駒記海鮮大排檔

之前次次舊同學聚會太多人, 所以都係去CWB食放題, 食到悶, 來來去去都係個D -_-“ 今次去左食大排檔, 感覺又幾好, 我地夠多人, 所以都叫左幾多嘢食下, 可以試多幾款招牌菜, 有椒鹽瀨尿蝦,、避風塘炒蟹,、芝士鮮墨魚丸、炒蜆、鹵水併盤 個D, 椒鹽豆腐海蝦勁香!!! 選擇都幾多下,飽肚同滿足感好過放題多多聲, 依間D海鮮無諗過其實都新鮮, 唔錯! 飲下藍妹, 吹下水, 笑下以前讀書D白痴野 咁又1晚………Read More

今日響銅鑼灣打完波勁餓，班隊友話去食飯，咪上openrice search下有咩好食。見呢間D好評幾多，就去試下。幾個男人叫左8樣野，乾炒牛河、豉油皇炒麵同福建炒飯夠獲氣，手揸骨夠入味堅好食!豉椒炒蜆、枝竹田雞煲，碟碟都清曬! 另外我地再叫左避風塘炒蟹同椒鹽賴尿大蝦配藍妹，夠曬爽!下次要再約多D FD試埋其他野!…Read More

暴風雨的前夕, 一行四人黎到時代廣場附近o既駒記大排檔食晚飯. 一定要講呢度o既招牌菜避風塘炒蟹, 蟹好鮮, 肉質夠甜, 蒜蓉金沙炒得特別香!  我個人非常鍾意食粉絲, 所以都叫左2個餸係粉絲做底o既, 夠飽肚白飯都唔洗食. 第一個就係粉絲蒸扇貝, 呢個配搭係出面其他地方都係好普遍, 但要煮得好味就唔係咁易啦! 呢度o既扇貝夠大粒, 而且食得出係好新鮮, 簡直無得輸.  第二個係粉絲蒸開邊蝦, 我自己通常都係食白灼蝦, 因為蝦既鮮味就算唔加任何配菜同調味料都非常足夠, 今次D粉絲正正吸收哂蝦o既鮮味, 所以話呢一個餸要好味材料新鮮係非常重要! 駒記大排檔D海鮮新鮮得黎而性價比又高, 絕對可以叫一班Friend黎encore, 可以叫多D唔同菜色黎試下! …Read More

最近都係去食日本野同西餐,已經好耐冇幫襯大排檔,咁岩路經鵝頸橋街市就見到整整一條街都係一檔檔既大排檔,但係一次都未試過,而我同朋友就入左去駒記幫襯!當時大約七點幾,店內都幾乎坐滿,圍圍都飲啤酒食小炒,我地3個人就叫左招牌避風塘炒蟹,避風塘瀨尿蝦,白灼花螺同埋腐乳炒通菜!避風塘炒蟹炒得好有穫氣而且蒜同蔥都好夠,令到隻蟹好入味,辣辣地送青島一流食完個辣蟹好想再encore所以叫埋個避風塘瀨尿蝦,蝦都幾大隻幾好幾好朋友中意食花螺所以都叫左個白灼黎食,唔想再叫辣野所以order左白灼,白灼再點甜醬食好正清清地食返個菜,就走啦!總括黎講都幾推介,值得一試!…Read More

去銅鑼灣逛街,通常都光顧連鎖式餐廳,但係當天想吃地道菜,所以周圍尋找一些有地道風味的大排檔,我們一行五人就選擇了在街市旁的駒記海鮮大排檔.首先我們叫了海鮮分別是避風塘炒大蟹這個蟹很大,而且辣味很重,很多蔥加在裡面很惹味,非常捧,不愧是招牌菜!豉椒炒蜆聽聞說也是香港人必點的小炒,豉椒非常濃味,汁都掛在蜆的殼及肉上,人人都搶著要吃啊!!我們五個人就叫了風沙雞吃,風沙雞是用炸的方式,雞皮被炸得很香脆,而雞肉在不會炸的乾乾的,不錯的煮法!我的朋友最愛吃沙拉骨,所以都點了一碟,醬汁調得剛剛好,不會太酸,沙拉汁也有很多啫啫通菜煲,要鍋上比一般清炒都會更美味,也挺好!…Read More

與舊同事相約到銅鑼灣吃晚飯，起初大家也各持己見不知吃什麼好，其中幾位大哥希望能多坐一會吃點小菜飲些啤酒，因此選擇了"駒記"。其實小弟遇然也會相約友人到大排檔吃飯，但多數限於九龍區，因家住九龍，過海還是第一次，7時左右到達已有6,7成客人，門口相信是老闆娘的姐姐很熱情地招待我們入坐，望一望餐牌，令我驚喜的是款式十分之多海鮮小菜不下數十款，而且價錢非常合理呀!相比起很多茶餐廳還便宜，令人意想不到，經商議後點了幾款小菜及冰凍的啤酒，大家便開始開懷暢飲了，不得不提這次幾款小菜裡的其中兩款:煎蠔餅及避風塘炒蟹…煎蠔餅...這裡的煎蠔餅有別大部份大排檔以大鍋油炸式的所謂煎蠔餅，吃得出是師傅用心慢煎而成的，小了油膩的感覺，而且蠔餅中加入少量的菜圃，令整體更為脆口及味濃卻沒有蓋過蠔的鮮味，不用沾上魚露味道已經很好，讚!!避風塘炒蟹...小弟向來較少在大排檔點海鮮，尤其是蟹，因大多數價錢偏貴，但這裡一隻大肉蟹卻只售百多元，因此便點了一隻試試，上菜時賣相已令人有垂涎三尺之感覺，相當吸引! 試了一口，味道有少許辣而十分香口，蟹肉鮮美入味而且配料足，果然真材實料，驚喜!這道菜真的驚喜!!非常好吃!!配以冰凍的啤酒真的一絕呀!整體而言，這裡的小炒確實很有水準，相信將會成為我主場飯堂之一!埋單計算八道菜、數支啤酒及飲品亦只是六百多元，真的相當抵食，”駒記”我會再來的!!…Read More