蟹仙海鮮蒸氣鍋 (仁愛街)

之前喺朋友屋企食過「蟹仙海鮮蒸氣鍋」嘅外賣套餐幾正，而家堂食開番夜就一於到店幫襯下。本身想訂尖沙咀店，但就已經Full咗🈵️，唯有轉戰新蒲崗，反正搭巴士走都方便。餐廳環境唔大，雖然座位少，但坐得舒服，不過通道就真係窄喇。七點鐘左右，餐廳開始滿座，一家人或情侶客都有，好熱鬧👏。剛好我哋坐嗰個位置偏近水缸，可以親證啲海鮮有幾生猛😁，店員周不時拎住個桶出嚟捉活海鮮入去劏。未開始睇餐牌，熱情女店員(事頭婆？)已經向我哋介紹套餐。本身想試$299套餐，但佢推介$399個餐[尊貴海鮮套餐]可以食埋龍蝦，海鮮又靚啲。好啦好啦，就課金多$100啦🙈。每枱蒸鍋上都有個好似草帽嘅罩，每次蒸海鮮時就會拉落嚟蓋住。食海鮮前，店員先為我哋送上醬油架，可以自己撈醬油、蒜蓉、🌶辣椒、芫荽同蔥。不過由於海鮮本身新鮮，所以全程都用唔著。粥底料一早已經放哂落個鍋度，有米飯、豬肉、芋頭、薑片同粟米等🌽。講咗咁耐，海鮮大餐正式開始🎊。首先先來六款海鮮。越南大虎蝦，蒸4分鐘，依隻係真虎蝦🦐，未食前剝蝦殼都知正。蝦肉結實，口感彈牙，乾淨無腸，普通海蝦完全無得比。日本大元貝，蒸4分鐘，呢個真係超好食😋。因為平日食開嘅元貝係普通料，唔係矜貴食材，亦唔會話好食得去邊。但呢度嘅元貝超鮮甜兼Juicy，店員多次叫我哋一定要飲埋殼上面嘅汁。我哋估唔到連元貝嘅裙邊同腸都咁美味😳。全晚最有驚喜之選！台灣九孔鮑魚，蒸3分鐘，鮑魚竟然蒸咁短時間🤔？我諗應該係預先稍作處理，因為上枱時經已離殼。味道唔錯，肉質亦唔韌。紐西蘭刀貝蚌，蒸2分鐘，刀貝蚌夠大隻，有鮑魚咁大，好食。韓國慶南蠔，蒸2分鐘，上碟時已經去殼，蠔隻肥美，但我始終麻麻蠔嘅口感同腥味，我只係接受到炸蠔。深海龍躉片，🐟蒸1分鐘，魚肉唔鬆散，亦無乜骨。不過最唔吸引係呢味...。野生大瀨尿蝦，瀨尿蝦真係好大隻，大到可以用手臂作比較💪，勁誇張，但店員話呢個其實只係中呎吋。店員比我哋影完相後📸，就拎番入廚房幫我哋拆肉，食用超方便，大大啖肉。澳洲青年龍蝦，蒸4分鐘，龍蝦雖然唔大隻，但肌肉發達，每個細位都生滿肉，膏就唔算太多。拆殼好攰，但值得😎。近嚟發覺好多餐廳都有得食龍蝦，但多數都係用上大鉗嘅波士頓龍蝦，即相對較平嗰種，所以今日食嘅呢種係貴價貨來，味道真係出色啲👍！越南頂角膏蟹，蒸9分鐘，🦀膏蟹無論劏前劏後都係咁多膏，膏性澎湃。蟹膏非常鮮味，完全唔腥，流質嗰種更為滋味 。另外，蟹肉本身亦都幾好。食完一輪海鮮就到蔬菜籃，🥦有粟米、黃芽白同油麥菜。女店員送魚皮俾熟客，枱枱都係🤣。佢話魚皮無用油炸，果然食落真係少份油膩感，但比較快淋。題外話，全程蒸海鮮均有店員代勞，所以我哋集中剝殼同食就OK🥢。