映水芙蓉 (海運大廈)

@furonghk.tst 𝙞𝙨 𝙤𝙣𝙚 𝙤𝙛 𝙩𝙝𝙚 𝙢𝙤𝙨𝙩 𝙨𝙥𝙚𝙘𝙩𝙖𝙘𝙪𝙡𝙖𝙧 𝙧𝙚𝙨𝙩𝙖𝙪𝙧𝙖𝙣𝙩𝙨 𝙩𝙤 𝙜𝙤 𝙩𝙤 𝙞𝙣 𝙝𝙤𝙣𝙜 𝙠𝙤𝙣𝙜, 𝙬𝙞𝙩𝙝 𝙩𝙝𝙚 𝙨𝙩𝙪𝙣𝙣𝙞𝙣𝙜 𝙫𝙞𝙘𝙩𝙤𝙧𝙞𝙖 𝙝𝙖𝙧𝙗𝙤𝙪𝙧 𝙫𝙞𝙚𝙬 𝙖𝙣𝙙 𝙖𝙢𝙖𝙯𝙞𝙣𝙜 𝙨𝙞𝙘𝙝𝙪𝙖𝙣 𝙛𝙤𝙤𝙙 𝙬𝙞𝙩𝙝 𝙖 𝙢𝙤𝙙𝙚𝙧𝙣 𝙩𝙬𝙞𝙨𝙩! 𝙖𝙡𝙡 𝙙𝙞𝙨𝙝𝙚𝙨 𝙖𝙧𝙚 𝙛𝙡𝙖𝙫𝙤𝙧𝙛𝙪𝙡 𝙮𝙚𝙩 𝙣𝙤𝙩 𝙤𝙫𝙚𝙧𝙡𝙮 𝙨𝙥𝙞𝙘𝙮 & 𝙩𝙝𝙚 𝙗𝙤𝙣 𝙗𝙤𝙣 𝙘𝙝𝙞𝙘𝙠𝙚𝙣 𝙞𝙨 𝙙𝙚𝙛𝙞𝙣𝙞𝙩𝙚𝙡𝙮 𝙤𝙣𝙚 𝙤𝙛 𝙩𝙝𝙚 𝙝𝙞𝙜𝙝𝙡𝙞𝙜𝙝𝙩𝙨!.二訪映水芙蓉，除咗嚟食摩登川菜都係食個環境，空間感大之餘仲有落地玻璃望住維港，必叫嘅有敲糖棒棒雞，雞絲拌上自家製醬料同青瓜絲，上面喺脆糖包住辣椒油，撈埋脆糖粒辣得啱啱好而且好入味，必叫！另外螞蟻上樹炒得好乾身唔會過油，調味適中～ 其餘食物大致上都唔差，不過整體偏甜，可能係就返大部分香港人對辣度嘅接受程度，但環境真係一百分✨…查看更多

今年朋友揀咗喱間為我慶生，環境一流，食物就真係要試試黎之前知道這間係食成都菜，即係辣辣辣啦，可惜朋友唔太食得辣，唯有盡量遷就啦。今晚3個人進餐，但又咩都想試，咁就選擇少量多款先講welcome drink 係一杯有tequila嘅芒果汁,一啖一杯，飲落酒味加芒果味小食係每位一粒去皮番茄🍅仔，甜甜的（由於上載相片有限，所以分享唔到）飲品我哋就叫左杯椰子tequila同estella 啤，我杯椰子特飲賣相好靚同埋都係好飲嘅食物就有以下一埋雞絲冷麵（位）-微麻，帶點烤蒜粒，只得兩、三啖，普通花椒腊肉飯（位）-用葉包著啲腊肉飯，有少量腊肉粒，飯比較淡，普通武隆烤腦花（位）-好似一碗辣油加上芝麻，豬腦就被辣油覆蓋住，食落就似豆腐花，好滑，同行者話串串香-兩瓶串串，一辣一唔辣，每邊大約各10串掛串上應有牛柏葉、木耳、西芹、冬瓜、無骨鳳爪、…….我大致上食到這些啦，每串只得一少片，細到根本唔肯定自己食緊什麼蔥油餅-沒有蔥嘅餅，普通到唔普通敲糖捧捧雞-係特色嘅，麥芽糖入面包住辣油，職員會先問你影唔影相，之後再幫你敲碎麥芽糖將辣油攪在雞絲上，微麻，少辣，雞絲唔嚡干巴豬面肉-賣相一般，整碟只見到勁多嘅辣椒乾和黑蚊蚊、乾爭爭嘅豬面肉，食落豬面肉真係好乾，唔知是否這才是真正的「干巴豬面肉」呢？如果係就真的麻麻螞蟻上樹-就是炒粉絲，唔特出，但唔差，不過不失囉蝦膏泡瀘沽湖紅米飯（位）-職員一樣問要影相📸️嗎？之後就拿著一葫蝦膏湯加入飯中，已聞到好香蝦膏味，職員叫我們靜待湯變到啡色就可進食辣油牛肉麵（位）-似辣油加上清湯嘅麵，牛肉有6-7粒，林而不韌紅糖糍粑-可能我地掛住影相，放耐左，糍粑有點實，似糯米飯差成團，唔係好食，但因特別做型已令這甜品加左分暖最後還每位送上一粒泡芙 ，三粒唔同味，焦糖、芒果同開心果，我就食左芒果味，佢地嘅泡芙又幾好味喎！點解佢地送嘅嘢，餐前小食，welcome drink 同餐後甜品比自己叫嘅食物好食咁多嘅…查看更多

