スーパー丼 (駱克道) (已結業)

呢間餐廳hit 咗好耐 但一路都無咩機會試佢...見個friend 話唔錯就一於去試下啦 🌟雖然個日落住雨🌧️ 但都幾多人排隊 感覺係人氣店 😎.🍤 芝士吉列盛丼 (炸蠔·炸蝦·炸帶子) $98 | ⭐️: 3.6/5 上台見佢熱到冒煙 🌫 啦啦聲拍返段片 (隔住個mon show 吓佢有幾熱辣辣 🔥)丼飯超級多芝士流曬出黎 🫕 再加埋吉列呢個配搭 超級邪惡 😈味道係幾好食 其實炸物加芝士無可能唔好食 LOL 🙂但略嫌炸粉有D厚 如果再薄身少少會好食D ☹️最後由於個飯卑得太多 其實無可能食得曬 如果係再細食d既人建議嗌少飯 🥸.整體黎講, 狸貓覺得呢間嘢可以一試🤭 但未話會encore個種程度 🌝 尤其係落雨天排咗差唔多半個鐘先入得去 🥲整體上 覺得average only …

大滿足 #superdon 😍😍之前已經好想試銅鑼灣嗰間～去開大埔超級城～終於試到✌🏻鵝肝和牛丼 $98 咋😆有六塊和牛👍🏻肉質結實而且好腍，油份唔多~ 都7-8 成熟鵝肝大大件，感覺係炸過～油香濃👍🏻👍🏻外層焦香，好肥美😋正呀！只係醬汁唔係好夠～問職員拎多一碟醬先夠呀Super海鮮丼 $138有吞拿魚、三文魚、油甘魚、兩件帆立貝、兩隻甜蝦、三文魚子同埋吞拿魚蓉 😋😋 好新鮮，好豐富👍🏻岩哂樣樣都想食嘅我定食包埋麵豉湯同埋茶碗蒸😋蒸蛋好滑👍🏻餐廳係自助形式，有成3-4 個舖位，地方闊落好舒服

見網上好多人推介呢間嘅鵝肝牛肉丼就試吓啦！叫咗$98嘅鵝肝和牛丼，見佢唔使$100食到和牛真係幾抵就去試吓啦。本身對佢期望唔高，因為唔覺得以呢個價錢可以食到啲好嘅和牛。落單嘅時候可以同職員講想要個和牛幾多成熟，今次試咗7成熟，啲牛燒得啱啱好，隻牛都唔算好多筋，都算係林嘅，比想像中好好多。個餐會配埋一個麵豉湯同埋一個迷你芝麻醬沙律菜。店裏面嘅環境都裝修得幾好，但就有啲迫，去嘅時候大概係1點幾，人流唔算太多所以都算係坐得幾舒服嘅。個人認為可以去試吓，但係就唔好抱住好大嘅期望去食。

叫左鵝肝牛肉don，套餐包一碗沙律一碗miso、來。牛肉很嫩，鵝肝比較shan接受唔到。沙律和飯的醬汁放得太多。牛肉本身不錯。價錢比較貴。會再回顧。份量ok的。有分店就好了。

superdon今日試左@superdon_hk 既鵝肝和牛丼同唐揚魷魚圈，和牛丼包麵豉湯同小食一份。肥美既鵝肝用粉漿包住炸出香脆既口感，加上啖啖肉既M5和牛，無論味覺同視覺上都非常滿足。但個人覺得和牛生左少少。唐揚魷魚圈粉漿都夠脆，味道正常,下次再試下其他款式😂😂

今晚經過見到多人排隊，諗住應該穩陣，外賣叫了三個飯同屋企人上車食，職員幾有禮貎，外賣8折送飲品幾抵食，等左十分鐘到，都算快。芝士牛丼唔錯，份量十足；鰻魚飯尚算OK，汁唔夠多，飯太乾，同唔夠熱；但最差係個吞拿魚腩蓉三文魚子飯，食食下食到一粒頗大嘅膠粒，俾佢嚇親🥵，好彩係大人食，如果細路真係吞左哽親都似。番舖頭話俾職員知，職員就咁拎走粒膠就算，對唔住都無聲。整體本來唔錯，但食物中有膠粒異物真係接受唔到，應該無下次！

