御膳

中秋節同家人過節，多數都會選傳統中菜，而一般酒樓都比較多人同吵雜，所以今次就打算試私房菜，一搜尋就發現呢間隱身係敬業街水準不俗的粵式私房菜 - 御膳，主打手工菜及新鮮海鮮菜式，最少訂二人套餐，平均四百元一位，私房菜來說並不貴，甚至我覺得是物超所值－－－－－－麻辣手撕雞一份非常開胃既前菜，雞絲同青瓜比例接近一比一，青瓜口感清爽夠味，雞去皮不油也不膩，肉質鮮嫩，醬汁麻辣有勁，愈食愈滋味，慢慢開啟了我的味蕾迎接餘下菜式什菌大蜆豆腐湯什菌湯非常足料，滿滿湯渣，幾款食材本身味道較清淡，反而更能突出什菌原味同埋大蜆鮮甜，隻隻脹卜卜而冇沙，每一啖湯都係精華，沒有添加味精，住家味道花雕雞油蛋白蒸大肉蟹預約前店員有問大肉蟹烹調方法，可選花雕雞油蛋白蒸、避風塘炒、薑蔥炒、胡椒炒、四川香辣炒，我就選了蛋白蒸，原汁原味的做法，蟹的鮮味跟花雕酒香非常搭，酒味不重但有陣馥郁芬芳，甘香但唔會搶過蟹的味道，上菜時還原原隻大肉蟹擺，十分霸氣，蟹肉質飽滿緊實，蟹鉗厚身實淨，拆出來啖啖肉，不得不提第二主角蛋白，蒸得嫩滑，完全吸哂蟹既精華，清甜美味白胡椒香爆南非鮑魚擺盤精緻，未食已經聞到白胡椒香氣，辟去鮑魚本身的腥味，而鮑魚紋理同形狀都好靚，軟韌度剛好，不用刀叉也能輕易食用，食落鮮嫩彈牙且很入味，胡椒氣味陣陣散出，少少辣幾惹味，非常值得慢慢咀嚼細味流沙黃金蝦很經典同時又很邪惡的一道菜，蝦頭至蝦尾連蝦殼都食得，每隻蝦炸得脆卜卜鬆化，厚厚鹹蛋醬附在蝦殼表面，呈流沙狀態，非常濃郁，而且火候控制得宜，蝦肉保持鮮嫩，蝦頭仲有膏，幾有驚喜士多啤梨骨士多啤梨骨外型相當吸引，腩排有輕輕煎炸過，醬汁濃稠沾滿腩排，有士多啤梨天然甜香同時又有酸的味道，具有醒胃效果，同時亦可以去除豬肉的油膩感，不過肉有點太大件，難進食同埋腩排都偏肥蟹油銀芽炒麵炒麵非常考驗師傅夠唔夠鑊氣，炒麵炒得乾身且不油膩，鑊氣十足，麵條軟硬適中，仲有不少芽菜，不過蟹油味欠奉，有點可惜蒜蓉炒時菜芥蘭保持清脆碧綠，清脆而不韌芒果布丁甜品不時都有變，店員事前有講要看師傅當晚的預備，可能會安排雲呢拿布丁/芒果布丁/芝士布丁或椰汁紅豆糕，而我當晚是吃芒果布丁，有芒果香甜，仲有藍莓做點綴…查看更多

隱藏於工廠大廈的深處沒有門面沒有修飾沒有招牌提早一星期已把餐單選好先來前菜的麻辣手撕雞麻辣味配上清爽的青瓜是絕佳的開胃口前菜大肉蟹用上避風塘去炒炸蒜酥口感脆脆帶點焦香有令人有一口接一口的衝動大肉蟹巨大差不多有兩斤蟹鉗肉超飽滿沾一點香蒜入口真是天堂什菌豆腐大蜆湯有濃濃的海水味白胡椒香爆南非鮑魚有兩隻胡椒香氣在口腔內濃得化不開流沙黃金蝦緊接奉上香口惹味是非常邪惡的一道菜士多啤梨骨酸酸甜甜很醒胃三大支排骨啖啖肉吃得過癮最後是蟹油銀芽炒麵和蒜蓉炒時菜蟹油香較淡但吃得非常飽肚這晚絕對能吃得出師傅的功架…查看更多

