香港周围都有和牛食，但想匀钻啲食鹿儿岛黑牛、岐阜县飞驒牛……唔通真系要飞去当地先食到？「和牛烧肉·纯」属JA全农团体旗下成员，就开设咗正宗日本烧肉料理餐厅，并于2013年登陆香港系首间海外分店嚟㗎，而家喺尖沙咀、铜锣湾都有分店喇。
尖沙咀分店卡位极高隐私度，仲有日式敝门VIP房。
新开铜锣湾店空间感十足，坐得舒服。
铜锣湾店视野开扬，设落地玻璃窗及VIP房。
【限定飞驒牛套餐】飞驒牛祭开展！
作为日本大型供应商，当然更易于日本全国进口和牛啦。「和牛烧肉·纯」更系目前香港唯一，直接从日本多个县市进口各类和牛；以及每个月举行各县份和牛祭嘅餐厅，今年12月至明年1月就系飞驒牛祭啦！提供多个飞驒牛套餐选择，最最最吸引一定系可以食齐涮涮锅+烧肉嘅特选飞驒牛豪华二人餐。
特选飞驒牛豪华二人餐有大份量飞驒牛，并品嚐涮涮锅、烧肉两种风味。
飞驒牛有几吸引？
飞驒牛基因纯正，系岐阜县高山饲养14个月以上嘅黑毛和牛，优质空气、水质造就特浓肉味，在第8回全国和牛能力共进会上更获得日本政府・内阁总理大臣赏受赏。比起其他和牛，飞驒牛油脂分布更细致均匀，无论脂肪比例、肉香都系极高水平!! 真系会入口即融，油香馀韵留于口中㗎。
大满足！涮涮锅+烧肉
今次飞驒牛祭餐牌当中最丰富一定系特选飞驒牛豪华二人餐，一次过食到日式涮涮锅+烧肉，品嚐两种飞驒牛风味。自己仲可以拣料理次序，或者两款一齐上晒又得。 而日本人多数会先食油香爆发嘅烧肉先，然后再食清雅啲嘅涮涮锅。完美平衡和牛油香，又可以暖笠笠咁饱住返屋企。
日式涮涮锅有好大块飞驒牛，轻轻一渌就食得。
特选飞驒牛豪华二人餐$2,080
本日精选前菜拼盘3种 本日刺身 沙律 甜品
飞驒牛烧肉 特选飞驒牛厚切西冷 特选飞驒牛牛排肉 特选飞驒牛肩眼 牛舌
特选飞驒牛涮涮锅 白饭(使用日本米) 本日餐汤 |
飞驒牛烧肉更厚切，原块和牛扒有丰富油脂肉感。
飞驒牛以外，套餐仲有多款刺身、料理、甜品，非常丰富。
烧肉Fans召集！特选飞驒牛3种拼盘
想疯狂食飞驒牛烧肉，可以拣特选飞驒牛3种拼盘。集合3款超厚切牛扒—特选飞驒牛厚切西冷、特选飞驒牛肉眼、特选飞驒牛牛柳肉，一上枱已经见到牛扒大理石油花超靓，即席体验唔同肉位嘅吸引力呀。
飞驒牛3种拼盘，烧肉爆发丰富油香。
绝美和牛刺身！真正原始肉味
「和牛烧肉·纯」直接由日本引入和牛，品质备受认可，绝对系安心享用和牛刺身嘅好机会。呢道日本产和牛刺身系最原始刺身，可以清楚睇到和牛雪花几靓!! 直接蘸芥末豉油食，和牛口感软绵绵，更有种独特甜味，人生一定要试食一次呀。如果初嚐和牛刺身，亦可先试入门食法。将和牛刺身包住洋葱丝，再蘸酸汁食，轻辛微酸都好好食。
日本产和牛刺身，可以望到大理石纹雪花好靓。
另一道日本产和牛他他刺身系最最最入门级食法，都系「和牛烧肉·纯」最高人气嘅和牛刺身嚟㗎。轻炙过嘅和牛刺身，外层仲会多咗层油花；内里粉红肉质则保留刺身软绵口感，蘸埋酸汁仲好食。
日本产和牛他他刺身系最入门级刺身食法，轻炙过后更有油香。
日本人正式开动前，都钟意饮杯啤酒、食啲前菜先。所以店家最新推出呢道和牛刺身3品，集合和牛刺身柚子啫喱、黑松露碎牛刺身、和牛刺身。摆盘精致，于饭前一嚐多款和牛刺身滋味，绝对系高级开胃菜呀。
和牛刺身3品集合3款和牛刺身食法，完全系高级开胃菜。
每日飞机直送！刺身·寿司拼盘
食日本嘢点少得刺身寿司，「和牛烧肉·纯」都有飞机直送鱼材。大家爽食和牛时，又可以食吓鱼生一解和牛腻感，绝对系极级享受。
刺身拼盘(5款)，系「和牛烧肉·纯」高人气料理之一。
寿司拼盘(5件)，食烧肉又想食啲饭，寿司拼盘份量啱啱好。
【午市套餐】小资女之选
午市都有高级和牛食!! 虽然无晚市原块和牛扒咁震撼，但午市价钱平一半，和牛仲好厚切。
精选5色和牛定食 $380
只系$380就食到5款和牛肉位—特选和牛三角牛排肉、特选和牛牛排肉、和牛肩眼、和牛上牛排肉、和牛牛排肉，连埋前菜、沙律、汤、日本米饭，绝对大满足。
5色和牛定食一次品嚐多款和牛肉位。
精选3色和牛定食 $280
另一选择就有和牛上牛排肉、和牛肩眼、和牛牛排肉，同样有多款配菜同日本米饭，相宜价钱一解和牛烧肉瘾。
3色和牛定食，以相宜价钱一解烧肉瘾。
和牛烧肉‧纯 (铜锣湾店)
地址: 铜锣湾边宁顿街8号HDH 中心7楼
电话: 28070103
和牛烧肉‧纯 (尖沙咀店)
地址: 尖沙咀东部加连威老道96号希尔顿大厦1楼3号舖
电话: 27233868