うまい鮨勘

营业中

休息中

見呢邊難得有間唔洗點等既餐廳，即刻入去試試先！饅魚玉子燒正正常常，唔算特別滑，但幾香饅魚味。壽司盛都算包羅萬有，而且刺身都好新鮮，我個人就最鐘意魚類，所有魚類都好滑而且鮮甜，岩曬鐘意食生野既我😍卷物就不過不失，一口一粒都算好食，但無咩好出色既位要回頭再食。銀鱈魚都算煎得香口滑捋捋，不過如果加番啲汁中和一下個咸味可能會更好。總言之，又無一樣野係唔好食，但又無一樣特別好食，以呢個價錢黎講，出番尖沙咀或者海港城都有其他更好既日菜選擇🤷🏻‍♀️

同朋友去Harbour City諗住食日本嘢之前去過食過一次已經覺麻麻叫咗個鰻魚飯同埋海鮮當，佢夠膽死比啲飯係隔夜又硬又凍，我哋問過經理佢返嚟拎住碗白飯同我講話個飯煲壞咗…咁點解你可以俾啲隔夜飯我哋食呢？ 毫無誠意只係諗住換返新鮮白飯俾我哋搞掂，鰻魚又細又腥.仲衰過超級市場買嗰啲一百倍！收呢個價錢喺海港城唔通真係可以呃到我哋啲消費者？唔使排隊都唔會去食千祈唔好去

週末去用餐 等左30分鐘 落做壽司拼盤 天婦羅 鰻魚玉子. 已經有幾個月冇去 唔知係咪換咗師傅 壽司口感差咗 飯過硬 天婦羅味道比以前差 賣相亦都一般 整體今次應該係最後一次光顧 希望以後有改善

話說今個星期拎住尖沙咀海港城特價的禮券諗住食好嘢 去到sushikanhk 對呢間餐廳有一定期望今次第一次食叫咗個北海井同埋一個壽司拼盤望落去食物外觀還不錯（加分位）一食落去北海井嘅三文魚子食落去有浸腥味 啲飯一嚿一嚿咬落去完全食唔到飯味 啲海膽根本唔新鮮 呢個價錢咁既質素 好得人驚 （大大扣分位）質素仲差過去超級市場買個拼盤性價比極低 💔唯一合格嘅可能係員工態度同埋服務希望餐廳將來有改善建議大家想食呢間嘅時候記得三思而後行

性價比可以話極低今日見假期 諗住同家人一齊試下新野。叫左個北海丼、鰻魚丼、壽司拼盤d 海膽超級難食。一個北海丼 二百幾$ 但可以話質素完全唔值呢個價錢。個吞拿魚壽司🍣食落去 同超市買既無分別。唯一分別就係貴過超市勁多。隻鰻魚勁老。下次一定唔會再去。D 魚生勁唔生鮮, 你比得起2百幾3 百$ 一個價錢 去食日本刺身飯，就應該有番 2百幾 3百幾$ 價錢。超後悔試左呢間野。好難食 、門面同埋d menu 好似好正咁，點知去到咁既quality.I will never go again.

成日都有海港城coupon，所以又試下新餐廳。鮨勘既質素唔差，北海丼既刺身同海膽都好新鮮，牛油果軟殼蟹卷，穴子牛油果卷，牛油果配埋醬汁一流，另外叫左免治雞軟骨棒、釀雞翼、餃子，味道都唔錯，呢間日本餐廳可以再幫襯👍🏻

呢間CP值叫對得住個價既，質素平平👆🏻瑩光魷魚😼鮮味得黎入邊個汁配得啱啱好，唔會冚咗個魷魚鮮👆🏻金目鯛，池魚😼金目鯛魚係我近年嘅大愛，呢間嘅魚都新鮮，魚質彈牙，飲完茶都仲係有魚嘅甜留喺口腔👆🏻穴子牛油果卷😻呢個卷物都好值得試，口感同層次非常豐富，上面嘅牛油果仲有啲鰹魚，加埋入邊滑dodo 滑魚同蟹子，係幾有誠意嘅👆🏻極上鰭勘丼😼呢個就普通咗少少，有少少海膽，生拆蟹肉，牡丹蝦，同五款魚片，總括嚟講，叫係新鮮，海膽最好食，顏色靚仔得來，一啲都冇溶，而係放落口先溶，不過就似拼埋一齊冇咩驚喜...⚠️非進食時記得帶口罩⚠️除左口罩再消毒雙手💸.消費. $253🈵.回頭率. 6.5/ 10

自從開返晚市同埋有海港城食物coupon ，終於有時間去食返呢間日本餐廳。無論幾點去到，都要排一陣隊，今次都唔例外。等咗大概20分鐘就入咗去，叫返我鍾意食嘅刺身飯，果然同以前冇乜大分別都係咁好食。

首先餐具是膠嘅，覺得餐廳有廉價(不過價錢一點也不廉)先點一份白魚刺身，魚切得不是很薄，感覺也不新鮮，芥末當然也不是新鮮的，價錢295性價比一般。然後點了一份壽司三文治，哈哈哈，非常普通，不過味可以，不過唔會再試。後來店員推薦一些時令魚，不過前兩道菜素質一般，不敢試。下次應該先吃店員推薦嘅魚先。後來點了明太子玉子燒和蝦天婦羅就不錯(才記得拍照)。明太子玉子燒的明太子量很多，玉子也好吃。鮮蝦天婦羅🍤的蝦算靚 ，炸完酥脆唔油膩，中上水平。看來熟食會有保障D

This was a disappointment. The sushi was overpriced for the poor quality of the food. For example, the beef tongue 3 small slices for $88. The rice dishes with sashimi was not fresh and seemed stale. The kids meal was cold for items that should be hot/warm. I will not visit again.

