名館 (希慎廣場)

周日想食點心，喺名館等左40分鐘去食90分鐘點心放題，寫明即叫即蒸，周六日及公眾假期每位$168另加一，大小同價。咁多人等位應該冇死啦？點知......食品一共有25款點心，8款涼菜小食，4款粉麵飯，同3款甜品。可以用QR code落單，不過要相隔十分鐘先可以落一次。交紙仔都得。今次食過以下食品，有啲漏單冇上冇辦法。1) 點心鮮肉一口小籠包：皮算薄，湯好多，肉偏少，算唔錯，不過醋要自己叫，又冇薑絲大良鮮奶脆網卷：幾大舊，個皮好香脆，頭尾有白芝麻粒，入面鮮奶好滑，又唔過甜芝士鮮蝦春卷：好香脆，皮薄，真係有鮮蝦，不過唔覺有芝士黑金流沙包：堅流沙，奶皇好香，略嫌個包太厚個饀就太少藍莓流心包：有藍莓味，不過完全冇流心，成件蛋糕仔咁，唔掂名館筍尖蝦餃皇：雖然細細粒，但係皮唔算厚，饀係爽脆，唔錯蟹籽燒賣王：大大粒，啖啖肉，真係有鮮蝦仔，皮又唔厚，唔錯京川滑餃子：好滑，個餡有菜有肉，少少酸辣銀湖天鵝酥：賣相好靚，外皮酥脆不過好油膩，內饀原來係紫薯蓉，不過唔過甜。原來條鵝頸都食得，係餅做嘅咖哩蒙古羊肉餅：咖哩汁伴碟上，我冇食到芝麻芋絲軟夾：好大件，好多白芝麻粒喺外皮，芋頭味濃，不過唔似芋絲宮廷妃子笑：原來係好似泡芙咁嘅外型，外皮酥脆，入面原來係流心奶皇饀七彩鬆化蛋散：好鬆化，少少甜，唔錯手工黑毛豬糭：好足料，質素可以，不過有陣怪味，啲肉好韌紅菜頭煎鍋貼：塊皮係紅菜頭味，完全唔脆嘅，又厚，唔得紫金醬蒸鳳爪：一客四件左右，係唔錯嘅，味道好過一般酒樓，原來呢個普通醬就係紫金醬野菌竹笙餃：塊皮超厚，雖然夠滑，但啲餡細粒到暈，竹笙唔係好食到2）涼菜小食明明三個人黎，次次寫兩至三碟，都只係會黎一碟，如果咁不如一早寫明？雲南涼拌貓耳朶：都可以，酸酸辣辣咁，加左好多白芝麻粒喺上面京川汁秋葵：京川汁都唔算辣，不過有啲秋葵老到咬唔開陳醋手拍青瓜：幾辣吓麻辣無骨黑雞腳：正嘅地方係冇骨，方便食用，味道唔覺麻辣鎮江水晶餚肉：可接受，不過再落單encore已經冇再上過3）粉麵飯五香牛展麵：實在係太離譜，咁大碗麵得兩塊仔牛展！麵係最差嗰啲中式麵，基本上完全冇其他料，咁樣上枱俾人食都好意思？4）甜品玖瑰奶皇糕：造型交到貨，可惜冇味，奶皇味勁弱雞，叫左四件中伏遠年陳皮紅豆沙：太多水啦，冇陳皮味腐竹鵪鶉蛋糖水：稍為好啲，腐竹煲到爛哂細細塊，每碗一隻鵪鶉蛋，隻鵪鶉蛋就唔多好味總括而言，食物好野少，重點係蒸點等得耐，大部份時間係食涼菜小食，麵同炸點。服務奇差，冇人俾茶我哋飲，全程冇野飲仲想收每位$8茶錢。服務員唔helpful之餘仲要冇乜禮貌。座位麻麻哋。價錢係唔貴（比起散叫），但係真心冇乜野好食，食完個人成肚肥膩酸辣唔聚財，飲水飲一日，絕對冇下次。…查看更多

