火狐爐端燒

今日去試朋友介紹既居酒屋🍶聽佢講呢到有多嘢都好好食 但由於2個女人仔 真係食唔到太多 就揀幾樣自己想試既豆腐唐揚真係好好食 本身就已經鐘意食豆腐 佢整到岀面脆卜卜入面又滑 再配埋個汁 真係好好食 差啲想叫encore🤤雞翼我哋一人一串 開邊真係幾方便食 夠juicy 讚👍🏻本身以為燒蒜頭會好辣 但佢唔辣不得止 蒜香味仲好勁添🧄朋友叫左2隻雞皮蝦 佢係鐘意食雞皮同蝦 估唔到有嘢可以滿足佢2個願望😂蝦肉彈牙 雞皮又脆 夾埋一齊真係好好食🍤之前食過一間燒秋葵 難食到我有陰影 但朋友推介話一定要試 好啦 我就試吓啦🙈點之佢好好食 可能因為佢用蟹味噌加左味 同埋佢冇燒到好乾 所以我覺得有加分👍🏻油甘魚鮫🐟係朋友去居酒屋必叫 呢度呢個一上枱 佢就雙眼發光 食落口皮脆肉嫩 配埋個酸汁又開胃 正👍🏻最後叫左個蟹膏海鮮炒飯🦀 黎到已經聞到好香 粒粒分明 每粒都裹上蟹膏 真係一啖接一啖停唔到口食完個飯我同朋友都飽啦 仲有其他嘢想試但實在食唔落😂所以決定下次再嚟過 試埋其他想食既嘢🤤…查看更多

話說今日要同2位好兄弟補食生日飯，見到呢間火狐爐端燒咁多好評，價錢又唔算貴就試下呢間小店啦，小店鋪面唔大，數埋得7張枱，其中1張仲要係2人枱，但環境乾淨企理，店內都貼左好多日劇海報同播日本流行曲，環境唔錯。食物方面小店主打串燒等熟食為主，無壽司刺身果類食的，所以想食刺身既朋友就要留意下啦，都有酒飲的，我估係咁所以店名唔叫自己居酒屋叫爐端燒就咁解。黑豚腩肉串，比較普通的豬腩肉串燒，正常水準。豚肉荔枝，好多居酒屋做串燒都有既菜式，豬腩片包住荔枝食落有荔枝既香甜，不過呢度既腩肉燒得比較乾同有d硬，略扣左少少分。汁燒帆立貝，燒得比較乾同有d韌，麻麻地。喜之次一夜干，去居酒屋就一定要點既燒魚，外皮燒得好香脆，入面d肉又唔會燒得好乾，價錢都係$118係比較細條少少。免治雞肉棒，呢味又係食居酒屋必點既串燒，雞肉入面帶有軟骨，呢間既雞肉棒可以話係我食過幾間之中口感最豐富既，不繼咬到雞軟骨果種脆卜卜既口感，調味都好夠，十分推薦。燒大蔥雞肉串，呢味又係食串燒必點既，日本大蔥配雞肉再飲酒就係典型既日本食法，大蔥燒得好香仲爆汁，加埋雞肉真係缺一不可。鱈魚干，呢味送酒小食非常有趣，脆卜卜既口感帶有少少魚味，仲要熱的，香口得黎幾特別。燒豬大腸，呢味燒豬大腸有d失望，無特別調味純粹乾燒，比較乾同脆口，但有d濃，純粹靠d芥末醬去調味，麻麻地。鹽燒廣島蠔，食落感覺少少腥，但隻蠔係肥美既唔會好乾，不過唔知係咪真係新鮮蠔，上枱時蠔殼同蠔分開的，唔知係處理過還是擺落去啦，唔識分。鰻魚飯，食咁多串燒都要食返d主食，呢個鰻魚飯一般般，鰻魚都係急凍貨普通野，飯就略濕d，不過個飯都唔過100蚊價錢算合理啦。蟹膏海鮮炒飯，其實成個餐我最期待係呢個飯，不過略為有d失望，炒飯係炒得幾好既粒粒分明夠乾身，不過聞唔出同食唔出蟹膏既香味，飯既調味都比較淡，係配料幾足有3隻大蝦同有粒帆立貝同2粒仔魷魚，配料幾新鮮幾好食，係個飯蟹膏味唔夠香。食完成餐飯有d後感同總結，食物質素同環境加服務係唔錯既屬中上水平，不過呢餐飯足足食左3個鐘，原因不是我地想坐得耐，而係出餐速度實在太慢，樓面得1位侍應妹妹做野，落單上菜傳菜執枱埋單一腳踢，態度都無話好差算係幾唔錯，所以我地明知慢都無乜吹過單，都懷疑廚房係咪得1位廚師做野，又燒又炒又煮做唔黎，話說我個蟹膏炒飯係中途落單的，大約8點前，等到去差唔多9點都未黎其實想走，先問個侍應妹妹話如果未整就取消啦，點知佢話炒緊，都真係5分鐘左右就到左，都等左成粒鐘，雖則話慢功出細火要保持質素，但太慢有時都真係等到無晒食慾，呢方面係我覺得店家要留意既地方，除左呢點其實整體上都好滿意既。…查看更多

