うまい鮨勘

营业中

休息中

零售生意難做，海港城現在每消費 $100 送1 小時泊車，我今餐就免了5 小時，再送2小時泊車券下次用！勁。大家似乎習慣了疫情，有個別食店排晒隊。8:30到，本店也要排隊。不過都好快入坐。有二人套餐，不過唔係好啱食。決定散叫。黑板上有推介，亦唔係好啱，結果點了一份白身魚薄切。另外單點了壽司。店裏大概8 成滿座，但估計師傅也相應減省⋯⋯ 等左好耐都無嘢食。好多客人追單。侍應亦已經很努力，但係應接不暇。其中一個師傅做到話要出去冷靜吓！等了又等終於上蟹籽沙律。有優惠送的。OK啦，細細碟咁。吞拿赤身壽司。赤身來講好嫩滑。飯量出奇地大。三文魚小卷、蔥拖羅蓉小卷，好味。拖羅蓉上面有黃蘿蔔碎同芝麻，like～各種壽司單點，質素不俗，但又無咩特別出色。基本上係傳統江戶前壽司做法，沒有花巧配料調味，比較單調。同樣地以較高檔的壽司店來講飯量偏大。大家可能留意到，冇刺身嘅？原來漏單。算喇，都唔知要等幾耐。埋單走人，$536/ 2人。抵食，但係又唔算好好食。都明白食店真係難做，減省人手掙扎求存亦係無可厚非。真心祝願疫情盡快過去，大家可以過返啲正常日子。

標題絕不跨張。首先,餐廳位於市區的中央地區, 行街購物旺區, 地理優越。其次, 餐廳環境空間感足, 桌子寬闊。今天來食的時候, 大台某二線明星也來吃, 可見餐廳絕對是有質素, 才會有明星惠顧。今次我和女朋友兩人叫了頗多食物, 全部質素都很好, 有興趣可以睇下我既相。當中我私心推介的有以下:忌廉芝士三文魚卷: 芝士同三文魚配搭很好,而且三文魚很美味海膽帶子三文魚飯: 日本空運直送, 絕對是新鮮美味灸燒壽司盛: 都是基本的配置, 例如火灸三文魚,火灸吞拿魚。雖然是基本東西, 但味道是很出色唯一美中不足的是煎餃子, 個人認為比較普通。整體而言, 價格不是一般市民能夠經常負擔到, 但偶爾一兩次的話, 這間餐廳絕對物有所值

同男友係尖沙咀海港城行街，經過一間正宗日本餐廳，感覺很像居酒屋。而我地都好一段日子沒吃日本菜，於是決定入去試試餐廳的服務員十分殷勤，安排我們一個較寧靜的卡位，而且能望到餐廳bar枱附近的壽司師傅。難得來到，當然要吃得豐富啦！今次我們合共叫了7款食物。壽司方面，我地分別叫了炙燒壽司盛同忌廉芝士三文魚卷(五件)。炙燒壽司盛非常適合二人share，因為每款壽司都是兩件兩件，唔洗爭說明是炙燒，壽司當然經燒熱過，食落暖烘烘的，油香味濃郁，入口即溶！而忌廉芝士三文魚卷是我今餐的最愛，雖然看上去平平無奇，但咬下去就感受到濃濃的芝士跟三文魚的融合，味道非常夾，我一口氣就吃了三件至於丼飯，我地選了海膽帶子三文魚丼，材料比想像中多，特別是海膽，吃落感覺新鮮，味道鮮甜，丼飯性價比很高，必點！小食方面，就叫了厚燒牛舌串，燒得非常香口，吃落很彈牙，一點也不難咬開。另外還叫了串燒雞翼，煎餃子同三文魚手卷。整餐吃得非常滿足，感覺像去完築地一趟呢