今日好攰，去咗誠品睇咗好耐書，身又攰腦又攰，想搵間舒適啲嘅餐廳慢慢坐，上一層就見到呢間中菜「名館」環境幾舒適咁，就揀咗佢。入到去好好彩咁坐到窗邊，景色唔錯，之後因店員推介叫咗幾個餐廳特色餸菜。糖心黑蒜海底椰豬展湯 $68湯飲落好香黑蒜味，而且好入味，飲落唔覺係味精湯，配上海底椰既清甜，好好飲！❤️豉油王頭抽飯焦蝦 $118食落幾有趣，有少少似炒飯，但又有啲飯焦，以蝦用頭抽炒過吓，再炸一炸，令到蝦殼好鬆脆👍🏻冰鎮鮮菠蘿咕嚕肉 $138賣相吸引，一黎到係咁噴煙😂食落菠蘿好新鮮，如果咕嚕肉冰鎮完之後外脆內鬆軟，好食！😋略嫌肉比較細粒。京川汁秋葵 $48京川汁做得不錯，酸酸地加上蒜香食落好開胃，秋葵清爽，切開咗之後擺到好似一朵花咁，係一個唔錯嘅前菜！鎮江水晶餚肉 $48呢個都幾好食，不過冇咩特別。詐糊 $68其實即係椰汁桂花糕，面頭貼咗啲用米紙做嘅麻雀字，幾得意！而且細細粒，一啖食得晒啱啱好🥰整體來講餸菜幾有特色，環境亦舒適，可以再黎試！…查看更多

經常覺得希慎廣場餐廳樓層好隱世，位於整幢大廈頂數層，必定要乘搭升降機才可到達，而面積、氣氛與格調更與樓下廣場截然不同，彷彿到了另一個隱世之地。與媽媽在銅鑼灣逛街後在希慎廣場13樓看到名館推出點心放題，愛飲茶但從未體驗點心放題的媽媽大感好奇，七點半到達的我倆被服務員招攬，便決定進內品嚐。內裡燈火通明，鋪位闊落開陽，裝橫用材多元化有層次，採用了雲石、木、磚及黑鋼邊組合而成，當中不乏各式中式擺設及小草堆，整體感覺保留到中國韻味同時帶出時尚高雅感，我倆座位靠窗，可俯瞰銅鑼灣高樓景，心情變得寫意。點心放題雖然款式不算多，但種類不缺，包括點心、涼菜小食、粉麵飯及甜品，內裡涵蓋傳統蒸點之餘更加入特色新穎小食，款款吸引。推行環保理念更採用二維碼落單，落單數目與次數不限，應用程式亦有提示每次落單需要相隔10分鐘，我們都把握每次點菜的機會，因為太肚餓了～點菜後大約5分鐘各款涼菜小食逐一呈上，而即叫即蒸點心大約15-20分鐘後亦送到枱面，那晚落單3輪，品嚐了各款食品，個人最愛以下數款：工序如因繁複的淮揚頭盤竟然包括在放題內，當然要點選品嚐。一份有8件一口餚肉，咸豬手肉的咸香加上帶有清幽、清涼、晶瑩通透的膠原水晶層，就像把整隻豬手濃縮在每一件餚肉內，而且浸在酸甜的浙江醋上，既開胃又解膩消暑，略嫌水晶層比例較少，未能嚐出及感受到濃郁膠原感。外圍包裹紅色小炸粒有如一顆荔枝，咬下時藏著內裡的流心奶皇湧出，小炸粒包裹加上即叫即炸，份外香脆熱燙，流心奶皇份量剛好令整體口感變得濕潤順滑而不溜，咸蛋黃咸香十分惹味。粉皮切成短條狀，倒上芝麻醬及灑上花生碎與蔥花。粉皮輕型爽滑，滑得難以夾起，撈勻後每口都充滿酸甜芝麻醬，花生碎的加入為濕軟的口感增添層次。燒賣即叫即蒸冒煙熱燙，大小比乒乓球還要大，豬肉餡多得瀉出燒賣皮，內裡還包含明顯豬肉粒，加上蝦仁爽口彈牙，比起酒樓常見製法更有口感，整體梘水味不算明顯。約有一隻手指長度的鮮奶絕不是一口的大小，剛炸起非常滾熱酥脆，包裹著滑嫩、熱辣辣且帶少甜的鮮奶漿，只略嫌過於油膩，咬下時感受到油份溢出。——整體評語：食物-蒸點製法保持到傳統點心水準，但用料更新鮮，除傳統點心外，放題中加入不同中國地方特色菜式，及自家特色製法小吃，令菜單生色不少.服務-服務員好客有禮，頭盤最快5分鐘呈上，點心即叫即蒸需時，但15分鐘內必定送到，所以相隔10分鐘落單不是問題，90分鐘內大約可落單3-4輪，我倆也飽肚不以.衛生-不論餐具碗筷，甚至傢具設備都乾爽整潔，一塵不染，從大廳看進開放式廚房也整潔企理，每枱均放有消毒搓手液，衛生程度非常高.環境-環境舒適雅致，有別於傳統酒樓的喧鬧，人流不多份外寧靜.抵食-每人二百多元便可任意叫選點心，而且款式及種類不缺，除了傳統點心更有新派小吃，而且以件數作點選單位，可以用有限肚皮盡量品嚐各款點心，加上環境清幽寧靜，整體抵食指數甚高…查看更多