居酒屋永遠都係放o左工飲兩杯撐下檯腳r 下水吹o既熱門之一，呢間爐端燒位於荃灣千色入少少，細細o既一間，設計簡約，帶點水泥粗獷o既感覺，附以一d 日本電影同埋清酒o既招紙作為佈置。爐端燒主要都係食串燒或者一d 煎炸類料理，先寫個豆腐唐揚($30 未加一)，亦即係日式炸豆腐。蘸上粉漿後拎去炸，外層少少薄脆，裡面非常之軟滑。加上少許蘿蔔蓉同紅椒絲伴碟，浸o係熱熱o既醬油入面，鹹鹹地，佐酒就最一流。牛舌($40) 一串只有三片，感覺高級，以黑椒同蒜粒調味，咬落去肉質爽口。雞翼($25) 相信加o左岩鹽去燒，充滿鹹香，亦可擠d 檸檬汁上去，酸酸地更教人口水直流～汁燒墨魚咀($32) 係店方o係黑板上列明o既是日推介之一，口感煙韌，連埋燒汁，眨下眼就俾人清晒。大啡菇芝士燒($38) 係朋友指定話要叫，賣相好吸引，上面一大pat 半溶芝士燒到燶燶地，侍應上檯o個陣特登叫我地趁熱快d 食。由上面切落去，芝士o既綿滑瞬間伸延到下層juicy o既肉菇之中，一齊食十分味美！另外我地都嗌o左一個飯，呢個蟹膏海鮮炒飯($108) 富有鑊氣，係炒香蝦殼o個類香氣。三隻蝦新鮮肉質結實，個飯連同蟹膏去炒，味道帶鹹而惹味。同埋佢份量剛好，唔會話好似中式o個d 一大碟食死人，俾大家多d 空間，試多一兩款串燒或者飲多一兩杯。…查看更多

朋友一直介紹荃灣有一間唔錯ga小店，十足十好似日本D居酒屋咁，今日難得經過荃灣，一於就去試吓🤤🤤🤤去居酒屋當然唔少得串燒喇🤨餐牌上，串燒款式唔算有好多，所以一定要留意牆上面ga “今日精選”喇‼️‼️👆🏻忌廉薯餅😍正呀‼️👆🏻五花腩、牛舌、白鱔丶雞軟骨黃金燒👆🏻廣島蠔芝士燒所有野都係即叫即整，材料新鮮，最特別ga一定係個串雞軟骨黃金燒🙈雞軟骨上面有啖啖ga咸蛋味，又估佢唔到，原來佢哋係甘march ga wow🙈當然都可以少得我最愛ga白鱔同牛舌喇，燒得岩岩好，食落重好軟熟同好juicy🤤👆🏻蟹膏海鮮炒飯一上枱ga時候，已經比佢啖啖ga蟹膏味吸引，完全色香味俱全👍🏻👍🏻👍🏻強烈推介最後加埋e杯檸檬梳打，成餐飯就變得完滿🤤總括黎講，所有食物都令我非常滿意，加上侍應哥哥友善ga服務，值得推介👍🏻👍🏻👍🏻…查看更多

