Yo Roll (新文華中心) (已結業)

尖東附近開左間日式卷物店，門面以紅色為主朝氣勃勃，頗有日本元氣感💪🏿😬 不過買返屋企始終有一段路程，感恩職員都包裝得好小心，服務態度好👍🏿今次落了雜錦魚生丼，蒲燒鰻魚丼及壽司套餐A光看賣相都很不錯。我自己都幾喜歡雜錦魚生一粒粒口感特別，而且新鮮即叫即整，顏色鮮艷再加上三文魚籽，本身都夠juicy，仲有青瓜粒都算食到蔬菜🥬。蒲燒鰻魚丼當然唔少得鰻魚醬汁，我男朋友好喜歡鰻魚醬汁加上黑白芝麻更加香，下面鋪滿蛋絲，另外主角鰻魚煎得面脆內軟好咬口，賣相就當然不用講喇！😍壽司套餐A 都有燒左口魚邊、三文魚🍣、蛋、鰻魚、蟹子、葱吞拿魚腩及炸蝦卷🍤。我覺得不過不失架，不過重點推介炸蝦卷返到屋企都仲脆卜卜。

自從轉咗工之後都好忙好忙😢，周不時要OT，同同事開夜唯有去買咗晚餐先繼續開工。我午餐時份已經有留意過「Yo Roll」呢間外賣小店，皆因佢開住好響亮嘅音樂🎤，留下深刻印象。午餐唔想屈喺Office食外賣，所以未幫襯過，但夜晚想快手做埋啲嘢就另計。小店主打日式美食，例如有多款手卷、壽司、同卷物🍣，而佢亦有提供少量便當。食物即叫即整，保證新鮮，而且佢製作速度快，合乎外賣店應有嘅條件🥡，唔使擔心👍。忍者卷Ninja Roll($78)，卷物有十款選擇，款款都好吸引，加上佢同手卷差唔多價錢，感覺比較抵食🙈。呢款卷物主要由炸軟殼蟹、黑魚籽、黑松露蛋黃醬、牛油果同青瓜所組成，成個組合食好夾。醬汁微微酸令佢好惹味，而軟殼蟹肉則外脆內軟🦀，加埋爆汁魚籽一齊食，口感好正。蒲燒鰻魚丼Grilled Eel Don($88/大)，🐟鰻魚飯有兩種Size揀，唔知份量差幾遠，但大呢盒就好足料呢。鰻魚有八大件，夾夾埋埋可能有成大半條，而且魚肉夠厚，唔係得層皮。同時，鰻魚汁味香而不膩，再配埋蛋絲食🍳，每啖都好豐富。和風牛肉丼Beef Sukiyaki Don($40)，牛丼同想像中唔同，因為佢係大碗飯🍚，而唔係餐牌

近尖沙咀近新文華呢間外賣店壽司店—Yo roll裝修幾搶眼，好有身處日本歌舞伎町感覺。店內寫上用德島縣產米，當地越光米圓潤飽滿，口感黏身。蒲燒鰻魚丼L $88:有分L同S，拎上時手熱辣辣，外賣包裝穩陣，盒身硬淨，拎返屋企都唔變形。鰻魚份量好多，沒有骨啖啖肉，舖滿丼既上面，下面有蛋絲，鰻魚汁濃郁可以撈飯。富士卷 ($68)：表面有鋪上蟹籽同極多木魚絲，下一層係蛋黃醬，中間米飯夾住掛滿鰻魚汁鰻魚同滑牛油果，賣相壯觀吸引。米飯最後經過灸燒，所以別有香氣，味道濃郁多層次，帶咸甜酸味道。見到手卷幾抵食，於是點左兩款。加州手卷$15:有蟹籽、蟹柳、青瓜絲、沙律醬等，清爽且口感豐富。北海道帶子手卷$20:帶子有兩大粒，鮮甜足料，醋飯入味，吃到手卷底部仍感滿足。綠茶$9:綠茶清香，不帶甜味，健康解渴！

回想返以前大學經常會黎到尖東一帶,今日重回舊地見到舊有既餐廳都仲係到,亦開左一d新既餐廳！經過見到呢間充滿日本祭典風既日式飯卷店好似好吸引而且款式又多就決定買返屋企試下！和風牛肉丼和風定食便當有沙律,前菜,主食 及米飯.和風牛肉唔會太肥膩,肥牛片肥瘦均勻而且肉質唔會過乾.配上和甜既牛肉汁又帶點牛脂香相當惹味得黎又唔會過鹹膩.配上飽滿又煙韌既珍珠米好十飯.蒲燒鰻魚丼 (大)鰻魚份量多而且魚身上既醬汁厚實包裹住鰻魚,味道甜而不膩.鰻魚肉質細緻而且香滑,入口啖啖肉又帶點炭燒香得黎肥美.鰻魚上灑上黑白芝麻為鰻魚增添脆口感及芝麻香.底下白飯上帶點雞蛋絲及鰻魚汁今米飯更香甜美味.武士卷壽司醋飯用上赤醋,令壽司飯味道更醇更香.內裏既拖羅蓉香軟甘甜,加上爽脆既香蔥碎令味道更鮮更有層次感.赤醋飯上同樣加上黑白芝麻令味道更香.