每張餐枱個爐設有計時功能，側面就有個櫃桶畀人掉殻，非常方便，仲可以慳番枱面位置！最後，就係久候我哋多時嘅粥底鍋了🍲，佢集合哂所有海鮮嘅精華，正到不得了。店員會再落埋菜脯粒同蔥滾兩下，先嗶畀我哋食。佢係我食過咁多間粥底火鍋入面最好食嘅粥，因為味道係最濃郁🤤，就算飽飽哋，我都食到完整一碗。海鮮粥本身好大鍋，所以都預咗食唔哂。店員勁好幫我哋打包埋，又食又拎✌🏻。原來套餐仲包甜品，雪燕燉官燕，好味又滋潤😘。總括嚟講，蟹仙海鮮確係新鮮😍，佢定價比同業海鮮粥底火鍋店高，不過貨源又真係高一班嘅，就好似龍蝦同蟹咁。再者，服務好貼心，又無限進食時間😊，同長輩嚟食就最適合不過！…查看更多

香港無論係上一年定今年，都經歷到好多考驗，真係唔容易雖然香港人既消費氣氛麻麻，但有時候都要食返D好野，對自己好D，咁先至係無咁抑鬱。既然出街既風險咁高，一食就梗係要食好D，咁先至對得住自己，大家記得帶口罩喔!今次，就同大家推薦一間衛生情況非常好，食物質素非常高，服務態度無得頂既餐廳啦！呢間餐廳係香港已經有3間分店咁多，叫做「蟹仙蒸氣火鍋」，下稱蟹仙。老闆娘仲好好咁走過黎同我地傾計，希望香港人可以一齊其渡難關咁話！我今次揀左最近我屋企，位於新蒲崗既分店鋪仔細細，但選擇多多，有好多唔同既package經過店員細心介紹後，我哋選擇左呢個每位$399既package，中間價錢，但包羅萬有放心，食完一定飽到上心口，因為有超正既粥底環境超乾淨，店員都有帶口罩，今時今日食得安心最重要！記得食之前打電話黎bk定位一開始，店員會拎我哋既餐具用高溫消毒，真係放心哂！之後就會比我哋「混醬」蒜蓉加豉油，一定唔少得第一碟上枱既有越南虎蝦、深海龍躉片、韓國慶南蠔、日本大元貝每款海鮮每人一件，最最最安心又開心就係無一件係來自中國從老闆娘同我哋傾計過程中得知，蟹仙既老闆專門做海鮮起家，同唔同地方既中介人合作，取得最新鮮肥美既野生海鮮，絕對唔係養殖場o個d，海鮮食落去既質感真係唔同d，虎蝦肉質彈牙、龍躉片爽口、元貝、蚌同埋蠔等超級鮮甜正所謂一分錢一分貨，就係咁解！食過海鮮蒸氣鍋既人都知道，店員會逐樣海鮮為客人按時間蒸熟，所以時間岩岩好，想安全d絕對可以邀請店員蒸熟少少店員健談，服務一流蒸既時候有一種好夢幻既感覺鮑魚大過隻手指公，上碟時仲郁郁下，好新鮮賴尿蝦有成隻手臂咁長超多膏呀，估唔到連賴尿蝦都有膏店員話唔係隻隻都有，我地真好彩重頭戲係呢隻膏蟹勁勁勁大隻查實我平時唔太喜好海鮮，惟獨係鐘意食膏所以真係勁勁勁驚喜蒸熟左之後真係勁勁勁吸晴蟹膏好鮮甜，無苦澀味蟹腳蟹鉗全部好多肉，好肥美，平時如果我食咗唔新鮮既蟹肉，會喉嚨痕今次完全無，打破左我對海鮮既印象:)最後仲有新鮮既蔬菜原來蔬菜都可以蒸熟仲勁甜！最後最後既重點海鮮粥！店員話煲底有個出蒸氣既口，可以出一d蒸氣水所以水同粥既分量係岩岩好開頭有啲擔心會唔夠飽但食埋個粥之後，真係飽到頂住個肚夜晚都無肚餓無論服務、環境，定係食物質素都比5粒星如果真係出街食，希望大家可以食好野，大家一齊共渡難關💪💪💪💪…查看更多