第一次寫食評，決定寫俾呢間Bookmark咗好耐，決定母親節帶屋企人嚟食一早預訂table by the window，一覽維港景色，心曠神怡。1. 敲糖棒棒雞 4.8/5成餐不斷食嘅就係呢道菜，辣得啱啱好而且非常入味，雞肉好嫰，難怪咁多人都推薦！2. 椒麻南非鮮鮑 4/5新鮮，爽口，作為前菜一流3. 螞蟻上樹 4.5/5我真係十分喜愛螞蟻上樹呢道菜式，由細到大都好喜歡。呢間餐廳整出嚟嘅效果無令我失望4. 花椒桂花魚 4.2/5其實味道係好的，不過平時唔食辣嘅慎點，好辣不過魚肉好滑溜，都好索到湯嘅味道5. 大刀回鍋肉 3.3/5呢份係屋企人嗌的，對於好驚食油膩嘢嘅我，都覺得呢道菜可以接受。廚師將啲豬肉處理得好乾身，我反而比較鍾意，如果較重口味嘅可以考慮其他菜式。因為味道上唔會話好突出，相比其他菜式。6. 紅糖糍粑 5.1/5俾爆分，係因為誠意，嗰標語係臨時希望加上的，因為母親節廚房都好忙，但都咁有心機，隻愛心手好可愛！媽媽見到都好開心味道也不俗，因為誠意所以忽略咗性價比，如果注重性價比嘅人可以選擇其他甜品嘗試。其實唔止呢幾樣，不過我掛住食，無全部影曬7. 蔥油餅 3.7/5做法同出面唔同，唔會見到成塊餅都係蔥，好脆，味道唔錯8. 油雞樅拌帶子 4.2/5帶子都係好新鮮，而且調配嘅味道啱啱好，唔會蓋過帶子的鮮味9.重慶牛肉小麵 4/5好開胃嘅主食，雖然淨係試咗一兩啖麵同埋一塊牛肉，但係麵唔會淋，肉都鬆化入味，唔錯。整體而言，食物係有保證的，對得住靚景最值得稱讚嘅係佢哋嘅服務，非常細心，例如：1. 見到茶杯唔滿會即刻refill2. 就算嗰碟得一個鮑魚殼，都會即刻幫你換走，俾人有良好嘅觀感3. 即使係唔小心整到一滴汁喺枱，都會好快留意到並抹走4. 積極安排客人嘅需求5. 即使母親節，用餐時間緊迫，交代早啲落單嘅態度都十分有禮，有啲就算高級餐廳，都會俾態度差嘅侍應造成用餐嘅不快。就係咁多，希望可以一直保持水平，呢間餐廳一定會再去的。因為母親節食得比較趕，下一次要慢慢享受。…查看更多

首先講一講環境氣氛一流落地大玻璃見到維港景色三五知己聚一聚環境唔錯而且店員嘅服務態度十分好每一次上菜嘅時候都會介紹餸菜名稱咁樣就唔會唔知自己食咗啲乜嘢特別推介佢嘅敲糖棒棒雞同埋花椒桂花魚味道相當唔錯，一試回味特別要提一提我哋買咗蛋糕慶祝生日亦都叫咗個紅糖糍粑做甜品點知店員好細心咁樣係個紅糖糍粑嘅甜品上面寫咗祝福嘅字句連埋個蛋糕一齊上令人覺得窩心，感謝店員嘅小驚喜另外仲有一個小甜品送整體來講菜式味道都唔錯，環境服務都唔錯價錢跟服務態度菜式味道成正比不妨一試如果真係想睇夜景不妨預先book位預訂窗邊位置…查看更多

