一休(居食屋)日本料理 (38廣場)

营业中

休息中

一休居酒屋位於雅蘭中心附近嘅樓上舖，好容易就會搵到商場門口上一樓就到達。餐廳室內佈置都帶俾人一種寧靜、清新同優閒嘅感覺，令食客彷彿遠離鬧市般，好似襯托返餐廳個名”一陣子的休息”🌾💁🏻‍♀️今次叫咗1️⃣款壽司1️⃣款魚生1️⃣碗拉麵2️⃣個小菜🍣加州卷💰42一休嘅加州卷食材用料相當新鮮，特別喺蟹籽口感十分脆身，粒粒鮮甜。同樣地包住裡面嘅青瓜都清香爽脆，加小小醬油仲增添返加州卷嘅味道😝🦐四點刺身💰88一休嘅刺身盛都相當豐富，包括咗4款海鮮：吞拿魚（2片）、三文魚腩（3片）、油甘魚（2片）、甜蝦（2隻）😋，每款刺身都新鮮肥美，份量同價錢相比亦算合理🍜火灸黑豚肉拉麵💰65呢款拉麵十分有驚喜🤣拉麵湯底帶出濃濃嘅豚肉味，拉麵軟硬度很適中，豚肉以灸燒方法烹調，令肉汁更香濃😋粟米方面都十分香甜呀～🥘大板燒💰46大板燒最重要就係個蛋漿，如果整得唔好就會好重麵粉質感～不過一休嘅大板燒蛋香味濃，表面加咗滿滿嘅木魚，減低咗大板燒嘅膩口外，仲增添多一種香味😋🐷豚肉炒泡菜💰48日式煮法嘅豚肉炒泡菜好惹味，有豚肉同泡菜外，仲有椰菜、紅蘿蔔絲同埋野菌，令到整碟菜式好有日式嘅味道😋

朋友係要見嫁，自從疫情後，開始改變咁大家對及時行樂嘅睇法，今晚就同朋友嚟個即興飯局😆位置旺角朗豪坊附近嘅「一休」居酒屋，由於佢係樓上舖，如果唔係友人一早搵定餐廳，小妹都未必會發現。雖然「一休」無顯眼嘅大招牌，但平日晚上7:30後人流不斷，差唔多全院滿座，重點係平民價錢並沒有將貨就價，而且坐得舒服，性價比中尚👍🏻一行二人叫咗幾款美食都只係人均$150👍🏻🙊牛肉壽喜燒+烏冬平身鍋身係無跟主食，但食壽喜燒最重要就係個湯底，我地就另外加點烏冬嚟自製牛肉壽喜燒烏冬，咁樣都只係$70😲薄切牛肉份量都唔少，鋪滿整個鍋，另外仲帶滿滿號蔬菜🥬，重點烏冬嗦哂壽喜燒湯底，好好味😋牛油果🥑軟殼蟹卷鰻魚卷叫咗兩個卷物都唔錯，唔會一夾就散，一客6件，小妹偏愛牛油果軟殼蟹卷多d，熟透嘅牛油果醬薄薄鋪係卷物表面，包住嘅軟殼蟹仲係脆身嘅👍🏻四點刺身有齊哂三文魚、吞拿魚、油甘魚同大大隻甜蝦，新鮮度合格，而且係厚切魚生都只係$88 😆

今日嚟到旺角38廣場一樓嘅日本餐廳食飯。餐廳係使用手機掃QR code落單，非常方便，最後仲會show埋Total嘅價錢同埋+1服務費。首選推介嘅係炸紫薯栗子餅，上碟嘅時候新鮮滾熱辣，外層非常鬆脆香口，入邊就好軟熟，龍龍嘅紫薯入邊再包住栗子夾心，口感非常之豐富。另外個牛肉壽喜燒都唔錯，餸菜上枱嘅時候牛肉同雞蛋都係生嘅，撈一撈之後就熟咗，啱啱煮熟嘅感覺，牛肉仲係非常嫩，入邊仲有好多菜菇菌類庫斯同埋豆腐，非常健康。

平日夜晚好抵食，同fd 2個人食勁多嘢，都係100/人到.係呢度坐得都算舒服既啦，2個人可以坐4人卡位。 而且呢度 既侍應幾好，坐得耐又唔會趕人走.呢間三文特價魚腩壽司又便又抵食.

