Goobne Chicken (瓊華中心)

上次去過尖東分店食烤雞同韓式蛋卷幾好味，所以今次想再去食，不過就試吓第二間分店。去旺角瓊華中心好方便，呢間餐廳光線好充足，裝修主題有啲文青、小清新嘅感覺，同尖東嗰間截然不同。旺角少啲人排隊，但普遍服務同食物質素都比尖東嘅差啲，令我留下一個唔好嘅印象。服務員態度麻麻，想問佢幫忙攞隻碗碟，要問幾次先攞到，明明佢哋都唔係好忙，冇乜嘢做。韓式炒粉絲雞蛋卷$148- 炒粉絲雞蛋卷冇令我失望，雞蛋都係煎得幼滑，有蛋香，比起韓式雞蛋卷，我更愛炒粉絲，因為佢炒得好香，令雞蛋卷口感層次生色不少。點埋茄汁、千島醬、芥末醬，好惹味！芝士炒年糕$148- 材料豐富，有雞蛋、洋蔥、大量芝士、年糕、魚糕同埋公仔麵！食到好飽，不過可能因為太多芝士，最後食到比較膩。甜辣烤雞$178- 甜辣醬唔似韓式嗰種炸雞，口感偏油，肉質較乾，越食越唔想食。蘿蔔粒份量仲要得好少，不推介！…查看更多

第二次幫襯呢間連鎖店，之前係去尖沙咀食家庭飯，今次同妹妹2個人黎到旺角分店輕食。甜辣雞丁配年糕 $150雞件有類似脆米既炸皮包住，小人唔太喜歡脆米炸皮，但都食左2-3件，甜辣汁包住個雞味道幾好。年糕方面好入味，平時唔食既年糕既我都有食幾件。(妹妹話要食呢個，係幾好食既，只係我好少食呢2款食材...)韓式炒粉絲雞蛋卷 $148蛋卷一份既價錢居然等於雞件？但其實好合理，因為蛋卷本身直徑好大，數量有8件，份量好滿足。(唔係好食雞而但又食得飽呢餐，個蛋卷可以話係功不可沒！)可能因為入座時間好夜，環境上都好靜，安排左我地坐 Window Seat。職員無因為遲入座而態度唔好，正常發揮。…查看更多

在旺角諗緊食咩之際，朋友推介 Goobne Chicken，本身對炸雞興趣不大，總覺得炸雞很油膩，肉質會好"柴"。但朋友說 Goobne Chicken係烤雞， 而且絕對唔會柴。既然如此，一於去試一試呢間韓國烤雞。一行3人， 點左凱撒沙律、果味蒜香烤雞、韓式炒粉絲雞蛋卷以及甜辣雞丁配年糕。每道菜的份量都非常大， 所以3個人食4個菜就已經超級飽!!!首先，要極力推介既係呢個果味蒜香烤雞!!雞件完全不油膩、不"柴"，非常 Juicy 同嫩滑。食之前, 我中意加D檸檬汁，果香味其實就係源自於檸檬。檸檬香，再配上甜甜既烤雞，真係一絕!!值得一提既係配菜 -- 酸蘿白，酸甜味適中，食唔停口!!想食年糕，又想試多樣雞，就叫左呢個甜辣雞丁配年糕。但感覺沒有想像中好食，有點失望!! 年糕頗為煙韌，雞丁亦十分嫩滑，但甜辣的比例唔得。甜味太Over, 辣度不足，所以食起黎好膩，食左2件就唔多想食。見到每枱都必點既韓式 (炒粉絲) 雞蛋卷，外型、顏色都好吸引，所以我地都要跟跟風，點番個韓式炒粉絲雞蛋卷。蛋皮包住D韓式炒粉絲、蘿白、青瓜同午餐肉，再配上三種醬汁，的確係視覺上已經贏左唔少分!!食落去都唔差，但就係差D雞蛋的香味。食太多肉都要食番D菜，所以叫左個招牌凱撒沙律。中規中矩，菜都幾新鮮，但凱撒沙律醬味道稍為濃、酸左少少。總括黎講，Goobne Chicken 既烤雞的確唔錯，食物份量又大， 但要多D人一齊食先可以再多D口味。…查看更多