一行三人到店晚餐，因疫情關係不是太多人，桌上有酒精清毒，限時1:30小時食飯，如不吃辣的朋友建議不要試這間敲糖棒棒雞值得推介超好吃，上菜後會有專人服務撈好，糖內的是辣油，配上雞用有畫龍點晶的效果，而且賣相相當精緻螞蟻上樹這個是微辣，不過炒得很乾身，調味個人感覺做得不錯，比外間的優勝，但如有其他主菜想點的話可選擇不點這個口味豬蹄這道菜把豬蹄切成小塊，容易入口，而且豬蹄好焾，入口膠質非常豐富，汁都調配得非常好，如喜愛吃豬蹄的可以一試香芒山葵炸蝦必點！炸蝦外脆内軟配上香芒加山葵醬，剛好可能解油炸的膩，有少少小清新的感覺，如一點點山葵都不能吃的人就不建議點這道菜沖沖卷因啊媽不能吃辣的關係，店員推介這款料理蟹柳配蔬菜卷，味道清淡及食材新鮮，剛好可以解辣及油膩，但如果不是一點辣都不能接受的，這道菜可不點核桃沙律釀小蕃茄這道都是店員推介完全不辣的料理，個人強烈推介！核桃配小蕃茄我是第一次嘗試，沒想到如此夾！小蕃茄一點都不酸，沙律醬的味道又沒有遮蓋核桃及蕃茄本身的味道！超級清新又解辣，以前菜來說好醒胃！甜品 紅糖滋巴店員推介，個人覺得沒什麼特別，可能我不太喜歡吃糯米糍關係注意⚠️如各位是坐近門口的位置，走前記得行去入面的位置欣賞維港的美景，來回去洗手間就可以見到了，客人不多，侍應生換碟速度神快，基本上吃2舊豬蹄就會換一次碟了，而且叫店員推介菜式態度十分良好，希望下次再光顧服務依舊…查看更多

去OTE食飯其中一個原因係有靚海景餐廳又靚好耐冇食過水煮魚就揀咗「映水芙蓉」佢唔係煮到好辣嘅成都菜我唔記得叫‘ 敲糖棒棒雞’ 😅先飲返杯Coconut Martini 欣賞一下百看不厭既維港夜景就開始食靚飯刴椒係我所愛牛舌又係我所愛已經係全餐最辣嘅餸🤣香、辣開胃前菜主菜黎喇上枱時真係仍然沸騰湄公🐟我係第一次食滑 滑 滑冇桂花魚咁易散食魚時香食芽菜時辣食過最唔辣嘅螞蟻上樹🤣粉絲炒得偏乾煲底嗰啲乾到硬清炒百合秋葵辣中一點甜…查看更多

上星期食既，因為妹子回來，所以未有時間寫XD個日，我地去左海港城，想去六公館但book唔切，去到就是旦入一間有位既 - 映水芙蓉不過我想話... 去到個邊好鬼熱，諗住入到餐廳會好尐，結果都係好熱! 佢話無得較，但唔知點解食完，吹完水，就俾錢個時就feel到有涼風...棒棒雞 $188侍應好貼心咁問我地要唔要相機食先, 因為之後佢會整爛個汁，撈混佢其實都真係幾好食，甜甜辣辣咁，不過食到最後就好油，但係香既個隻糖醋白菜 $88叫呢個係因為想像唔到佢咩味，所以要叫黎試，結果係幾好食，但都係辣既! 但又好得意，佢個埋“辣椒”反而係唔辣既，最後我地係清碟，只係剩低少量既汁螞蟻上樹 $148我既至愛，但相對地，我覺得佢比較普通，但係好香，可能係因為石鍋/砵仔上，呢個係同一段食到既好唔同大涼山野菌麵 $48由於我個日好肚餓，所以我要求點個麵，但睇個價錢就知應該得兩啖，但因為未黎齊，就打算唔夠再算呢個個湯底清得黎好香野菌味，而且個麵質幾彈牙，都值得叫啦！