維記咖啡粉麵

店內舊式茶記裝修，餐牌沒有花巧，只係賣不同配搭的粉麵及三文治多士，黎左呢間食豬潤麵，食過好多次，真係會上癮😂😂雖然黎親呢到都係咁多人要排隊，但係鐘意食既唔介意，黎食緊係會叫豬潤麵啦！🤤出名快靚正，豬潤爽口，唔腥，無渣的，開頭望落以為份量都好少，其實份量都好多，啲湯底好清吾會太油，仲可以飲下，味道真係一級棒👍👍🍴豬膶牛肉麵 $35📌維記咖啡粉麵🍽️深水埗福榮街62 & 66號地舖 / 北河街165-167號地下D號舖…查看更多

某日得知原來天使由小到大甚至在深水埗區附近出沒，於是便捉了他陪我回深水埗維記重溫一下。小時侯深水埗和油尖旺是我經常出沒的地方，這間維記和澳牛簡直見証住我的青葱歲月。今日一到，和年青時沒太大的分別。第一次來這裡的天使，望着餐牌盯了很久。我一看見他眉頭緊皺的樣子我便心知不妙，這兒可是和澳牛齊名，點餐要快、服務最西但又客似雲來的茶餐廳喔。結果在天使喊出那句"一樣"的同時，我快速地替他下了單。幸好反應仍算快速，不然今天早上就要對住一個非洲來的天使了…不禁舒了一口氣。這是我點的蛋牛麵。用熱湯將材料瞬間燙熟是這間店最特別的技倆，用這個方法處理牛肉和豬潤是頗有效的，可惜用在雞蛋上卻是完全不適合。可能實在太久未來，忘記了這個轉析。更重要的，是我竟然忘記了以天使的貓舌，他是要好一會在能把食物放入口的，當然豬湯潤就會因為在熱湯裡放得太久而變靭，口感也會變得完全不一樣。然後…我情不自禁想起陸游……為令天使在等麵冷卻時不自於太無聊，點了這個咖央西多士給他吃。誰知又出了一個小插曲。話說侍應姐姐於西多完成後，拿着大叫問餐廳裡的客人"邊個叫咗西多"。不知是因為戴上口罩還是阿姐本身口音太準，我和天使也完全聽不到，最後西多自然給了第二個客人。到我發現不妥追問時，卻被怪責"典解頭先我問果時你唔出聲"。噢，原來和澳牛還是有分別的。印象中，澳牛的大哥們從來也會將柯打準確送到，很少甩單，也不會在送單時問"份炒蛋係邊個o既"。如此看來，這兒也不能和澳牛相題並論吧？講返西多本身，味道是可以的。但以前吃過那種濃郁的咖啡香味卻好像變得不太明顯了。但總括而言，味道是可以的，合格有餘，值得一試。忽然間…我強烈懷念澳牛的大哥們。還是找天回去朝聖一下吧。…查看更多

為食貓🐱本身都幾鍾意食豬潤🐷 屋企耐唔耐都會煮，今次就睇下出面嘅豬潤同屋企有咩分別啦~維記咖啡粉麵位於文記斜對面，平日中午去食，等一分鐘左右就有位啦~疫情期間呢間餐廳都有用隔板，對於茶餐廳黎講，座位算鬆動👍🏻今次為食貓🐱嗌咗佢最出名嘅豬潤麵($32)同咖央西多士($19)豬潤麵嘅麵原來係公仔麵。為食貓🐱孤陋寡聞，見到有啲驚訝🙈見到佢嗰樣覺得無咩特別，食落嗰麵比豬潤更有驚喜！為食貓🐱最care麵嘅質地同煙韌度，本身唔太鍾意公仔麵嘅🐱，都覺得好食😋 估唔到嗰麵都幾match嗰湯底！豬潤就正常發揮，啱啱熟、唔會太硬，但薄咗少少🤌🏻 (見其他食評話以前厚啲㗎😖) 豬潤湯底就畀🐱飲曬~ 湯底望落去好清澈、飲落啖啖濃味嘅豬潤，而且唔會太咸👍🏻熱辣辣、金黃色嘅咖央西多士🧇蛋味好濃，咖央醬唔算太多，西多士亦唔會太厚，咬落去feel到有水準👍🏻 每張枱都有糖漿供應，想加幾多都得。但個人覺得唔加糖漿冇咁膩，啱啱好👌🏻 加完之後反而冚咗咖央醬嘅味。 (但係🐱都係掛住蘇媽蘇媽嘅咖央多士😅)------------------------------美味指數:🤤🤤🤤🤤抵食指數:💸💸💸💸環境質素:✨✨✨服務質素:👑👑👑(5分為滿分)------------------------------鍾意為食🐱既食評/想了解多啲為食🐱&為食🐷 日常會食啲咩，就快d follow 我哋啦!✨ 附上餐牌供參考…查看更多