上星期出開銅鑼灣做嘢，lunch time個陣跟同事偶然食到一間超好味嘅日本丼飯！😨一開始行過我都無留意呢間 ，係同事叫停我，先發現呢間鋪頭🙈 我哋入座後先發現原來舖頭剛剛開門做午市，我係門口已經被餐牌上嘅虎蝦和牛丼飯（$128 未連加一）吸引住，要知道刺身當中我最鍾意嘅就係虎蝦，當然要試試佢🍤💛 上枱之後先發現…隻虎蝦竟然係熟嘅？🤣 枉我仲天真地以為係虎蝦刺身🙊但和牛真係完全令我喜出望外😨 雖然啱啱咬開舊和牛入面係紅色嘅，但係完全唔難食，啲肉汁…🤤🤤🤤 未食過既絕對要試!!!!

食superdon 係臨時改變嘅、行左半個灣仔經過見到門口有人排隊就試下啦，而且日本嘢來講唔算太貴😊牛油果角切魚生飯第一次食帶有牛油果嘅魚生飯、原來其實咁樣都幾match、牛油果好新鮮望落去份量好似好少、但係碗比較深、份量都係多的，食完真係好飽！！粒粒嘅魚生都新鮮、雖然我唔點食吞拿魚生、但係最後都KO左啲炸嘢就好一般、有啲overcook 左😅有啲啲濃、🦑魷魚冇咩肉同埋有啲鹹芝士吉列豬扒丼都係有啲炸得太勁、不過肉質都幾滑

點樣食推介✨💛良心日本丼飯💛💛銅鑼灣黃店💛Superdon地址：銅鑼灣駱克道501號地舖🍖海鮮雜錦丼 $138 (7.5/10)依碗野用料超豐富！有帆立貝、北極貝、蟹肉、仲有甜蝦🥰啱曬花心想食好多野個人！美中不足嘅係d帆立貝上面唔知點解有小小黑色點，睇落好似有d唔乾淨嘅感覺🙈其他刺身都好鮮甜，特別蟹肉比到驚喜我，估唔到口感會咁紮實同鮮👏🏻🍖鵝肝和牛丼飯 $98 (8/10)一黎到就聞到好濃嘅和牛味🤣個飯舖滿曬牛，d飯索曬牛同鵝肝d油脂香，佢面頭d酸菜仲可以中和成碗飯嘅油膩感，大滿足！🦦 🍖唐揚魷魚圈 $38 (5.5/10) 🌟10小伏🌟見佢平平地就嗌左黎食，上碟見到我呆左🤣又係個d翻炸又翻炸嘅物體，好黑好硬好難咬啊媽咪🤣食個時有濃烈嘅燶味，點解我依排成日食到黑色嘅野😢😢😢依度d丼飯係銅鑼灣黎講真係好抵食！不過唔係好建議食佢地嘅小食🤣 回頭指數: 🍧🍧🍧 🍧(滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

終於完sem 即刻衝左去食幾間bookmark已久嘅餐廳 可以強勢回歸啦！😂今次位於銅鑼灣嘅呢間日式丼飯 人氣十足大約都等左20-30分鐘🙈店內比較細所以容納嘅客人唔多🤪 -和牛鵝肝 ～$98 老實講 我覺得比100蚊都唔會指意食到d好好嘅牛🙈 不過呢舊牛真係有d韌 同埋有筋 鵝肝就都ok 但有小小騷味呢 三文魚魚籽 $88 反而呢個幾好😂 覺得佢個珍珠米幾好味 酸味岩岩好 而且微暖 三文魚不過不失 但有d唔夠候 因為得4塊 三文魚bb冇腥 而且送飯幾好🤣 所以食物質素自己就覺得一分錢一分貨 🥺 不過都可以當支持下