山水墨魚餃 $138呢個餃好彈牙，個皮好薄，加埋個牛肉辣醬一流!櫻花蝦素湯蕃薯苗 $138呢個就比較普通，而且我覺得個pet芡汁好核突，撇除呢樣就好正常囉～ 但都好食既XD前菜 - 配海蜇蘿蔔呢個個醃味岩岩好，酸酸甜甜，都幾開胃另外朋友仲有野飲，但唔記得左影，不過唔知係咪太熱既關係，佢地都覺得好好飲XD朋友對我好好，因為我無叫野飲(其實我只係因為想飲茶XD)減左野飲錢，我只係俾左二百幾，我覺得我抵食XD…查看更多

之前寫咗一篇冇批到出嚟而家補寫返第二篇因為真係比較好味，服務比較好，所以值得幫佢寫多次是日係幫女友慶祝生日，試過好多唔同嘅菜式但係川菜真係未正式搵間試過，於是就揀咗呢間「映水芙蓉」1.千絲西葫蘆，擺碟已經好靚，店員好細心咁幫我地撈個汁同分返開一條條，好精美2.敲糖棒棒雞，賣相已經不得了，用麥芽糖黎豐富辣汁嘅層次感，味道非常好3.蒜泥白肉，汁料同豬五花嘅絕對，濃郁而不厭，絕對係必食推薦4.酸菜湄公魚，可能未食個太二酸菜魚嘅朋友會覺得呢味餸都好正，但好可惜我哋兩個都食個太二酸菜魚所以就覺得呢味餸就麻麻哋啦5.螞蟻上樹，唐宮小聚嗰個版本就好食好多，炒到啲粉絲一條條咁又彈牙又入味，呢度啲粉絲可能師傅問題炒到黐埋一舊真係爭左少少整體來講都係一個非常好嘅體驗，無敵嘅維港景觀、殷勤嘅服務、精美嘅食物，加上自家製嘅送嘅免費朱古力——玉桂蘋果、白酒，特別得黎又有誠意，值得一試嘅餐廳…查看更多

同閨蜜傾下計又或者係初次約會好地方👍🏻齋睇相都覺得好靚、靚到都唔捨得食😋😋雖然室內full booking 但室外情調一流，從未試過咁精緻嘅中餐廳（當然消費也不平），就係因為Happy Friday 所以要坐在室外，室外仲可以近距離觀賞海景！又好彩今晚冇落雨又唔熱，仲有微微生風感覺舒服😌唯一要求是上菜的速度快了一點，d餸比較快凍左先來 welcome drinks 🍹 前菜：敲糖棒棒🐔，主菜：蔬菜、蝦、豬肉，甜品：紅糖糍粑及朱古力！響美麗的地方吃一餐飯實在令人感動，還有配合一點點細細聲播放音樂歌曲也陶醉,so Fantasy…查看更多

位於海港城海運大廈的映水芙蓉，是間能夠飽覽270度維港無敵大海景的餐廳。由於用餐座享其優越位置，把品味成都菜的格局又調高了一整個層次。雖然訂不了鄰近窗邊的海景座位，只安排了窗邊第二排的位置，但仍是可以一邊品嚐美酒佳釀，一邊感受千變萬化的維港壯麗景色。 茗茶是茉莉花茶，淡淡的綠茶味，卻依舊保留茉莉花的茶香，感覺清新。茶芥每位承惠$38，連小菜。餐前開胃小菜是糖醋蘿蔔絲海蜇，眼看還以為是子薑，放進口中卻有給這個配搭驚豔琴，酸酸甜甜，十分開胃，配以爽口的海蜇，令大家一口再接一口！