咩而家飲茶都有放題架咩？係呀！你冇聽錯，飲茶真係有放題㗎！估唔到希慎廣場12樓都比我發現名館而家搞緊點心放題，等我叫多啲款式，俾大家睇吓名門嘅點心放題有咩食左邊上角燒賣，中間係黑金流沙包，左下角係香煎蓮藕餅右邊右上角係小籠包，中間係蝦餃，左下角係玫瑰奶黃糕全部都係即叫即整，所以大家要俾啲耐性等，黑金流沙包都真係幾流心，一咬開奶黃餡就一湧而出，中間啲餡都幾熱，大家要留意番留意返蝦餃燒賣當然係回本位啦，所以大家一定要叫多啲！燒賣大大粒，豬肉結實飽滿，蝦肉彈牙，蝦餃皮薄餡靚，任食黎講，絕對收貨仲有我好欣賞呢款辣既黑雞腳，最大原因係佢冇骨😂咬落去爽身，又夠入味果然餃如其名，塊皮真係好滑我地仲加錢額外叫多兩杯飲品，左邊係自製既有機燈膽豆漿$9，右邊係養生圓肉杞子茶$14…查看更多

呀媽成日都話想食點心放題🥢，於是我就上網搵下邊間好。我見到銅鑼灣希慎廣場嘅「名館」搬咗新舖啵(轉咗樓層)，佢又正好有做點心任食，咁就啱哂啦😛。我驚週末去會好多人，所以攞咗假閒日去食當放鬆下，誰不知星期四嘅下午，餐廳都多人到一個點！我哋兩點幾坐到去四點，期間一直座無虛席👏。不過都明嘅，皆因放題以外嘅下午茶餐好似都幾抵食。可供任食嘅點心同小食款式多達四十款‼️，種類涵蓋傳統同新派點心、涼拌小食、粉飯麵，以至甜品，我哋好努力都食唔匀哂咁多款，哈哈。餐廳會提供熱茶，如果要其他飲品就可以用半價加配。餐廳嘅上菜速度快，而且亦無出現漏單嘅情況，食任食最緊要係呢樣嘛😉。再者，大部份食物嘅份量都控制得宜，逐件計算，份量少就可以食多幾款。蒜蓉粉絲蒸扇貝，新張期內每位惠顧點心放題嘅客人都獲贈一隻扇貝🐚。扇貝好大隻，用上蒜蓉粒蒸非常香口，就連粉絲都好入味，如果可以任食就好喇。名館筍尖蝦餃皇，🦐蝦餃作為點心之首，當然要一人嗌一隻。蝦餃唔係特大嗰種，不過都好食，因為餃皮厚薄適中，內裡嘅鮮蝦爽口彈牙。鮮肉一口小籠包、野菌竹笙餃以及蟹籽燒賣王，小籠包唔錯，皮薄，汁多，肉鮮🥟。野菌餃好大隻，餃皮晶瑩通透，口感煙韌，餡料則好豐富，有好多雜菜同雜菌粒🍄。燒賣反而一般，豬肉餡佔多，口感比較粉。紫金醬蒸鳳爪，🐓鳳爪肥美，不過數量嗌一就真係得一隻，所以鍾意食嘅就建議嗌多啲。鳳爪好夠味，鹹香十足，XO醬比起豉汁蒸吸引好多。櫻花蝦橋底混醬豬腸粉，豬腸粉係異常地大碟，有大約十嚿，完全係會塞飽個肚。味道亦無乜特別，因為就係平日嘅三色混醬，而菜名所述嘅櫻花蝦就失咗蹤🙈。鑊仔生煎蓮藕餅、大良鮮奶一口酥以及芝士鮮蝦春卷，炸物整體幾好，因為唔油👍。蓮藕餅以半塊為單位，剁豬肉入面加入蓮藕粒，口感爽爽的。🥛大良炸鮮奶外皮酥脆，鮮奶就如奶凍一樣嫩滑。