たまご園 (德福廣場2期) (已結業)

蛋 全部都係蛋～～ 第二次食呢間主打雞蛋料理嘅餐廳了😙 呢度全部料理均以日本沖繩直送嘅蛋製作 而且選擇多元化 啱曬各位蛋控( •̀ω •́ゞ)✧‎♡‧₊˚ 特 製 五 款 玉 子 燒 $68 (⭐️7.8/10)呢款玉子燒有五款配料 有蟹肉、車蕃茄、三文魚等等 一次過滿足晒五個願望 玉子燒鬆軟柔嫩 帶濃烈蛋香味( ˘ω˘ )‎♡‧₊˚ 芝 士 明 太 子 筷 子 捲 $38 (⭐️6.8/10)半熟蛋下面係木魚絲、芝士同明太子 口感煙韌軟熟 味道似大板燒 我個人麻麻地😹 同埋食嘅時候幾狼狽下🤣‎♡‧₊˚ 明 太 子 三 文 魚 忌 廉 蛋 包 飯 $98 (⭐️ 7.2/10)用白汁整嘅蛋包飯 食落好creamy 有波菜中和膩感 不過三文魚有少少overcooked🤏 硬同乾身咗啲 ‎♡‧₊˚ 親 子 丼 $78 (⭐️ 7/10)雞肉嫩滑 蛋汁亦都算豐富 正常發揮～ 𝙑𝙞𝙨𝙞𝙩𝙚𝙙 𝙏𝙖𝙢𝙖𝙜𝙤-𝙀𝙉 𝙛𝙤𝙧 𝙩𝙝𝙚 𝙨𝙚𝙘𝙤𝙣𝙙 𝙩𝙞𝙢𝙚! 𝙏𝙝𝙞𝙨 𝙚𝙜𝙜-𝙩𝙝𝙚𝙢𝙚𝙙 𝙅𝙖𝙥𝙖𝙣𝙚𝙨𝙚 𝙧𝙚𝙨𝙩𝙖𝙪𝙧𝙖𝙣𝙩 𝙨𝙚𝙧𝙫𝙚𝙨 𝙖 𝙜𝙧𝙚𝙖𝙩 𝙨𝙚𝙡𝙚𝙘𝙩𝙞𝙤𝙣 𝙤𝙛 𝙙𝙞𝙨𝙝𝙚𝙨 𝙢𝙖𝙙𝙚 𝙬

呢間係一間以雞蛋為主題嘅餐廳，所以佢嘅顏色都係以黃色同埋白色為主，整體風格都有啲日系風，卡位仲裝修到似一個雞蛋，好可愛今次點左一個特製五款玉子串燒，有五種唔同嘅口味，包括有蕃茄仔、海藻醬、親子三文魚、蟹肉、鱈魚子沙律，玉子嘅雞蛋味好重，而且食落去有口感得來又好滑，上面唔同嘅口味令到個玉子有唔同嘅感覺，但係我覺得佢嘅醬太少喇，如果佢成條玉子都鋪滿醬就好啦佢嘅雞蛋咁出名，當然要叫埋蛋包飯試吓啦，我揀咗個燴雞肉蛋包飯，雞蛋滑到可以喺上面造型，但係啲雞肉就一般般，下次可以食其他款式嘅蛋包飯試吓

呢個「雲朵雞蛋飯」 又名TKO佢唔係好好食 又唔係好難食但就十分好玩 口感亦好特別鍾意打咭嘅 絕對可以考慮生雞蛋伴飯配吞拿魚腩蓉 HK$ 68吞拿魚腩蓉加Fluffy蛋白再加雞蛋黃，仲有辣椒碎同蔥花豉油畀你淋落去撈嚟食，而價錢都只係咁，就當然要試吓啦！不過當見到碗飯「真身」確係失望，啲吞拿魚腩蓉少到一個點，個味好唔突出，但整體嚟講個飯好夠蛋香，蛋白同蛋白嘅香味又夠分明，都算係水準之上嘅。生雞蛋伴飯配鰻魚 HK$ 88呢個只係將魚腩蓉換咗做鰻魚，但份量就好多。個鰻魚甜甜地，夠晒魚味，同呢個「雲朵雞蛋飯」出奇地咁夾。炸雞 $58 見炸雞咁平，一心諗住嗌嚟加餸，但真係唔加好過加，個雞係有「Up」味，十分之唔愉悅，呢個炸雞亦係令我哋可能唔再回頭嘅原因，奉勸貪新鮮食「雲朵雞蛋飯」時真係唔好嗌。（佢爭啲令我想俾劣評）其實如果對食要求唔係好高，只係鍾意坐得舒服，食得有美感，呢間餐廳係可以一試嘅。

