たまご園 (德福廣場2期) (已結業)

蛋蛋蛋... 全部都係蛋食好喇，唔好成績比隻蛋我呀😂燉牛肉黑咖哩蛋包飯唔好睇佢係黑色，都好香咖哩味，蛋又煮得剛剛好唔會太熟吉列豚滑蛋丼豚肉炸得好香脆可口，配搭滑蛋撈飯，好味道👍🏻大板燒風八爪魚捲除左蛋捲好香好味之餘，入面亦配有八爪魚，有咬口，又唔太韌5款玉子串燒有蕃茄仔，海藻醬，親子三文魚，鱈魚子沙律，蟹肉，好多唔同味嘅醬料配搭玉子燒，食落都幾過癮🤤黑糖珍珠奶茶甜度適中，好香奶茶味，最得意就係個杯都係蛋形狀🥚 好吸引到小朋友😁

第一次食，整個menu 偏貴。叫咗個三文魚牛油果三文魚子飯，面頭個生蛋完全冇味，食落好奇怪，得個睇字。另外大阪燒八爪魚卷，睇圖勁多八爪魚，實物少，仲要喺軟林林的，唔好期望好似章魚丸咁有咬口，仲要勁多油，仲要$78真係唔值。唯一叫咗個明太子三文魚蛋包飯係好食。

之前係北角食過呢間，覺得佢d滑蛋丼都唔錯，咁岩係德福又見到新開左一間，而妹妹又想試下，所以就帶佢去食我今次叫左 🍤海鮮明太子意粉個意粉d汁好滑，應該係因為有忌廉，加埋個流心蛋理應係冇得輸既🤔但係食落個意粉冇咩味，唔睇餐牌麵唔知原來我叫既係明太子意粉，因為一d明太子既味麵食唔到，我一度懷疑係唔記得左落明太子😭如果加埋明太子個咸味正常應該係岩岩好妹妹叫我問個職員，但因為我已經食過碟野，唔通叫個職員來試下個味咩，所以都係算啦妹妹叫左 🍱滑蛋豬扒丼，呢個都好難唔好食，穩陣之選

呢幾年都係九龍灣返工，出去食飯都食到有啲厭，有次無意間經過一間新餐廳，被餐廳橙橙黃黃嘅顏色吸引咗，可惜一開業太多人，想插針都針唔入，難得今次經過唔使等位，即刻去試吓先！呢間係一間以日本雞蛋做主題嘅餐廳，據說每星期都會由日本沖繩農場空運雞蛋過嚟，粒粒雞蛋都經過嚴格UV殺菌工序，所以符合安全標準，可以放心食用。**海膽碎金鎗魚腩終極TKG生雞蛋拌飯將蛋白發至蓬鬆軟嫩，感覺有啲似食鬆乎厘咁，濃郁嘅蛋黃醬與白飯攪拌，再加上新鮮嘅海膽同碎金鎗魚腩，百般滋味在心頭！係好味嘅，但分量確實太少啦，兩三啖就食晒啲海膽同碎金鎗魚😂😂得返啲蛋撈飯唔係好夠皮囉。**燉牛肉蛋包飯燉牛肉燉得淋身之餘，仍能保留肉質嘅鮮嫩，加上汁料濃郁，令到成個飯嘅口感好豐富，再加上西蘭花伴碟，成個蛋包飯即刻變得好精美好吸引，真係未食都已經流晒口水呀！不過可惜個蛋煮得太熟，無晒蛋嘅半生熟果種滑嫩感，變咗蛋皮同飯，無法融合起埋一齊，呢度係有點扣分嘅。開心嘅係星期一至五都有沙律同餐湯(南瓜/麵豉)附送！中意食蛋嘅朋友可以去試試，原來唔經唔覺已經開咗五間分店㗎啦！

昨晚到達德福廣場時, 已經是晚上接近9時, 很多食肆也陸續開始關門, 還以為要隨便找間食晚餐,  突然發現這間仍然營業, 而餐廳是以蛋為主打的. 本身是超級中意食蛋的, 沒想到這麼幸運可以找到間對胃口的. 而且餐廳還強調使用的蛋全是源自日本. 看餐牌好像很多也是十分美味的, 在左思右想後, 最終選了 "煙三文魚班尼迪蛋全日早餐" , 沒想到希望越大, 失望越大. 外賣回家後發現不但尼迪蛋變了溫泉蛋, 而且全盒內連半點煙三文魚也沒有 由於是外賣關係,方包吸了沙律醬變得十分潮濕,而溫泉蛋&煙肉也只是不過不失而已