踩入十二月聖誕月開始要與朋友吃聖誕飯聖誕當然不能虧待自己第一餐就要吃海鮮慰勞自己朋友看到網上介紹這間店，帶我來一試幾乎全場都光顧它的晚市的刁鑽海鮮套餐非常多食客光顧，只是星期一已經看到有人在門外等位幸好有預早訂座，否則可能沒有座位店員偶爾跟食客談天，介紹一下店家的背景和食材原來店家老闆是海鮮批發商，故材料一定新鮮坐在門口位置還看到蟹一直在走來走去新蒲崗原來除了泰國菜外，其實海鮮也是不錯的先後會捧上兩個拼盤雖已分屍，但觸角還是會動的先介紹整餐的三位主角越南頂角膏蟹頂角膏蟹是母蟹看蟹膏是多麼的鮮橙色，多到滿瀉蟹膏較硬食、甘香蟹食紮實，鮮味十足野生瀨尿蝦非常鮮甜肉汁的海鮮肉質水分多且柔軟，十分正澳洲青年龍蝦澳洲龍蝦比平常吃的波士頓龍蝦貴得多一來體壯肉多，營養較多二來蝦身很多很多的蝦膏由於太多海鮮，故發一張組合圖翡翠九孔鮑魚已經清洗乾淨，去乾淨內臟越南大虎蝦深海龍躉片紐西蘭貝蚌日本大元貝韓國慶南蠔有機蔬菜籃正好平衡一下營養及纖維質營養豐富的一餐喔還有吸收整餐海鮮精華的粥加入了瀨尿蝦頭、豬骨、芋頭、南瓜、榨菜、薑和蔥等等記得記得最後一定要吃糖水 – 「椰汁燉雪蛤」才好離開相當清甜，晶瑩剔透，清涼解渴正好冬天滋陰潤肺之用…查看更多

主打海鮮蒸氣鍋🔥，海鮮由世界各地運至✈️，陣容強勁💥，如野生印尼龍蝦仔🇮🇩、菲律賓黃奄蟹🇵🇭、蘇格蘭蟶子皇🏴󠁧󠁢󠁳󠁣󠁴󠁿、北海道大元貝🇯🇵、北韓象拔蚌🇰🇵等，標榜食材新鮮👍🏽，不需任何調味料🙅🏽‍♀️，更能食出原汁原味🤤。蒸氣鍋相信大家都不會覺得陌生😏，我也不多作介紹了😌。一開始先由店員為粥底作好準備🥣，加入米粒🌾、南瓜粒🎃及排骨🍖等於鍋內，等它們慢慢吸引海鮮的精華✨。🔹泰國海中蝦🇹🇭肉質爽嫩彈牙🤩，味道鮮甜😋，完全不須要蘸上任何醬汁也可以👏🏽。🔹日本大元貝🇯🇵店員表示今天的蟶子體積比較小😢，所以就為我們選了大元貝😳，單是看到它的色澤已可以知道它的新鮮度🎉，肉質厚嫩入口鮮甜💖。🔹越南頂角膏蟹🇻🇳主角出場了🌟！一看到了蟹膏人妻🐷馬上兩眼發光了😍，一口鮮甜的蟹肉🦀，一口豐富的蟹膏🧡，絕對是別有一番風味🎊。🔹澳洲青年龍蝦🇦🇺肉質晶瑩剔透😲，富有光澤✨，新鮮度不用置疑😉，啖啖爽脆的蝦肉加上滿滿的蝦膏🦞，超級大滿足💘！🔹翡翠九孔鮑魚🌊非常的厚肉😳，入口爽口彈牙🤤，口感十足👍🏽。🔹越南貴妃蚌🐚店員在蒸煮時間上控制得很好⏱，鮮嫩彈牙😋，鮮味十足🥳！