ғᴏᴏᴅɪᴇ ᴛɪᴍᴇ 今次食咗たまご園 佢係一間專門食雞蛋嘅舖頭🍳一路都好想試吓佢嘅生雞蛋拌飯，好懷念喺日本食過嘅TKG🥰不過今次就冇食到佢哋嘅主菜，反而試咗佢哋嘅甜品🍮Tiramisu梳乎厘pancake($88)Pancake嚟到個樣都OK，但係過咗1分鐘啲汁就流晒落嚟🥺已經影唔到靚相🤣 Pancake都幾鬆軟，不過蛋香味就唔係好夠，冇幸福pancake咁重同香😣至於佢嘅cream都不過不失，tiramisu味都幾重，因為上邊有好多咖啡粉同朱古力醬🤪中間仲有一層朱古力餅，增加口感😋整體來講都唔錯，如果好掛住空氣感嘅pancake就可以去食😍

其實呢間餐廳嘅門面設計已經吸引咗我好耐😍好靚好QQ同有我最鍾意嘅雞蛋🥚喺到🤣 不得不說，我真係一個雞蛋忠實粉絲，煎蛋烚蛋蒸蛋炒蛋滷水蛋全部都超鍾意食～除咗生蛋🥲 所以我無試到佢地嘅招牌菜 - 生雞蛋拌飯🥲 (好可惜TT)-✨低溫慢煮雞肉沙律🥗 $78雞肉好嫩滑，而且都幾香香草同黑椒味🤩 沙律菜幾新鮮，配埋橄欖油同黑醋，十分清甜惹味😋 重點!!!!係隻溏心蛋😍 蛋黃好黃好靚(果然係日本蛋～) 一隻完全唔夠喉🥲-✨燉牛肉蛋包飯 $118蛋包飯嘅重點當然係個滑蛋❣️雞蛋好香同好濃蛋味。燉牛肉嘅肉質係啱啱好，唔可以講係好嫩滑但亦都唔會係鞋鞋的🤣 牛肉汁好香，拌飯一流👍🏻 整體唔錯😋-✨士多啤梨梳乎厘班㦸🍓 $78梳乎厘班㦸好濃蛋香味，又十分鬆軟，甜度又啱啱好，可以接受🤣 個cream係出乎預期地好食😋，好香奶油味得嚟又唔會太甜唔會膩。不過有啲失望嘅係，士多啤梨🍓嘅份量會唔會少咗少少..🥲

同朋友去開九龍灣果頭玩；諗住食個early dinner~結果5點幾入去；唔洗排隊~玩咗一日，好口渴，要咗個水果茶 （對我來說，有d太甜。。。但可以當食水果）食物就sharing la 海鮮黑咖喱蛋包飯：黑咖喱好似之前真係未試過，都幾得意；但就唔算驚喜；個蛋都煮得滑；但感覺上好多嘢都係pre -made咗先嘅；唔夠熱；d海鮮唔知點解 感覺唔算熟曬。。。唔建議大家去試煙肉明太子忌廉意粉（配慢煮蛋）：個意粉好好多；感覺上係carbonara 日本版；半熟蛋剛剛好；雖然有明太子 但都唔會太鹹；同埋溫度上都熱嘅~白桃梳乎厘班戟：同我想象中的一樣；超級軟綿綿的；食完都唔會內疚~（當然，如果你食埋d醬就。。。）同埋真係有好大個桃呀~正！呢度嘅裝修好明亮；適合女仔談天 （如果你坐卡位嘅話）；影相都美美的~！