我平日好少食油膩食物，一來怕肥🤦🏼‍♀️，二來怕腸胃不適。但一講到食炸雞，我就可以咩都豁出去。唔係講緊快餐店既炸雞，而係「韓式炸雞」。去到Goobne Chicken, 二話不說即刻點左「鐵板軟芝士火山炸雞（無骨）」。呢款雞有些辣，食落口有陣味，應該係香料醃製味。除左叫雞食之外，我仲叫左「韓式炒粉絲雞蛋卷」，我超鐘意😍食呢個雞蛋卷。內裏材料豐富，有午餐肉、黃瓜、醃製蘿蔔、芝士、紫菜、粉絲等等。蛋卷包得好靚，仲要好扎實。…查看更多

星期五，難得可以放早，約埋以前既同學reunion~通常取中間點旺角食飯，我地就睇中呢間可以食炸雞既韓國菜～間野會有手套同夾，方便我地夾雞黎食，呢款烤雞係好食，配埋咖啡醬同醃蘿蔔，但醃蘿蔔份量好少，一人一啖就無曬😑米酒都好好飲，酒精濃度唔高，而且飲落好fresh~配埋紫菜食好香，比起咖哩烤雞，個辣味出d,好好食～呢個甜辣雞就最惹味，亦都係最辣既個款菜，重口味既我覺得呢款雞最好食！呢款卷係幾大份一碟既，佢配既沙律醬有辣味，夾埋一齊食好正！我地叫野食按左3次鐘先有人落單，但我地睇到個時並非人手不足🤷🏻‍♀️而且個環境有少少嘈，愈夜愈嘈，要好大聲講野，而且中段係咁嘈既環境下，間餐廳無啦啦播音樂，嘈上加嘈，好彩佢都無堅持播好耐，唔係耳仔真係受難。…查看更多

炸雞已經成為韓國其中一個象徵，但往往都讓人感到油膩，彷彿選擇韓式雞必定是不健康之選。但其實品嚐韓式雞也可以食得健康！👍🏻Goobne 主打健康焗爐烤雞，在韓國已經擁有超過1000間分店。知道Goobne 擴展至香港後，便一直想去品嚐及體驗何為烤雞健康食法，終於有機會光顧旺角分店品嚐。位於瓊華大廈12樓全層，當晚星期四大約7時到達，幸運地人流還未算多，不用等候位置😃大約8時多開始要取號碼等候座位餐廳主要以淺木和白色為主，簡約樸素的裝潢加上植物的參與，整體感覺既平和又清新🌿。餐廳的中央更設計成屋的外形，擁有家的感覺同時亦有舒適和歸屬感☺️檯上放有碟、紙巾、濕紙巾及用具非常窩心的提供鐵竇，可以將雞骨放內並保持檯面及環境清潔，還附上膠手套給予喜歡用手取雞的朋友們😆，除膠手套外還可選用鐵夾，如需要用筷子可詢問員店檯的一旁帶一個黑色按鈕，供客人呼叫店員時使用坐下後店員便隨即放下餐牌並說明用餐時間為90分鐘。左邊釘在木板上的是日常餐牌，右邊則是新產品推介餐牌.見到新產品推介竟然是沙津！完全感受到該餐廳不但想推行健康烤雞，還想推動健康韓式飲食。賣相與餐牌圖中無差，設計彷似盆栽，沙津盆可分為2層，第1層是爽口新鮮的蔬菜，蔬菜上鋪滿麵包糠及乳酪等配料，蔬菜下的第2層則充滿不同種類的生果及生果汁，包括蘋果、橙、桃和提子。所以生果都非常新鮮而且清新、爽甜、多汁。蔬菜與生果撈勻後沾上生果汁，令整個沙津不會乾身，甜甜酸酸得沙津非常適合作前菜，為健康的一餐揭開序幕～.揭開餐牌後便看到一系列的鐵板軟芝士脆雞已經垂涎三尺🤤，最後決定選擇甜辣脆雞（辣度為1度）份量比想像中大，還附送酸白蘿蔔。熱騰騰的烤雞肉質嫩滑，烤焗方法除了可帶來脆皮外，還能剔除煎炸方法所帶來厚厚的炸粉，所以是皮薄雞肉豐富。由於烤焗方法可以將甜酸醬與雞肉撈在一起並一拼放入焗爐，所以甜辣醬會更入味！辣度屬於微辣芝士鋪滿整個鐵板，熱時更能做到拉絲效果，芝士不會太咸並包裹著甜辣雞進食更會多一份煙靭口感.作為雞蛋控的我一看到雞蛋卷的出現，便毫不猶疑要order品嚐品嚐🤤可能由於餐廳推行健康食物，order時店員會詢問醬料想分開上或可唧在雞蛋卷上，我選擇了唧在卷上☺️份量頗大，大約有9-10舊雞蛋卷，附上千島醬。雞蛋與海苔包裹著粉絲、黃瓜、紅蘿蔔、餐肉和芝士。所有材料均醃妥才被包裹，所以味道充足，有醃黃瓜和紅蘿蔔的酸味、餐肉和芝士的咸味、粉絲為雞蛋卷提供軟滑口感以及煎雞蛋的香濃蛋味，各款食材都不會覆蓋其他食材的味道，各味道都可以平均散發，可以非常清楚地吃到所有食材的味道，而且該製作方法沒有使用飯，便不會太飽肚。.繼倒插汽水瓶後又一新噱頭-倒插鯊魚飲品，確實是頗有趣的外貌，相信是該餐廳的力捧飲品，亦是呃like之選，所有對此很有興趣😆被那海水藍色深深吸引著，完全有深海與鯊魚的海洋感覺，大大杯的特飲可以二人分享，飲品有檸檬的酸味同時也有香桃的甜味，酸酸甜甜顯得清新、開胃和解渴，非常適合炎炎夏日和與辣度較高的食物一同享用—————整體評語：味道 - 非常滿意各款食物的味道，對比於其他韓式餐廳，食物清新而且味道剛好足夠，不會過於濃烈什至口渴，亦不會用餐後覺得太飽、太溜或太熱氣.服務 -由於人流頗多，店員也忙個不停，為免讓客人久等，檯上的黑色按鈕確實幫了大忙，所以都不需等待太耐也可呼叫到店員，店員服務亦很有善.環境 - 裝潢有家的感覺，環境舒適，座位與座位之間不會覺得擠迫，檯的面積亦足夠放置較大個碗碟.衛生 - 所以餐具和用具都乾淨整潔企理，不會有食物殘餘物等.抵食 - 不論食物味道、份量和環境等都值得此價，最珍貴的是餐廳推動健康韓式菜，其實很符合現今走向健康飲食的走勢之餘，同時亦非常適合香港人經常外去用膳的習慣，選擇韓式菜時亦可食的健康！…查看更多