當小妹在荃灣區辛勞了一天，想出外食得舒服一點的時候，就經過四坡坊這一間好像新開了一陣子的【火狐路端燒】，放工後不應是怱怱忙忙的！應與好友或家人聚一聚，談談天，說說地！呢個說法套落用於日本菜也不錯吧。門面夠日式風格。進入店時右邊是水吧位。內裡都是偏日式風格，但係不算打正旗號全日系的，裝修以簡約為主，牆身是水泥牆般...空間細小但係可以感覺上暫時抽離在外邊世界既煩惱，慢慢食適當地調節一下心情。餐牌在牆上都睇到D招牌同餐廳推介，打開Menu，日系Design，如果有埋圖片會更好呢。由朋友發板。爐端燒方面點了幾樣野食。👉🏻豆腐唐揚 $30先到的是...豆腐唐揚，極少食呢樣野，豆腐搭配生蘿蔔泥和柴魚醬汁，清新爽口。簡單又好吃的日式炸豆腐。內裡係都估唔到係咁滑口，控製得好好。👉🏻大啡菇芝士燒 $38見到好多人都有叫，所以跟跟風，果然慢工出細貨，賣相已經很吸引，芝士燒得剛好。切落去個陣，好JUicy，D汁已經流緊出黎，但一口食落去會覺得大啡菇鎖到水分，好豐富，啖啖菇味同芝味係口。燒溶左既芝士真係好好食。👉🏻汁燒墨魚咀 $32朋友見到就即刻點了，都係居酒屋嘅主打食品，此咀並非常見乾身得個「脆」字那種，而是爽而軟身，墨魚味很鮮很濃。 每人叫多一串 我選雞翼佢選牛舌👉🏻雞翼 $25雞翼驚喜度 100 分！！！！一開為二既雞翼，顯得細心，花心思嘅表現。雞翼表皮都燒到金黃色，外皮燒得又香又脆，但雞肉仍然保持到雞翼應有既嫩滑，即叫即燒，火候掌控得好好，食得出絕對係即叫即燒。無論如何都係很花心思嘅表現。👉🏻牛舌 $40怎樣做才好吃我們都知道牛舌的美味無法代替，牛舌就用簡單嘅鹽及黑椒帶出牛舌嘅香味，又是剛剛好，沒有過老。夠厚，口感好，爽口有嚼強卻不韌 。👉🏻蟹膏海鮮炒飯 $108最後都決定點了，蟹膏海鮮炒飯！「海鮮炒飯」你心中幻想的畫面會是怎麼樣的呢？我沒有期望太多，落枱時店員提及係用日本白米。炒飯最緊要炒得夠乾身，呢度候得到，炒得很香而且二人份量，剛剛好！飽到不禁吃了好多口。當中份面蟹膏味不是太出，但都好好食，蝦件份量都算多，YummyYummy！【火狐路端燒】比到得✈🇯🇵去咗日本旅行嘅感覺，因為食物細心夠認真，隱隱世世，又舒服。成晚我地每款只叫一串，但餐廳都好有心思分開碟上，Service何期重要呢？果然每次「期望越小．驚喜愈大」…查看更多

是晚為結婚周年補足，嚟咗荃灣一間小店食爐端燒，裝修簡潔帶點和風味，牆上寫着各款美食選擇，店裏播放着日本音樂。喝着茶等待前菜送上，先有一份胡麻秋葵，秋葵上放有一些木魚絲加上胡麻汁，味道不錯。豆腐唐揚好好味，表面炸得脆脆但裏面仍保持豆腐的軟滑，加上醬汁好味，十分欣賞。還有燒茄子，一碟有三件，茄子夠腍身，還附上蘿蔔蓉，都是開胃之選。另外一串黑豚五花豚有4-5片，醃得相當入味，帶點蒜鹽在上面，加上檸檬汁，感覺並不肥膩，而且香口好味。一串雞翼由兩隻開邊變4份，燒得香口而且入味，正！雞軟骨黃金燒也很不錯，用了「黃金蝦」的做法，外面滿佈鹹蛋黃碎，雞軟骨脆卜卜很有咬感，都值得推介。番薯條伴雪糕相當吸引，雖然番薯條不算炸得很趣，但甜味十足，加上雪糕更滋味。鹽燒油甘魚鮫，估不到有這麼多魚肉好吃，魚肉本身有味道，再點附屬嘅燒汁更加提升一層，還可以加檸檬汁和蘿蔔蓉一起吃，好味。蟹膏海鮮炒飯有蝦、帶子、魷魚、蛋碎及蔥花，炒飯帶點濕氣，味道還可以。…查看更多