觀塘工廈隱藏很多出色餐廳，呢間私房菜之前朋友提過，係我每日由港鐵站行返公司必經之地。入口係停車場，行入啲就會見到電梯在右手邊。今次訂位帶埋屋企人嚟食晚飯，訂位嘅時候揀埋餐，坐低好快有得食:)（前菜）麻辣滷水併盤由惹味嘅前菜開始～有牛肚、雞絲同大腸，最辣係雞絲，另外兩樣係BB辣，牛肚爽爽的，份量都唔小～東星斑豆腐魚湯12両東星斑係有二食嘅，先嚟個湯，襯熱飲～好味呀～湯入面有豆腐同菇，條魚炸過，仲有啲肉，唔好浪費呀，好食架！西蘭花炒東星斑球東星斑另一食～炒斑球。調味同火喉都好好！蒜蓉粉絲蒸特大蟶子皇好大隻～蒸得剛好，唔會韌，勁多蒜蓉，好香呀！花雕蛋白雞油蒸大肉蟹我揀咗「花雕蛋白雞油蒸」，上枱就聞到酒香，真係好大隻！另外仲有四款烹調方法：避風塘炒、四川香辣炒、胡椒炒、薑蔥炒。蛋白好滑，入口有淡淡嘅酒香好厚肉～鮮甜！流沙黃金蝦又係大大隻，脆脆外殼被咸蛋包裹著～好靚嘅金黃色。咸蛋味唔會搶咗蝦味～但我個人重口味，覺得咸蛋味再勁啲仲正！士多啤梨骨平時都鍾意食啲酸味味骨，呢個酸度好適中，而且每件都好大件，啖啖肉，突然諗起「芒享」食大餐嘅畫面肉質腍，唔乾身，好味呀！蒜蓉炒時菜嗱～我唔係特登揀西蘭花㗎，下次要記得問下有無得揀。新鮮，爽脆！蟹油銀芽炒麵我係唔鍾意食炒麵嘅，因為好油，食完個咀好似搽咗Lip gloss 咁。而呢碟炒麵嘅外表係同平時個啲一樣，我原先諗住食一啖試下就算，點知食咗兩碗唔油膩！味道唔錯！芒果布丁細細杯，唔夠喉～加花奶～正！#御膳待自己#絕對唔係食環境#用心烹調，用心品嚐#平凡炒麵的不平凡#我食咗好多西蘭花#食得開心便是福…查看更多

之前已經光顧過這間樓上的私房菜，今次適逢弟弟從外國回來，當日剛巧要到觀塘辦點事情，所以就訂了這間的私房菜的四人套餐，一家三口加我弟弟共四人剛剛好。四人套餐包括有鹵水拼盤(走辣)、東星斑一條湯及炒球二食、花雕蛋白雞油蒸大肉蟹、蒜蓉蒸蟶子皇、流沙黃金蝦、士多啤梨骨、蟹油炒麵、蒜蓉炒時菜及甜品，合共$1,326。先來的是東星斑頭骨滾湯，頭及骨煎香後加上冬菇豆腐芫茜等配料滾湯，加了些胡椒粉，湯呈奶白色，魚味濃郁，每人有兩三碗，好味之餘，先來暖暖胃。然後是鹵水拼盤，因為我們不大嗜辣，所以要走辣，但單是鹵水的味道已經非常好味，牛金錢肚及豬肚都很腍及入味，中間的手撕雞是凍的，味道也很吸引，冷熱相配，兩濃一清，食落也很合意。接著是花雕蛋白雞油蒸大肉蟹，之前曾經試過而念念不忘，回去自己試著做也做不到如此效果，所以要encore，花雕味濃淡適中而酒氣很香，肉蟹新鮮肉甜，味道醉人，蛋白也吸收了蟹及花雕的味道，單是食這蛋白已經很好味。蒜蓉蒸蟶子皇，蟶子新鮮大隻而肉質鮮甜，水準保持，不枉再試。東星斑炒球，肉質爽甜，配以冬菇絲、韮王及伴以西蘭花，一上枱已經香氣四溢。流沙黃金蝦外面醮上鹹蛋黃來炸，粉漿剛剛好，不會覺得太多油，內裡蝦肉鮮甜，做得很好。士多啤梨骨也是這裡的推介菜色，肉排肉厚而煮得很腍，士多啤梨醬的酸甜味道適中，也很入味。蒜蓉炒時蔬菜的菜也很嫩，蟹油炒麵炒得很乾身兩者都是看似簡單但要做得好也要考功夫。甜品是雲呢嗱布甸。又是一次很滿足的一餐，招待來自遠方的兄弟也沒有令人失望， 平均每人$335。…查看更多