維記豬潤麵喺深水埗區出晒名，多人幫襯多到就算有幾間分店都要排隊等位，認真利害！每一次嚟到，我都必定會叫豬潤麵同咖咉多士，風雨不改，總之喺呢間餐廳豬潤係必食嘅！豬潤公仔麵入面有勁多塊豬潤，豬潤切得薄薄地，煮得過熟左少少，冇咁滑同埋爽口，有啲鞋口。公仔麵都煮淋左，冇咁好食。不過湯底飲落去有好濃郁嘅豬潤味道，仲加咗唔少薑絲去煲嚟癖走腥味。我推介食咖咉多士！咖咉醬充滿椰香，甜而不膩，多士烘得剛好熱辣辣就塗上咖咉醬，正！如果想食啲啱啱熟嘅爽滑豬潤嘅朋友，嚟呢度可能會失望，不過懷緬一下，食返以前嘅港式味道都唔錯呀。…查看更多

維記咖啡粉麵 Wai Kee Noodle Cafe📍深水埗 Sham Shui Po.🍜 豬潤麵 $32: 豬潤非常足料 又唔老唔硬 用咗薑辟走啲腥味 湯底亦冇味精🥰.🥪 咖央西多士 $19: 咖央味唔會太甜 半煎炸過嘅西多沾上蛋液 煎得好香 仲可以加上少少糖漿😍…查看更多

這麼多年都是風雨不改，定期來吃，除了有很多不同回憶，豬潤麵沒有別家比它更好。身為女性，如果會食內臟朋友，真心可以選這店來吃，湯底沒味精，以薑豬潤煲成。名付其實豬潤水。最難得豬潤不會又老又硬。啖啖軟綿綿，最喜歡配通粉，可以飲湯同粉全清，加牛肉加太陽蛋也一流。這店已經有3個鋪位，可想而知幾多人來晚，而且很早收，賣完就收工，晚上有時已經收了。 店員可能惡惡地，因為客多，所以盡量選好就落單，不要問，只要信另外喜歡甜，可選擇咖央西多士，也是十分出名的我通常都喝支裝可樂汽水，會有杯，冰提供。 是一間有質素豬潤湯麵店…查看更多

