龍華酒店 (下禾輋)

已經唔記得幾多年前嚟過～～但記憶之中細個阿爺好鍾意嚟～到屋企人亦常來，只係記得有孔雀睇🦚同埋好多蚊咬🦟🦟🥴🫣今日放早，同班同事一齊嚟緬懷昔日歲月～☺️😚行條天橋過嚟真係曬到燶……😓😫好彩冷氣好夠。嚟龍華一定要食乳鴿🕊️🍗果然沒有失望，再叫了幾個餸，不過不失啦～😌☺️唔會話特別好食。原來仲有點心，就叫幾籠試下啦～不過比較失望係個椒鹽豆腐😓😓滿心歡喜以為係豆腐磚，外脆內嫩，點知切得太薄，完全乾曬，入口好似食豆腐乾咁…😫之後諗住食埋木桶豆腐花，佢起先話冇，後來又話有…🙄一心諗住用木桶打卡😮‍💨點知佢用換個普通大碗上，認真失望～😢🥱環境一如昔日，多咗啲打卡位，仲有隻趣緻鸚鵡招來賓客，可惜好高竇，叫極都唔睬…係間中講兩句“hello！”😚🤭…查看更多

星期日午飯時間，落到屋企樓下唔知食咩～咁岩有架280X 停低，咁就即刻上車去沙田食乳鴿。 龍華乳鴿是我的童年回憶，像是什麼特別日子才會去哪裡食飯慶祝，所以特別難忘。其實疫情前，一年總會有2，3次到來吃午餐，每次都是叫兩隻乳鴿，一碟乾炒牛河和細雞粥。當時真的擔心它捱不住，因每次去都只有幾枱，但卻又很享受那種寧靜的感覺。今次再次黎到龍華，簡直係人山人海，原來佢哋而家做團餐，當然也有做散客。坐低後，雖然人多，但也很就快有人開茶和落單，可惜已經唔係以前穿白恤衫加西褲的叔叔呀姨了，相信可能因為公司已經轉手。今次依然叫了兩隻乳鴿，一碟乾炒牛河和細雞粥。乳鴿有點油，沒有以前的鴿香， 牛河炒得很碎，雞粥就依然好味。希望大家唔好介意d食物成日食食下先影，我唔係專業打手，純粹想把好或不好的食店和大家分享，所以次次首要任務都掛住食。…查看更多

見老店同埋都好有歷史，於是去試下，嗰邊的環境都幾靚，同埋好大，但係食物的水準一般，真的有點名過於實同浪得虛名。。可能在於以前的年代，水准算好，但今時今日，hk 周圍都野食，變左佢呢個其實普通，甚至有d hea 😅😅😂就好似佢個豆腐花為例。。現場見到真係會呆左。。.燒乳鴿 $98/ 隻好味度：⭐️⭐️⭐️⭐️本身我地想揀$68 果款，因為見都會揀其他野食，所以唔使揀大隻都得，加上我地每人叫一隻。。最後佢果邊話依家無$68 ...要叫$98 果款😂😂.其實佢呢間乳鴿，味度唔可以話特別出色，但都算係好味。。反而其他小菜就麻麻地。。.帶子炒大良鮮奶好味度：⭐️⭐️其實想講呢個類似賽螃蟹。。加上話炒鮮奶。。其實都係蛋白來。。味度真係麻麻地😂😂.雞粥好味度：⭐️⭐️⭐️見話出名雞粥。。但其實個粥一d 雞味都係。。完全唔覺有咩特色，出來普通粥舖仲好味過佢講真😣😣本身想比兩星。。多果粒星，比佢個粥底，算煲得唔錯～.呢個炒伊麵都真係一般。。好油，麵好淋，加上無咩味😅😅😂好味度：⭐️⭐️.叫了個大豆腐花（5-6人）。。佢果邊話只有原味同桂花味豆腐花。。。見佢話無黃糖粉。。於是就揀左桂花味～好在揀左桂花味。。算有甜味加落去。。如果揀原味的話，就變左得豆腐花，咩都無。。好伏😂😂最後以上咁多野。。加埋$1360 (5 個人） 😂😂…查看更多