前幾日想用左海港城d 美食coupon就去左試呢間 餐廳既lunch 我地叫左北海丼 加洲卷配蟹籽沙律 同 雜錦天婦羅加洲卷係咁多樣野裡面最好食既 d牛油果好香好滑 仲要包埋蟹籽沙律好抵食北海丼除咗海膽之外 d刺身都幾新鮮 而個海膽係苦既 同埋刺身份量有d少天婦羅就一般般 尤其係蝦天婦羅 完全冇蝦味食完野行左陣海港城 個胃就開始唔舒服同嘔 唔知關唔關個海膽事呢總結而言 呢個質素黎講定價有少少過高 如果有coupon既話都可以試下ge

星期六黃昏…知道海港城食野可用優惠卷都會好多人，今次我英明喇，食早d🤣😂🤣🤣「海膽帶子三文魚丼」好新鮮，份量比較少（平均每樣3件），海膽好正，爽口感😋😋，「燒雞翼」燒至再香口一點會更好😏「牛肉湯烏冬」湯底香濃，牛肉尚可，烏冬是讚崎，比較有口感☺️「牛油果軟殼蟹卷」外貌吸引，軟殼蟹肥美☺️備註：🔺用左卷$300結帳，超抵👍🏻👍🏻👍🏻🔺商場停車場$100/免泊1小時🔺電子自助落單

上次行開海港城經過呢間日本野已經見唔錯，今次終於同友人黎試吓，食飯方面叫左鮪魚壽司盛，有卷物同拖羅，拖羅肥美，油脂分佈平均，每款拖羅都好好吃，真係無得輸另外超特盛的王者海鮮丼，分量十足，滿滿一碗有多種刺身海鮮，有龍蝦，鮑魚，三文魚籽，帆立貝，北寄貝，鰻魚玉子燒，鰻魚無碎骨，款款味道都吾錯鰻魚玉子燒蛋味非常香濃，蒲燒鰻魚汁同玉子燒好配搭另外甲羅燒，蟹肉份量足，醬汁濃郁，有蟹既鮮味，整體來質素都幾高，會再回訪

今日要去海港城就睇下有咩食,  見到呢間食日本野有魚生飯及壽司, 坐低每張枱都有分隔, 與隔離枱有板分隔好, 感覺衛生乾淨及私隠度高. 見,到MENU介紹店舖向日本全國有29間分店, 其中一間向築地現搬到豐洲.  而香港呢間,  刺身由日本直送 , 好新鮮好正.點左魚生飯同壽司, 原本想點豐洲極上刺身丼(超特盛) 但已沽清, 就點左極上鮨勘丼$368+麵豉湯$12, 新鮮魚生舖滿碗,  份量不少, 有六片魚生, 三文魚籽, 蝦, 海膽, 魚生新鮮甜美, 沒有一點腥味, 重點系海膽香甜新鮮. 另一樣點左極上壽司盛$398,   呢個海膽標明來自加拿大, 味道同魚生飯的海膽不同,  向仲無得去旅行時間, 可以幻想下自己已經到左築地🍣 自己會推介魚生飯多一點.  刺身系新鮮好味, 不過壽司飯同魚生飯的飯比較乾身及硬, 可能加多一點醋. 再加左甜品紅豆$28及芝麻雪糕$28, 真系完美.  兩位加一後差不多九百, 可以用海港城優惠劵, 值得一試

兩個人各自叫咗一個當飯同埋叫咗一個天婦羅share😈🍴 天婦羅拼盤天婦羅拼盤有天婦羅炸蝦，番薯南瓜同茄子等等🍤 炸粉唔會好厚，最鍾意就係天婦羅炸蝦好有蝦嘅味道喺入邊！而且炸得唔會好油膩🍴 北海丼 分別有10款刺身🤩 不過由於當日嘅海膽質素欠佳所以餐廳另外提供左大拖羅刺身😎😎 餐廳真係好誠實講到明質素欠佳又真係好麻麻地。。。好彩提供左大拖羅補償番！心理都即刻平衡返🤣 飯嘅份量非常之多作為女仔真係會食唔晒成個飯🤫📍 うまい鮨勘 (尖沙咀)尖沙咀廣東道3-27號海港城海運大廈地下OTG04號舖********************📌地區：#mylittleowndiary_旺角📌類型：#mylittleowndiary_尖沙咀********************#日常飲食 #飲食日記 #飲食紀錄 #咖啡店 #咖啡拉花 #hkigfood #hkigdaily #hkigblog #hkigfoodblog #hkigfoodblogger #hkigdaily #hkigfoodphoto #coffeeholic