因工作勞累了一段時間，周五晚上決定去食下雞飲下酒，等個人輕鬆一下！＝）我第一次黎到Goobne Chicken，見到有好多食客，對呢間店期望都自然提高左。因為很少食炸雞，隨心點了幾款食物和飲品，包括鐵板軟芝士甜辣脆雞(無骨)、韓式炒粉絲雞蛋卷、Somersby Apple Rita等。我覺得再去嘅話，帶多幾位朋友，咁就可以試下不同款式炸雞。(始終價值都不平架！哈哈！）1. 韓式炒粉絲雞蛋卷  HKD148 （推薦一試！)超級好味！賣相已經好吸引喇！食落味道甜甜地！2. 鐵板軟芝士甜辣脆雞(無骨)  HKD 185呢款炸雞食落感覺很乾，而且有啲硬。唯甜酸醬幾好，有芝士正呀！兩個人食雞份量來說，覺得有啲多。3. Somersby Apple Rita  HKD 88飲落味道偏甜，但大熱天時飲番杯沙冰真係太爽喇！一邊飲沙冰，支酒跟住流落去。個固定器好穩固，可以放心飲。入到黎食雞，覺得點都一定要點返杯爽下先！超舒壓…查看更多

呢間韓式炸雞標榜健康非油炸為主，岩哂身為吃貨又怕肥又要食既我，當然要試試環境幾大座位都幾多，同埋我地比較早去既緣故，唔洗點等就入得座。同朋友點左：- 甜辣烤雞 $178- 韓式炒粉絲雞蛋卷 $148- 2x Mojito $50 甜辣烤雞（有骨）雞件size大大件，份量幾多，味道甜甜辣辣咁，好開胃；外皮烤得好薄身，外脆內嫩，好厚肉，食起黎啖啖肉好滿足而且真係如佢地所講，好乾爽、一啲都唔油。韓式炒粉絲雞蛋卷價錢較貴，同碟雞差唔多價錢🤔但份量原來好多，蛋卷好厚切餡料都比想像中豐富好多，有粉絲、蘿蔔、午餐肉、青瓜，口感好豐富，爽口得黎又有咬口。加上面頭既醬汁同原有既蛋香，大滿足食兩舊已經好飽肚，兩個女仔居然食唔哂想嗌既真係要計好自己食到幾多，咪做大哂鬼呀Mojito配炸雞當然要飲有汽野！好重薄荷味，加埋青檸飲落好清新，滑過喉嚨既清涼感既解渴又清熱氣下次黎會再試多幾隻味既炸雞，感覺食過咁多間炸雞，呢間真係入味得黎又無咁油，無咁有罪惡感果然係韓國出名既炸雞店…查看更多

