香港永年車仔麵茶冰廳

茶餐廳與車仔麵同為香港飲食文化的經典🇭🇰不僅是不少港人的療癒食品，亦是遊客來港必吃的地道美食😇———————————————————————這碗「大碗麵」名副其實，集齊九款車仔麵經典餸菜，每款都份量十足🤩當中最令我驚喜的是沙田店限定的咖喱魷魚🦑質感軟腍嫩滑，完全不是口感像硬膠般的劣質水魷😌其他餸菜如豬腸、豬皮、雞翼等亦煮得入味，同樣高質👍🏻麵底方面選了油麵，口感彈牙，非常滑溜，本人十分滿意😋說起香港特色，鐵板牛扒絕對榜上有名🐮西冷扒重達14安士，外觀厚實，份量驚人🤯肉質方面雖然偏瘦，但口感不會太韌😙配上熱辣辣鐵板，充滿香港特色🥳蝦多士是港式茶餐廳的經典小食🦐現今可說是買少見少🥹這裡的蝦多士炸得金黃鬆化✨蝦膠鮮味，與多士完美融合😃雞翼醃製得十分入味🐔經油炸後雖然稍乾但無可否認是非常香脆，完全是茶記下午茶的味道💥紅豆冰賣相層次分明🫘紅豆份量之多佔了整個杯的一半😂口感綿密，甜度適中👌🏻配合香滑奶茶，充分發揮港式風味的獨特之處😋———————————————————————永年主打的車仔麵質素當然毋庸置疑👍🏻而其他茶記冰室經典美食同樣有質素，足以滿足不同食客的口味需求😄…查看更多

放假去咗新城市廣場Shopping🛍，屋企附近冇乜餐廳晚市有開，所以決定喺沙田買埋嘢食先返去。商場餐廳選擇繁多，但講到最受歡迎嘅莫過於「香港永年車仔麵茶冰廳」。之前喺尖沙咀食過佢嘅車仔麵，但係唔知原來佢都有小菜賣，可能得沙田店獨有🤔。餐廳人氣極高，落單都派哂隊，而且更發現唔少菜式都售罄🔥，不過冇計啦，而家貨源都好緊張，明白嘅。外賣自取有八折優惠🥡，而有部份菜式價錢更低至六折，$60以內就有交易，包小菜、白飯同飲品，佢分分鐘仲平過街邊啲茶記。題外話，收銀男店員超級無敵好人，即使訂單接唔停，但仍耐心介紹菜式，仲教你點樣嗌先最抵👍，佢嘅服務絕對值得高度表揚。由於訂單多，製作需時，要耐心等候。不過外賣包裝妥當，拎到返屋企都好完整呢！全部食物大大碟，明明係嗌四人份量，但四條友都食唔晒😳。招牌豉油雞($138/半隻)，餐廳有唔少雞嘅菜式🐔，而我揀嘅豉油雞好正，再配埋蔥油，夠晒入味，但又唔會過鹹。雞皮富有彈性，而雞肉厚身嫩滑，整體來講好出色，可媲美高級酒樓出品。鐵板黑椒牛柳粒($148)，🥩牛柳粒肉味濃郁，生熟度應該介乎七成，所以肉質唔韌，但略嫌肥膏位較多。黑椒汁惹味唔搶口，另外仲搭伴燈籠椒同洋蔥，配飯食一流。叉燒炒蛋(六折後$53)，🍳炒蛋造型好靚啊，味道亦同樣令人滿意。炒蛋炒得好滑，濕度恰到好處，當中嘅叉燒大大嚿，夾雜喺蛋入面都食得出好軟稔，一啲都唔馬虎。銀魚香菇蒸肉餅(六折後$53)，肉餅即叫即蒸，所以要等比較耐。肉餅令人又愛又恨，老實講佢浸鹹魚味好勁🐟，未必個個鍾意，但食落又冇乜嘢喎。肉餅口感富嚼勁，肉汁滿滿。香脆南乳雞翼($28)，🍗雞翼一客有三隻，每隻都非常酥脆，並且滲透出啖啖南乳香，特別得來又好夾。飲品方面，我哋全部轉晒特飲(+$9)，其中兩款係樽仔奶茶同樽仔烏龍茶，兩者屬正常發揮。冷泡烏龍茶甘香，無糖無添加🍵；奶茶就係港式口味，茶底唔澀，甜度亦適中。同時，我哋仲叫咗兩款非原味嘅紅豆冰，價錢一樣就梗係試吓新嘢😝，分別係抹茶紅豆冰同紅豆奶茶冰。雖然味道唔算好驚艷，但最起碼佢哋好夾，而且紅豆份量激多，一啲都唔孤寒。總括嚟講，永年嘅小菜水準不俗🥢，就算屋企會煮飯，嚟加碟餸都好吖。呢餐我冇乜好挑剔，只係比較可惜嘅係冇機會試到佢嘅迷你盆菜，希望疫情快啲過去，社會回復正常，咁大家就可以開開心心出街堂食啦🙏🏻。…查看更多