如果唔係朋友介紹, 我都唔會知道原來觀塘工廈有呢間隱世私房菜。今晚收工, 我地約齊腳去呢間工廈入面初嘗私房菜。雖然工廈大堂比人有種唔太衛生既感覺, 但上到去, 門面同埋食店內都非常整潔。我地剛好四人, 所以揀左個四人餐試試....呢度唔收茶芥、前菜同埋加一等雜費, 感覺上抵好多。【四人餐】HK$1,800金湯海皇翅 - 呢個海皇翅係每客咁送上, 湯底比較杰身, 味道清甜, 唔洗加任何調味都已經好正!拼盤 - 包括有牛肚、雞絲青瓜、豬腸, 每款都炆得很林、很入味。牛肚同埋豬腸帶少少辣, 雞絲配上青瓜增加口感度, 整體黎講係一碟既開胃, 又惹味既前菜。蟶子 - 份量絕對唔少, 每人都有一隻蟶子, 蟶子肉很肥美爽口, 大量既蒜頭帶出了更重既鮮甜味, 而且冇沙, 唔錯!!大肉蟹 - 套餐既肉蟹有多款既煮法, 分別係四川香辣炒、花雕雞油蛋白蒸、避風塘炒、胡椒炒同埋薑䓤炒。 其中我揀左自己最中意既避風塘炒蟹。送上檯時, 令我地眼前一亮, 色澤賣相都令我地垂涎三尺, 啖啖蟹肉, 肉質比較實, 而且超級鮮味。很有穫氣, 火喉拍得上大排檔, 配合脆口既香辣蒜一齊食, 辣辣地, 超級惹味!!肉蟹隻鉗仲要好大隻tim~~~最後我地幾個連所有香辣蒜都食埋, 撈飯一齊食, 更加一流!!生煎東星班12兩清蒸東星班食得多, 煎既都係第一次食。賣相雖然唔太吸引, 但"魚不可以貌相"。外皮煎得好香, 帶點微脆, 東星班肉質嫩滑, 食過之後先知原來東星班都可以咁煮!!別有一番風味!士多啤梨骨出面較為少見既菜式, 味道酸酸甜甜, 士多啤梨醬平均包住每件肉, 肉質又帶些咬口, 加上有士多啤梨果肉襯托, 士多啤梨必定喜歡!蒜蓉炒時菜小白菜炒得很有穫氣, keep到爽脆口感蟹油炒麵蟹味唔太突出, 但帶點濕潤, 唔會好乾, 味道似老店既傳統炒麵質素甜品最後既甜品賣相亦帶給我地驚喜, 看得出廚師既用心製作, 平平無期既椰汁紅豆糕, 都可以併得如此吸引。椰汁糕香滑, 椰汁味很出, 配上少少甜既紅豆, 整體味道唔太甜。今晚呢餐既私房菜, 就連同行朋友都讚口不絕, 味道更超出預期的好吃, 絕對係值得ENCORN!!!…查看更多

有時大時大節想食好d，就捐窿捐la搵左間私房菜，仲要係工廈入面。估唔到咁難搵，都有好多walk-in客！花膠響螺煲雞湯（$680）好大煲湯，足夠10個人飲有餘。湯渣另上，見到好多雞好足料，雞料已經去哂d湯度，所以湯渣就冇咩味，響螺係切片煲，更加入味，花膠就好多溶左所以唔係幾食到。但咁都證明到所有精華都去哂個湯度，飲多d都唔覺膩好味指數：8/10蒜蓉粉絲蒸特大蟶子皇（$195/六隻）超級大隻蟶子，逐隻計既蟶子係勁抵。將超級多蒜同適量蔥放係面清蒸，粉絲擺底。蟶子既鮮味輕鬆帶出好味指數：7.5/10大蜆燉蛋（$198/5至6位用）好特別既一味，擺哂d大蜆係隻巨碟，大約有十幾隻啦，再淋上蛋漿，將大蜆半浸。隻蜆既時候吸埋入面d燉蛋，勾出鮮味，令大蜆更滑，呢個combination的確唔錯好味指數：8.5/10江南百花雞（$580/隻）又一特別菜式，先將雞去骨切厚片，再將蝦打成蝦滑搽係雞塊上面，厚厚地唔會太薄，亦唔會打得太爛，整完仲要夾住d菜心擺得靚靚。呢味係食過返唔到轉頭，唔使lur骨，啖啖蝦＋雞，原來想食好野功夫真係唔少得。同埋一隻雞其實好多，6至8個人食都ok好味指數：9/10避風塘炒大肉蟹（$399/隻）究竟呢味菜用左幾多粒蒜頭？