琴日放咗工約咗人去睇戲，睇戲之前想去海港城附近醫肚，就搵咗間日本料理🍣入去食。可能時間都比較早啦，六點半左右，人唔算多，好快就有位啦！ 入到去覺得環境都唔錯，地方同啲位都幾闊落。我哋得兩個人又唔係好肚餓，所以都係叫咗幾樣野你食！以海港城黎講，價錢都算接受得到。我地叫咗個星級加州卷配蟹子沙律🥗、芝士玉子燒🥚、燒蠔🦪、厚燒牛舌串🍢同天丼🍤🍚。這個星級加州卷配蟹子沙律，中間有一小盤蟹子沙律🥗，青瓜絲加上滿滿嘅蟹子，食囉爽脆又清新。青瓜🥒卷裏面包住青瓜絲同埋蟹柳，上面有片片牛油果🥑同蟹子🦀包住，口感豐富！這個是芝士玉子燒🧀，原本以為係玉子包住左啲芝士，但原來係雞蛋卷🥚上面有一層輕輕燒過嘅芝士🧀，但係個雞蛋卷有好香嘅蛋味加上佢芝士嘅小小鹹香味，感覺好一流！呢個燒蠔🦪原來上面係加咗啲味增嘅，個蠔本身已經好鮮甜肥美㗎啦，加上味噌嘅之後令到個鮮味更加突出，真係做得幾唔錯！之後呢個厚燒牛舌串🍢呢，係我呢餐飯最鍾意食嘅嘢，超好味！如果唔係怕肥都叫多一串！牛舌轉厚薄均勻，每邊都燒到有少少焦香，食落去口感煙韌，好有咬口！最後帶叫咗個天丼🍚黎填飽個肚，天丼一啲都唔油膩，佢有兩隻蝦天婦羅🍤同好多蔬菜天婦羅。佢嘅蝦

這天跟朋友一起在海港城吃晚餐。趁新年，我點了一份壽司拼盤。這裡的餐具挺精美，可以一邊欣賞杯子，一邊等待美食。豐洲壽司盛（$480）有十二件壽司，吞拿魚上有金箔，非常精美。這個壽司拼盤中，我最喜歡的是生蝦壽司。蝦肉爽甜、鮮美，吃著使人非常滿足！由右上角開始吃起，我慢慢地吃，吃到最後是中鮪魚腩及大鮪魚腩。我比較喜歡中拖羅，我認為這個肥美度恰到好處。大拖羅油脂甘香，香氣在口腔久久不散，但是我覺得它的油膩感比較重，所以我還是比較喜歡中拖羅！別看這只是12件小小的壽司，一個人吃還是很足夠的。拼盤還會送一杯汽水，雖然味道不怎麼匹配，但真的很滿足！

今年新年過得早，又早出人工，當然要趁此機會食好野，自己同自己團年下放工路過海港城，記得有同事推介呢度有間日本名店係東京嚟，叫我呢啲仲未去過東京嘅鄉下人去試下，一於去會一會佢咩料間餐廳係地下嗰層，隔離有都有間日本野，一個唔小心好易去錯地方鮨勘傳統日式木裝修，位置都幾闊落，是日過嚟唔使排隊，可能係武肺影響，少人出街前菜～蕃茄豆腐野菜沙律。用新鮮嘅蕃茄+野菜配合豆腐再加醒胃嘅胡麻醬汁，簡直係絕配！本身唔起眼嘅食材令人食指大動～開胃菜首選！大鮪魚，雖然無去過東京，但有去過大阪，試過黑門市場啲即劏嘅鮪魚，食落油脂夠，又夠口感，入口即溶，好新鮮，呢碟鮪魚，雖然唔係即劏，但都新鮮，唔差得過我當日食嗰啲珍寶牡丹蝦（北海道）好有蝦味，鮮甜又大隻，正丫，貴都抵丫，（加拿大）都鮮甜，但個人鐘意北海道多啲，口感彈牙啲活赤貝，赤貝如果唔新鮮，會好似橡筋咁，你咬佢，佢又咬返你，呢個彈牙，咬落脆口，堅係新鮮喎日本產地直送，完全感受到鮮味！可以慳番D機票錢去品嚐到～值得！肥牛烏冬～用上等肥牛烹煮，完全食唔出有急凍雪味，烏冬有日本讚岐味道！湯底有濃郁嘅牛肉味！正🤗食完飽到撐住肚走，滿足丫

