No.9 (已結業)

好耐都無試過放工去酒吧，都市人做野壓力大係正常，所以去左屋企附近間酒吧坐低飲返杯輕鬆下。平時經過依間吧都幾旺場，好多都係上班族黎傾計飲返杯，今日黎到幸好一入座就有枱，唔算太多人店門外都設有座位，坐係外面都幾有感覺，店內裝修都好有工業風風格，高枱餐桌，半暗黑既環境下傾計感覺輕鬆得多卡邦尼煙肉扁意粉: 離遠已聞到芝士白汁味，入口好Creamy，配埋煙肉片、蘑菇同意粉一齊，味道好香濃，唔覺有膩口既感覺，好好味鋼鐵魔鬼牛堡: 叫左五成熟漢堡扒，一口咬已經湧哂d肉汁出黎好，個包面搽左層薄薄蜜糖，口感脆脆地同味道甜甜地，第一次食咁既漢堡，好特別，配左沙律菜同原條薯仔條，依種薯條比一般薯條更重薯味芝士脆皮雞翼: 叫左杯生啤就可以半價叫依款小食，一份有五隻，雞翼熱辣辣同炸得超脆口，皮入口酥脆，連面頭既芝士一齊食好惹味，配啤酒一流雲呢拿奶昔: 飲落好香濃既雲呢拿味，似食緊雪糕咁，幾好飲整體上，食物味道唔錯同價錢相當合理，係依區依類既酒吧少之有少，確實令住附近既人多個食飯輕鬆蒲點，加上裝修正正係我地香港人至愛既格調，係個relax好地方

特區假期，俾大少捉出嚟做偽文青，佢話要帶我去土瓜灣牛棚睇藝術喎……(其實一個讀理科嘅人帶讀Art & Design嘅人去睇藝術……都幾……搞笑)去之前，我當然要先醫肚喇，放假本小姐一向都3點不露架嘛，依家早咗咁多起身，比較易肚餓~醒起之前睇東張西望，主持介紹土瓜灣美食，有講起食龍蝦包(呢期Hit呀~)，就喺牛棚前少少，咁當然我唔會放過呢個機會去一試喇~門口會有兩張枱，雖然我同大少非常想坐……可惜……夏天實在太熱……唔適宜坐外面入到店入面，有好多Marvel嘅二次創作，好特別~Drink MenuMain Menu多手拎起支茄汁一望，發現入面有好多香草碎同埋黑椒碎，好期待佢有幾特別XDXD法國蠔湯 - OMG，呢個蠔湯真係好味到一個點，蠔味極重，而且每一啖都有少少蠔肉食到，所以，應該一碗蠔湯都用咗唔少蠔，再用blender攪碎晒，再加忌廉煲，所以好濃香~鋼鐵魔鬼牛堡 - 點餐時，店員會問你塊漢堡要幾成熟，大少就要7成，入面有生菜、洋蔥、芝士、蕃茄，塊漢堡扒重非常juice，唔會太硬，因為其實出面好多都會煎到硬一硬，好難硬，呢個完全無呢個問題~~大總統原隻龍蝦堡 - 簡直覺得好有罪惡感，好

細個住土瓜灣既時候，覺得依頭冇咩好野食得個舊字。不過宜家土瓜灣就好似大坑咁雖然就冇大坑咁有文青既味道。No.9裝修到一種復古味。依種裝修我好鍾意，入面有好多架飛機好似喺度等緊起飛咁！餐廳入邊全部都係高枱，不過我覺得唔係太舒服又冇位放野！雖然客人可以坐係出面進餐，不過我就唔係太想坐係出面食塵啦！【凱撒沙律】菜菜是有益的！叫反個前菜先！【鋼鐵魔鬼牛堡】Burger個汁幾好味，入面少少蘑菇食落口唔會有多餘既汁流出黎，可能比個包包吸曬啦！！平時食Burger都係有薯條做伴菜，不過佢地就有紫薯蓉！Good Good！！不過又好似多左D薯仔。。。【芥未蜜糖焗咸豬手】依個我超中意！咸豬手同芥未蜜糖汁都係我最愛！本身我諗住可以幫隻豬手影反張全身相！>.<餐牌上明明咸豬手係一大隻嫁麻！餐廳話佢本身係片上既！>.< 唔緊要啦！咸豬手個皮脆脆地加埋個汁我中意！份量唔太多，可以當小食！加埋啤酒就好啦！【利賓納梳打】【檸檬蜜桃梳打】食咁多熱氣野唔緊要，因為佢地個飲品餐牌都幾多選擇。飲反杯就舒服曬！ 

係土瓜灣見完客，唸住食老麥，但行行下見到呢間舖，又係食包，所以去左試一試。可能係下午2點幾嘅關係，係咩客人，唔駛點等位，環境好舒服，睇得出老闆好鐘意美式英雄人物~＾＿＾見左個鋼鐵魔鬼牛堡，同一杯檸檬蜜桃梳打。先講牛堡，肉質新鮮，無雪味，咬落去好多汁！為一不足係個包太大，好難一口咬落去（尤其無女仔）。檸檬蜜桃梳打幾好飲，唔係太甜（我要求少甜，原本都唸住佢地唔會理我，點知真係少甜~~低讚！）整體黎講，好有水準，有機會會試埋晚餐～～因為見到有海鮮同人工啤酒！！