將無數咁多粒蒜頭切粒炸起，再加d香料加d辣，就非常惹味。好大隻肉蟹，唔知點食既時候不妨叫店員姐姐拎個鉗黎整整去，食到十分香口開胃，d「避風塘」用黎送飯其實係冇得輸好味指數：8/10白胡椒香爆南非鮑魚（$65/隻）海鮮其實唔一定係清蒸，鮑魚都唔一定係就咁燉。俾d創意，加白胡椒爆香原隻大鮑魚，充分發揮到隻鮑魚彈牙既本性。鮑魚整得夠稔，中間「的」位會較有咬口好味指數：8.5/10金銀蒜蒸龍躉腩（$198）龍躉腩係切開一舊舊，但係都幾多骨下，食落有d唔太方便。但似相當滑，金銀蒜既意思係炸蒜同生蒜，鍾情蒜頭既都可以一試既好味指數：7.5/10士多啤梨骨（$88）好特別，偏紅色仲見到d士多啤梨果肉，同平時食偏橙食個d比較，係多左一分fresh既感覺。酸酸味味比較young，唔係調出黎個d酸味咁死，但士多啤梨味可以再出d好味指數：7/10蒜蓉炒時菜（$60）食咁多大魚大肉就梗係要返碟菜中和下…好大碟，清炒菜都其實冇咩好講。呢間店既印象係：好多蒜呀正呀！好味指數：7/10大西瓜盅（$350）食完餐好既通常都問：有冇果盤呀？sorry果盤咁hea呢度係冇既，要唔要試過個大大大西瓜盅？因為好重要所以要講3次，個西瓜盅真係好大大大，肉眼所見既每一個西瓜波波，其實都有手心咁大，好甜，8個人都食唔哂一個好味指數：8.5/10窮遊指數：7/10（酒樓價錢，私房菜質素）…查看更多

由出黎做野後，屋企人都無特別去慶祝生日，最多只係係屋企食下蛋糕，不過今年細佬生日唔知做咩大家都想出去食飯慶祝下，可能人大左各有各忙，小左見面！呀妹收工收最夜咁就佢翻工地區啦，最後決定左去觀塘食，六位用既菜單係事前已經確定左。麻辣鹵水大拼盆 $120，金錢肚，豬大腸，手撕雞，款款都好入味，特別係個豬大腸，食落又唔肥又夠稔。花雕蛋白蒸龍躉球$198，媽媽中意食魚，點都要叫一個，見openrice 既人都大讚呢個花雕蛋白蒸龍躉球，魚肉同蛋都夠滑，當要要試啦，好好食，不過分量好似唔太夠。梅子果皮蒸肉蟹$398，大約1斤，蟹殻好硬，不過勁大舊蟹肉，好鮮甜，超正！蒜蓉粉絲蒸大元貝6隻，$58蚊一隻，每人一隻， 好大粒既元貝，而且腸既位置已經清整好，元貝上既蒜好香，而最下層既粉絲吸收晒元貝既鮮味仲有蒜香味。金華玉樹雞半只$170，個名好得意，雞好嫩，加上咸咸既金華火腿，一流。蒜蓉炒時菜$60，媽媽選了西蘭花，蒜味夠！西瓜盅350，見好多人都有食，我當然都要試，賣相好好，但其實都係水果盤。哈哈全家人都好滿意呢餐，太好了，私房餐既好處係唔會太嘈，可以細心品嚐食物。…查看更多

很久前和朋友們去過吃私房菜，那份美味的感覺還藏在心內 （￣ー￣）最近留意到位於工業區也有一間私房菜而且還有不少好評，當然急不及待約了三五知己去一試究竟吧 (笑w)我們來的那天，客用升降機在進行維修~只好搭運貨用的有點可怕的體驗 (- _ -;) 幸好看到我們要去的地方並不驚嚇，而且環境也算舒適在等上菜時看到 Menu 上有這樣的一頁，有選擇困難症的朋友可以試試呢不過記得預先Book位喔 (｡◕ ∀ ◕｡)