うまい鮨勘

营业中

休息中

下午過嚟食晏，等左陣就有位。我哋三人坐左一個轉角位。因為現時仍要二人一枱,  但職員很好, 見我們有小朋友, 所以特意安排我們坐轉角位, 讓我們不用距離太遠.我們叫左兩份午餐！包括有前菜，係薯仔沙律，及有麵豉湯。一份鰻魚飯一份北海道丼另外加了一份炸餃子, 1份湯烏冬。前菜份量較少, 大約一匙羮既薯仔沙律, 不過味道唔錯.各樣魚生都好新鮮, 色澤均勻.鰻魚飯同樣好食, 配上鰻魚汁, 珍珠米軟滑, 味道可口!!!

Umai Sushikan鮨勘✨係築地第一間進駐香港嘅壽司店🍣 刺身都係由日本直送 🤩好新鮮 份量都算多 性價比高 無得去旅行 回味下之前去築地食壽司✨豐洲極上剌身丼✨鮨勘壽司三文治✨海之寶玉子卷✨雜錦天婦羅仲有好長o既鰻魚壽司全部都好滿意 💕兩個人食 食到好飽全部都有好多好多吞拿魚蓉 係Umai Sushikan o既特色特別鍾意海之寶玉子卷有晒我鍾意嘅三文魚籽、海膽、帶子仲有三文魚蓉配埋玉子 😋

Lunch、晚飯時間經常門口都見到人龍環境主要以木造間隔, 簡約和式風味我們點了牛肉湯烏冬燒豚丼炸餃子🥟三文魚壽司🍣前菜 ：粟米薯蓉及味噌湯天氣凍食碗牛肉湯烏冬暖下胃, 雖然看上去湯底比較清, 但有鰹魚湯味, 牛肉和烏冬份量都多, 烏冬煮得剛剛好, 不會太軟又不會太硬燒豚丼配上特製醬汁味道更加提升, 燒了的豚肉非常有層次反而炸餃子水準一般, 入面材料不多前菜新鮮薯仔蓉很幼滑有驚喜服務態度不錯, 由於即叫即製, 食物需要等候

而家海港城shopping 仲有得換coupon，因為有coupon既關係試咗呢間日本野，價錢中上，所以食物質素也不會太差。叫左個壽司拼盤同魚生丼飯，兩者都不錯，服務態度好的。

呢度好容易搵到，行完海旁，望住前面左邊👈就係商場入口(不要去左上樓梯嗰度入)一入去前面就係店舖，叫左明太子玉子燒、壽司定食、燒豚腩、牛肉湯烏東、蒲燒鰻魚卷、松葉蟹腳天婦羅、銀鱈魚西京燒、巨峰梳打。全部都好食😋⋯⋯

有老細請食飯 😆 點左他他三文魚沙律，份量OK，一串厚燒牛舌串，正！ 但係有點小貴，要$82。 銀雪魚西京燒，my favourite, 好好味但係有少少細件，最後，廚師發板豐州壽司 （12件），我發覺都有好多人點呢一個。 值得一提服務唔錯，無論係主管或者侍應細心、有禮，值得一讚。 差啲留低一個手提包，好彩得佢哋提點thank you 😊

放長假之前同公司同事食最後一餐午餐 下一次大家再見面就已經係2022年啦 今年時間真係過得好快可能因為大部分嘅時間都係work from home所以同同事見面嘅機會都比較少 話曬2021年最後一餐當然要食得好啲啦今日我哋就去咗海港城嘅呢一間日式餐廳平時都經常經過見到都好多人排隊網上嘅食評都唔錯所以我哋就決定黎試下啦其實嗰啲價錢都唔算平㗎不過以海港城食肆黎講其實都差唔多啦因為有海港城coupon所以就更加驅使我哋嚟呢度食午餐二百蚊就可以減100其實真係好抵我哋叫咗三個午餐 再加一個小食首先係有十件壽司嘅壽司定食套餐 壽司都好新鮮有十款唔同嘅款式 魚生都切得好厚身加埋前菜有薯仔沙律同埋麵豉湯其實都好夠飽㗎另一款我哋就揀咗海老定食 冇記錯應該有五隻大蝦再有少少嘅雜菜 大蝦好彈牙 佢唔係用一般天婦羅汁而係有醬料淋上飯面 撈飯食一流最後一款我哋就揀咗鰻魚定食 鰻魚肉第一啖食落口感覺有啲腥不過食多幾啖就習慣咗喇有大量嘅蛋絲襯底再加埋撈咗鰻魚汁嘅飯 真係好正小食方面我哋就點咗餃子啱啱好三隻一人一隻炸得好脆口餃子裏面嘅餡料唔算多 不過當小食嚟講算係唔錯總結 唔怪之得間餐廳成日都咁多人排隊啦因為食物質

星期六的尖沙咀一如以往逼爆人，如果無訂位食Dinner更係不可能的任務今日無食到Lunch，就打算早點食Dinner，但5點幾已經係人頭湧湧，最後情願食貴啲，安坐咗先！呢間我已經食第四次，每次都覺得每樣食物都非常好食，真係可以媲美日本！由其係海膽吞拿魚茸丼更係我每次必叫！仲仲炸蝦天婦羅🍤 真係好味到暈，我自己完全可以KO一碟天婦羅，而完全唔覺得膩今次因為太肚餓，就叫多個招牌三文治🥪 呢個反而無預期中咁好食，但都唔係難食嘅，其他仲叫咗我最愛的赤貝刺身，新鮮到爆，勁好食！最後老公仲叫多個牛肉烏冬，我無食到牛肉，因為真係太飽了！仲有個不得不提的係雪葩！！Meun上面係無顯示的，要同個職員order！$98/個，絕對不會令你失望