上一次來光顧已是八年前的事，八年來我沒有忘記維記，每次路過這區都會想起這裡有一家以豬潤聞名的食店，但說記掛又談不上，純粹因為它的名聲大得我難以失憶。八年前吃潤牛米，這天特別想吃通粉來點小改變。份量具懾人效果，堆成小山丘的通粉多得出乎意料，不過自問向來食量多少自如，完全沒有難度。通粉口感偏軟，還好沒到煮過頭軟乎乎的地步，對於愛吃"硬物"的我來說未有感到嫌棄，但要是能多點嚼頭肯定更令人稱心。這碗通粉最大的致命傷是湯底，入口的確有被豬潤的鮮甜味道驚豔，但只限於入口一剎，接着已被咸味狠狠掩蓋，而且越吃越咸，後來都吃不出豬潤的鮮甜了:(豬潤能夠做到不苦，已見技高一籌，質感有軟有滑，雖然還談不上嫩，但的確沒多少食店(暫時記憶中只有肥姐)能做得比它好。要不是湯底太咸，我可是願意近期再來光顧，可是當下的咸度是近來都不想再體驗，要過一陣子才受得了😅牛肉渣如八年前，顯然經生粉處理過，但免卻不了難以咬開的情況，咀嚼的時候起渣子。豬潤麵情況大致與潤牛通相同，分別只在即食麵，口感太軟了，我寧可吃不算硬的通粉，也絕不吃即食麵，不過同行人喜歡吃軟麵，他表示口感對它胃口。後來同桌其他食客點豬潤爽麵，麵質看來硬很多，這吃法下次可以一試。加映西多是維記另一名物，沾滿蛋漿的麵包被煎香後呈現討喜的金黃色。加映是椰子果醬，我平常多接觸莓類果醬，比如草莓和藍莓，椰子口味則較少吃到，所以有一定程度新鮮感。加映甜度不低，但依然保留椰子的清香，甜甜的味道夾在散發着蛋香的麵包很難不好吃。對我來說，這道小吃咱一的瑕疵是西多不是以油泡方式炸出來，而是用相對較少的油把表面煎成金黃色，所以口感沒有油炸的堅挺，吃起來軟軟的，不太能滿足我愛吃硬的喜好。現在要找一杯不錯的港式奶茶超難，想不到這裡有小驚喜。首先，奶茶喝起來是用茶葉煮出來，沒有明顯的茶包痕跡，而且不苦澀。有些食店雖然用上茶葉，可惜茶味重到苦。其次，奶跟茶的比例適中，奶沒有多得把茶味蓋過，口感頗滑。我要求茶走少甜，喝到底還是有點過甜，要是煉奶份量控制準確，肯定更好喝。這杯離我印象中的上等奶茶仍有些距離，但是近年也說不出哪裡有做得比它好，所以這次光顧我最滿意的是奶茶。周六下午，沒到步前擔心着要排隊等候，幸好只是等了兩三分鐘，維記持有三個鋪位足以消化人龍。再且這條街另有其他有名食店，那些食店門前被人群塞爆，大概也有把食客瓜分的作用。食物價錢合理，平常在茶餐廳點一碗麵和一杯飲料也近乎五十元，豬潤算是較有特色食物，這裡人均五十多的消費是貼近市況了。這頓飯最過不去的地方真的是湯底太咸，雖然沒到吃不下，但足以毀掉豬潤的鮮甜，其他都是小問題或是可以解決的。要是下次光顧湯底依然這樣，我大概又要相隔八年才與它相見😅…查看更多

耐唔耐都會掛住維記嘅豬潤麵，每次去開深水埗都一定會食佢，別無他選個人最愛佢老薑湯底獨特嘅味道，咁耐以嚟都keep到水準。豬潤唔夠爽脆不過份量十足公仔麵底淋咗少少，但兩樣夾埋就係維記style，I love it另一樣必食嘅當然係介央多，香脆多士配上甜甜哋嘅介央，好滿足同行友人因為唔食豬潤所以叫咗個牛肉米粉，牛肉一樣份量十足有咬口，唔會乸到又滑又淋，米粉軟硬適中，雖然賣相唔係幾好，不過同豬潤麵一樣咁有水準建議避開繁忙時間去食，午餐最好兩點後先到就多數唔駛排隊喇…查看更多

深水埗區既美食遍佈街頭 係人都知曉 入圍美食店都好多 😏今次來呢度試下泥間專賣豬潤麵嘅鋪頭🧐行過呢邊 發覺人流唔多於是就入去試吓呢間🤪入到去發覺 裝修都幾靚 好有舊式嘅茶記既感覺🤩我叫咗呢D😎1分鐘就有嘅豬潤麵 😘睇得出無論係速度或者質素係真材實料😄豬潤勁新鮮 尤其係個湯底好有Feel 🤣一啲都唔似係味精湯😋仲有呢個西多士 佢唔係普通嘅西多士 🤥佢入邊嘅醬 真係同西多士好夾 勁好食😛🤤好脆 咬落又脆又Juicy 食過返尋味🤫依家無論服務質素定食物價錢都好滿意 希望下次可以再嚟試吓其他嘢🤤🤤🤤…查看更多

來到深水埗我每一次都會想起豬潤麵，因為我以光顧了很多年，很有感情的:)這間店在一條街裏有三間舖位，雖然每一次第一間舖都會有一條長龍，但因為店內有流轉快，所以等候時間並不會很長。當天是星期六，大概有六個人排隊，但不用5分鐘便可以有位店內沒有很多選擇，都是豬膶，牛肉，餐肉火腿腸雞蛋的配搭。老公點了豬潤麵，而我便點了豬膶餐肉米粉，點完餐不用5分鐘便會有得食！豬潤麵是招牌， 豬潤多到食極都好像吃不完，很抵食！最要讚的是湯底，濃濃的豬潤味，麵亦吸了豬潤湯的精華豬潤亦很爽口，沒有惺味我的豬潤餐肉米粉，點米粉是因為想比較健康，其實麵是比較好吃😋而餐肉純粹個人喜好，沒有什麼特別這間餐廳真是快靚正！久不久也會想吃阿…查看更多