唔新鮮，中伏，難食。咁多人讚就試下啦，點知全是假食評。啲刺生唔新鮮都算，連燒牛舌，沙律，手卷唔熱。根本冇人嘅，只得1或2個人，還好沒有肚痛。不幸中之大幸。唔使訂位都係唔好試啦。

平價日餐之選 1930前落單仲有$50 10片三文魚🍣刺身每日仲有唔同優惠 個三文魚魚皮真系好正我encore左二次😝😝😝係個牛油果🥑生左啲硬左小小 雞泡魚肝牛脷銀雪魚都好推薦 食咗咁多都係每人$250 月尾聚會之選😝😝😝😝

同一位好耐冇見嘅朋友聚會 , 諗咗好耐最後決定食日本菜 , 搵咗間喺旺角市中心嘅日本居酒屋 , 印像比較深嘅係一個牛肉火鍋 , 牛肉嘅份量都唔少 , 而且食落去都唔會好un , 另外壽司方面都keep到水準 , 多春魚方面亦都唔會煎到好乾, 突然間想食日本菜…想地點方便嘅朋友可以來呢間呀

/ 男朋友接完收工之後，就梗係去撐枱腳啦🥰！佢一早book左位，帶我去食一休🍣🍱(其實我地已經食過好多次，大家都覺得唔錯，CP值好高，所以成日都返去Encore😛)💬我地食果日係星期三，諗住叫赤蝦刺身，點知已經賣哂🥺 (只係大約7點鐘左右)📍香芒蟹子沙律 ($46)💬我同男朋友基本上每次都會叫呢個沙律食😆，因為我地都好鐘意食芒果、蟹柳同埋青瓜絲，所以呢個真係勁岩我地，又好好食😋📍加州卷 ($42)💬加州卷我地就覺得麻麻地，比較一般，其他日本餐廳會好食d🥺📍角切香草辣汁三文魚飯 ($58)💬男朋友叫左呢個飯黎食，佢話都ok，唔錯，佢仲話原本以為好細碗飯，點知份量都唔小，好夠食！💬我地叫左d特價壽司食🍣🥳當中包括有：火炙黑松露帶子壽司、火炙海膽醬赤蝦壽司、三文魚腩壽司、赤貝壽司⋯(全部都係$9一件)我地覺得都ok，幾好食😋👍🏻📍手打烏冬配胡麻醬 ($58)💬呢個真係好推介😆👍🏻！因為覺得配胡麻醬真係一流，好match，同埋個人好鐘意食冷烏冬，所以覺得好正🥰而佢另外有日本醬油揀，但我地都係揀返胡麻醬🙆🏻‍♀️📍鹽燒雞軟骨串燒(2串) ($28)💬雞軟骨一般，覺得無咩鹽燒既味道！總括黎講，我地覺

夏天真係熱野都唔想食 由其行旺角人又多熱到唔想行 咁見到呢間就去試吓刺生拼盤 二百幾 好抵食又份量多小食同壽司 好鮮甜又夠新鮮！好鍾意好好食呀仲叫埋個蕎麥面有隻鵪鶉蛋比你撈好好食呀

話說本身又係又無錯係又想排壽司郎但真心多人到爆哂出黎唯有搵返附近既日本料理最終去左一休度食.一上到去幾驚要等好耐好彩一兩張飛就到都只係十零分鐘.外子十分肚餓係我去洗手間既一瞬間佢已經嗌好嘢食啦同埋呢間舖非常方便點餐只需要用手機掃二維碼.啲嘢食都算想得幾快我地嗌左.料理方面1. 炸芝士年糕2. 甘海老唐揚3. 三文魚刺身4. 金菇牛肉卷.壽司方面1. 火灸黑松露帶子2. 火灸海膽醬蝦3. 花之戀4. 香蔥吞拿魚腩軍艦5. 厚切三文魚6. 火焰三色卷7. 赤蝦壽司.有啲嘢食未影已經食咗炸芝士年糕其實有三舊但已經食咗一舊so far 保持一貫嘅水準啲嘢食又上得快同埋都經常留意收碟斟茶服務都算不錯絕對可以回頭

今次試咗以下呢幾樣菜式每樣都好滿意🥳🥳🥳💲4️⃣8️⃣三文魚加州捲🍣💲4️⃣2️⃣牛肉壽喜燒🐂🍲💲6️⃣8️⃣蒜片和牛粒🧄🐂-性價比好高嘅日式餐廳❤️佢嘅蒜片和牛粒係最推介🌟好入味 十分嫩滑🐂