雖然佢係一間以蛋做主題嘅連鎖日式餐廳，我都喺德福第一次見到，見咁幾得意咁就入去試下。菜式方面無論主菜或者點品都係同蛋有關，鐘意食蛋嘅人可以一試忌廉汁大蝦溫泉蛋意粉意粉嘅汁唔算好creamy，而蝦都唔係好入味，整體黎講味道比較普通，都係試過就算

係香港無食過生雞蛋想試 而呢間餐廳又主打蛋 再加上想試下佢果個五種唔同口味既玉子 呢間餐廳每次經過都好多人 今次都唔例外 等左半個鐘先有位叫左個牛油果三文魚TKG 飯 侍應上菜有講解食法加飯素同豉油撈勻就可以食 但我覺得味道比較淡 但三文魚粒係新鮮既 加上牛油果好fresh既味道 另外玉子有唔同口味 個人意見無覺得邊隻好食 但兩個人食晒五款的確有點膩試過一次就夠 親子丼出色 雞肉好滑 加上個汁甜甜地又唔太濃味 整體好夾 最後加上pancake 揀左tiramisu 味 中間係流心 cream 加oreo餅 唔錯 估唔到兩個人食左咁多野 不過呢間上菜比較慢 等丼都等左四個字 而個pancake等左半個鐘 催就話焗緊 唔趕時間可以試下既 同埋唔會趕人 我坐左個半鍾都無執野 想趕你走 不過有時想飲水要叫侍應加水 佢唔會主動幫你 如果佢地留意下主動些會比較好

今日中午時間去左德福廣場，見到呢間日本餐廳個名好有趣，於是入去食個晏晝。入到黎叫咗碟牛肉肉醬意粉，喺碟意粉上邊有隻半生熟嘅雞蛋，撈埋啲肉醬好夾，而肉醬啲蕃茄味好重，所以食落十分開胃，不過午餐黎講一份要$98有點貴。

唔知有無蛋控呢❓尼間以🥚做主題既店，之前係元朗開店都多人去食，今次經開德福就試下佢啦 🤤 一個人食唔到太多，但都盡可能試味啦 😂🐻食後感‼️✨ 「芝士明太子筷子捲」🥢尼個係日本關西流行既節慶食物，用筷子串起一串大板燒，面頭有一隻好靚既太陽蛋 🍳 一口咬落去熱辣辣又有日本風味，係唔錯既😛✨「明太子三文魚忌廉蛋包飯」🍛個蛋包飯係幾靚 😂 但周邊既忌廉汁就唔太靚仔 🙈 飯粒同蛋🥚較乾身，要撈汁食先得，三文魚得兩舊仔，唔係好夠 😢 好彩有d菠菜可以中和一下膩既感覺 🙈 ✨「清香蘋果茉莉花茶」🍎尼杯飲品唔係🐻既first choice，但佢飲落又幾ok，茶味唔錯，又唔會太甜，唔錯 🤗價錢‼️$38 「芝士明太子筷子捲」$98 「明太子三文魚忌廉蛋包飯」$38 「清香蘋果茉莉花茶」

今日過咗嚟呢邊試食, 呢間餐廳都開左一段時間, 知道呢到主要食蛋類既食品, 就嚟試食下, 3:00左右到咁啱有枱, 分咗兩張枱坐, 環境都算大唔會太嘈吵炸薯條 - 一般日式拿破里意大利麵 - 都係一般燉牛肉蛋包飯 - 賣相OK, 牛肉有少少過火, 蛋包飯都可以兒童餐 - 好豐富, 小朋友係食唔晒, 如果同枱冇小朋友但又想叫兒童餐要另加$20大阪燒風八爪蛋卷 - 八爪魚好爽口, 蛋唔係全熟, 有少少流心菠蘿黑糖珍珠梳乎厘班戟 - 賣相可以, 菠蘿底有厚厚椰絲, 如果唔鍾意食就唔好叫呢款, 菠蘿好甜面層有燒過既焦糖士多啤梨梳乎厘班戟 - 賣相可以, 味道都唔差, 梳乎厘都OK清香蘋果茉莉花茶 - 蘋果味唔濃, 茉莉茶味濃鮮果水果茶 - 味道一般總結 : 都係試一次就夠, 冇乜特別有再回頭既意慾木