🔹深海龍躉片🐟肉質爽滑🎉，不過比較失色的是每人只有一片而已🤔。🔹韓國慶南蠔🇰🇷體積雖然不算很大🧐，但勝在蠔味濃郁😌。🔹野生瀨尿蝦皇👑另一主角終於壓軸出場了🎊！大大的一隻足足有人妻🐷的前臂一樣長😳，店員先將蝦頭放入粥內🥢，增加粥的鮮甜🤤。一口咬下😌，肉汁大爆發💥！滿口都是爽嫩的蝦肉及甘香的蝦膏💗，難怪店員會大力推介🌟。🔹有機蔬菜籃🥬吃完了一輪海鮮😆，當然要來一點健康蔬菜🥦，不得不提的是他們的粟米可是超清甜的🌽！🔹南瓜排骨粥🥣不經不過粥已經煮好了🔥，海鮮精華隨蒸氣流入粥底💦，粥底鮮甜軟綿👏🏽。🔹木瓜糖水🍧最後來一碗滋潤的糖水😋，甜度適中👍🏽，為這晚畫上完美的句號😊。💭總結整體食材鮮嫰無比💝，價錢合理💸，下次一於帶媽媽來試試😃~…查看更多

最近潮流個個都鐘意蒸海觧食，今次我都要試下！黎到新蒲崗，只要認真啲搵下，都可以發現好野食，今次同朋友黎左呢間♥蟹仙♥，就睇下佢係咪真係咁觧！環境都幾舒服，唔會坐到好逼，每張台都會一個蒸爐～望望餐牌，寫住海鮮蒸氣石鍋，正正就係我地今次既目標。因為每樣海觧都係由唔同地方新觧運到，數量有限，黎之前最好訂定台，保證食得滿足又開心～我地四個人想食多啲，最後揀左每位$398既套餐，海觧種類非常豐富，除左海觧，仲包括有蔬菜，最後仲有壓軸出埸既海觧粥底！所有海鮮也是用蒸煮的方式去烹調，包你食到真係既觧味。泰國海蝦因為是蒸的關係，仍能保留著蝦的鮮味，啖啖原汁原味的感覺！而且每隻蝦都大大隻，啖啖都係肉呀～貴妃蚌咁大隻既貴妃蚌都係第一次見，仲要好肥美，食落口啲汁都吱哂出黎，原來觧味既貴妃蚌係咁好食～青年龍蝦店員一拎隻龍蝦出黎已經嚇到我了，佢除左大隻之外，最厲害係佢入面啲膏，超多膏～雖然就咁蒸睇落好單調，但因為正正係蒸，先可以食到佢最原本既味道！九孔鮑魚佢既鮑魚都係一樣，都係大大隻，一啲都唔馬虎架～同平時係酒樓食既感覺唔一樣，簡單既甜味已經好足夠！日本元貝大大粒，連埋佢既汁一齊蒸，令成粒元貝更加有觧味呀～慶南蠔呢隻蠔都係第一次見，都幾肥美，食落口都係好有肉！蟶子皇食蟶子最怕就係食到有沙，不過呢到既蟶子就可以放心啦，佢一啲沙都冇架～～仲好觧甜又多肉深海龍躉頭腩我本身就唔係好食魚既，因為怕腥，但難得黎到，點都要試下～佢比我想像中更易入口，好嫩，無腥味！越南頂角膏蟹係一隻多膏既靚蟹～佢既蟹膏比較深色，而且仲要係成隻都係膏！！有專人幫你開邊蒸煮，每只都大大隻，配合蒸煮的方法，保持肉質爽口觧甜！菲律賓大黃奄同樣呢隻蟹一樣都係咁多膏，顏色比較黃，膏既質感比較軟身，食完個口都係啖啖既膏味！！蔬菜食左咁多海觧，清清個口，因為黎緊仲有壓軸出場～海觧粥底食左咁多海觧，煮既時間會有好多既「海觧汁」，呢啲汁都不能夠浪費，將佢用黎煮埋個粥底～ＯＫ！呢個粥帶有甜甜的味道，我鐘意呀～椰汁雪燕燉官燕食到飽飽，最後黎到每人一碗椰汁雪燕燉官燕～甜甜的味道，食完唔食覺得ＯＶＥＲ！海鮮，最重要是新鮮，新鮮才會有鮮味！呢到做到了「鮮」的要求，下次要再帶其他朋友黎食！係新蒲崗食海鮮的好選擇呀～…查看更多