下班後就立即去搭地鐵，再由觀塘地鐵站走過來~ 坐下已經覺得很餓了。幸好這裡的上菜速度也算快，先來了1個前菜 ( °∀°)ﾟ麻辣鹵水拼盤 (例) - 因為怕辣~所以麻辣是另上的 (很貼心w)金錢肚、豬大腸鹵得超入味~即使走了麻辣也沒問題。倒是手撕雞翼則被比下去一頓私房菜又怎可以缺少一個湯呢? (´∀｀∩砂鍋什菌大蜆豆腐湯 - 湯清清的帶點鮮甜味道。蜆大大的一隻，霸佔了整個碗 (´･ω･') 這種湯在自己家比較少會煲~這是私房菜的福利?!要去吃海鮮，大家一秒就會想到去西貢 (但好遠w)但對於自己沒車的朋友，其實交通不算太方便 QAQ .. 那可以考慮先來這裡滿足1下海鮮癮避風塘炒大肉蟹 - 上菜時可見廚師不是求求其其，有花過一下心思呢很大的一隻蟹～啖啖的豐厚蟹肉。雖然不及專吃海鮮的食肆，但還算新鮮油炸蒜酥甘口焦香，很惹味 (如果沒有走辣應該更好吃) ~用來配白飯吃一流 (•^u^•)薑蔥龍躉腩 - 腩位有啖啖的魚肉~沒什麼骨。方便我這種怕要挑魚骨的麻煩友那層充滿骨膠原的魚皮，讓整個菜式更香 (* ω *)不過個人來說~覺得有點油膩，只吃 1、2舊細的就夠了~蒜蓉粉絲蒸蟶子 - 正常的味道 (￣∀￣) 粉絲加蒜蓉來吃天下無敵不過粉絲有點碎，夾起來時有點麻煩百花雞 (半隻) - 感覺是很花功夫的一道菜式雞肉之外還混了蝦肉，雖然味道不錯~但口感來說有點厚實而且較乾身油份也比較重~絕對要襯熱吃！！花雕蛋白蒸海中寶 - 花雕的味道聞下去很濃郁，但吃下去對於酒鬼來說不濃相比其他菜式來說比較清淡 (Ŏ∀Ŏ) 吃完太多濃味的菜式吃這個也不錯再吃 士多啤梨骨 - 酸酸的可以解膩 ヽ( ･ิ∀･ิ )不過我最怕吃金沙骨這種~因為肉都緊緊的黏在骨頭上 \皿/！如果肉的比例多點就好囉吃了那麼多肉，又怎可以漏了吃蔬菜呢?蒜蓉炒時菜 - 今天的時菜是西蘭花。如果菜的份量可以多點點就好｜ω・) 吃到這裡，接近尾聲了喔~ 壓軸出場的是 - 招牌御膳炒飯炒飯中有蝦、帶子、牛柳粒、咸蛋蓉、冬菇、蔥花這裡的炒飯是用珍珠米、口感較為堅韌 ('ー'*) 飯粒粒分明，炒得很有鑊氣！！到這個時間已經吃到好飽，在我們看著電視休息一下的時間 (*ﾟｪﾟ*)最後的生果盤 - 菠蘿鳥 上桌囉其實就是一堆色彩豐富的生果，已經切好粒~方便大家吃(菠蘿、藍莓、士多啤梨、奇異果、提子，還有一款我不記得名字的w)這個的特色在於伴碟的鸚鵡，嘴的部份也有弄呢…查看更多

在SINABLOG認識一位好友終於從澳洲學成歸來（雖然不回來更好），多年沒見當然要食飯洗塵囉，順便在新年後搞一場酒友開年飯。既然是洗塵飯，當然不能怠慢，畢竟包括我在內也有三位歸港子弟。自己餐廳自己挑，素知觀塘有好些私房菜，看了幾間後就決定了這間有海鮮吃的了。因為是私房菜關係，不訂位的話隨時滿座摸門釘。早在訂位後就跟店方用whats app商量菜式，雖說是商量，但我信專業，基本上都是店方負責打點一切，看過菜單沒問題就去馬了。看店內宣傳還有一星期一次的神秘之夜，咁好玩？雖然從升降機出來就能看見鋪頭，但實在太不似鋪頭的關係在門前懷疑了十數秒才進去。