這天在海港城工作，然後在這邊吃飯。這個商場的餐廳價錢定位都差不多，所以我選了我喜歡的日式食品。點餐可以自己剔剔剔，但點餐紙沒有價錢參考。我點的食物不多，所以我還是找店員下單。剛坐下店員便送上熱茶，杯子非常可愛，用來喝茶心情特別愉悅！我品嚐了這裡的燒牛丼。丼飯上面鋪滿了牛肉，而且還有一隻溫泉蛋，配菜非常豐富！牛不是充滿油花的那款牛肉，不是入口融化的，但它的肉味非常濃郁，再加上一點點芝麻香氣，這個牛肉很美味。我還點了一份明太子玉子燒。餐廳在食材使用上絕不吝嗇，玉子燒上鋪上一大條明太子！玉子熱騰騰的，味道帶甜，配上微辣，口感綿密的明太子，味道及口感都很匹配！這間餐廳整體環境很舒服，食物亦很美味，尤其是明太子玉子燒非常出色！

話說去完日本返嚟香港之後，我都好似冇食過一餐，今晚為咗同老婆慶祝生日，我哋去咗海港城食日本嘢，唔好以為喺海港城食日本嘢就好貴，其實呢間日本餐廳我唔係第一次食，就係因為佢比較抵食，價錢又唔算太貴，所以我先來食第二次，係我印象中呢一間日本餐廳比較深刻嘅係佢哋嘅魚生，所以我都唔會特別鍾意嚟呢度食魚生飯我記得我第一次嚟食，佢哋個魚生嘅比例係非常之唔平衡，可能只係有隻碗嘅底部有飯，上面主要都係魚生，佢哋嘅魚生好新鮮，而且唔會遲得太細粒太碎，令到你可以好充分咁感受到個魚生嘅鮮味同埋佢嘅口感，我通常會叫角切魚生飯，因為我個人都比較貪心，我鍾意一次過食到唔同嘅醫生，所以角切魚生飯都幾滿足到我嘅需要除咗魚生飯之外我哋仲叫咗一盒壽司，亦都有好香口嘅雞泡魚乾，不過呢度嘅雞泡魚乾份量都幾精緻，呢啲嘢出邊基本上都有得食，不過呢度魚生新鮮程度令到佢哋無論做壽司還是做反卷都特別好食，而另外仲有值得一提嘅就會係佢哋嘅雪巴，我都幾鍾意呢度嘅雪巴，成個菠蘿上，佢好食嘅程度係，天寒地凍食呢個算吧都唔會覺得好過分

辛苦咗一年，要好好慰勞下自己，決定要去一間好啲嘅餐廳食餐好嘅一向都好鐘意食壽司，見到呢間鮨勘過江龍，話係築地有名嘅食店，係東京無機會食到，決定係香港試下先呢間舖係海港城地下，行完街過嚟食好方便裝修全部似彷木制，好有日本feel仲有啲魚嘅介紹，好得意由於一個人嚟，食得唔多，只係叫咗兩件壽司試下水溫海膽軍艦，北海道產，之前係北海道食過好鮮甜，估唔到係香港竟然食得返，一啲苦味都無，證明係新鮮嘅金目鯛壽司，有魚香，肉質好彈身，之前淨係食過熟嘅鯛魚，刺身又有一番口感日式煎餃子，餃子香脆，肉饀保留到有肉汁飽滿壽司三文治，件件望落都好有份量，唔使叫飯食都夠晒飽，佢係似飯團嘅變奏版，超吸睛，成餐飯對呢個三文治最高期待，因為出面啲舖頭都唔見有饀有一層係碎蛋，一層係蟹子沙律，一層應該係軟殻蟹，仲有一層係鮪魚碎幾層唔同味道嘅飯團加埋一齊，味道又幾和諧喎，真係估唔到，食完真係超滿足，但一個人食就份量太多啦，下次都係2個以上嘅人嚟先好叫唔開心嘅2019過咗啦，希望食過呢餐好野，一切有好開始