招集人熟琪發起飯局，逢請必到，無問題。原來係食海鮮粥底火鍋套餐，還有任食類及散叫類。另有十多款小食供應，不過淨係個海鮮套餐已使我飽到不得了，已經不能再食下去了！非常搞笑的蒸爐血的子。雷式混醬，古早味只用生蒜、炸蒜、指天指，近年加上蔥花更香口，簡單脫俗增味不少。原盅海蝦花膠雞燉翅湯，套餐送贈的。用蝦做燉湯好罕見，濃厚雞湯有著清淡鮮蝦，只不過蝦肉已煮到完全霉肉咯。見不到皇帝的魚翅，搵到一小片爽爽花膠桶。湯汁清甜可口，接受。套餐海鮮加其他食材份量非常充足大堆頭，澳洲青年龍蝦、蘇格蘭蟶子皇、翡翠九孔鮑魚、越南頂角膏蟹、菲律賓黃奄蟹、深海野生龍躉片、濟州黑豚肉。再點任砌，蟹仙海鮮丸、木棉魚燒賣、鮮甜粟米、冬瓜片。好飽啊，我真的受不了！蘇格蘭蟶子皇，都有六吋長，不過肉仔薄薄。貴妃蚌，只有我半隻掌心大戶乍喎。翡翠九孔鮑魚，鮑魚老早魂斷異鄉，硬直發出腥嗅味。越南頂角膏蟹、菲律賓黃奄蟹、澳洲青年龍蝦，生猛即劏聞得到的新鮮度。深海野生龍躉片，刀功細膩片到薄薄半透明。澳洲青年龍蝦，青年小鮮肉？蒸到剛剛熟，香氣撲鼻，爽彈多汁龍蝦肉，鮮甜無比夾著甘香蝦膏，回味無窮。越南頂角膏蟹，微量綠色膏蟹，味道甘香可口。蟹肉結實，鮮味非凡，不需任何調味。菲律賓黃奄蟹，實實的嫩肉極甜，蟹味特濃，漏晒蟹汁，鮮味激突。蟹膏勁咸，連汁食頂不緊。蘇格蘭蟶子皇，蒸到過火過熟，刷膠一樣韌韌，味道完全流失。貴妃蚌，瘦猛猛發出濃烈腥味，十分多泥沒洗得徹底，吐掉放棄。刀貝，肥美乾淨，鮮鮮甜甜彈彈。深海野生龍躉片，非常淡口，鞋鞋的沾上辣椒豉油唔難食。濟州黑豚肉，乾爭爭又鞋烚烚，韌到絕頂，出盡牙力趙吧！蟹仙海鮮丸，包心丸來的，食不出是什麼餡。木棉魚燒賣，淡淡的魚味，彈彈有趣。鮮甜粟米，爽爽蠻不錯。冬瓜片，清新味道淡淡，點辣椒豉油吧。蟲草花雞件，雪藏貨還可以，如果用點酒醃醃去會更香啊！肉質硬淨多汁味淡，免強過關。安格斯牛肉，蒸 7 成熟鬆軟滑滑，輕輕牛味。粥底集所有海鮮精華於一身，味道有點單調，再次辣椒豉油，即時變得超美味。每位 $300 蚊，ice 啤酒任飲，共 $900 埋單勁平勁抵食，其實食完套餐已飽到食唔到其他野喇。…查看更多