成日見好多人去食Tamago En，有一日係屋企附近行街，估唔到新開左分店，一於去試下。呢間餐廳係以雞蛋🥚為主題既餐廳🍴，所以主打蛋包飯同玉子燒。相信大家係知道日本人成日會食生雞蛋拌飯☺️，因為對佢地嚟講又平又好味😋！而tamago en 將傳twitter上瘋傳嘅「終極生雞蛋🥚拌飯」改良，加入佢地嘅menu添。其實就係先將蛋白打至起泡，加入個原個生蛋黃。味道方面，蛋白食落好creamy，口感幾特別，覺得真係好似一舊雲咁😂。蛋黃篤穿後又可以撈飯食😋，唔怕太乾！配菜係有牛油果🥑、三文魚粒同魚籽，食落叫做有少少餸😅，但份量唔多。雖然味道唔差，但係$108加一都只係食生雞蛋拌飯，即使係用左沖繩雞蛋🥚同埋有少少配菜，但性價比依然低。另外，即使係終極TKG，但菜式始終難登大雅之堂，賣$100以上更加唔想再試😅，試一次就可以了！

今日同男朋友黎德福廣場食lunch，叫左一個「日式拿坡里義大利麵」同一個「香濃海膽忌廉意粉」，叫左一杯「櫻花士多啤梨奶」。首先係佢地既主題雞蛋真係煮得唔錯，半熟係我最愛，作為蛋控既我，今次之後下次會想黎試下其他蛋飯。我覺得拿坡里義大利麵好好食，啲料好夠，蕃茄酸甜度剛好，但因為有啲細碟，食完唔係好夠飽….而男朋友食既海膽忌廉意粉，我食左兩啖，海膽幾新鮮，但啲意粉真係好creamy，所以佢食左一半已經話有啲漏，但個味道其實都唔錯唔夠飽既我就飲埋杯櫻花士多啤梨奶就啱曬。一開始糾結要「櫻花士多啤梨奶」定「士多啤梨奶昔」好，就問左個店員邊隻好飲啲，佢超有禮貌咁介紹比我知如果中意淡味少少就建議「櫻花士多啤梨奶」，因為「士多啤梨奶昔」會較濃味，所以我就揀左櫻花奶啦！味道果真唔錯！個樣超靚超滿足到我依個粉紅控！個味都好正，唔太甜又唔會有中伏既藥水味，真心推薦！

Pancakes is my life🥞 1. 焦糖香桃梳乎厘班戟 $98超有蛋香味 咬落軟綿綿 加埋啲香桃同焦糖醬真係好好食 會encore!2. 海膽碎金鎗魚腩生雞蛋拌飯 $118朋友食嘅呢個 佢話好好味 好新鮮啲魚生 個蛋都好香好靚 撈飯一流3. 海鮮鮮茄忌廉蛋包飯 $108個人覺得普通 可能入面又係有好多磨菇碎 我又唔鍾意食再扣左分 海鮮唔算好多同好鮮味 唔算太推介Overall推介指數：3-4/53分for 個海鮮飯 4分 for pancakes 所以黎食一定要食pancakes !!

又多一間可以去嘅餐廳🍴一直冇留意開左間新餐廳，本來以為只係食蛋包飯之類，見餐牌有D特別野，所以試吓，原來都好多野食，仲有至愛「空氣感班戟」👍🏻➕分😄燉牛肉蛋包飯牛肉夠淋，蛋夠滑，呢個飯正👍🏻珍珠奶茶🧋相對淡D😅蛋沙律三文治🥪呢個普通左D，蛋沙律有生洋蔥，變成味道太濃，叫蛋沙律應該希望清淡D，建議可以唔好要生洋蔥🧅薯片好脆👏🏻焦糖香桃疏乎厘班戟班戟鬆軟、蛋味香濃😍好好食👍🏻👍🏻👍🏻餐廳環境光亮，吊燈幾靚😍

疫情下甚少外出用膳，難得安排到一天，千揀萬揀，到了這間從未試過食肆。店員均十分有禮，安排坐位甚至查問顧客意願，執抬下單亦勤快有禮。由於心情自然叫得豪爽：兩人分別叫咗宮崎和牛漢堡太陽蛋及日式那波里意大利麵，附小沙律菜，及湯（南瓜湯及麵鼓湯各一）。沙律菜配意大利醋，尚算新鮮，南瓜湯夠滑但南瓜味不足，麵鼓湯則偏咸。主菜-和牛漢堡太陽蛋，本身已附有薯條及沙律菜，可加配白飯，但沒有。和牛漢堡味道不錯，只是用作漢堡以至肉質鬆散，有點浪費，反而薯條厚切，更有驚喜。另一主菜-那波里意大利麵，麵條為幼身款.配三色椒及肉腸，味道正常。小食叫咗南蠻炸雞，配他他醬，醬汁還好，但炸雞出事了。炸粉太太厚，表面已偏燶，但內裏粉漿未熟透，雞件不算乾，但偏咸。最後是黑糖珍珠奶茶，只有黑糖味，奶及茶味都不算突出。