入到去，鋪面不怎麼大，最多也就容納三十個人，也對的，私房菜搞得大型就不是私房菜了，想做死師傅咩。選上這裡的另一個原因，就是開瓶費免費，是晚帶了四支酒如果要付開瓶費可以很和味的。順帶一提連切餅費也是豁免的，慶祝生日亦有得諗。坐下後洗洗碗筷很快就有些前菜送上，店員說是現金找數才有，要即食還是要積分？當然是即食啦﹗蕃茄不是大紅色，但也熟透，沒有草青味可是不是很甜，反而我喜歡酸一點更開胃。雞腳色澤帶黃，有麻油的香味，吃起來頗爽口但暗藏辣度，不錯的下酒菜。吃過兩款額外的前菜，換成餐單上的前菜上場。麻辣滷水大拼盆左中右包括金錢肚雞絲豬大腸，一盤包辦豬牛雞，滿足三個願望，分開點評吧。金錢肚跟平時看見的牛雜差不多，當然這裡擺得較靚仔。金錢肚大細適中，方便整件放進口，吃起來夠爽口而且入味，辣度不是很強，屬於個人承受範圍內。青瓜拌雞絲雞肉不會一入口就化開，不俗。不出所料這款的麻辣程度最強勁，別小看它只是個涼拌小菜，那股麻辣是慢慢呈現的，相當惹味，怕辣的我避免失態吃了一些就讓給朋友品嚐了。滷水豬腸在三者中就最對我口味，這個滷水味道跟老媽的很相像，鹹中帶甜，豬腸的色澤深棕色是滷水時間充足的證明，大腸相當的軟淋且帶肥膏的甘甜，在其他人吹水之際自己就吃掉半份了。不久主菜送上了，花雕雞油蛋白蒸大肉蟹兩大隻，砂煲般大的螃蟹見得多但很少吃。雖然蟹相當大隻，但蒸的時間掌握得不錯，蟹肉依然保持鮮嫩且有肉汁，配上花雕和雞油味道更是甜美，酒鬼表示若然花雕香更強就完美了。本以為按照蒸蟹的時間，蛋白應該會變得很老吧，但蛋白質地雖結實但還是滑溜的，伴著雞油和蟹汁吃，真是鯨吞兩三碗白飯也不是問題。此外這大肉蟹還可以選避風塘、薑蔥、胡椒、四川炒蟹，但最能感受蟹肉鮮甜的，蒸煮以外不作他選。蒜蓉粉絲蒸大蟶子皇用的蟶子確實很夠大條，15cm是跑不掉的。蒜蓉是金銀蒜混合，辛香之餘脆口，大人細路都喜歡。蟶子隻隻飽滿而且很輕易就能分開，質感爽口彈牙裡面不帶沙，味道鮮甜十足，一隻實在不太足夠。至於墊底的粉絲，其他人在我拍照時就吃光了，真是好朋友啊﹗富貴金龍是由原條沙巴龍躉製作，從外表可以見到是一魚兩煮，因為左右兩邊的賣相並不一樣，另附上蛋黃醬。其中一邊是一般的香炸，上面看到一些像麵包糠的東西，吃起來很香脆像吃炸魚柳，但因為魚是新鮮魚，魚肉並不會散開，亦沒因為油炸變得很乾。另一邊驟眼看以為是椒鹽炸，吃一口原來不是，炸漿微微帶點鹹，像黃金蝦的味道，可能是蒸蟹用掉蛋白後，蛋黃用在這邊吧，鹹蛋的量比較少，自然蛋黃的鹹香味就不夠強了，再重口味點更好。不要錯過魚鰭部份，酥炸魚鰭同樣很香口的，而且裡面帶有膠質對身體好。士多啤梨骨跟金沙骨用的部位是一樣的，每條都很有份量很大件而且啖啖肉，最適口合我們這群過了青春期的食肉獸。這士多啤梨骨的肉質很有嚼頭卻又不會太韌，士多啤梨的甜香亦突出。相同的菜式吃過幾次，第一次吃到完全不帶酸的士多啤梨骨。由於味道濃郁的關係，反而變得有點膩，甜度若然低一點會更好，同時亦覺得把金沙骨斬短一些比較好，吃起來也更方便。金華玉樹雞材料自然有金華火腿和雞，擺碟方面很整齊，雞肉火腿相間。芡汁當然不是普通生粉芡，是用眼前的材料煮出來的高湯，可以喝出火腿的鹹香和雞湯的清甜。