想食优质和牛? 推介你去质素有信心保证嘅「和牛烧肉·纯」，将和牛融入日式料理，十几年嚟一直系和牛迷必到之地！
「和牛烧肉纯」于2012年，由日本全国农业协同组合联合会(简称日本全农) 集团旗下公司成立。2013年2月，铜锣湾分店喺恩平道开业，直至2023年9月搬到现址，木系环境又有大量卡位坐得舒服。尖沙咀分店就喺2014年8月开业至今，精致装潢好有日本气氛。
铜锣湾分店部份位置可望靓VIEW~
铜锣湾分店以简约木系设计，有少量房间，并有大量卡位坐得舒服。
尖沙咀分店装潢精致，好有日本气氛。
室内以木质装潢与柔和灯光营造温馨的氛围。
了解和牛特色
「和牛烧肉·纯」嘅和牛肉质细腻如丝、入口即化，油花分布均匀好似大理石纹咁靓。入口唔只有油香，仲保留和牛嘅鲜嫩多汁，绝对系牛迷福音呀！有日本全农支持，呢度有多达10款和牛肉位—西冷、肉眼、牛排肉、肩眼、三角牛排、赤肉、三筋牛排、特选牛排、上牛排、牛柳等。如果你想试多几款肉位，嚟呢度就啱晒喇。
「和牛烧肉·纯」于香港作为只卖日本和牛嘅元祖级餐厅，云集日本多个县城、唔同产地嘅和牛，透过日本全农引入最新鲜优质和牛。全部都系正宗和牛并拥专业认证，和牛嘅来源、产地清晰，,确保质素。店家都有丰富经验处理和牛，以多元化烹调方法—烧肉、寿喜烧、涮涮锅，品嚐和牛各种滋味。
【和牛烧肉】秘诀大公开
想喺「和牛烧肉·纯」食到完美和牛烧肉，原来秘诀系火候同技巧，即睇详情啦～
首先，当然要有优质和牛!! 大家嚟到「和牛烧肉·纯」唔使烦恼点拣，因为呢度有严谨控制，全部和牛都系最佳A5等级，由屠宰、日本空运过程温度皆严格保持喺2-3度，确保新鲜肉汁唔会流失，绝非一般雪藏肉㗎。因为系上等靓和牛，所以唔会过度调味，师傅只会用盐同胡椒粉提鲜，保留和牛天然风味。
终于嚟到最重要嘅烧肉环节喇，我哋可以将烧烤网烧热到微微冒烟，放上和牛后快速煎烤两面，烧到外层焦脆同锁住肉汁。千祈唔好太频繁翻动，避免破坏肉质纹理。呢个烧法会入口即刻化出油脂，钟意嘅话可以配搭山葵或酱油已经好好味!!
【寿喜烧】日本经典食法
「和牛烧肉·纯」店名听落得烧肉食!? 其实呢度都有Sukiyaki(寿喜烧) 㗎。因为大厨持哥觉得，寿喜烧可以呈现和牛嘅细腻油花同入口即化特色。
持哥主理嘅和牛Sukiyaki 最重视调味，独家秘方以酱油、砂糖同味醂等等调制出浓郁汤底。食嗰阵将顶级和牛片涮煮至柔嫩多汁，吸饱汤汁精华后，蘸上滑顺生蛋液，和牛口感更加嫩滑！食落瞬间爆发甘甜同脂香，层次丰富，和牛迷必试啊。Sukiyaki 会配搭埋豆腐、蔬菜同水芋丝一同涮煮，食材浸润喺日式风味中，每一啖都好有浓厚酱汁嘅温暖，系好疗癒嘅暖心料理。
【特别推介】涮涮锅套餐
呢个「涮涮锅套餐」都好抵玩，有几款靓肉仲有蔬菜拼盘，欢迎到店查询。
和牛烧肉‧纯 (铜锣湾店)
地址: 铜锣湾边宁顿街8号HDH 中心7楼
电话: 28070103
和牛烧肉‧纯 (尖沙咀店)
地址: 尖沙咀东部加连威老道96号希尔顿大厦1楼3号舖
电话: 27233868