芝士春卷呈長條形，餡料主要得蝦肉，無多餘嘅菜絲，但就唔太覺有芝士。啤梨鹹水角以及宮廷妃子笑，兩款點心嘅口感有啲似，同樣係煙韌軟糯。🍐啤梨造型嘅鹹水角唔止得個樣，內裡爆哂餡，好惹味。宮廷妃子笑入面原來係流心奶黃，外形似荔枝，但就再的骰啲🍒。銀湖天鵝酥，🦢呢款點心打卡一流，天鵝造型好得意，而佢實際係酥餅嚟。酥皮好有層次，入面應該係紫薯蓉，口感厚實。咖哩蒙古羊肉餅，呢個點心幾有印度風味。🥘咖哩汁意外地幾辣，而薄餅薄得嚟原來係夾咗啲羊肉，但由於偏薄嘅關係，質感略嫌有啲硬。紅菜頭煎鍋貼，本身無諗住食餃子，但見佢係紅菜頭，就一於試下。估唔到餃子嘅造型咁吸睛，餃皮加入咗紅菜頭製成，所以呈紫紅色💖。味道食落就係正常嘅餃子，但都煎得幾香口。七彩鬆化蛋散，蛋散好正🥠，好後悔只係叫咗一次。蛋散細細件，成件都炸得好鬆化，而且淋上糖漿同碎碎，好睇又好食。酥皮菠蘿餐包，🍍菠蘿餐包造型經典，上面層脆皮雖然無茶記嗰啲烘到咁脆，但麵包夠軟，而且入面嘅餡甜甜哋，令人回味。鎮江水晶餚肉，一口餚肉細細件，高湯啫喱同豬蹄肉嘅比例啱啱好🐷，配上鎮江香醋食，別具風味，又唔會重口味。海南雞泡米線，好掙扎嗌唔嗌麵食好🍜，因為驚會好大碗，但大家可以放心，米線份量大約係五啖就食得哂。米線湯底清淡唔油膩，麵質唔會太淋，海南雞肉身偏深色，但肉質都算滑。玫瑰奶皇糕以及腐竹鵪鶉蛋糖水，最後又點少得甜品呢？選擇唔多，但兩款都咁出色。🌹玫瑰奶皇糕好靚，軟硬適中，稍有嚼勁。至於腐竹糖水質素超高🤤，贏出面糖水舖九條街，腐竹煲到溶哂，糖水煮至奶白色，但同時亦能保持清徹。每啖糖水都好香，又唔會太甜🥚，我哋一人食咗兩碗！總括嚟講，名館嘅點心放題好高質，款式多之外，仲要大部份都好食😋，造型又精緻。收費方面，星期一至五每位成人承惠$148，另加$8茶錢同加一，即係約$170。價錢唔算好抵，但我認為絕對係對得住個價錢，係有水準嘅心點🌟！…查看更多

最近好喜歡去點心放題，因為實在抵食。放題價錢甚至平過酒樓價錢，但可以放任地點！前排同事推介了這間剛裝修好的名館，午市只需$148就可以任食各款精緻點心！🤩餐廳亦坐得舒服，雲石設計好有格調～注意：他們的點心是逐件點的，可以自己預到合適份量每件點心都是師傅即叫即整，所以上菜時熱辣辣的，絕對新鮮。特別喜歡京川滑餃子，薄皮之餘好香川辣味，點了2round🤩鎮江水晶餚肉是比較有質素的地方才能做到的，冰鎮肉肥瘦均勻得來好夠凍，幾好食。鴛鴦流汁叉燒包比較特別，內裡的叉燒餡是流心的，配上半邊黑芝麻包和麵包，別有特色。蝦餃燒賣是去吃點心必點的，這裡的蝦餃皮薄多肉和蝦，燒賣也相當有質素，可以encore銀湖天鵝酥是必點的，點來打卡都好😝外表吸引之餘，天鵝是用餅製成，內裡是紫薯酥，外脆內香甜。潮州蒸粉果同樣質素幾好，皮薄得來好多蔬菜粒。鮮肉一口小籠包皮薄多湯同餡，同樣是可以encore的點心午市放題仲會送的帶子，味道鮮甜之餘好香蒜味，粉絲都好香另外仲有桂花鐵棍准山，好香甘菊味，咖喱蒙古羊肉餅等都好值得一食😋😋😋「我所有的不開心 都是因為沒吃飽」- 下次要再來吃飽點😋😋😋…查看更多