太耐沒有跟小學同學聚一聚，難得今次約齊四個人岀黎食個晚飯，就決定一於食餐好既！新蒲崗雖然比較偏遠小小，但近朋友放工既關係決定係呢區覓食！其實呢度大把好野食...今次我揀既係【蟹仙】，聽個名都覺得呢到既蟹一定好架勢。四個都係海鮮既粉絲所以都抱住好大期望呢過緊新蒲崗既沿途中，留意到新蒲崗區工作的上班或區內的人，大部份人的衣著總離不開白色、灰色、黑色，有點沉悶！相反！我們就著得又黃又粉紅，色彩奪目，充滿朝氣！【蟹仙】就係仁安街地下舖，正正就係「Mikiki」正後面街，見到呢個Led招牌就唔會錯喔，非常易搵。入面有十張左右既4人枱，每張枱都有一個蒸氣鍋無錯啦，我地今日食既就係「海鮮蒸氣石鍋」提提你去之前一定要book定位先，事關呢度大部份海鮮每日都會由多個地方新鮮空運到港，由於每日既份量以及坐位都限，貿貿然去到真係有機會無得食架！🤭基本上晚餐都係3選1，我地就揀個無咁Heavy既「$398海鮮蒸氣石鍋餐」正所謂食得是福，要食就緊係食最好呢個石鍋餐$398/1位，每位客人包括有「9款海鮮，另外仲有蔬菜同埋核心既粥底」先先黎一盤輕盈...🔹海鮮拼盤，包括有「九孔鮑魚、慶南蠔、日本元貝、蟶子皇、貴妃蚌及深海龍躉頭腩」🔹貴妃蚌貴妃蚌簡單美味又永不失手呢度蒸完食落去鮮味獨到，蚌肉豐滿肥美，最重要連埋蚌肉邊既湯汁一齊食，味道鮮甜。 🔹日本元貝日本元貝蒸完後突然變得脹卜卜，咬開既係一絲絲柔軟既感覺，鮮味更勝一籌。:)🔹九孔鮑魚九孔鮑魚就普普通通，但勝在新鮮沾小小鼓油都唔差。🔹慶南蠔不少人喜歡趁冬季食鮮蠔，【蟹仙】話我知其實與蠔的約會不是只限冬季啊！平時食開既蠔都係以生蠔炸蠔為主...完來慶南蠔用蒸更適合，蠔肉較滑，蠔汁一滴不失，整隻蠔濕潤鮮美又多汁。多變的口感...認真推介！！！！🔹蟶子皇蟶子皇又名西施舌，西施既舌頭有誰不喜歡硬繃繃既外殼入面剛好相反，口感鮮甜嫩滑非其他貝殼類可以媲美。🔹深海龍躉頭腩深海龍躉頭腩帶着充滿啫哩狀既魚皮肉魚油滿載既魚肉，骨膠原份量勁多啊！！女士恩物！還有滋補的妙用，不錯。好喜歡！！！！再黎既仲有海鮮三巨頭包括「越南頂角膏蟹、菲律賓大黃奄、泰國海蝦及青年龍蝦」因為我地四個人既關係叫到兩隻唔同既蟹試下，每人有半隻...兩蟹種外表雖然不大分別，蒸過後單看外表直情一模一樣，但裏面絕對係兩碼子事。🔹越南頂角膏蟹越南頂角膏蟹既蟹膏為硬膏，所謂既硬膏食既時候會帶比你一種粉狀既口感，顏色深橙紅，蟹膏味道極濃厚，整個蟹蓋裝滿滿既蟹膏包你食過滿足，蟹肉實之餘富彈性。🔹菲律賓大黃奄同樣為膏蟹，但大黃奄既蟹膏相反係軟膏類，蟹膏creamy呈橙黃色，混合蟹肉既蛋白質，味道變得清而甜，比到我既又是另一種感覺，蟹肉比上面既頂角蟹柔軟多汁。🔹泰國海蝦大家平時屋企最常食的蝦可能都是泰國海蝦、白蝦丶中蝦，但呢度既海蝦大大隻，足足有一隻手掌長，肉質彈牙肥美。估唔到新鮮既海蝦係咁甜架！