從小到大都很喜歡吃豬雜，現在真係買少見少。維記豬潤麵一直保持人氣和味道，剛剛好熟、爽口縁脆的豬潤，真係無得輸！👍再配合香甜的咖央多士、嘆一杯茶味濃厚的奶茶，這就是傳統港味🍽👍…查看更多

星期六到深水埗買嘢，咁啱經過維記咖啡粉麵竟然冇人排隊，立即衝入去食返碗豬潤麵先！ 我好少到深水埗，聽朋友講維記咖啡粉麵經常都排長龍，心諗雖然店鋪裝修簡陋，但都吸引咁多客人一定有佢可取之處！咖央多士 ～ 多士面層佈滿又香又甜的咖央， 香港都比較少地方食到咖央多士，所以嚟到一定要試下！茶走～ 茶香奶濃，甜度適中，好好飲！豬潤麵 ～ 湯底有陣陣的豬潤香味配上老薑，熱辣辣好暖胃。 豬潤的生熟程度做得剛剛好， 不會太硬， 口感又爽又鮮軟。牛蛋麵 ～ 這一款的湯底都是一樣的好飲， 牛肉入口嫩滑， 第一次食已經愛上。小店出名是有原因的，湯底真材實料，豬潤和牛肉烹調的手法控制得剛剛好，價錢平民化， 第一次試過之後已經愛上了！下次經過深水埗我一定會再嚟啊！…查看更多

香港地嘅茶餐廳係旺區其實已經做到每條街口基本上都會有一間，點先可以突圍而出？其實好簡單、就係用心做好基本功。維記出哂名嘅豬潤牛麵已經做到街知巷聞出品十年如一日，記得第一次幫襯已經係15年前嘅事。。。～ 牛肉米先呷一啖湯，味帶鮮牛肉嘅清香味，加上用小小老薑再用大火滾起，熱辣辣飲完即刻由頭暖到落個胃，成個人醒哂，做早餐一流，其實好味嘅東西唔需要太花巧、簡簡單單足料用心做就可以了！牛肉入口嫩滑冇渣，好快就成碗連湯清哂！～ 豬潤麵呢個配搭又係好正，豬潤生熟度做到剛剛好，足見師傅嘅功力同火喉控制。豬潤薄切無渣、又係好快就成碗連湯清哂！～ 餐蛋麵係、嚟維記食餐蛋麵直係有小小無言嘅感覺、不過同行家人嘅個人選擇要尊重。。。支持小店！…查看更多

周末來了，很感謝友人揸車，先至有機會一嚐深水埗很有名的維記粉麵。從來出名的小店都係貴精唔貴多。店內既選擇不多，但足夠讓食客有得選擇。豬潤麵 $32我也很例牌地點了豬潤麵。麵一上枱，我立刻夾起來，就發現有海量豬潤，切得厚薄適中，而且一啲腥味好無。我最後仲飲曬啲湯，我講咗句: 我真係好鍾意飲味精湯。點知友人即補充指湯底係真材料實，無味精𠺢。點知仲以為間舖朋友有份。lol。另外可以再加其他鍵食材如午餐肉，太陽旦，腸仔等等。咖央西多  $19整多個咖央西多,麵包係厚身個種，咁先夠份量，咖央味濃濃的，但又唔太甜。麵包沾上蛋，外層煎到淡淡的金黄色，賣上已令人蠢蠢欲動。加埋杯凍奶茶 $15。 簡直大滿足！所有食物飲品全部都只能單點，無什麼套餐。但埋單都係66蚊。筆者平日係中環翻工，動接求其食個茶餐廳都要六七十蚊，相比起來，呢個午餐可謂丰得多。有機會下回要試下其他食品。…查看更多

星期日深水埗到處人頭湧湧，各間熱門食店都排長龍，好在維記有連續幾個舖位，而且佢的食物屬茶餐，食客流轉量快。豬潤特別的口感丶薑的香辣，溫習了久違的美味。總算無白行一趟。…查看更多