ラーメン松壱家

营业中

休息中

喺銅鑼灣返工返左咁耐都唔知有間咁嘅拉麵店，今次因為有朋友特登走過來銅鑼灣搵我食飯, 帶咗去食呢一間拉麵店😋一般係香港想食個拉麵其實$60以上真係基本, 朋友介紹我食呢一個雞湯叉燒拉麵, 估唔到有驚喜！用雞湯嚟做湯底真係第一次試, 感覺上健康咗好多而且唔會好肥膩！但叉燒就真係肥咗啲啦不過又真係好好食嘅, 佢哋仲有自製嘅磨蒜蓉, 加埋上去整個湯底又昇華左！今次呢個麵$68都okay, 如果份量再多的就真係perfect 喇😁

登龍街，食店林立，揀間拉麵試試，松壱家(其實到依家都唔識讀佢個名)個門面幾靚，入到去簡單擺設，燈光唔錯各大派系拉麵都有做，各做一碗，鹽味、味增、醬油、雞湯，仲有黑蒜油，拉麵同湯底可以微調黑蒜油軟幼麵濃湯豬骨拉麵，上枱好香黑蒜油，其實叫黑蒜油好穩陣因為本身已經好香好濃味啲配料有少少亂，撈埋一齊，先試湯底，都算濃，豚骨湯，黑蒜油味濃，味道唔算太有層次或鮮味但都好味既幼麵掛湯無問題，夾埋幾好食，叉燒肥瘦ok但好似無燒，如果燒香啲會正好多餃子正正常常，都煎得唔錯既，好味終極雞湯濃湯粗軟拉麵，賣相其實吸引，雞湯真心唔夠濃唔夠味，雞白湯要多啲其他料/鮮味帶起佢先夠濃，但依個唔夠即刻尋找調味配料，好彩佢有蒜泥！加落雞湯即刻豐富啲，成個麵好味左個麵有配鵪鶉蛋，唔係難食但當然半熟蛋正好多，整體碗麵都唔差既整體來講其實都算好味既不過係有啲港人/中式口味，唔夠日本主打既鮮，反而多靠調味/蒜味，但又會好食既，所以見仁見智啦，如果你追求既唔係好日式傳統味道而係一碗好味既拉麵，其實都好ok#專心做死一兩款可能更好#其實港式啲又有咩唔好

今日再來銅鑼灣登龍街，決定再試另一間日本拉麵🍜～松一家。鹽味豬骨拉麵🍜$82.～點了硬麵，原味豬骨湯底，清清地不油膩，叉燒肥瘦適中，配上一隻鵪鶉蛋、紫菜、筍和蔥花，味道不錯。醬油豬骨拉麵🍜 $82.～湯底豬骨味比較濃厚，配上叉燒肥瘦均勻厚薄適中丶菠菜丶筍、紫菜和蔥花，香氣十足。黑蒜豬骨拉麵🍜 $92.～豬骨湯底濃稠，加上黑蒜油香氣撲鼻，叉燒肥瘦分布均勻，厚薄適中，配上菠菜鵪鶉蛋丶蔥花和筍，實在美味。再來一下日式餃子🥟$38～現煎，熱辣辣。好味

ラーメン松壱家 (銅鑼灣)銅鑼灣登龍街40號地舖環境：🐣🐣🥚🥚🥚服務：🐣🐣🐣🐣🥚地方真係幾細同舊，本身我地叫左2碗幼麵，但店員落錯單比左一碗粗麵，店員係咁講唔好意思，仲送左2罐可樂比我哋，都算幾有禮貌👍🏻👍🏻同一般拉麵店一樣，都有得揀麵既軟硬度同湯既濃淡度，但兩個拉麵🍜味精好重，食完勁口乾😂拉麵🍜黎講真係算幾一般😂醬油豬骨拉麵(粗麵）Price:$82味道：🐣🐣🥚🥚🥚鹽味豬骨拉麵（幼麵）Price:$82味道：🐣🐣🐣🥚🥚