🔹青年龍蝦青年龍蝦當然又係正到無得講，海中王並唔係浪得虛名，龍蝦肉量多，足以令你塞滿一嘴，不加調味反而食到獨有既一種海鹽味，帶上小小既龍蝦蝦膏，鮮味令人忘返。:)🔹蔬菜拼盤清清腸胃，食返點蔬菜👍🔹排骨粥底最後食埋底層既粥底，包攬以上所有既海鮮既精華，味道鮮甜軟滑，綿綿味道加上一點飽肚感。P.s.四人同枱仲會額外贈送椰汁雪燕燉官燕 從賣相到食味、口感，官燕都極像燕窩但呢碗味道可能淡了點，不計是不是官燕但都幾解渴又幾清爽呢。三五知己食個「海鮮蒸氣石鍋」，慢慢食慢慢傾一盡訴心中情，過癮矣。呢間【蟹仙】不妨一試。食物超級新鮮，一試便知龍與鳳...可能員工說道貨源出處是非常有質素及穩定既關係吧！侍應真係招呼非常周到，又岩傾！每款食物都有介紹下，好細心！相對店內環境不算寬敞但座位就闊落舒適，燈火光猛，加上裝修不久，細細間整體環境算是不錯。最重要是與停車場相連，方便一衆駕駛人士呢。食到肚仔脹卜卜，都係時候要去散散步消化下...…查看更多

蟹仙係新蒲崗仁愛圍, 雖然地點唔近地鐵站,但正正因為唔就腳先可以食到平又抵的生猛海鮮。餐廳唔算好大, walk in 絕對唔會食到。今次叫左$298 @1位的海鮮餐有澳洲青年龍蝦、青口、蟶子皇、深海龍躉片、鮑魚、海蝦同埋蔬菜籃食得蒸氣鍋最後仲有個粥底。今日的配料是南瓜粟米排骨粥。食蒸氣鍋店員會幫我地將D食材順序放入個鍋到，用電磁爐計時就唔會旬過火。先食的是鮑魚，鮑魚清潔得乾淨，唔會側邊都係黑孖孖, 而且厚肉新鮮, 煙煙韌韌夠彈牙。蟶子肉質爽口, 味道鮮甜, 一食就知係新鮮貨。貴妃蚌本身已經夠大隻, 蒸完出黎成個殼都係汁，當然要將D 汁倒落鍋底煲粥, 蚌肉仲夠彈牙夠鮮甜對比起上黎, 青口係比較遜色, 但收貨啦~~龍躉魚片 魚皮滑溜夠QQ, 而魚肉本身都彈牙海中蝦一睇就知蝦肉非常新鮮, 海蝦大隻得黎非常爽口彈牙，蒸得剛剛好唔會過老, 啜埋個頭D 汁揀直一流。食完蝦當然仲有龍蝦同越南頂角膏蟹, 上檯時驚喜十足因為龍蝦仍然生猛識得郁, 而越南頂角膏蟹係睇住老闆番貨係個發泡膠箱到攞出黎。澳洲青年龍蝦澳洲青年龍蝦大隻到差D放唔入個爐到龍蝦爆多膏肉之餘, 而且肉質夠厚實,蒸完出黎就知係上等貨 入口啖啖肉, 肉質爽口彈牙。越南頂角膏蟹越南頂角膏蟹, 大概蒸約9分鐘就食得店員仲好細心問我地想食軟膏定硬膏,我地叫左一軟一硬硬膏呈鮮橙色, 肥美爆膏, 而軟膏係泥綠色, 非常creamy 軟滑,而且肉質好鮮甜。蔬菜籃有生菜娃娃菜粟米南瓜, 生菜同娃娃菜都甜, 不過生菜要快D 食, 蒸耐左就好快變老。最後係粥底，集合左咁多海鮮的精華, 粥底十分綿滑, 味濃而不膩, 簡直係一絕。四人同行送椰汁燉官燕雖然係凍食, 但夠滋潤而唔太甜, 滿足…查看更多