食完飯諗住食個飯後甜品，行經呢間就諗住入去試個pancake，menu個pancake好吸引架！但實物就燶左，入口更加有陣“鑊氣”味！！認真唔掂！平時唔會寫食評，但呢間真係食到嬲嬲地唔會再黎

自從係東京築地食過一人生第一口正宗日式玉子燒，之後就對日本🇯🇵美食念念不忘🙈見到呢間新開張嘅日式正宗玉子專門店【Tamago-EN たまご園】，秒速入去試啦！知道佢地只選用從沖繩直接進口嘅新鮮雞蛋，製作多款玉子料理，真係好難揀架😗🥢今次點咗佢地其中兩款招牌料理：🥚Tamago-EN特製5款玉子串燒·玉子嘅味道會隨住面頭配料有所不同，每款都有特色之餘又唔蓋過咗蛋嘅香甜味😋🍤吉列蝦滑蛋丼·吉烈蝦好大隻，熱辣辣咬落去，外脆內彈牙😍😍😍太好味，蛋汁加醬汁撈飯一齊食，可以眨眼就食晒碗飯，超滿足呀！

係聖誕節正日下次3 點鐘見係新餐廳試下等位等左30 分鐘都算食物仲要漏單 催左2次先有人理又等左30 分鐘。。。。😵😵😵食物方面有個泡泡蛋既物體 完全冇味冇texture， 求大家千祈唔好中伏🥺🥺佢個牛肉黑咖哩蛋包飯.........咖哩最緊要有味。而佢可以做到唔甜又唔辣都真心勁！然後個牛根本係雪藏牛 仲要痴牙到底賣$150 仲衰過茶記想點我究竟食左d mud2 個人埋單承惠$350唔好食仲要貴 （完全冇cp 值）大家小心 🙈

點餐後可以和朋友慢慢聊天交談，望一望手錶，原來已經25分鐘了，飲品唔追都唔到。又不知不覺間再傾談了10分鐘，食物才開始奉上，由點餐到有得食，原來我已傾談了35分鐘。性急、肚餓或趕時間的可以留返下次先試。點了3款凱撒沙律，公司三文治，鰻魚飯呢間餐廳主打係旦，上面3款都有旦，而且係溫泉旦 凱撒沙律有酒店嘅味道，麵包夠脆，醬汁調得非常合當。公司三文治饀料配搭剛好，不脷亦不清，份量亦適中，青瓜夠簿，配菜仲有薯條。鰻魚飯的鰻魚份量可以接受，飯上加有溫泉旦，而蛋白是打起發泡的，蛋白與鰻魚飯略為不夾。食物美味5星食物質素5星份量剛好5星環境4星服務4星收費合理

跟在「新蒲崗」享用晚餐的情況比較之下，在「九龍灣」購物商場「德福廣場」裡面享用晚餐，尋找可以享用晚餐食店的實際難度，其實都是大同小異。在「新蒲崗」想食「牛腩粉」或者「牛腩飯」，我會選擇在「萬迪廣場」或者「采頤花園」，相反在「九龍灣」想食「牛腩麵」，則會選擇光顧美食廣場。所以我在「德福廣場」二期的美食廣場裡面享用完「牛腩麵」之後，就把「晚餐」食品裡面剩下的「雞肉飯」食品這一環，留了給「德福廣場」二期裡面的日本雞蛋主題餐廳「たまご園」。我之前曾經在「旺角」某大型商場裡面，光顧過「たまご園」的分店，當時我享用了主菜食品「宮崎和牛漢堡扒」，另外因為「宮崎和牛漢堡扒」沒有定食套餐，所以另外再點了一碗白飯。至於當時我在「旺角」分店「たまご園」裡面，除了選擇享用主菜食品「宮崎和牛漢堡扒配太陽蛋」和白飯之外，還另外點了一客甜味炸雞肉小食食品「南蠻炸雞配莎莎醬」，沒有選擇飲品。至於「たまご園」甜品方面，當時我在「旺角」分店「たまご園」裡面，選擇了享用以甜味「香桃」作為主要配料的「梳乎厘班㦸」甜品，食品實際名稱叫做「焦糖香桃梳乎厘班㦸」。相隔多個月之後，今次我在「德福廣場」二期光顧「たまご園」，選擇的主菜