駒記海鮮大排檔

最近都係去食日本野同西餐,已經好耐冇幫襯大排檔,咁岩路經鵝頸橋街市就見到整整一條街都係一檔檔既大排檔,但係一次都未試過,而我同朋友就入左去駒記幫襯!

當時大約七點幾,店內都幾乎坐滿,圍圍都飲啤酒食小炒,我地3個人就叫左招牌避風塘炒蟹,避風塘瀨尿蝦,白灼花螺同埋腐乳炒通菜!

1

避風塘炒蟹

避風塘炒蟹炒得好有穫氣而且蒜同蔥都好夠,令到隻蟹好入味,辣辣地送青島一流

避風塘炒瀨尿蝦

食完個辣蟹好想再encore所以叫埋個避風塘瀨尿蝦,蝦都幾大隻幾好幾好

白灼花螺

朋友中意食花螺所以都叫左個白灼黎食,唔想再叫辣野所以order左白灼,白灼再點甜醬食好正

腐乳炒通菜

清清地食返個菜,就走啦!總括黎講都幾推介,值得一試!