今晚約咗兩位朋友黎到旺角GOOBNE食，開頭以為係只得炸雞，原來係食韓式烤雞，冇咁熱氣！黎到瓊華15樓，就見到GOOBNE門面，一定唔會去錯！餐廳沿用木製枱凳，令人感覺舒服。如果5至6個朋友約埋一齊黎坐一張枱聚餐，呢到會係一個唔錯既選擇。繁忙時間黎到都幾多人下。有D枱燈對正張枱，見到有幾次侍應同埋食客都會撞到……每枱都會有一個膠袋包著既小桶子，入面擺放幾個夾，同埋用黎食雞既膠手套，仲有提供濕紙巾，包保唔會整污糟對手。見到張餐紙有 Traditional Rice Wine  & Chicken Combo，一款鐵板軟芝士烤雞加一瓶果味韓式米酒，都只係$248。所以就叫咗呢個set。Cheese in the city入面，我地揀咗鐵板軟芝士蜜糖咖哩烤雞(無骨)。一上枱就熱氣沸騰，就咁聞已經聞到好香咖哩味。用夾夾起烤雞，見到軟芝士伴隨雞件一齊被夾起，拉絲既效果好容易就做到。開頭仲擔心咖哩同埋蜜糖味道會唔夾，點知原來多此一舉。唔只嗅覺上聞到好香既咖哩味，味蕾都有咖哩既香味，又伴隨著蜜糖既甜，一D都唔會辣，再混合軟芝士，三重既味道口感。有芥茉醬可點，都幾夾！D烤雞係無骨既，食落方便。酸蘿蔔十分開胃。我個人本身麻麻地韓式米酒，開頭都唔係好敢叫。但係見佢新出，就多口問句侍應好唔好飲，侍應回答好飲既時候，我都係半信半疑。藍莓韓式米酒一上枱見到有一JAR，幾個朋友分黎飲都幾好喎！飲咗一啖之後，就發現自己多疑咗，甜甜地有藍莓味，再帶有淡淡既米酒味，原來真係幾好飲喎！食韓式野，就要叫正宗街頭小食︰炒年糕。所以我地都叫咗香辣炒年糕。年糕煮得啱啱好，口感煙韌，唔會好硬。叫咗少辣，將鋪面既芽菜撈好，配合拉麵、葱、魚糕一齊食，好味！韓式炒粉絲雞蛋卷都非常值得推介！將雞蛋煎好，係上面鋪好韓式炒粉絲、黃瓜、醃紅蘿蔔、餐肉、紫菜同埋芝士，再卷好，份量十足。雞蛋卷包裹好多唔同既配料，充满唔同層次既口感，好香，好好味！返到屋企用網上外賣平台 search下，見到GOOBNE有得網上外賣，睇黎又多一個外賣選擇！MENU︰…查看更多

之前試過好多間烤雞炸雞鋪 但最鐘意都係呢間 唔會太乾 又肉質鮮美 醬汁又好味 今次又特登後返呢間食 果然保持到水準我地兩個人7點幾到 拎籌後好快就有位 可惜係類似吧台既位 唔可以面對面坐呢間餐廳都有好多選擇 有烤雞 麵 部隊鍋 蛋卷 年糕等等 我淨係揀左幾版影下咁我地就點左甜辣雞丁配年糕 一次過滿足我地兩個願望 試到新款雞之餘 又可以食到年糕係滿滿一大盤架 啲雞全新都炒得好均勻 全新都沾上醬汁 唔會淨係得層皮有味 再加上花生粒 啲肉又嫩 好味 但年糕就好一般 食落似啫哩 唔煙韌 又唔可以沾上呢隻醬 食過冇乜味 枱上面仲有個桶俾大家裝骨 不過我地今次係無骨既雞就唔需要用啦另外我地都點左之前食過既最愛 韓式炒粉絲雞蛋卷 果然唔錯 特殊醬汁好味 而雞蛋卷仲有好多材料 包括紫菜 粉絲 黃瓜 腌紅蘿蔔 芝士 好豐富 食落有好豐富既味覺 正呀係每次必點可惜今次個雞蛋有啲太熟 希望下次會改善另外都會有腌蘿蔔送 好食…查看更多