荃灣多餐廳係人都知,但荃灣多得黎唔會全部都係大型連鎖集團既餐廳,仍然有好多小店坐立.今日行過千色附近走入小巷內發現一間幾吸晴既爐端燒就入去試下.雖然係平日但晚市一樣爆滿外面仲等緊位,幸好等左大概幾分鐘就有位.唔洗諗當然係點爐端燒,牛舌係我每次必點之選.牛舌厚度唔會太簿,燒得啱啱好無過火,咬落爽彈易咬開.上層灑滿椒鹽加上牛舌油香👍🏻雞翼好貼心分開做單邊雞翼咬落外皮香脆內裏唔會乾,入口個有油脂慢慢滲出.大啡菇芝士燒原個大啡菇拎去燒,上層加上一塊芝士,燒出黎芝士經燒過後帶少少焦香及微微溶化包住成個啡菇既面.啡菇仍然鎖住水份一切開就同芝士融和為一變成芝士汁.豆腐唐揚浸住係淡甜醬油汁內炸得金黃既豆腐外脆內軟.汁燒墨魚咀煙煙靭靭入口彈牙又唔會好實.蟹膏海鮮炒飯用左珍珠米口感更爽彈,飯炒得粒粒分明又唔會太乾身.食落蟹膏味唔會好腥帶少少辣.海鮮十分足料,蝦肉肉質唔會霉同無雪味,內裏仲有帶子同魷魚.…查看更多

今日突然想食下燒物就去了荃灣的火狐爐端燒環境幾適合幾個朋友吹水飲清酒聚會木製特色枱凳 四四方方 不過今日自己一個自己食。豆腐唐揚，全個豆腐都金香脆，浸住熱熱的湯汁，令豆腐唔會變凍，一道簡單又美味的前菜。雞軟骨黃金燒，有別於其他餐廳，店家既雞軟骨肉多骨少，真正咬唔到既硬位基本上係冇，係真正既雞軟骨。黃金燒就係鹹蛋黃，配上雞軟骨係非常match，好有咸香味。蟹膏海鮮炒飯，蟹膏味超出眾！有鮮味！海鮮有鮮魷同蝦。炒飯粒粒分明乾身，有水準！店家得一位侍應，一個人做曬，好快手，上菜同收碟超快，還會常常幫客人fill水，服務很好的。…查看更多

居酒屋🏮表示老闆多次到訪日本學藝， 誓將日本古法地道爐端燒帶入香港。👍🏻.位置開係一間荃灣好岀名既米線隔離，裝修都好有日本feel🤤座位就唔算多，得幾張枱，但我平日既8點去食都唔洗等位既🤣-1️⃣蟹膏海鮮炒飯$108［滿星］⭐️⭐️⭐️⭐️⭐️‼️依個飯好有驚喜😍好有香味，飯充滿蟹膏味，材料有蝦、帶子、魷魚，份量適中，而且唔油，好多時食炒油食到底會見到好多油係碟，佢只有小小油，依個質素黎講一啲都唔貴！🤤🤤/2️⃣大啡菇芝士燒$38⭐️⭐️⭐️⭐️大啡菇既size有一個拳頭👊🏻咁大🤣同有一塊燒過既芝士放左係上菇上面，咬落去菇仲會有水湧岀黎，同埋芝士會融埋一體😍成個層次升級💕/3️⃣雞翼$25⭐️⭐️⭐️⭐️望落去以為好乾，但原來唔係！一咬落去肉已經會同骨輕易分離，而且有黑椒味係到，味道唔會太單調👍🏻/4️⃣牛舌$40［滿星］⭐️⭐️⭐️⭐️⭐️‼️一向好怕食好硬既牛舌，但依個係爽口的😱加上調味料，令佢更好食，更有口感，真係會想再食多串😍/5️⃣豆腐唐揚$30⭐️⭐️⭐️我係一個唔中意食豆腐既人黎😂但依個豆腐食落都幾特別，豆腐上面有啲配料，而豆腐係炸過的，內層的豆腐仍然是滑到一夾就散，醬汁酸酸甜甜，幾得意🤣/6️⃣汁燒墨魚咀$32⭐️⭐️⭐️醬汁是燒汁的味道，墨魚咀新鮮爽口，可是沒有一種想再食的感覺，個人認為炸墨魚咀更好吃-環境：8/10服務：9/10好味指數：8/10回頭率：8/10…查看更多

