好，配合埋沙律醬，正！仲有鯛魚腩蒲燒飯既魚腩好夠冧，醬汁都好入味，送飯一流！至於鐵板羊架，竟然用咁平既價錢食得至！但味道肉質都唔錯，好冧身👍🏻性價比好高，出菜又快，值得encore!!

朋友日前食過依間，介紹我黎食話說晚市日日大放送，仲有八五折優惠同埋特價壽司，放左工就梗系黎一試果然無介紹錯！一坐低首先系好好啲服務，由於疫情啲關係；除左隔板之外，服務員送上一人一樽熱茶，同埋獨立式啲筷子未落單都已經好安心咁準備食店面方面有著好多擺設式啲酒樽，如果唔系第日要番工，真系好想同友人不醉無歸！首先點左蕃茄濃湯大海蝦鍋，隻蝦大大雙之餘，湯味十足又開胃，秋意之時最岩跟住點左兩個小吃：唐揚墨魚咀同埋岩石燒牛薄切；墨魚咀香脆可口，一粒粒咁邊食邊同朋友吹水就最岩； 燒牛薄切就真系要讚，因為師傅刀工一流，無論系牛定系蒜都系超薄切，入口香溶；另外朋友就叫埋牛油果軟殻蟹卷同埋特盛海鮮丼，可能系想有D飯落下肚掛，上菜時個牛油果又真系幾得意，件件正正方方睇落一樣，可見師傳手工掂！貪食左朋友果碗啲幾件三文魚刺身同埋蝦，食材夠新鮮好吃！飽飽！ 下次放工會再來吃=]

第一次食呢一間好近朗豪坊嘅餐廳，但係六點幾嘅時候，餐廳已經好多人好彩唔使排隊！餐牌上仲有拉麵烏冬，而且佢嘅飲品同甜品都好吸引🤩🤩我同朋友就嗌咗一個三文魚卷物同埋一個刺身拼盤，個人覺得佢嘅油甘魚好好食，新鮮而且好厚身！我仲食咗佢嘅雞軟骨餃子，煎得啱啱好個底好脆口。雞軟骨份量超級多，而且炸得啱啱好，味道亦都唔會好咸，下次都會想嗌多次嚟食！都嗌咗一個天婦羅蕎麥麵，蕎麥麵都幾彈牙，唔會軟林林嗰種，而且份量都幾多。仲嗌左個豚肉雜菜，味道比較辣，但係啲菜都好豐富好多種類！

已經唔知第幾次同朋友食呢一間餐廳，一黎近朗豪坊，二黎食物質素真係幾好！餐牌上嘅選擇好多除咗有刺身壽司之外，亦都有唔少嘅熟食同刺身飯選擇！我哋四個人就嗌咗好多嘢食啦！包括左兩條壽司卷，個人覺得佢嘅火焰壽司好好食，而且上面嘅吞拿魚帶子同三文魚配上卷物，個醬汁調得啱啱好，幾有特色！而我哋都嗌左個$88嘅刺身拼盤，每一塊刺身都超級厚身，三文魚仲要比腩位我哋🤩甜蝦都幾大隻，新鮮！而我自己鍾意食牛舌所以都食咗一串，一串有成三塊咁多，食落口覺得唔會好硬，應該係俾靚位嘅牛舌！而我仲仲嗌左牛肉石鍋飯，上面啲牛肉超級多，而且佢嘅黑椒唔會好辣，除咗食壽司嗰啲凍野之外，都可以食返啲熱食！仲要價錢一啲都唔貴！

臨近糧尾朋友推介旺角呢間日式料理屋，以旺角咁多日式選擇黎講算係數一數二平夾抵食😁 叫左三文魚🍣兩碟、黑松露炙燒蝦*2、炙帶子*2、鮮帶子、魷魚壽司🍣炙燒三色（吞拿魚、帶子、三文魚）三文魚算叫新鮮但略嫌薄片黑松露蝦幾重黑松露味鮮帶子魷魚好唔錯！新鮮同甜炙燒三色好出色呀！平時啲吞拿魚好「垃圾」🤭 我係唔會食的，但呢個燒到入口即溶 唔錯唔錯！另外兩款發揮出平時應有既水準 加埋啲醬好掂另外仲叫左泡菜豚肉鍋，標榜泡菜係自家製，都食得出唔係平時個啲細細塊處理好 而係大大塊白菜竟然就係泡菜 再混啲普通白菜🥬又驚又喜😂😂 仲有滑嘟嘟豆腐 半舊冬菇同薄薄豚肉（切得薄唔算肥）好滿足嘅呢～ 埋單二人都係三百零