今日到尖沙咀區當然是要體驗節日氣氛，還要看看餐廳有沒有推廣，果然有!餐廳有吧枱及雅座，舒適度高，毫無壓迫感!裝潢是否與日本的店舖一樣就不大清楚，有些牆身有海魚簡介，可以長知識。除了平常餐牌外，還有另一張很大的落單紙，如要看價格的話就要翻看餐牌了!炙燒金目鯛壽司 從未吃過金目鯛，只知道營養豐富，點了兩件。味道較淡，肉質爽滑，油脂適中。海膽牛舌丼，是期間限定，看相片已經很美，要點一客! 海膽與牛舌併在一起就好像朶花一樣吸引，海膽新鮮鮮美，另有芝麻提香味!牛舌八塊，肉質厚身，容易咬開，咬開後看見牛舌的一絲絲肉質，有咬勁，喜歡燒牛舌的口感及味道。牛肉湯烏冬薄切牛肉肥美，浸在熱湯中由生變熟，有牛味，湯底清。穴子牛油果卷 ，賣相美麗!牛油果塊在卷的上方，中間有炸過的鰻魚，一啖入口有牛油果的軟滑、鰻魚肉及飯一起融合，好味!彩虹海鮮卷在餐牌上見到名字吸引，但未有註明材料，而且價格看來起較貴，不試又會記掛住，最終還是點了一客，非常期待!第一個感覺是層次分明，材料豐富，夾起時材料依然牢牢固定，師傅功夫非常好，如果可以的話希望可以看看建築彩虹海鮮卷的過程!有兩種顏色的蟹籽，又有蝦、吞拿魚蓉、蛋卷、紫菜、三文

這天約會朋友們來到位於尖沙咀海港城海運大廈的うまい鮨勘吃日本菜，選擇うまい鮨勘的原因是想尋回在東京築地吃壽司的感覺，因這店是東京築地直送的魚鮮，實在太吸引呢。我們點了明太子玉子燒、忌廉芝士三文魚卷、三色丼、三文魚籽軍艦、海膽(北海道）軍艦、牡丹蝦（北海道）壽司和赤身壽司，每一款都超乎想像的好味，好有水準，全都好好吃呢！我特別喜歡忌廉芝士三文魚卷，壽司卷上舖上片新鮮的三文魚，卷著濃郁的忌廉芝士配上蛋絲，口感非常多層次，完全感受到那份滿足感！店內人氣的明太子玉子燒也是一吃難忘，暖暖且香滑的玉子燒入口濕潤不會乾，口感軟滑，蛋卷上舖上少少香辣的明太子！另外，三色丼也是不容錯過的，一碗壽司飯上放滿了滿滿的海膽、三文魚籽和香蔥鮪魚蓉，喜歡三文魚籽的我實在太高興，魚籽新鮮美味！海膽味濃郁非常，入口即溶，比平時在香港吃的不一樣呢！朋友大愛這鮮味的海膽。而鮪魚蓉也非常不得了，鮮甜的鮪魚蓉配上壽司飯實在美絕。三文魚籽軍艦、海膽(北海道）軍艦、牡丹蝦（北海道）壽司和赤身壽司都非常新鮮和鮮甜，價錢雖然有點少貴，但絕對值回票價，在香港能吃到東京築地的那份愉快滿足的情懷，店內環境舒適，和朋友暢聚一番，吃著美食實在