呢間餐廳係我囡囡揀嘅，假日黎講等候座位時間算快，店長服務態度良好，餐廳環境寛敞，但座位擠逼，食物價錢亦唔平，質素普通，由於囡囡鍾愛食野菌，因此叫左個黑松露野菌意粉，但佢又唔食溫泉蛋，所以叫問侍應可唔可以用第二種煮法，侍應話廚房唔肯整，咁算啦，我都明白溫泉蛋係呢間餐廳主打食物，之後侍應提議蛋另上，咁ok啦，點知成碟意粉黎到係只係微暖，野菌仲要凍嘅，點比小朋友食。。。呢昨真係性價比低嘅餐廳，唔會有下次

德福商場裡面不太起眼的位置，主打不同的蛋料理！一隻雞蛋究竟可以做出幾多種不同料理？！這間主題餐牌由前菜到甜品都是以雞蛋做主角，有太多想不到的料理！這一次，由前菜、主菜、甜品各試一道菜色。大阪燒風八爪魚捲上面是章魚小丸子/大阪燒嘅醬汁，一秒身處日本的感覺。玉子燒裡面有經典的紅薑同八爪魚粒，好像在食章魚小丸子，口感幾有趣！海蝦明太子忌廉意粉一上枱最吸引的係半熟溫泉蛋，濃厚奶味的忌廉汁加蛋黃汁，口感非常豐富！但明太子嘅味道就比較遜色，可是海蝦爽口彈牙不錯！意粉也是保持不太硬也不太軟口感。值得一試！焦糖香桃梳乎厘班戟有別於一般的梳乎厘班戟，比起空氣感更著重口感和豐富蛋香味，一點也沒有漏氣的感覺！

行經德福商場搵晚餐食，見呢間野未食過店面裝修大大粒雞蛋幾得意試下。一入去都幾爆場安排坐中央位，坐底睇緊餐牌無耐，職員好細心見有人埋完單提我地轉卡位可以坐得舒服d～抵讚😍👏🏻叫左燒汁漢堡扒鐵板&黑咖哩燉牛肉蛋包飯， 一杯菠蘿梳打。漢堡扒無咩牛肉味，肉質尚算juicy，入面包左芝士。之前未試食過黑咖哩，無咩咖哩味唔個食緊咩汁，牛肉少許鞋口。最後叫左即整焦糖梳芙里pancake，軟棉棉蛋香配上薄薄一層脆脆焦糖醬口感好食，味道唔會過甜，甜品意外比主食好味～😋

之前行過同埋睇到網上宣傳對呢間野都有少少期望叫左個日式拿破崙意大利麵真心好普通 好普通 好普通！仲要碟野既賣相差到連影相打卡既慾望都無真心想問一句 佢呢間野其中一個selling point唔係打卡架咩（黑人問號仲叫左個香濃海膽意粉首先 個賣相都係無任何意欲要影相不在話下然後佢個「香濃」口感 好似每啖都食左一打鮮忌廉咁 濃到hihi然後因為佢啲忌廉太濃 所以啲意粉好似一餅野咁同埋好快凍 凍左之後就會晾乾左🙃變成一舊咁佢個名又無錯既 係真係好濃～同埋叫左個明太子你見到明太子上有咩 佢就有咩味你見到有車厘茄 佢就係車厘茄加明太子既味你見到有三文魚 佢就係明太子加三文魚既味只係個明太子好食過出面少少 真係少少🙃然後佢個沙律平平無奇其實佢全部野真係唔係難食 但真係唔係好食只要你唔抱任何希望去食 你就贏架喇🙃只係真係唔明 點解擺盤唔可以擺得好啲畢竟味道平平 唔係應該打卡取勝咩？