同朋友行完街都已經夜晚8點幾，同行友人話想去Goodne Chicken食炸雞，我當堂嚇親，咁夜食炸雞咪肥死囉…T_T 但友人話呢間炸雞係唔同，佢實際上係烤雞，唔經油炸，一D都唔油膩。好啦，見佢講到咁，咁去試下啦，8點半去到，大排長龍，舖頭出面走廊位全部企滿人，最後，我地3個人等左個幾鐘先入座，勁肚餓…而且仲要限時90分鐘環境簡約，感覺係舒服既，不過真係好嘈，同朋友傾計要同周圍D人鬥大聲咁，所以你係會聽到隔離檯講D咩，哈哈!! XD招牌凱撒沙律（$108) 見到menu有凱撒沙律，我即時提議要叫返個沙律黎打底同心理上消除下呢餐既罪惡感沙津唔錯，份量夠多同新鮮，入面有蔬菜、青瓜、車厘茄、麵包粒、芝士粉，另外沙律醬係另上，要消除罪惡感既我當然係捨棄個沙律醬啦! 因為勁肚餓既關係，呢個沙律一上檯已經俾我地清晒，相都影唔切XD韓式炒粉絲雞蛋卷入面有炒粉絲、青瓜、黃蘿蔔、火腿、茄汁，酸酸地又甜甜地，口感幾豐富，因為有醬汁既關係，雞蛋卷唔乾仲keep住好juice，不過個人覺得太貴，試一次ok。果味蒜香烤雞外層香脆甜甜地，食落口唔會油，雞腿肉嫩滑，雞胸固然有D嚡口但都充滿肉汁，而雞既份量都好足應該係有成隻雞。另外，食烤雞點少得配菜醃蘿蔔呢，醃蘿蔔好好味，好爽脆，仲可以無限追加，我地追加左3次 砂鍋魚糕湯魚糕湯湯底有輕微辣，入面有魚板、各款魚丸、白蘿蔔、洋蔥、菜、蔥，份量夠，我地3個人每人飲左兩碗，飲完好滿足。朱古力曲奇雪奶冰面層有oreo餅乾、一球雪糕同oreo碎，食到中間原來仲有一層oreo碎同一粒粒既脆脆(早餐加牛奶一齊食嗰D呢)，3個人share都OK，因為份量都幾多。整體黎講，食物質素都幾好，我地3個人竟然叫左5樣野食，因為樣樣都好想試，5樣野加埋$7xx，除番開每人$2xx，價錢都合理，如果想食多幾樣野食，最好就真係3至4人以上去食啦。…查看更多

好耐冇去過旺角食嘢，咁啱嗰日同閏密去睇完戲，諗住係旺角食埋飯先回家，咁又未係香港食過韓式炸雞，咁就試吓呢間，原來即日係冇得book位的，只能walk in，咁當晚上到去，都要大約等咗15分鐘以上先有位。當晚我地4個人，叫咗4樣食品，其中一個雞肉沙律唔記得影，雞肉沙律一般啦，個蛋卷味道係得意嘅，但188貴咗D，另外排骨好多芝士，而肉都好腍！入口即溶嗰隻，味道唔錯，而主角炸雞呢，比我想像中冇咁好味，因為係韓國弘大嗰D炸雞店度食過，真係好味好多，同埋佢質感較硬！呢度飲品先最貴，嗰支somersby apple加埋一，成100元超貴啊，但你又吹佢唔脹，又真係好飲！最後埋單，4條友食咗800多元！…查看更多