講唔停一直都bookmark咗呢間餐廳 覺得呢間啲丼飯好吸引 所以上次就捉埋朋友嚟試吓啦❤️鵝肝和牛丼 $98 + 日本蛋 $8講唔停嗌咗三成熟 牛味濃而且唔會有斤唔會韌 醬汁都幾好食😚 鵝肝就有兩件 都可以話係炸到外脆內嫩 加埋半熟蛋撈飯食係幾唔錯🤤火炙芝士黑松露三色丼 $128呢個就有三文魚 帶子同熟蝦 黑松露味幾出 三文魚配埋芝士燒幾肥美 幾推薦！🥰火炙三色丼 $98呢個就包左吞拿魚 三文魚同左口魚邊 三文魚同埋左口魚邊正常 火灸完都有油脂👍🏻 不過吞拿魚就麻麻地☺️整體黎講 講唔停覺得呢間丼飯質素都唔錯😋 不過上次去嘅銅鑼灣分店店員態度十分之麻麻 好似唔會覆人咁 呢方面扣咗唔少分🥺

銅鑼灣依間日本丼飯小店主要以和牛丼飯為主再因應自己嘅喜好配搭唔同嘅配菜除咗和牛丼飯之外最近新推出左黃金系列即係鹹蛋黃丼飯，即管試吓佢啦💠鵝肝和牛丼 💰98鵝肝厚厚一塊好有油香味入口即溶和牛分量好多但就比較熟咗啲啲💢重點係加咗溫泉蛋🥚🥚🥚 💰10溫泉蛋好滑好滑撈飯勁好味一隻都唔夠要加夠兩隻先得💠黃金天婦羅丼 💰88有炸蝦兩隻、冬菇、魷魚、茄子全部食材都十分新鮮鹹蛋黃味出色估唔到鹹蛋黃天婦羅都幾好食👍🏻📍スーパー丼 (銅鑼灣)🔎銅鑼灣駱克道501號地舖

行開銅鑼灣，次次都見呢間丼飯排晒長龍，今晚有時間就會一會佢。晚上八點左右，大約排左十五分鐘就可以入坐。我點了丼飯，跟餐有味噌湯和前菜。天氣熱叫左蘋果梳打，可惜唔太夠凍。坐在吧枱，睇住職員每一次出菜都用心擺盤。🍽吞拿魚腩蓉、三文魚籽、溫泉蛋丼🍱分量足料，三文魚籽爽甜，吞拿魚蓉好味😋，夏天食魚生丼飯涼涼的，爽😆🍽芝麻雞翼🍗放左一陣都仲熱辣辣，外皮炸得脆，但仍然有肉汁唔會乾，掛住食無影相🤣🤣🤣

Don Don Don 唔係淨係得Donki 嘅 仲有superdon (sor 有少少hard sell 添 👅申唔係廣告) 👧🏻真係好鍾意食日本野🇯🇵所以今個post 會同大家分享下呢個回頭率極高嘅呢間餐廳🥰靜靜雞話你地聽 如果挨到肚餓嘅話 有時會下午茶時段 會做半價架💛🌟 鵝肝牛肉丼 $98📎店舖資訊📌 スーパー丼 Superdon銅鑼灣駱克道501號地舖🚇港鐵銅鑼灣站C出口 📌 スーパー丼 Superdon大埔安邦路9號大埔超級城B區1樓130-133A號舖📌スーパー丼 Express (Food court 🍱)佐敦彌敦道380號香港逸東酒店LG樓1號舖🚇港鐵佐敦站B1出口 油麻地站C出口💰人均消費 ～$100等候時間🕰 0 mins

難得經過唔使排隊9秒9都唔洗就決定入去食😝🍽海膽和牛丼 $168海膽質素唔錯淨係顏色都已經好吸引🤩好濃郁鮮甜完全唔會腥同苦澀丼飯鋪滿和牛和牛厚薄切得啱啱好和牛肉味濃 粉嫩撈埋和牛汁送飯絕對可以食多碗😂🍽鵝肝和牛丼$98鵝肝十分厚身油脂豐盈、入口即溶和牛同海膽丼一樣都係好好食😋主食仲配埋麵豉湯同中華沙律和牛熟度可以揀選3分/7分/全熟另外可以少 /多 / 走 葱/酸菜/飯/和牛汁/芥末/薑岩哂唔同口味喜好既人除咗set好既丼飯仲有得自由配搭刺身丼同小食大眾化價錢 高質既享受😛