最新奇的是主打成都菜的餐廳，竟提供 Welcome Cocktails，而我們這次品嚐的是 Lychee Martini，以 Vodka做基調，再以Lychee Syrup調配而成，如果是火熱星期五，應該已和朋友多開一支紅酒暢飲一番。 由於點菜前，我們都預先做好功課，清楚了解哪款菜色是必點，唯一不確定的是份量，以及我們的腸胃能否應付得到傳統成都菜口味，最後保守地三人點了六項菜。 【敲糖棒棒雞 $188】 這個已經成為映水芙蓉的招牌菜了！眼看每一桌都有在吃，頂上丟是麥芽糖包裹著香辣的辣油，很可愛的侍應都會先等大家拍照完畢，再幫我們把麥芽糖、辣油及雞件拌混，手勢非常專業。而這道菜確實是不可不點的，它滿足了對辣的要求，雖說有一大匙辣油，加上熱力迫融的麥芽糖，會帶著一絲絲的甜，非常惹味！ 【沸騰湄公魚 $288】 酸菜或沸騰？湄公魚或黑魚？如果嗜辣者，請選擇沸騰；如果愛吃滑溜的魚肉，請選擇湄公魚。同桌一致認為較遜色的一道菜，四川菜最引以為傲的麻辣消失了，要麻不麻，要辣不辣。若將這道菜對比內地著名的太二酸菜魚，人家的麻辣比它更出色。不愛重口味的人可以一試，而且更可以清楚吃得出其魚香。 【螞蟻上樹 $138】 又一道傳統四川菜，淋上用豆瓣醬炒過的豬肉碎配以Q彈的粉絲，就能達到這道茶應有丟「鹹、香、辣」。以鍋上菜可以保留餸菜的溫度是個非常明智的決定，而且粉絲炒得乾身，很有鍋氣，蠻好吃的！但這只能滿足香，缺少了鹹和辣，只能說是肉碎炒粉絲。 【雞絲冷麵 $138】 第二道帶澱粉質的菜色，跟敲糖棒棒雞一樣，在旁的侍應都會幫忙撈均勻。看起來是三坨麵，但拌起來也是挺有份量的，沒澱粉質不歡的人，可以點這個試試。 【櫻花蝦米湯蕃薯苗 $148】 淡淡的蕃薯苗是沒有什麼味道，反而櫻花蝦則能襯托出其鮮味，要注意這是必須得趁熱吃的一道菜，不然濃郁的米湯就會變稠稠的～ 【紅糖糍粑 $118】 軟糯Q彈的東西一直都愛吃！而紅糖糍粑這個四川的經典小吃，在炸過的糯米外灑上藜麥及紅糖，既香甜軟糯，外脆內軟，卻又甜而不膩，非常愛吃！ 【奉送 朱古力三顆】 白酒朱古力 - 朋友說巧克力有帶著一小口淡淡的白酒，挺好吃。 紅茶朱古力 - 真的有淡淡的茶味，但還是朱古力味較重。 蘋果肉桂朱古力 - 香濃的巧克力下，中間有幾小顆蘋果粒，質地就像是蘋果批內的蘋果粒(沒有肉桂味版本)，蠻特別。 特別想稱讚一下映水的服務，侍應有時會主動幫大家斟茶，而且非常有禮貌，親切之餘又不會令人感覺有負擔，希望他們能夠繼嫌保持下去，畢竟服務業真的不容易！…查看更多