今日幾個姊妹話要gathering，有聽講Goobne Chicken唔錯，所以一於嚟試下係咪咁掂先一上到去都幾多人係到排緊隊，我地等左成40分鐘先有位，所以建議大家晚餐時間可以早d去炸雞係韓式餐廳精髓之最所以去食韓國嘢炸雞真係必叫!!Fruit Soy Garlic Chicken ($168)呢個雞份量十足夠晒3-4人分炸雞表面占滿了醬料，而且聽講呢間餐廳d雞係焗唔係炸嘅，雞皮卜卜脆，醬料味道不錯喔，不過今次d雞肉唔夠嫩滑，唔juicy，同我地之前到人地嘅comment有分別，呢點有少少失望不過店內提供埋手套、夾同用嚟放骨嘅桶，即使用手食都唔怕整污漕隻手，好方便呢韓式炒粉絲雞蛋卷 ($148)  Noodle Eggs Roll好好味嘅雞蛋卷 有10嚿蛋卷 ，每件蛋卷都有火腿、蟹柳、青瓜、紫菜而最特別嘅係呢個eggroll有粉絲，韓國粉絲特別煙韌同粗d，所以食落唔單指好有咬口，仲特別入味加上佢地提供3個sauce（蕃茄醬·芥末醬·千島醬）唔同口味嘅人總會搵到自己中意嘅醬料，好細心呢~砂鍋魚糕湯 ($150)  Fishball-Tang魚糕係一樣韓國人成日食嘅野，但係魚糕湯一向都唔喺草根姐妹嘅to eat list上面好幸運今次朋友特別揀選了呢個不得了嘅美食，估佢唔到呢個竟然係成餐飯最好食嘅野，好中意佢地全部魚糕同食材都吸收哂湯汁嘅精華飲哂成個又暖又正嘅湯，雖然明知係味精湯，但幸福程度不減呢間餐廳好適合一大班人嚟gathering，野食大大份，仲有長枱方便多人聚餐朋友見面都係旨在搵間舒舒服服嘅餐廳傾下偈，不過野食都不錯是Bonus呢!呢晚同姊妹共渡左一個Wonderful Night呢…查看更多

我2個人好早去，大概夜晚六點左右到，所以完全唔洗等就入到去。好多野食，烤雞同焗雞都有好多款，好難揀，因為好多都想試。韓式炒粉絲雞蛋卷雞蛋卷入面包咗粉絲瓜菜同埋肉，好有口感，第一次試到蛋卷入面有粉絲，幾得意。蛋皮好滑，好厚實，唔似日本甜蛋，本人鐘意韓式蛋卷多啲。材料好實在，好有飽足感。不過我覺得個價錢有啲貴。砂鍋魚糕湯好豐富的鍋，有好多不同款的魚糕，有啲仲內含料，好味。而個湯好清甜，個味道好熟識，但又講唔出係咩。不過同韓國魚糕湯嘅味係唔同嘅，呢間反而我覺得偏向日本味噌湯。Fruity soy garlic chicken主菜黎啦，第一次食，揀咗個烤雞，青蘋果檸烤雞。個份量好大，價錢好合理。雞肉質好嫩滑，一啲都唔硬同鞋口，而且唔會油。個醬酸酸甜甜，好清新，好開胃。呢間店仲好貼心會準備膠手套比你，用手食先滋味。但因為我得2個女仔食嘅關係，份量好大，所以呢款食得多會有少少膩。我覺得一份適合3至4人食。餐廳環境光線足充，地方闊落，枱與枱間唔會覺得迫。野食味道好評，款式多，所以會再去試其他款式嘅烤雞/炸雞。…查看更多

好耐都無大伙人去覓食, 之前一直都想一齊食哩間炸雞, 終於都可以約到時間一齊食我地大約7點到左餐廳門口, 等左15-20分鐘就入到去, 等既時間唔算長我地1行5人叫左蜜糖咖哩烤雞, 芝士炒年糕, 韓式炒粉絲雞蛋卷, 魚糕湯, 同埋柚子沙冰環境方面, 坐得舒服既因為空間夠大, 而且都衛生侍應生們都有禮物, 而且一禁鐘都會即刻過黎理你, 所以服務唔錯野食方面, 先來炸雞拎上手仲熱, 但係味道方面無我想象中咁好食,比起之前係TST 間OPPA Coffee Bar Restaurant 食既炸雞, 今次哩間真係失色左啲其次係芝士炒年糕, 哩個唔算太辣, 不過年糕口感可以再整得煙韌啲, 因為有啲唔夠煙韌, 咬落去味道同啲汁分開左, 食落變得普通左,相反而麵底吸哂啲汁味, 所以個麵唔錯再黎係魚糕湯, 哩個唔錯, 清清地幾好味, 魚糕吸哂啲湯, 咬落去好正之後就係韓式炒粉絲雞蛋卷, 哩個味道無特別無驚喜,個樣望落去係唔錯, 不過食落去同普通既蛋卷無咩分別, 甚至可以有更好既選擇柚子沙冰味道唔錯, 一路食野1路飲個陣但係飲哂之後會有啲口乾總括而言, 服務同環境方面都可以, 但係野食方面只係不過不失, 沒有驚喜或真係好好食之意但係都適合一班人食下炸雞同傾計既地方…查看更多