教友們聚首一堂，一致決定到龍華吃乳鴿餐。紅燒乳鴿乃店之名物，來一客當然是少不了的事情。乳鴿味道是入味的，但又瘦又奀，作為前菜尚可。炸豆腐外皮頗香口，調味亦夠，只是內裏的豆腐卻未見特別水滑。鴿崧生菜包的鴿崧炒得很香，XO醬下得足，還有松子更添口感。生菜新鮮爽脆，大家都很滿意。眾人不想吃齋灼菜，叫來一碟蟲草花菜芯。惟蟲草花發揮不到多少作用，而且幾靭，結果大家都是只吃菜芯，蟲草花留在碟上。雞粥的粥底較烯，不算太綿；雞件雖然件頭小，但亦算多，滑而夠味。席間談談笑笑，總之大家是歡歡樂樂的共晉一餐。…查看更多

為奶奶慶祝生日，老公說想帶奶奶重遊舊地，一直揭著揭著Open rice的食評，這個失望，那個服務差，那個食物沒質素。搞得我對今間飯局沒什麼期望。訂了位，點了必點的乳鴿、稍有好評的粟米班塊、雞粥、朋友天吃的粟米羹、醬燒骨、茄汁蝦，再炒個芥蘭，最後加了個豆腐花。乳鴿當然好吃，名物嘛、雞粥也不差，粥底綿滑、要讚的是那個班塊，汁與斑塊分開，炸皮很薄，不是脆身那種，是鬆化那種，伴吃的粟米汁很夠味，而且魚肉是用石班魚，現在外面很多店鋪也用平魚代替。所以這個真是值得推介。另外茄汁蝦也不錯，蝦肉很爽，茄汁不會太多蓋過蝦肉，但很夠味。還有那個炒芥蘭，本身我不喜歡芥蘭，怕它硬又老，怎料這個很爽口又夠味。豆腐花很滑，唯一缺點是凍的，若熱著吃就更好味了。今次飯局比我半年前來時有進步，食物質素有進步，餐廳也好像裝修過，企理整潔，而且短髮女侍應態度很好，主動幫忙，值得一讚。…查看更多

是日媽子舊曆生日問佢食咩佢話 : 龍華你都食過啦我 : 幾時呀?聽都未聽過喎媽子 : 攪錯呀!你搭火車小巴成日經過架啦我 : 唔識,唔知咩黎媽子 : 你一歲嗰時咪去過囉我 : 一歲 ?! 邊有記憶呀大佬 , 你帶路啦就係咁 , 等老公收工走入禾輋帶埋舅母表妹4大1細8點半開餐佢地食鴿食肉, 我就話要清淡多菜 仲有一個蔬菜煲唔記得左影相幾味小菜都屬於少油唔咸附合我成日講嘅清淡清淡清淡Kill Bill時6樣食品食咗六百三十幾雖然係貴到你唔信...但係媽子生日要求食乳鴿冇計架啦一家人黎吖嘛 !!時光隧道?古色古香粵話長片Feel露天茶坐,四哥寶珠Feel我唔好呢味...淨係試左一隻亦仔媽咪舅母老公都話好好味我又唔係好覺噃..皮唔脆肉咸唔咸唔油係我成日要求嘅Good ! 佢地做到西芹爽脆,雞丁唔肥腰果就差啲喇...淋晒臨上碟前先至落獲快炒先會脆一齊炒咪會淋晒囉甜菜即係菜甫 , 仲有冬菇絲甘荀絲金菇淨係用頭段嗰三份一黎整,所以嫩滑菜心係嫩嘅 , 平時一般咁粗嘅菜心會有渣又老呢一樣同樣係唔咸唔油合我要求嘅菜底個汁似乎係有魚汁成份嘅蒸魚豉油食過識整喇~已經列入本師奶菜譜雞味幾乎係冇但個粥底一定係用左花生不過一滴花生都搵唔到喎估計係蒸熟咗啲花生,磨碎用花生汁加入粥底所以好香 , 加埋生菜有咬口呢樣都係唔咸,我試下加埋啲菜甫落去,Good !!幾滑吖 , 豆香味濃輕微有小小渣,係好小好小起碼老公食唔出先啦有誠意用桂花糖好清新 , 花味食唔出我覺得係果糖味加入豆花後唔會蓋過豆香…查看更多