👍🏻終極雞湯拉麵 $68雞湯味道濃郁！湯底濃稠，好掛湯😋不過叉燒只有薄薄一塊，味道不過不失糖心蛋半隻，入味夠流心😛幼麵比較掛湯，麵質唔怕過腍👍🏻拉麵配上蔥花、炸蔥同大蔥炸蔥香脆，令拉麵口感更加豐富🤪同其他拉麵鋪一樣，可以揀湯底濃度同麵身軟硬度味道：7/10性價比：7/10-松壱家而家做緊八週年優惠平日12-6pm所有拉麵都係$68，性價比ok啦但如果食正價$92，性價比將會係極低，慎入🙊-📍#松壱家銅鑼灣登龍街40號地舖 #hkfoodie #foodiehk #hkfood #foodhk #hkeat #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #銅鑼灣 #銅鑼灣美食 #銅鑼灣好去處 #銅鑼灣美食地圖 #拉麵 

依家出街食拉麵80幾90幾蚊其實我覺得好貴, 不過已經係market price。 不過le間我覺得係聰明ge。其實味道ok ge, 不過不失, 不過好似好多tricky位咁😂蛋用鵪鶉蛋,, 真係好細粒,, 不過又聰明ge 唔洗同其實店比溏心蛋定煙燻蛋定咩,, 不過食得都無咁滋味lo😂其他店多數用海帶 佢用le隻菜😂我唔知咩嘢品種,, ok ge,, 不過可以多dd會好d, 豚肉都正常一般lo無比較無傷害,, 不過依家咁多拉麵店,, 你會覺得佢咩嘢都差dd咁lo

去到銅鑼灣想食碗拉麵，第一時間梗係去登龍街，揀咗幾間都食過，就係呢間未試過，而且冇乜人，冇用安心出行，店舖提供表格，填寫完放入收集箱。店員招呼正常，堂坐客都唔算多，我揀咗一個四人位，中間有膠板，坐低之後店員亦有送上一杯水。店舖環境一般，都係傳統拉麵店嘅格式，呢間舖頭已經開咗一段時間所以感覺都有少少舊。其實餐牌都幾多選擇，又有豬骨湯又有雞湯，我最鍾意食黑蒜油，就揀咗黑蒜油拉麵，拉麵有得揀軟硬度亦都可以揀幼麵或者粗麵。以上嘅選擇都可以喺表格上自己填寫然後交俾店員，就會幫你落order。本身我碗拉麵只配有一隻好細嘅鵪鶉蛋，所以我另外加咗一隻蛋，碗麵嚟到啦，感覺有啲怪，並唔係傳統嘅拉麵款式，上面有好多芽菜，而且配有部份青菜，我叫咗正常size但係本身碗麵都算大碗，麵條好多，幼麵OK幾好食，亦都係我想要嘅軟硬度，湯嘅黑蒜油味都好重，但係就覺得湯底唔算好清甜，反而覺得好重味精，鵪鶉蛋嘅味道幾好食，反而我另外加嘅隻蛋就唔太糖心，可能係煮內咗。叉燒只係得塊 ，而且比較薄，不過食落都係嫩口唔算好「鞋」。整體來講感覺一般，食物我覺得還可以，不過可以再煮得好少少，大家可以自行衡量。

今日約咗朋友喺銅鑼灣，路經登龍街，見到呢間無乜人，諗住靜靜地可以傾吓計，咁就入去試吓，一試就難以忘記，完全唔似日本野。1）湯底咸到極點 2）叉燒細塊得黎又肥 3）無溏心蛋，得所謂調味雞蛋 4）麵質淋到食落無質感 5）湯底唔夠熱，又多油 6）店鋪衛生一般，好多塵日本拉麵店黎講，食過咁多間，呢間都算係食過最差嘅一間，我食野唔係睇裝修而選擇，不過呢度的確好殘殘舊舊，只係估唔到會反影埋落食物質素嗰度一樣差。中伏一次已經夠，唔會再幫襯。