因為有海港城餐飲券，抱住唔用好浪費嘅精神，就黎試試佢（其實係自己想食 ）研究完一輪之後，雖然我哋得兩個人，但最後都係叫咗三份 lunch set（當然食曬無浪費 ）；一份鹽燒三文魚定食，魚生飯 and 自選sushi lunch set鹽燒三文魚，我個人覺得唔錯，但太太覺得差少少汁，最後同佢叫咗 d 鰻魚汁；魚生飯… 一般；自選 lunch set，個人覺得最高汁 所有 lunch set都可以掃 QR code 電話落單，除咗自選 sushi lunch set 要問員工攞紙點餐。自選 sushi lunch set 嘅魚生質素唔錯，但薄咗 d

因為有海港城coupon吸引了我到這裏探訪Lunch set 用海港城coupon百零蚊 CP值尚算高最緊要唔使排隊味道正常未有太大驚喜不過不失刺身也算新鮮豉油味道正是我的口味

尖沙咀海港城壽司店🍣午市自選十件壽司套餐 $420款式多及高貴🍣有大拖羅、中拖羅、海膽、深海池魚、日本時令空運魚等等。💛壽司質素正正常常！好吃的！✨隨餐包一份自選小卷物、蒸蛋、前菜和味噌湯。欣賞餐廳座位舒適，吃得開心🥳

兒童餐算是有誠意之作，有一個餐盤的食物外，還有一個烏冬跟餐，夠晒飽。魚生壽司盛，我就有點失望。圖片和上菜的魚生有出入，我為了赤貝壽司點這個餐，上桌時望真吓，咦？件赤貝壽司呢？??。職員答我可能是參考圖片，然後說問一問同事先。最後才拎起某一件魚生壽司轉返件赤貝壽司給我! 有點不解，點解你圖片入面是有赤貝壽司，但喺上桌時又冇? 之後問一問，你又變到舊赤貝出來? 好似有啲唔老實囉！除了件赤貝，都有另一款是看到和圖中不符的壽司。明白可能有啲魚或海產貝類是缺貨，但客人落單前，你要先講清楚，或寫上售罄，而不是用混水摸魚方法上菜，博人食咗唔知囉！畢竟店舖都在海港城入面，畢竟都$380一個餐!

要食真係打電話去訂定位穩陣🆗咁岩星期日食Book左6:30、準時去到門口已經有十幾人係到等有啲等位，有啲等外賣🥡🍣🍣壽司價錢偏貴既、本人食壽司又唔係話好專業純粹個人感覺三色丼　＄２６８（海膽、三文魚腩、吞拿魚蓉）正常操作、有齊哂個人鍾意既三款刺身係👌🏻既、但啲壽司飯真心麻麻偏乾同硬、調味又無乜少左啲醋飯既香味玉子燒成餐最滿意係呢個玉子真心好好味、佢係甜口既個人偏向甜多啲又夠滑又夠多汗非常のJuicy ‼️炙燒三文魚腩壽司正正常常鮪魚壽司盛　＄３９８賣相有少少唔靚有大拖羅、中拖羅同赤身大拖羅一食落口，有啲腥個壽司飯都係同個丼飯一樣情況偏硬、麻麻地但更差既係個吞拿魚蓉卷上面白色呢兩舊啲蔥味太勁啦⋯⋯加上有少少腥🤏🏻真心有少少難食舊壽司飯又唔好食😰真心唔值呢個值唔係有coupon 就要賣單800幾而家賣單減左400個心理平衡番啲應該唔會再食

今日屋企人生日，壽星仔話想食日本嘢，就揀咗呢間日本餐廳慶祝一下🎂首先，好難book位，要早一個月前book🤣🤣，當日去到見到真係座無虛席，而且店面位置都好大一坐低我哋就急不及待點咗好多款嘢食，真係掂得好多，有好多都冇影到😝壽司刺身好新鮮，真係冇一款可以挑剔👍熟食方面亦有好多選擇，我特別要讚下呢款油金魚魚胶，上枱熱辣辣，而且一啲都唔腥😍，魚肉好嫩滑，差啲連骨都食埋🤩而家牛舌串燒亦值得一讚，好大片好淋，好滿足😌😌

呢間野認真唔錯！原本唸住行下街，之後去原計劃嘅餐廳吃野，但係……目標餐廳爆曬棚，又因為岩玩完Ryze嘅“跳跳跳”運動，餓到抽筋，就隨便入間門面順眼嘅甘岩呢間又有位，fit拉拉聲點左幾樣野，雖然餓，但都有慢慢品嘗哈哈哈……鰻魚玉子燒入口有種軟中帶“幸福感”，真係好吃，油甘魚同三文魚刺身簡直……係第一次吃到甘好吃，個人無敵鐘意油甘魚，入口鮮甜又爽口，平時唔多鐘意油甘魚嘅同伴都弱弱甘贊左一句，個丼飯就更加唔使講，搭配得非常正（唔話你地知咩名哈哈），最後個極上壽司盤係店員介紹嘅，因為品種太多所以就問問店員有咩好介紹，果然結合左我地嘅口味來介紹（當然最後都係自已掃碼落單拉，哈哈），品種都好岩我地口味，件件都鐘意，好啦，我決定穩日再去一次，雖然價格小貴，但係“你”值得擁有