老字號車仔麵店「永年士多」可以話係元朗名店，開業幾十年陪伴一代元朗人成長！ 最近先知原來係沙田新城市廣場開咗間貴價版嘅「永年士多」，要成百蚊一碗車仔麵！究竟有咩咁特別？出於好奇所以去咗試~ 🧡女神麵（$88）$88再加埋一差唔多成$100一碗車仔麵，但真係一分價錢一分貨！佢收咁貴都真係比返相應嘅嘢~首先落料真係好足，而且真材實料，兩塊花膠大大塊，Q彈又可口！其次就係個養生湯底真係好好味，飲落好順喉好舒服！的確係唔錯既，值得一試！ 🧡蔥蒜油香脆豬扒意粉（$72）蔥油豬扒都的確係好食過我平時食嗰啲四五十蚊既~豬扒醃得好入味，唔會好油，好惹味！唯一係個意粉爭咗啲，煮得未夠透，有少少硬！ 🧡香脆南乳雞翼（$28）雞翼外皮香脆乾身，內裡啲肉好嫩滑！不過唔係好覺有南乳味！ 🧡樽仔奶茶（跟餐+$9）樽仔奶茶味道好港式，香滑醇厚，好經典懷舊！ 🧡紅豆奶茶冰（跟餐+$9）紅豆奶茶冰勁多紅豆蓉，成半杯咁多！…查看更多

久仰永年大名！但一直未有機會試！難得今日去沙田，順路試下呢間裝修比較特別既永年😆去到已經有好多人等緊，拎完飛，就影下門口d壁畫同雞蛋仔裝飾，再研究下食咩好，好快就入得去了！😆我點左女神麵+韮菜豬肉餃，男友點左男神麵+魷魚！我地都覺得命名呢2碗麵既人好醒，完全捉到男仔同女仔既口味！😂男神麵好岩男友口味，有牛栢葉、牛肚、牛筋、牛丸、牛腩、蘿蔔、時菜；而女神麵就有鮑汁炆花膠、豬手、枝竹球、冬菇、紫菜、蘿蔔、時菜。本來覺得一碗麵$88有d貴，但一見到塊花膠咁大塊，就即時覺得物有所值！花膠同豬手都炆得好冧，正！枝竹球幾特別，又好味！冬菇、蘿蔔都好入味！我地都揀左粗麵，一致認同麵質好滑又彈牙！正！😋😋小食方面，我地order左1. 香脆南乳雞翼：外皮好脆，雞肉無雪味👍🏻2. 懷舊蝦多士：必點！多士好脆！點埋沙律醬，一流！3. 永年辣汁牛腩：永年辣汁果然正！牛腩又炆得好冧！4. 韮菜豬紅：韮菜新鮮，豬紅好爽！5. 咸牛肉蛋芝士薄餅：最後點的！好足料！好好味！😋😋跟餐野飲方面，我地點左抹茶紅豆冰同紫薯奶泡，唔錯！紅豆冰有好多紅豆！👍🏻最後點多一枝樽仔烏龍茶配pizza黎食😬😬可惜店員話因為疫情，人手不足，所以無雞蛋仔食。。希望遲下有返啦！因為樣樣野都好吸引，今餐埋單有d貴，但好滿足！因為真係好好味啊！不枉永年咁出名！😋…查看更多