星期六趁大姨由加國回港渡假，小姨提議到沙田龍華品嘗乳鴿，回味童年往事。登入「開飯喇」查詢訂位電話，卻見食評彈多讚少，頓然卻步。幸舅仔及姨甥女極力推薦，終可成行。幼時曾隨父親到此名店用膳，當時家貧，日常飯餸，菜多肉少，得初嘗獨食全鴿，滋味無窮，記憶猶新。餐前父與友人雀戰，孩童們無聊，便跑過店前鐵路，到海邊劃艇耍樂，轉眼四旬，鄉郊不再，只見石屎森林。今經營環境艱巨，此等老店生意定必因難，重遊此地，未敢期望過高。入座人齊，商量點菜，初定每人乳鴿一頭，家人多選原隻免切，亦心儀多款懷舊小菜。侍應卻提議化算套餐，湯餸飯俱全，再加乳鴿，配合人數。再參閱菜牌，套餐菜色一般，又欠風味情懷，如此選擇，何必遠渡前來，固堅持散叫。當晚客似雲來，全場爆滿，侍應招呼確有不周之誤，酒水久待，需親到水吧拿取。但見多位上年紀侍應，四處頻撲、落單、沖茶遞水、上菜、擺檯執檯，一腳踢，不忍責難。乳鴿先到，見狀可人，我等急不及待，手到拿來。油炸火路適中，皮身略肥，卻不燶不膩，又因全鴿上檯，皮保肉濕，汁豐味濃，軟滑可口，未幾盡嚼腹中，此際十指油脂，不在話下，幸好洗手茶缽及時送到。其他小菜，生炒排骨、西檸軟雞、魚腐雜菜窩、薑蔥焗魚雲煲、魚肚浸時蔬，分量味道，中規中矩。拙荊好粥，席上雞粥不可缺，粥底綿滑，雞味馥郁，一窩不夠需添食。主餐用畢，叫一窩招牌甜品豆腐花。片刻一碟蒸釀百花豆腐出現，甚感疑惑，查單後，知侍應弄錯，豆腐花變豆腐蝦，惹來大笑一場，但見賣相不錯，雖肚已飽，亦樂意受下。終見甜品前來，豆腐花一大窩。腐花不熱不冷，起初有點懷疑，食落尚算滑口，加點桂花糖漿，錦上添花，瞬間全清，欲添食兩桶，但傳菜員通知沽清，落單侍應不信，親到廚房提取。三句鐘飛逝，肚滿腸肥，承惠每位佰八，雖不算便宜，但地方鬆動，又不迫客人限時還檯，適合家人共聚聊天。飯後又到前園流連，拍照盡興，樂極忘形。結數忘記對單，回家才悉誤點的「豆腐蝦」不在單內，雞粥來兩窩計一窩。心中承諾，下次光顧，會多付小賬。順帶一提，店內露天處處，我非煙民，卻戥好此道者安慰，欲嘗飯後煙之樂，無需遠跑。雍雅山房已去，容龍別墅、山頂餐廳，不復前貌。香港商場林立，連鎖食府充斥市場，重效率輕人情。龍華酒店，碩果僅存，未遭地產海嘯蹂躪，希望良心老闆，多守一天，食客多點幫襯，好等老員工得保飯碗。…查看更多

今日係我生日，朋友提議去這間歷史悠久的中式餐廳，我真係未聽過，只係問人話乳鴿非常的出名！我在沙田返工，所以行去，由新城市中央廣場行去都要成十多分鐘！我哋一行4人係坐入面，出面冇乜人坐！唔係好多人！食物叫咗4樣,2隻乳鴿，魚腐雜菜鍋，柀杷豆腐同埋一大窩雞粥！柀杷豆腐好細碟，魚腐雜菜鍋好煋，乳鴿ok！雞粥就比較肥,因為好多雞皮同雞油！服務就好好，見到我哋攞住個蛋糕,問我哋要唔要放入雪櫃！最巧係附近都有2枱人係慶祝生日！…查看更多