同朋友食生日飯就緊係揀好西食啦😋揀左呢間日本野 位置非常方便，係海港城一入門口就係啦！我地三人行 睇到餐牌有個二人餐好多野食 所以就試試佢🤭首先黎左蟹籽沙律同壽司（燒三文魚/燒左口魚/燒帶子），燒左口魚超好食，油脂味好香入口溶化❤️刺身拼盤（油甘魚/三文魚/蝦）刺身個厚度都唔好講笑，有夠厚呢！油甘魚油脂分佈好平均，口感very good🥰牛油炒魷魚雜菌，牛油配搭好香(˶‾᷄ ⁻̫ ‾᷅˵) 魷魚亦煮得岩岩好唔會過老，啲菇索晒啲牛油味好好食☺️茶碗蒸，蛋味好香食落口好滑👍🏿甲羅燒🦀佢一嚟到嘅時候仲以為佢好乾，點知食落又唔會，不過就有少少咸，但送飯一流鰻魚飯，鰻魚嘅份量非常多同埋好大粒，仲有蛋同埋洋蔥一齊配搭非常正🤤鯛魚湯 味道非常新鮮，而且冬菇仲非常大舊🤣本身二人餐應該得兩個雪糕，但店員好好見我哋有三個人佢請我哋食一個雪糕🤭我哋分別叫咗綠茶/紅豆/芝麻味。我個人認為紅豆係最好味🤭佢唔會太甜所以我覺得啱啱好。最後埋單每人三百幾蚊🤭仲以為三個人食二人餐會唔夠飽 點知大家都勁飽🤣

噚晚同朋友去尖沙咀食飯, 因為朋友鍾情於日本壽司, 我就上OPENRICE 搵搵附近有邊間出色嘅壽司店, 結果揀咗呢間喺海港城LCX 地下嘅 “鮨勘”。大概7:45PM 左右入座, 唔使等位, 地方闊落, 好日式嘅感覺。望望Menu, 食物圖片都好吸引, 樣樣都想食, 但就快過年, 要慳住荷包, 只叫了其中三款最想食嘅食物: 他他三文魚沙律, 特選壽司盛, 燒豚丼。他他三文魚沙律($88): 三文魚有五大塊, 絕不吝嗇, 沙律菜好新鮮, 食到菜本身嘅甜味, 而不苦。另外拌沙律的醬汁好清新, 帶點酸, 加上三文魚籽嘅咸香, 粒粒飽滿, 值得推介嘅沙律。特選壽司盛($180): 有十件壽司及四件小卷, 赤貝好鮮美, 吞拿魚都好香, 高質素。另外八爪魚有點硬, 難咬開。三文魚籽壽司無得輸, 唔使點豉油, 已經好好味, 享受。燒豚丼($128): 都係要食返碗熱飯暖下肚, 豚肉係厚身嘅, 好有咬口, 燒得幾香。成餐飯都好滿意, 店員都好好服務有笑容, 幫我地影相都就好角度, 唔馬虎。加分

趁住最後一日有得影聖誕裝飾，特登係海港城(總之係嗰幾棟大廈啦😂)揀咗間餐廳醫肚~其實有好多間想試但問埋媽子結果佢揀咗Ｄ間😄次次都覺得Ｄ餐廳同舖好難揾，今次唔知係咪肚餓一揾就揾到😂上菜速度超級快！東西是好食，但這樣質素而言價錢有點偏貴，所以總括而言CP值不太高，不過不失~

係尖沙咀要方便泊車，當然首選海港城，加上當日想食日本菜，咁係一行5人去日本嚟嘅鮨勘。餐廳嘅環境及座位不錯，裝修係傳統日本壽司司嘅風格，座位我地坐卡位，3人一排，坐得鬆動。而職員嘅態度亦不錯，因為同行有2人唔飲茶，不停叫佢地比熱水都無唔耐煩，又幫耐心處理換唔到免費蟹籽沙律嘅問題。不過食物方面，我覺得餐廳仍然有好大的進步空間，刺食唔算新鮮，尤其海膽有苦澀味，大失所望，大部分壽司嘅飯鬆散，要好小心咁夾，以壽司店黎講係一大敗筆......只有玉子燒同天婦羅係ok，其他食物質素一般。當晚所叫嘅食物有：炸物類+其他- 雜錦天婦羅 & 雞軟骨&玉子燒 & 烏冬👌🏻（無影相）刺身 - 豐州極上 😣 唔新鮮+海膽苦壽司類 - 飯係散....牛油果軟殻蟹卷鰻魚壽司👌🏻壽司三文治...😣牛油果加州卷+沙律😣食完之後真係有啲失望，用哩個價錢可以有其他更好嘅選擇