今日和老公來到新城市午餐，見到這間有現場烘焙的菠蘿油，所以便試一試餐廳主打懷舊經典茶餐廳食物，但環境比傳統茶餐廳舒適乾淨得多女神麵 - 有花膠，豬手，冬菇，枝竹球的車仔麵，全部餸都是女性恩物，養顏健康雖然只是幾十元，但有一大塊花膠真的很驚喜！花膠有咬口而且炆得非常入味！吃得辣的人必試永年的辣汁湯底，真的非常惹味香脆南乳雞翼- 非常香脆可口，微微的南乳味十分惹味懷舊蝦多士- 蝦多士是脹卜卜的，也是炸得非常香脆，也不會很油膩豬大腸生菜- 這個十分推薦！精華是在湯底！濃郁的湯令豬大腸和生菜也非常入味冰火菠蘿包油 - 相信是每台必點的，熱辣辣的菠蘿包配上一大塊的牛油，菠蘿包非常鬆軟，一冷一熱，吃得十分滿足土炮大茶飯 - 賣相色彩繽紛，雞蛋仔配上香港傳統小吃，有蛋捲，龍鬚糖，馬仔，雞蛋餅和花生糖，非常經典我也很久沒有一次過吃這些傳統小吃，真的是會有回憶凍鴛鴦和奶茶紅豆冰- 都是茶餐廳的經典飲品，非常冰凍，也不會太甜這間新式茶餐廳食物高質，性價比高，絕對值得再來…查看更多

今晚在沙田吃飯，新城市廣場的餐廳選擇很多，我選擇了最愛的車仔麵。餐廳門面很搶眼，亮綠色的招牌，多走兩步，還有雞蛋仔的擺設，門口還有雞蛋仔攤位，非常吸引！下單以手機下單，可以慢慢選擇。⭐️蛋撻$6剛剛出爐的蛋撻熱騰騰，曲奇餅底配香滑的蛋漿，香甜可口。⭐️永年車仔麵（4餸）$88這個套餐配一款小食和飲品。麵底我選擇了米粉和蕃茄濃湯，番茄濃湯的頂層還有一大舀番茄蓉，使湯頭有濃郁的番茄味道，入口酸酸甜甜，很開胃。配料是我最喜歡的鳳爪、雞翼尖、紫菜和豬腸。尤其是鳳爪和雞翼尖，享受那啃骨頭的滋味，還有惹味的豬大腸，很對我口味。⭐️香脆南乳雞翼雞翼炸得香脆，不過南乳味道不算突出。⭐️鮮焗菠蘿番茄豬扒太陽蛋飯$108這份套餐包括西湯餐包和飲品。焗飯的份量非常多，中間一顆流心蛋十分吸引，一戳開，蛋液緩緩流出來，配上米飯、菠蘿和番茄，味道酸甜。🔸懷舊西湯忌廉餐湯頗香滑，配上餐包，已經很飽。⭐️樽仔奶茶$9香滑的冰奶茶十分容易入口，既有茶味又有奶味，不俗。⭐️懷舊蝦多士$18蝦多士十分脆口，不過炸得不夠乾身，入口頗油膩。⭐️生菜魚肉$26小小一碗，建議去辣油，魚肉和蔬菜的份量不算多，味道中規中矩。⭐️土炮大茶飯$38這份雞蛋仔不止是脆卜卜的雞蛋仔，還有很多地道懷舊小食，一次過滿足多個願望。除了蛋捲，配料有龍鬚糖、花生糖、雪糕、果仁、雪糕、沙其瑪、雞蛋餅，不過我覺得太多太多食菜，令味道變得複雜，不過我很喜歡花生糖、雪糕和雞蛋仔的配搭，很不錯。…查看更多