 相約媽媽食晚餐. .一定係揀中菜 XD 因為佢最鐘情中菜啊~~ 朋友介紹位於海港城海旁位既優雅川菜餐廳 – 映水芙蓉 🏙 今晚果然無令我地失望.. 仲令我地好enjoy呢 !! : ) 初頭都驚川菜未必岩口味.. 因為平時食開既都係較大眾化既粵菜 加上我地兩個都唔係食得辣之人.. 更加驚會無啖好食😓 但呢度菜式選擇好多好廣… 當中真係有唔少辣菜式, 但唔辣/微辣既選擇都唔少 加上咁樣黎食下個新鮮感真係好大, 見識到好多其他中菜廳唔會見到既款式 !!🤩 餐廳係正客運碼頭旁🚢 飽覽維港海景 .. 以前揀餐廳唔會理環境氣氛.. 但人大左先體會到用餐環境既重要性👆🏻 係呢度望住個大海景, 加上我地~6:30pm已入座.. 望住個天慢慢由淺藍變黑, 實在覺得心情舒暢😌 座位同座位間既距離好足夠, 枱面亦都夠大好闊落, 成個裝修充滿簡約古典美 而員工既服務係一流… 佢地主動加茶既程度 應該係我成世食過餐廳入面最高分既一間😆 加上面帶笑容, 要叫人幫手時基本上1-2秒內已即刻有人會過黎幫你, 非常抵讚 ! 未叫野食前, 員工先俸上餐前酒, 前菜同茶品.. 今晚既餐前酒係Lychee Martini, 酒味出既同時 荔枝既果香味亦同時滲出, 幾清新的一款🍸 前菜係糖醋蘿蔔海哲, 呢個除左有開胃作用外, 食辣野時更加發揮到作用 ! 敲糖棒棒雞 $188 一向都唔係好食得辣既媽媽同我 .. 因為見到呢個好評實在太多, 加上真係幾乎每一枱都有叫.. 於是覺得非叫不可😂 本身已經醃香左既雞肉+甘筍上, 係一個載住辣椒油既手造糖衣模, 晶瑩剔透 好靚💎 上枱後, 員工會將糖衣吉穿再將辣椒油同雞肉,甘筍撈勻 然後一食, 覺得有陣麻味出緊黎 但係唔算辣, 所以好開心咁連食左幾件然後就黎料了 , 開始辣到咳😂 呢個時候就係前菜大派用場之時 有助解辣… 解左後.. 我地又開始繼續食棒棒雞無限loop個步驟😂 終於體會到咩叫 “辣得過癮”.. 就係即使覺得好辣頂唔順但都好想繼續食😋而且加上左糖衣既甜味 唔係齋辣🌶 (我真係第一次咁有食辣既決心.. 平時好快放棄.. 今次我地二人清晒呢一碗😋) 呢一款真係辣得過癮兼非常傳統既四川菜.. 真心推薦比各位食辣或唔食辣既朋友🌶🌶🌶 櫻花蝦米湯蕃薯苗 $148 非常溫和的一道菜, 完全可以舒緩返棒棒雞的刺激感😂 話說米湯係對身體非常有益既食物.. 有滋陰功用.. 而呢一道既米湯好天然 飲得出無加任何味精, 蕃薯苗夠嫩同淋身, 加返櫻花蝦令成碟菜味道豐富返好多 香芒山葵蝦球 $268 (~有7隻蝦) 用上傳統既中國山葵, crossover沙律醬及芒果粒, 幾樣野竟然match到 !😍 微微炸香左既蝦幾大隻🍤咬落夠彈牙, 每一隻都沾滿山葵沙律醬 可上香甜既芒果粒.. 一整碟都令人食慾大增 螞蟻上樹 $138 又一個傳統四川菜式, 惹味既醬汁充分索入每一條粉絲度, 醬汁味道適中, 剛剛好, 唔會過咸或過淡 加上適量肉碎, 炒得剛剛好 幾乾身, 整體做得不錯~ 最後雖然係好飽… 但係都覺得係要試一試四川既甜品既.. 非常有代表性的是 紅糖糍粑 $118 之前係其他餐廳都有食過.. 