スーパー丼 (駱克道) (已結業)

今晚經過見到多人排隊，諗住應該穩陣，外賣叫了三個飯同屋企人上車食，職員幾有禮貎，外賣8折送飲品幾抵食，等左十分鐘到，都算快。芝士牛丼唔錯，份量十足；鰻魚飯尚算OK，汁唔夠多，飯太乾，同唔夠熱；但最差係個吞拿魚腩蓉三文魚子飯，食食下食到一粒頗大嘅膠粒，俾佢嚇親🥵，好彩係大人食，如果細路真係吞左哽親都似。番舖頭話俾職員知，職員就咁拎走粒膠就算，對唔住都無聲。整體本來唔錯，但食物中有膠粒異物真係接受唔到，應該無下次！