放假去沙田踩單車，諗住揾間茶記醫肚休息下，望入商場就見到永年，沙田分店除左賣車仔麵，仲賣埋茶記野，就試試佢。武漢廢炎肆虐全球，入座前當然要消毒下雙手。以前係尖咀分店食過車仔麵，今次主力試下茶記菜式。蛋撻係餅皮，岩我咀形，餅皮牛油香尚可，唔算濃郁，蛋餡頗滑。蛋撻緊係要配奶茶啦，冰凍樽仔奶茶唔怕冰溶，啖啖原汁原味，茶同奶平衡得唔錯，而且唔太甜。抹茶味唔夠突出，主要味道來自紅豆冰，但撈勻黎飲又唔錯，紅豆有成半杯咁多，但冰都多，撈同飲起上黎有啲唔方便。柚子蜜足料夠濃，清潤。即炸雞翼唔會差得去邊，香脆冇雪味，仲帶點南乳味鹹鹹地。蝦多士熱辣辣，雖然以蝦膠取代傳統原隻蝦，但都尚算香口。粗麵冇煮到過腍，唔洗加湯都幾好撈，豬紅唔易散，冬菇大粒肉厚，不過流心蛋就熟透左。牛腩大大舊夠腍，連埋招牌辣汁撈麵，非常惹味。牛筋又腍又入味，牛柏葉爽口易咬，牛肚雖然入味但韌左啲。豬手有五大件，豬皮冇毛，非常滑溜，肉亦夠腍，最後連汁都撈埋。…查看更多

最近同朋友傾開，先發覺而家好食嘅車仔麵檔真係愈黎愈少，於是就同朋友去食下車仔麵回味下而家去食飯，都多左餐廳轉左用手機掃QR CODE落單，可以感受到餐廳都跟上科技，咁就唔怕繁忙時間搵唔到職員落單同埋會漏落單同朋友分別叫左 D餐($108)：女神麵 + 蠔油菜心，加配蘿蔔(+$9)，轉抹茶紅豆冰(+$9)、男神麵($88)加配豬手(+$18)、流心蛋(+$9)、豬腸(+$9) 轉抹茶紅豆冰(+$9)、香脆南乳雞翼($28)、懷舊蝦多士($28)、永年辣汁牛腩($38)、樽仔奶茶($28)、土炮大茶飯($48)抹茶紅豆冰：抹茶味道濃厚，唔會過甜，透過食紅豆黎提高甜度同口感，幾好飲樽仔奶茶：飲落去幾香濃又夠滑，港式茶餐廳奶茶水準之上女神麵：D配料夠晒養顏，補充膠原蛋白，有鮑汁燜花膠、豬手、枝竹球、冬菇、紫菜、蘿蔔、時菜，配料夠多，花膠亦都好大塊！至於永年D辣汁絕對唔會失望，今次揀左中辣，食落辣辣地夠晒惹味，同埋辣得黎有層次感男神麵：D配料已經夠多，有牛柏葉、牛肚、牛筋、牛丸、牛腩、蘿蔔、時菜，但因為朋友踢完波關係，所以極之肚餓先再追加幾樣配料，上菜見到咁多料，真係淨係睇都已經夠晒飽夠多餸嘅車仔麵咁樣食先係最爽香脆南乳雞翼：外脆內嫩，南乳味亦比例適中，唔會重手得濟過鹹:)懷舊蝦多士：細細件，容易食，小食之選，唔會太過油膩，再點一點個醬黎食永年辣汁牛腩：牛腩夠腍，同埋辣汁夠入味，唔係分開煮熟牛腩再淋汁上去咁HEA煮法，夠晒惹味土炮大茶飯：呢個甜品認真豐富、有原味雞蛋仔、開心果糖、花生糖、龍鬚糖、雞蛋餅、花生酥、蛋卷、花生碎、馬仔、花生醬、煉奶、雲呢嗱軟雪糕，性價比一流！基本上嗌佢黎食就可以一次過享受晒兒時零食嘅滿足感中意食甜零食嘅朋友一定要嗌大合照好多人覺得要喺街邊檔仔食先有車仔麵嘅味道，但永年絕對做到將車仔麵風味帶入去商場裡面而又不失味道，值得推介補返MENU…查看更多