樓上鋪在大廈1樓，差不多屬於晚餐時段，所以旺角一直都多人，上到黎無人招呼，服務員各個都好似好辛苦咁。我地打算大餐咁食法，直至見到帶位去到好似倉庫咁，普通餐台兩張凳，因為疫情加埋個隔離牌。呢度絕對不是平時食野果位，而好似臨時加的臺凳，因為朋友推薦，所以都係坐低。可能好味呢，我心唸咁多人食應該食物好好味道。牛油果軟殼蟹卷呢個係抵食，52元一條船咁，有六件。最差系離譜的生蠔，|生蠔^睇落真系新鮮，但。得六粒，新鮮開殼無問題，但一摞起一隻生蠔，佢底下啲冰已經灰色黑色咁。真系唔敢想像啲冰系幾耐亦還是生蠔太邋遢。打算大餐都食不太多，不過陸陸續續擺上台的有壽司，有刺身還有清酒。由於食物太多張台開始擺唔落！服务：服務一般非常一般，上餸的服務員覺得我地食得慢，因為無位比佢擺，佢地完全無唸過張台系細咯！似食快餐或者碟頭飯，邊可能食壽司呀！我去迴轉仲好。環境真系影響心情。服務影響食慾。唔食都差不多500元買單，真系無心情唔知咩優惠同咩優惠特價，因為正常服務生都無推薦亦都無黎點單時候做出任何介紹，所以下次無下次真系不可再黎。

同朋友食過幾次一休，覺得抵食同坐得舒服😌所以今次行完街都諗住去哩度食飯一去到當然食佢既9蚊壽司🍣啦，帆立貝壽司好好食😋，之後叫咗牛油果🥑軟殼蟹卷+1板大嘅海膽，大海膽今次真係差咗好多，同之前食爭好遠，今次比較大嚿但係冇咁鮮甜，下次都係海膽不了

好少俾差評，但真係好唔掂！其實我只係求一餐安樂茶飯食，要求唔高，但係你服務麻麻都算，出品真心覺得過份(圖中三文魚腩壽司），我舉手搵你哋server 都要一段時間先有人理我，我明白你哋忙，你哋要收工，我亦都唔係想留難你哋，我反映返意見俾你，我亦都唔需要你換，換俾我係你覺得有責任換，ok...我接受，但我真係冇諗到我食完之後會肚痛！而加已經4:30am，一餐飯搞足我一晚，我只能說係我自己黑仔，呢間嘢真係冇下次。講完！

今日喺附近有嘢做，所以嚟呢頭食lunch~第一次嚟呢間食，一入去覺得都幾大間，同埋唔多人，唔怪得打電話嚟問話中午冇得訂位啦我揀咗吉列豬扒拉麵（配加洲卷），$50嚟講好抵食！嗌飯先有麵豉湯，碗麵豉湯係朋友唔飲俾我嘅～吉列豬扒炸得好脆！！我同朋友交換咗佢件炸雞嚟食，都好好食！但太熱唔小心辣親個咀拉麵就普通港式拉麵，淋咗啲，但竟然仲有隻蛋，對於我嚟講好多嘢食加洲卷都正常發揮～好豐富，飽到食唔哂下次嚟應該唔會揀拉麵，食飯好啲

食台有紙板格住，提供搓手液和探熱。唔知食咩好，來來去去都係嗰幾間🤣收+1服務費#下午茶 #下午茶餐 #teaset .#胡麻海鮮刺身冷麵 #冷麵 #胡麻冷麵 #刺身冷麵$46 冷麵彈牙不錯吃，刺身薄切$158/半打 #日本生蠔 #🦪 6件 今天的品質一般，有兩隻不新鮮沒什麼味道🥺平時一般都不錯的ᶘ ᵒᴥᵒᶅ個人口味評分：6/10 價廉物美