但可以肯定呢度既做法同口味最正宗 半煎炸的糯米 淋上香濃既紅糖漿, 面頭再灑上炸脆左既藜麥同桂花碎 口感幾豐富, 軟糯中帶香脆感, 味道就較香甜~ 係上甜品既同時, 員工亦俸上餐廳自家製既Petit Four ~ 完完全全係意料之外啊~~ 一間川菜館竟然自己做朱古力!!🍫 兩款口味分別係 辣椒味 同 四川紅茶味, 會唔會太特別 ! 食完棒棒雞後本來對於辣味野已經有少少戒心🙊 但一試.. 就覺得好彩有試到.. 辣椒味朱古力本身可可味濃郁, 食到最尾先feel到陣香辣味湧出黎🌶 但放心 唔係辣到跳舞個種.. 只係有種辣既刺激感 ~ 另一款四川紅茶味 我地更加鐘意☕ 真係有紅茶既甘香味 !! 非常好味 !!   今餐真係好有驚喜.. 最緊要係媽媽食得滿足😊 一齊挑戰辣菜式.. 一齊睇海景.. 然後員工又令我地好滿意開心.. 成個用餐體驗都令我地覺得物有所值👍🏻 之後絕對會再約埋爸爸弟弟再黎食飯 : )…查看更多

另一半鍾意食辣野，所以突登上網搵搵到呢間，趁生日帶他黎食。呢間川菜老實講唔易搵，去到海港城LCX要再行行到尾，不過坐到入黎，見到呢個維港景，行多兩步都抵。點完菜好快就有送嘅餐前酒同醋海蜇蘿蔔。餐前酒好香，有陣陣茉莉花嘅Martini，加埋酸海蜇蘿蔔幾開胃。見到好多人介紹，所以叫左呢碟敲糖棒棒雞。一層糖裝住紅油，侍應先敲破層糖，等紅油滲落下面嘅雞，食落都幾辣口，好彩有D碎糖中和返。然後係酥皮蝦濃湯。蝦湯本身好濃，初頭都怕飲得多會膩，但加埋酥皮就好好多。鍾意食粉絲，所以叫左螞蟻上樹。粉絲彈牙，相比同桌嘅其他川菜，味道相對淡D，怕太濃味食呢個可以中和下。干巴牛肉真係如其名炒得乾身。份量幾多，食落幾有孜然味，可惜我唔太好孜然，不過另一半喜歡就沒問題啦～櫻花蝦米湯豆苗。個米湯非常好飲，伴埋蝦米真心正。雞絲冷麵，侍應會係面前親自攪拌落汁。花生同芝麻味好香，凍食真係比較適合，我食呢個食到停唔到口。到最後再叫左兩個甜品。侍應推介我地食話梅水晶球。原粒食陣陣話梅味，下面嘅汁係菠蘿汁，酸酸甜甜幾正 。另外一個甜品係椰汁素燕。雖然係冬瓜黎，但食落都幾似燕窩，同椰汁好夾！最後最後再有朱古力總結，值得一提嘅係，其中一粒係辣椒味，有辣椒香但無辣味，非常新奇！…查看更多

可能因為一早訂好枱, 所以被安排到一個無敵海景位, 未食野淨係見到個景都嬴晒。每人會先上一杯梨子酒, 淡淡梨香配vodka, 都幾易入口。 湄公魚好大鍋, 魚肉都嫩, 唔會太辣。螞蟻上樹好好食, 一上菜就聞到好香, 粉絲香脆可口。侍應會先上紅米飯, 再即場係上面淋好多蝦膏。蝦膏會一直係石鍋滾, 等到滾完有D凝固再食, 好香蝦膏味, 幾好食。墨魚餃賣相好靚, 但味道非常普通。擔擔麵麻辣香口, 麵條軟硬適中, 值得一試。呢個棒棒雞睇得又食得。侍應會即場用刀叉敲開中間既糖柱, 撈落雞度。食落真係幾惹味, 但我唔太食得辣, 呢個真係幾辣。蒜泥白肉應該係全晚最令我失望既菜式。唔係肥膏既部份真係全瘦肉,  D肉好鞋。辣汁冇乜蒜味, 完全稱唔上蒜泥白肉。炒椰菜好香, 幾好食, 都係微辣。最後會有朱古力送, 雖然係唔同口味, 但除左辣味同酒味較明顯之外, 其餘都只有朱古力味。雖然價錢唔平, 但有靚景又坐得舒服, 整體感覺都幾好。…查看更多

