老百姓火鍋刺身 (已結業)

深水埗近期好紅，個個media都介紹好多新開文青cafe.. 其實，深水埗仲有好多隱世&地道餐廳架。最近天氣清涼，老公話想食十下十下，又嫌買料係屋企打邊爐麻煩（因為唔想洗碗）佢帶左我來這間老百姓火鍋刺身店試下，佢有同事成日來，話好正喎我覺得坐得幾舒服，座位比較高，方便見到火鍋中的食物好貼心！老公點左陳年花雕肥牛& 日本黑豚肉肥牛吸晒花雕的味道，老公話好特別好正！而且份量都幾多，超抵食！手打墨魚丸真係好彈牙好爽，8粒大大粒！海鮮仲叫咗鮮魷魚同白鱔片，好新鮮，最驚喜係刺身拼盤 (老公話突然好想食)，好新鮮呀！兩口子打邊爐自己買料好難預算，今餐味道和份量都啱啱好，好滿意

好耐冇4個人聚會，朋友今次帶我來到這間位於深水埗和太子交界的火鍋店。餐廳座位都算幾多，餐廳內有不少霓虹燈裝飾，十分耀眼!餐牌上的款式都算幾多，今次是4個人吃，點了成枱的食物，看到都覺得十分滿足!餐廳還會送每人一隻大閘蟹。妙計錦囊湯(原隻豬肚包雞湯) ，這個湯底味道很濃，有香濃的胡椒味，飲落很辣！店員會幫忙剪開豬肚雞，豬肚和雞兩者都好冧好入味，十分美味!陳年花雕肥牛，第一次見花雕是肥牛不是花雕雞件!肥牛有非常濃郁的花雕酒味，肉質鬆軟，想不到那麼好吃。跳舞田雞 ，田雞非常新鮮，上枱時田雞腳真的還會跳呢，而田雞肉質都幾嫩滑！魚標 ，每次去食港式邊爐必點，爽口彈牙，又夠魚香味!桂花蚌 ，味道鮮甜又夠爽口，而且盛裝的碗會著燈，很吸睛!頂級安格斯牛頸脊 ，點了細份，份量都幾多!牛肉厚薄適中，油脂分佈平均，肉質鬆軟，有香濃牛肉味！牛黃喉 ，爽口彈牙，稍稍淥30炒便可吃!好耐沒有吃過這麼豐富的火鍋了，有機會會再來!

疫情關係，好耐都冇打邊爐，係朋友介紹下，去了呢間火鍋店，學下人寫食評分享一下*店舖不算太大 但算坐得舒服，都算乾淨～傾計ok😀配料：一盆6格醬料可以揀，還有好像黑樽是豉油，白樽是黑醋，幾特別喔～自己覺得麻醬都幾香餐牌我地揀左蕃茄薯仔湯，很好吃很喜歡💕有少少甜，基本上湯底好吃 其他野菜菇浸哂都不會差飲品：竹蓆茅根，不會太甜又清熱。友人揀洛神花茶，沒有試過。食物：陳年花雕肥牛超重花雕酒味 愛酒的人不能錯過牛肉鮮嫩味道很夾！注意唔飲得酒既人要淺嘗因為超入味！而賣相幾精緻～細細片和加了杞子明目。*即炸響鈴，火鍋必吃！還有甜酸醬可以揀浸湯或者點醬，脆卜卜的*友人喜歡食菜，點了娃娃菜和靈芝菇，正常食物🙂浸了湯底更入味。*特色黑松露餃擺設月亮🌙形很美觀 就像加了黑松露的蝦餃，黑松露味有而不會太重。*淮山面：懶健康地試^^不覺淮山味但浸了蕃茄湯超好吃還有鐵兜碌面很方便。

打邊爐好唔好食通常取決於兩樣嘢，湯底，食材係咪新鮮，呢一間畀我嘅感覺兩樣都做得足，湯底今次揀咗豬骨同埋麻辣，我自己就偏好豬骨濃湯底, 入邊有雞腳同大大舊嘅豬骨， 我自己就好鍾意飲湯， 屋企食個杯麵啲湯都要飲得七七八八， 所以打邊爐之前通常未落嘢食就飲兩啖湯補補身先， 今次呢個湯我飲足四大碗，因為真係味道濃沃， 對於有quota嘅食家可以唔使考慮咁放肆飲， 另外入面嗰啲豬骨 大大嚿 又有啲肉，對於我呢啲鍾意損骨頭嘅人，簡直就係恩物，麻辣湯底嗰邊就冇乜特別， 我會講係不過不失。至於打邊爐嘅食材， 先講一講佢啲size， 每碟份量都啱啱好， 佢係走精緻路線而唔係行份量嗰邊， 比較大食嘅朋友可能要嗌多幾碟，肥美嘅鵝腸係我最愛，值得推介嘅係花雕酒牛肉，睇得出應該浸咗好耐， 對於我呢啲有少量酒精上癮 嘅人特別有吸引力，黑栢葉彈牙爽口， 食過返尋味 。今次遺憾冇試佢嗰啲丸。。 主角嘅牛頸脊值得一試 ，唔可以話特別出色但絕對對得住個價錢， 半肥瘦咬落佢有一啲入口即溶嘅感覺， 但係數量可以多番幾快就完美。唯一要彈嘅就真係地方比較偏僻， 唔係行開深水埗呢頭嘅人都未必搵得到， 你唔會想像得到喺呢條街會有一間