講左好耐要同家姐去食日本野，終於有時間同佢去食啦！唔知係唔係平日既關係呢，一入去就有位啦，唔使等位。店舖四圍都有貼上日本電影海報，就連洗手間（おてあらい）都用日文字表示，睇得出好想營造出日本既感覺。先點了個小食同埋串燒先，我哋叫左唐揚豆腐，牛舌，燒汁墨魚咀，雞翼先。唐揚豆腐，新鮮炸出嚟，熱辣辣，要等多陣先食得。😅牛舌燒得剛剛好，好正呀！火喉、時間都控制得剛好。燒汁墨魚咀都好有咬口，不錯不錯！！雞翼好細心，單骨雞翼，方便進食！！大啡菇芝士燒一出嚟就好大陣香菇味，一切開就爆汁啦，好juice！最後，我哋加左個蟹膏海鮮炒飯。超多海鮮料，有大蝦、帶子、🦑 魷魚。個炒飯炒得好乾身，唔知係唔係用鐵板炒既呢？原本以為兩個人食唔哂，最後都食光光，滿足的一餐。…查看更多

昨天到荃灣逛街，途經四陂坊，看見火狐爐端燒，門面充滿日本風味，覺得幾吸引，決定進去試試！店舖不大，只有六張四人餐桌，加上一張二人餐桌，即二十六個座位，但感覺很舒適，燈光柔和，牆壁上貼上了不少日本漫畫主角「浪人劍客」的海報，店主可能是井上雄彥的粉絲吧！除了海報，牆上還有飛鏢靶，很有居酒屋感覺，令氣氛更加輕鬆。餐廳中央位置，放置了一個大電視，播放著電影，電視旁邊是手寫的餐牌，字體端正秀麗，整體環境很好，下班後跟朋友或同事相聚聊天最適合不過。主食，點了蟹膏海鮮炒飯$108，鑊氣十足， 蟹膏味道非常濃郁，蝦很大隻爽口，帶子魷魚，鮮味，加上葱粒點綴，炒飯更加惹味！爐端燒，不論是鳥、豚、牛或是荀菜，都很有原味，只是加上了少許鹽或黑椒，保留了食物原本的鮮味！雞翼$25，香味十足，外皮少燶，咬開裡面依然嫩滑，加上點滴檸檬汁，超級好味。黑豚五花腩 $28，牛舌$40，又香又惹味，五花腩肥滑而不膩，加上檸檬汁，可消解滑膩。大啡菇芝士燒$38，大啡菇鮮味多汁，很厚肉，配上芝士片，很juice，超正！忌廉薯餅 $30，忌廉味道超濃，外脆內軟，好味道。飲品方面，餐廳有售汽水、日本清酒、果酒、威士忌、雞尾酒及啤酒，配日式串燒，更加圓滿。…查看更多