聽身邊好多人都提過呢間好好食,所以一直都好想去。難得中學同學聚會，一行9人，就決定搵呢間香港少見走高檔路線既四川成都餐廳聚舊。一開始就試試呢粒看似平平無奇但內有乾坤既<<核桃沙津釀小蕃茄>>，小蕃茄咬下去非常清新，裡面既核桃早已與沙津醬混合並從蕃茄底部釀入。蕃茄、核桃、沙津醬味道互相配合，酸酸甜甜，大家都被呢粒蕃茄蕃茄驚喜到。第二道前菜有呢個外型精緻既<<千絲西葫蘆>>。師傅將翠玉瓜刨絲，捲曲成扭結狀，打卡一流!上檯後待應會淋上自家調製既香豉汁拌勻，變左翠玉瓜意粉~翠玉瓜好爽脆，香豉汁味道唔會太濃，唔會搶走翠玉瓜既清新。作為麵控既我，如果唔係要share，我絕對可以一個人KO成碟 XD緊接住有經典菜式<<蒜泥白肉>>，擺盤又係幾靚既一道前菜。每一片五花肉厚道適中,包住一塊青瓜片，可以中和汁醬既辣味。但本人略嫌蒜味唔太夠，如果可以重返D蒜味會更好。之後就到餐廳招牌人氣之選，玩味十足，亦都係我最期待既<<敲糖捧捧雞>>。以吹糖元素，將紅油包在糖衣內，食前將糖衣敲碎，紅油混入糖衣與雞絲伴混即可。味道麻而不太辣，非常惹味！<<蓉城雞豆花>>上湯面漂浮既看似豆花，其實係雞肉。師傅將雞肉剁成好幼滑既蓉，口感同豆花無分別，唔講真係會以為係豆腐，又係一道心機手工菜。<<沸騰眉公魚>>唔好俾上面堆辣椒嚇親，其實只係虛有其表XD既一道菜。眉公魚沉泡在沸騰滾油中出奇地唔算好辣，但如果唔小心食到D香料就會幾嗆喉。<<螞蟻上樹>> 粉絲好幼, 炒得乾身唔油膩! 好味!<<招牌蝦膏泡瀘沽湖紅米飯>>，待應會係你面前淋上用老雞老鴨火腿熬成的金湯配各種海鮮蝦膏湯, 變成一個紅米泡飯，少許杰身，有點像Risotto。每一粒紅米都被蝦膏精華包住，充滿鮮味!呢個一定要試!<<肉汁蘿蔔心>>將平凡既食材煮到不平凡,往往係最令人驚喜的! 只用蘿蔔中間最嫩的部分入饌，經長時間燘煮，蘿蔔入哂味，好淋身，肉汁惹味，用黎送飯一流。如果食呢道菜，記得叫碗白飯!<<紅糖糍粑>>以糯米為主，外脆內軟，煙煙韌韌，沾上用紅糖煮成並加入藜麥的糖槳，滿口幸福感!<<藜麥鍋炸>>一定要試，一定要試，一定要試(重要既事要講三次)，因為真係好食到不行! 呢道幾近失傳的菜餚，類似炸鮮奶，但外面沾上藜麥再炸，一D都唔油膩，外脆內軟，食前點一點鍊奶，口感更佳!本人對四川菜本身無咩認識，因為一提起四川菜就會自動聯想到“辣”。聽經理講，四川菜主要分成都同重慶兩個派系，重慶菜比較粒粗獷同辣， 成都菜則剛柔並濟，所以唔食得辣既人都可以一試。映水芙蓉已經列入左我既回頭list! 下次再見!…查看更多