陳記燒鵝花園餐廳

秋高氣爽又到了行山的季節，行山終點就在深井，就跟朋友食埋晚飯才各自回家。難得黎到深井，當然要食燒鵝，陳記大名鼎鼎未食過都一定聽過，它在深井有兩間分店，今次我們光顧的是總店。雖然深井交通不算方便，但假日都坐滿人，而每一枱都必定會叫一碟燒鵝。菜式選擇超豐富，豬牛雞鵝海鮮蔬菜飯麵都有，價錢跟大排檔差不多，茗茶$5/位，非常經濟實惠。燒鵝下庄($165)燒鵝可點全隻、半隻、例牌或下庄，想食脾就一定要點下庄。鵝皮油得發亮，入口微脆，鵝肉不會過鞋，肥瘦適中，但一定要趁熱食，否則鵝油都凝固了。豉椒炒蜆($65)炒蜆夠鑊氣，豉椒味濃郁，用來餸飯一流，炒蜆沒有沙，亦不會殼多肉少。蒜蓉炒絲蒸蟶子皇($38/隻)蟶子夠厚肉都幾有睇頭，蟶子有嚼勁但不會過韌，蒜蓉味突出，粉絲都吸收了蒜蓉的香味。是日例湯($88)例湯款式每晚不同，是日為木瓜雪耳豬腱煲雞腳，例湯份量比想像中多，大約可分到八大碗，例湯煲得入味飲得出沒有味精。薑汁炒芥蘭($58)芥蘭脆口不過老，沒有苦澀味，薑汁味亦突出，如果薑味再重一點更好。開邊版配糯米飯($268)糯米飯用大蒸籠上，份量足夠四至六人享用。糯米軟糯不過腍，鹹鹹香香，上面都有幾多蝦，非常足料。番薯糖水埋單奉送番薯糖水，不是一人一碗，而是一大窩，番薯煲得夠腍，糖水甜度適中，因為太飽所以都只吃了一兩塊番薯。總結，除了燒鵝是必食外，其他菜式都同樣美味，價錢經濟實惠，黎開深井一定要食。…查看更多

深井這個地方，給我第一個印象就是食燒鵝！每當搭巴士由荃灣入屯門公路到深井，經過嘉頓麵包廠附近的轉彎位，會見到一隻疑似鴨又似鵝的立體鵝公仔！在兩個月前，男朋友約了我及他認識多年的教友一家四口連工人姐姐，我們一行7人 (5大2細)，走到深井他推介的 <陳記燒鵝花園餐廳> 食晚飯！這是自從我認識他以來，第一次在深井食飯！ 日後還有大把機會呢！他認為在深井好幾間燒鵝店，這間最合胃口！由於，今次人多，加上有 BB，男朋友提早約兩星期 book 枱，好衰唔衰！我們倆人先沿扶手電梯上一層，去到1樓的 <陳記燒鵝花園餐廳>，店方竟然不見有 booking！他即時咋型！肯定新店員的錯失吧！幸好！他是熟客，即時找到經理幫手，安排一張8人大枱給我們！😅😅 還可挽回服務分數！聽他說，這間坐得較為舒適，其他燒鵝店有室外用餐區，相對較熱！ 實而不華的裝潢，鏡上掛滿圖片，食客來到這裡，最實際還是著重其燒鵝質素！當晚菜式由他發辦兼請食飯，並買了兩支紅酒助興，他實在很客氣！大家把酒言歡！這裡不收開瓶費！金牌脆皮燒鵝 (例牌) $145份量十足！ 燒鵝皮油潤甘香豐腴，肉質嫩滑鮮美，做到皮脆肉嫩的水準！蘸上店方的秘製醬汁，正是精萃所在，燒鵝與醬汁是天衣無縫的絕配，缺一不可！豉油皇鵝腸 $98鵝腸是內臟，清洗及處理方面都要做得妥當，否則！便會有腥臭味！店方在這方面做得好！沒有令人作嘔的腥臭味之餘，豉油亦有效掩蓋腥臭味及提升口味！鵝腸爽口帶嚼勁！豉椒炒蜆 $65 香濃惹味帶辣！ 小朋友適合食，我們幾個大人秒殺清碟！伴飯一流呀！跟前者砵酒焗桶蠔同樣海產，用上不同的配料及調味料烹調，效果截然不同！各有特色及風味！椒鹽九肚魚 $88表面炸至金黃色、薄薄的炸漿，正好鎖住水份！保持多汁！ 魚肉帶晶瑩的九肚魚質慼獨特之處是魚肉滑潺潺！內裡的魚骨亦比其他魚骨軟身！椒絲腐乳炒通菜 $58腐乳滲入通菜，把通菜的整體味道提升之餘，油份滲入通菜，令其質感添光澤；食起來，不會嚡口及乾寡！恰到好處！:)砵酒美國桶蠔 $168以酒入饌的中西菜式已經見慣不怪，以紅酒及砵酒為例，兩者烹調牛食材，同樣出色！後者砵酒比紅酒更香醇，酒精濃度更高！相對地大隻鮮美砵酒經烹調後會爆發香味！惹人垂涎欲滴！亦有助僻腥提鮮！一舉兩得！混合清甜與爽口的洋蔥，跟蠔同食，別有一番滋味！生蠔本身貨色新鮮，大隻又鮮美！烹調後的砵酒汁，香濃卻不醉人！同時提升鮮美！整餐飯盛惠 $900左右，如果不計兩位小朋友，平均消費 $180！價錢合理呀！食飽飯，順便看看深井的醉人夜景！…查看更多

突然想食深井燒鵝，所以就落左去深井。兩個人想點二人餐，但個餐有成半隻燒鵝，實食唔晒，所以決定散叫。豉椒炒蜆都幾大碟，不過D蜆就細粒左d，唔算太新鮮，但都炒得OK香。大家會唔會覺得出去食菜好ON居?豆豉鯪魚油麥菜又煮幾好好食我同男友都話好食!不過鯪魚就得好少，重好碎，豆豉就好多~主角燒鵝，熱辣辣~點左例牌size要脾位個part的。燒鵝真係好香好好味，不過燒鵝又真係好肥，一路食，一路想係咀邊漏油當然重點左2碗靚仔啦~靚仔就唔洗上鏡喇XD最後，估佢唔到有糖水送wo! 又幾好飲~…查看更多