就咁講荃灣陂坊，可能唔知喺邊度。其實荃灣4個陂坊(大/二/三/四)正正就係全區最旺嘅眾安街同沙咀道十字路口交界所𠝹開嘅4個內街區域。位於四陂坊嘅火狐爐端燒亦好易搵，喺千色匯二期一出，最受街坊喜愛超人氣米線店隔離就係。同日本爐端燒/居酒屋一樣，店外同舖內牆身都有店家嘅當日推介，部分美食係menu冇嘅。所以除咗睇手上本menu，記得都望吓載有重要訊息嘅牆啊。店舖裝修走日式居酒屋風格，牆上貼有多幅井上雄彥嘅浪客行宮本武藏海報，唔通老闆係fans！？忌廉薯餅一份2件。新鮮炸出唻外皮香脆，唔會太油，入面忌廉薯蓉幼滑唔鹹。牛舌根本上係爐端燒必點食品。最簡單唻分，近舌尖部份會相對有咬口，近舌根部份就淋啲(少少似午餐肉)。火狐提供嘅係前者，一串有4片。牛舌質量不錯，簡單用黑椒同鹹調味已經超好味，燒完熱辣辣但又唔會乾身，有咬口得唻又有肉汁，必食推介。黑豚五花腩，一樣一串有4片，燒過嘅五花腩保留到香味，肥膏部部燒完出咗油，感覺唔膩口，咬落亦唔會淋滋滋，好味。雞軟骨黃金燒。口痕必點雞軟骨，用咗大熱不衰嘅鹹蛋黃做醬，都唔錯。廣島蠔芝士燒，一份2隻。鮮甜嘅廣島蠔舖面鋪滿燒到略融嘅芝士，望見都治癒。火候控制得幾好，燒熟嘅蠔仲好juicy，夠新鮮唔會腥。蟹膏海鮮炒飯，蟹膏喺炒飯時應該撈勻咗喺啲飯度，聞到好香嘅蟹膏味，但topping就見唔到佢蹤影，海鮮有帶子，蝦同魷魚。炒飯粒粒分明，算乾身唔會好多油喺底，份量亦足夠。店員哥哥超級有禮貌，加茶又非常快手，抵讚！…查看更多

在荃灣行完街在附近覓食，發現在後巷有一間日本餐廳，店內只有十多個座位不是很大，主打吃日式串燒及小食，而且價錢大眾化。汁燒墨魚咀 - 日式醬汁跟墨魚咀十分配。牛舌 - 肉汁鮮嫩。雞翼 - 雞皮夠脆，還細心弄了單骨。大啡菇芝士燒 - 香濃燒芝士配合切開後的大意想不到很juicy，而且充滿菇汁，完全不會太乾，大讚！豆腐唐揚 - 外脆內滑，加上自製醬汁的精華，很有驚喜！蟹膏海鮮炒飯 - 海鮮豐富有蝦、帶子和魷魚，而且每一粒飯也充滿蟹膏的味道，很滿足。…查看更多

之前經過四陂坊都有留意到呢間日式餐廳 裝修和風幾別緻已經想試 今晚終於去左一嚐佢地既爐端燒啦🤩 入面座位唔多 建議想食既朋友記得book位😉前菜小食我地就先試左豆腐唐揚同忌廉薯餅 小食既賣相好精緻😍 越簡單既菜式要做得好先最難 炸豆腐睇落平平無其 但係炸到外脆內軟 點埋d醬汁一齊食真係好正🤤 而忌廉薯餅當然都係即炸啦 忌廉滿滿的 咬落好滿足👅爐端燒方面我地就叫左大啡菇芝士燒 牛舌 黑豚五花腩 同埋雞翼啦😆 大啡菇用刀切落去d汁已經流緊出來 燒到剛好仲勁juicy 配埋面頭燒溶左既芝士 好perfect 👍🏻 牛舌同五花腩都用上黑椒做調味 火候掌控得好好 唔會過老又好夠味😋 雞翼表皮都燒到金黃色 皮脆肉嫩 好食😛淨係食串燒始終唔夠既 所以我地叫多左個蟹膏海鮮炒飯食 超足料地入面有3隻大蝦 2隻帶子同2隻墨魚🦑 大蝦仲係非常彈牙 炒飯粒粒分別夠乾身 仲勁香蟹膏味 食到停唔到口🌟…查看更多

今日早左放工就約埋朋友去荃灣食好野😋上網search過火狐爐端燒既食評都非常唔錯，就決定去依間食lu😎雖然細細既一間舖頭，但坐得好舒服🙂野食都好好味添😎豆腐唐揚 $30外表香脆內裏滑嫩既豆腐浸係湯汁中，帶出豆腐既香味，又伴著湯汁既精華🤤大啡菇芝士燒 $38菇整得非常軟身入味，而且上面舖著燒過既芝士，每一口都係菇香同芝士混合既味道，依個係我至愛😍汁燒墨魚咀 $32墨魚咀好彈口，唔會燒得乾，剛剛好，讚👍雞翼 $25雞翼係普通既燒雞翼，香味一樣吸引😋牛舌 $40牛舌爽口又香，又係必叫之一😎蟹膏海鮮炒飯 $108炒飯好夠鑊氣，粒粒飯分明，伴有蝦，鮮魷等海鮮，正😋…查看更多