經過見呢間門口餐牌價錢幾岩就試下～裝飾就一般港式日本餐廳，野食放題質素咁，勝在性價比高😳為荷包着想下😂😂😂鰻魚炒飯 （$78）份量唔細碟～飯炒得粒粒分明😚鰻魚粒都多、同大舊，啖啖都食到有鰻魚😍加上紫菜碎一齊食，幾好味！而且唔會過分油膩～火炙黑豚肉拉麵（$65）拉面屬於正常水準～一定冇出面拉麵鋪食得嘅咁好味㗎啦，湯底亦都冇咩特別～溏心蛋都有啲失望整得太熟🥲但值得一讚既係塊肉火炙後幾香口！！

最近轉天氣，忽然迎來一個下雨天☔️心急想搵間餐廳坐低食飯上網見好評都幾多就上左去～😄😄餐廳係38廣場一樓，唔搭lift行上去都ok👯‍♀️👯‍♀️睇完Menu覺得價錢好合理，反而有點擔心會5好食😂😂因為都試過平價但5好食的日式餐廳，不過凡事都要俾機會先有機會有得著😛😛 7:30pm前落單，壽司刺身重有85折，個日星期日去都有👏🏻👏🏻開心～每日都有不同款式優惠～不過冇特別嗌單件壽司🍣，印象中價錢重貴過壽司郎，所以都無特別影低。叫左個辣酒煮角螺🙈說實話好淡味🤣但好易剝出啲螺肉～😛呢個係特價的沙律～三文魚量足都新鮮🤔不過沙律醬味淡，但整體算新鮮～好鍾意食芒果～所以叫左呢個，不過芒果唔夠甜，所以略為遜色🥲🥲驚5夠飽再叫左個拉麵😋😋😋除咗味淡之外其他都滿意最滿意是呢個～🤩🤩🤩🤩好好食～好新鮮！雨次再來會再叫呢個！有三種新鮮😋😋好好食，醬汁又5會蓋過鮮味～🤣🤣🤣🤣一餐食完，大部分菜都有點淡味，我又未到老年，平時食野都5係必定要食重口，不過d新鮮好新鮮！🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🧚🏻‍♀️🥰🥰🥰🥰星期日晚市來講，兩個人連加一食$400左右，又坐得

早幾日晏晝聽朋友講話好想去食日本丼, 問我有咩好介紹、 自己又諗一諗好似好耐冇食過, 於是附上網再搵下附近有咩地方食, 近近地都係搵返旺角附近嘅日式料理店吧！於是乎上網搵午餐好去處... 搵搵下見到一間食丼同另一間係我以前喺女人街地舖每一兩星期都幫襯食咗兩三年嘅日式餐廳！ 原來地舖執咗之後搬咗上樓舖, 仲以為呢間餐廳冇咗...到餐廳已經係兩點幾接近三點, 已經唔多人但係每張枱都有一兩個人成間舖有五至六客人, 見到窗口卡位仲有張枱於是拿拿林走過去坐低, 睇返張餐牌都係以前地舖食開嘅食物大同小異, 但係價錢就加咗一點點！最終我揀咗"盛世刺身定食" 顧名思義成盤都係刺身, 有 三文魚、吞拿魚、劍魚腩、油甘魚、章紅魚、八爪魚、帶子、鮮立魚各兩片及甘蝦一隻！ 可能因為落貨問題同埋雪藏班係整體比我之前試過嘅差一點, 尤其是煎魚腩同埋油甘魚有啲魚腥味, 個麵豉湯就太多油份, 個賣相同相片真係有啲差距！加埋個檸檬冰底罐裝可樂成為82蚊, 雖然唔使加一, 性價比唔算高！

午餐在旺角朗豪坊附近的一休，這裏的午市套餐選擇超多，價錢又平，有好多套餐都好吸引。一行三人叫了三個餐，每個餐都份量十足，可配味噌湯或飲品(另外加$2-$4)，其中特盛刺身定食$78，配白飯和味噌湯，有十款刺身，唔好以為咁嘅價錢會簿簿地，但每款都正常，食落都幾新鮮，味噌湯裏有大舊魚塊，唔太咸，幾好味。平民價錢又有咁多選擇，會再去食☺️