影片
更多
2021-05-12
1627 浏览
呀妈成日都话想食点心放题🥢，于是我就上网揾下边间好。我见到铜锣湾希慎广场嘅「名馆」搬咗新舖啵(转咗楼层)，佢又正好有做点心任食，咁就啱哂啦😛。我惊周末去会好多人，所以攞咗假闲日去食当放松下，谁不知星期四嘅下午，餐厅都多人到一个点！我哋两点几坐到去四点，期间一直座无虚席👏。不过都明嘅，皆因放题以外嘅下午茶餐好似都几抵食。可供任食嘅点心同小食款式多达四十款‼️，种类涵盖传统同新派点心、凉拌小食、粉饭面，以至甜品，我哋好努力都食唔匀哂咁多款，哈哈。餐厅会提供热茶，如果要其他饮品就可以用半价加配。餐厅嘅上菜速度快，而且亦无出现漏单嘅情况，食任食最紧要系呢样嘛😉。再者，大部份食物嘅份量都控制得宜，逐件计算，份量少就可以食多几款。蒜蓉粉丝蒸扇贝，新张期内每位惠顾点心放题嘅客人都获赠一只扇贝🐚。扇贝好大只，用上蒜蓉粒蒸非常香口，就连粉丝都好入味，如果可以任食就好喇。名馆笋尖虾饺皇，🦐虾饺作为点心之首，当然要一人嗌一只。虾饺唔系特大𠮶种，不过都好食，因为饺皮厚薄适中，内里嘅鲜虾爽口弹牙。鲜肉一口小笼包、野菌竹笙饺以及蟹籽烧卖王，小笼包唔错，皮薄，汁多，肉鲜🥟。野菌饺好大只，饺皮晶莹通透，口感烟韧，馅料则
呀妈成日都话想食点心放题🥢，于是我就上网揾下边间好。我见到铜锣湾希慎广场嘅「名馆」搬咗新舖啵(转咗楼层)，佢又正好有做点心任食，咁就啱哂啦😛。
我惊周末去会好多人，所以攞咗假闲日去食当放松下，谁不知星期四嘅下午，餐厅都多人到一个点！我哋两点几坐到去四点，期间一直座无虚席👏。不过都明嘅，皆因放题以外嘅下午茶餐好似都几抵食。
可供任食嘅点心同小食款式多达四十款‼️，种类涵盖传统同新派点心、凉拌小食、粉饭面，以至甜品，我哋好努力都食唔匀哂咁多款，哈哈。餐厅会提供热茶，如果要其他饮品就可以用半价加配。
餐厅嘅上菜速度快，而且亦无出现漏单嘅情况，食任食最紧要系呢样嘛😉。再者，大部份食物嘅份量都控制得宜，逐件计算，份量少就可以食多几款。
蒜蓉粉丝蒸扇贝
36 浏览
0 赞好
0 留言
名馆笋尖虾饺皇
21 浏览
2 赞好
0 留言
鲜肉一口小笼包、野菌竹笙饺以及蟹籽烧卖王，小笼包唔错，皮薄，汁多，肉鲜🥟。野菌饺好大只，饺皮晶莹通透，口感烟韧，馅料则好丰富，有好多杂菜同杂菌粒🍄。烧卖反而一般，猪肉馅占多，口感比较粉。
紫金酱蒸凤爪
25 浏览
0 赞好
0 留言
樱花虾桥底混酱猪肠粉，猪肠粉系异常地大碟，有大约十嚿，完全系会塞饱个肚。味道亦无乜特别，因为就系平日嘅三色混酱，而菜名所述嘅樱花虾就失咗踪🙈。
大良鲜奶一口酥
26 浏览
0 赞好
0 留言
宫廷妃子笑
29 浏览
0 赞好
0 留言
银湖天鹅酥，🦢呢款点心打卡一流，天鹅造型好得意，而佢实际系酥饼嚟。酥皮好有层次，入面应该系紫薯蓉，口感厚实。
咖哩蒙古羊肉饼，呢个点心几有印度风味。🥘咖哩汁意外地几辣，而薄饼薄得嚟原来系夹咗啲羊肉，但由于偏薄嘅关系，质感略嫌有啲硬。
红菜头煎锅贴，本身无谂住食饺子，但见佢系红菜头，就一于试下。估唔到饺子嘅造型咁吸睛，饺皮加入咗红菜头制成，所以呈紫红色💖。味道食落就系正常嘅饺子，但都煎得几香口。
七彩松化蛋散
18 浏览
0 赞好
0 留言
酥皮菠萝餐包
15 浏览
0 赞好
0 留言
镇江水晶肴肉
14 浏览
0 赞好
0 留言
海南鸡泡米线，好挣扎嗌唔嗌面食好🍜，因为惊会好大碗，但大家可以放心，米线份量大约系五啖就食得哂。米线汤底清淡唔油腻，面质唔会太淋，海南鸡肉身偏深色，但肉质都算滑。
腐竹鹌鹑蛋糖水
13 浏览
0 赞好
0 留言
总括嚟讲，名馆嘅点心放题好高质，款式多之外，仲要大部份都好食😋，造型又精致。收费方面，星期一至五每位成人承惠$148，另加$8茶钱同加一，即系约$170。价钱唔算好抵，但我认为绝对系对得住个价钱，系有水准嘅心点🌟！
张贴