絕對係趕客嘅舖頭 下午5點零5分我到達舖頭 大約5點30分佢哋已經開始收枱嘅調味料 跟住5點40分叫我埋單但係我個朋友仲未食完 當時佢仲反駁佢要埋數 多謝都冇句 以後唔會再嚟

《 銅鑼灣 $68 終極雞湯拉麵 》見到哩間餐廳做緊優惠就緊係去試試啦。🍜 終極雞湯拉麵 $68拉麵嘅靈魂緊係個湯底，而湯底的確用料十足，雞味濃郁。拉麵我揀左偏硬，佢地嘅拉麵我個人幾鐘意，岩岩好又有咬口。整體黎講味道唔錯，唯一可以挑剔嘅係比較上有啲油膩，若然能夠在清淡少少就會更好。🥟 日式餃子 $38餃子煎得金黃香跪～價錢都算合理。但同樣都係有偏油嘅困擾。坦白講，如果優惠繼續做我係仍然下次會黎，畢竟味道不錯，價錢亦合理，係銅鑼灣食晏嘅好選擇～～

有朋友找我食午餐，想食拉麵我帶她去松ラーメン松壱家 老細鐘意呢間我食過，湯底不錯，不過唔夠飽。座位窄，椅殘舊。估唔到老細會去。湯底好味精，得我整個下午勁口渴唔飽，去亇了附近的老店買砵仔糕，回到公司，還熱呀！

由於疫情關係 一開始都問我哋搭唔搭枱，咁我哋就唔搭枱等咗15 分鐘左右點知啱啱開始食嘅時候 , 佢又逼人搭枱落嚟一齊食張枱已經本身好細張 , 中間完全冇透明版格住 同隔離兩個唔識嘅人口水噴口水真係超級唔合衛生 ! 本身等位就係為咗唔同人搭枱 點知都係要逼你同人搭枱 . 完全係冇服務可言！ 最後講到啲食物， 埋單$300兩個拉麵， 平時食幾百蚊野我都冇乜要求， 但係但係今次仲差過我平時喺大家樂食嗰啲拉麵 . 啲面又梗 啲餃子完全食咗一粒就放低冇食過勁難食 . 最緊要係服務真係好差根本就逼你走。 食左唔夠十分鐘我同朋友都急急腳走！一世都唔會再去 !

疫情底下都知道，食市難經營，但係中午飯市行經登龍街見到這餐廳，都在做特價。在門外看見相片之後，入內坐下叫單了。但當麵放在面前時，就嚇了一跳，只看見得一件豬豚肉😱。。。。同食齋麵無誤。

週末在銅鑼灣逛到餓了，就是時候安頓肚子。由於星期六晚上的關係，到處餐廳都排滿了人龍，而登龍街只有零星店舖有位入，最後選擇了這間拉麵店。這次點的是特松味噌豬骨拉麵。配料份量像紫菜和叉燒比較多，價錢和普通份量好像相差太概三十至四十元左右。湯底選了濃湯，味道確實不錯，喝了一半湯也沒有特別感覺口渴。幼麵一般，正常掛湯能力和口感。叉燒肉軟熟有油脂香，溏心蛋卻一般，滷過但沒有甜味，也沒有流心效果。比較特別的是這家拉麵店配料有菠菜和鵪鶉蛋，也是個賣點。

番工前搵野食，第一次食呢間。鋪頭細細，得幾張四人枱，一兩個黎撞正食飯時間一定要搭枱。款式唔多，但都有選擇，左邊打交叉但可以照嗌既係大份量版，或者可以叫佢做正常版，右邊係迷你版。叫咗黑蒜油拉麵，呢度正嘅係有四大塊紫菜。另外就係本身個面已經包一整隻溏心蛋。拉麵仲有得揀幼身定粗身。湯底我覺得唔係太夠濃，可能因為我重口味。整體味道都ok。不過溏心蛋太熟，有d可惜。另外叫左餃子，都係普普通通，唔知邊到有個底一大塊，脆卜卜個隻餃子呢。