平均而言雞肉的肉量不是很多，要吃到厚肉的部份是要搶的，但肉質結實不霉，亦很不錯。蒜蓉炒時菜用的是芥蘭，這個時候的蔬菜一般都較甜喇，過冬嘛。這道菜說它普通也不算很普通，在上面放炸蒜相對少見。芥蘭的色澤翠綠有光澤，吃起來很夠鑊氣爽又甜，瞬間就被消滅掉。招牌御膳炒飯色澤很深，和平常吃到的揚州炒飯很不同，驟眼看還以為炒糯米飯。裡面有滷肉蝦仁等東西，炒飯亦有幾分滷水的濃香，值得一提這些蝦仁都很彈牙不是坊間的死蝦，還有米飯用的是珍珠米，吃起來帶點煙韌，可說是別有一番風味。一直都在奇怪菠蘿鳥是甚麼鳥東西，吃完炒飯還沒上菜，明明應該是上糖水和果盤的時間，最後果盤上來才知道菠蘿鳥就是果盤，有專人打點我就是沒用心看菜單哈哈哈。由菠蘿爆開的小鳥，比南同學更可愛，用菠蘿頂端和紅蘿蔔做出一隻鸚鵡來，實在有心思。最容易帶酸的菠蘿和士多啤梨都相當甜，而且是完全不帶半點酸味，我想士多啤梨應該是來自日本，韓國的很少那麼香甜的，果盤用料也不馬虎啊﹗六個大胃王，大魚大肉吃到肚滿腸肥，幾乎海陸空都齊，光是那三款海鮮就心裡有數每人數百跑不掉，不過出乎意料，價錢不算太貴，才四百多元就吃到這個質素的海鮮，其他菜式亦很有水準，絕對划算。…查看更多

這次來到位於觀塘工廈的中式私菜房館——御膳，位置便利，地鐵站B2出口幾分鐘就到達。這晚的菜式皆為八人份量，所以每碟都相當大份，價錢會比原本四至五人份的貴一些。為方便各位，以下菜式價錢均為原本例牌的四至五人份價錢，另外，餐廳能跟據你的要求或口味擬定菜單，詳情就請自行跟餐廳傾談嘍。這個乃現金結帳才有的小食拼盤，從左起是雞腳、豬紅、蘿蔔，豬紅帶點點辣度，蘿蔔也很鮮甜，軟腍無渣。麻辣鹵水拼盆 $130/例牌 $220/大 (7/10)從左起為豬腸、青瓜雞絲、牛肚。豬腸牛肚鹵得夠味也很軟腍，至於青瓜雞絲用上辣油，雞絲滑溜保留雞皮，只是略嫌油了點。砂鍋大魚頭豆腐湯 $155 (4.5/10)豆腐用上百福豆腐，湯則個人認為鹹了些，魚味不夠突出。避風塘炒大肉蟹 $399/1只(一斤) (8/10)不得不說這裡的海鮮十分新鮮，滿佈焦棕色炸蒜，兩只蟹經煎炸後肉仍甜美不乾柴，炸蒜連蟹同炒不分離，加上點點辣調味，層次分明，調味恰好，好吃。 *必試花雕蛋白蒸龍躉球 $198 (7/10)魚肉不腥，結實不鬆散，底下墊著蒸蛋白，調味不濃，跟清淡的白魚肉很相配。蒜蓉粉絲蒸大蟶子皇 $195 (5/10)蒸蒜炸蒜同放於蟶子皇面，味道固然足，而蟶子也很新鮮，兩者味道清晰，放底的粉絲吸收蒜油味道，香濃無比，可惜掛滿油脂關係只能淪為裝飾品，無法同食少了種滋味。流沙黃金大海蝦 $186 (7/10)大蝦披上一層薄薄鹹蛋黃衣，鹹度恰好，蝦肉新鮮而結實彈牙，也是做得挺不錯的一道菜。士多啤梨骨 $88 (8/10)醬汁散發淡淡草莓香，微微的甜酸香氣把濃烈醬汁變得清新不膩，不掩蓋肉香肉質也不乾柴難入口，罕有的配搭，意外擦出花火。 *必試金華玉樹雞 $170/半只 (5/10)火腿脂肪分佈平均，味道沒想像中濃烈，即便雞胸位置算是滑溜不難入口，意外是一旁裝潢的菜芯也相當清甜爽脆。蒜蓉炒時菜 $68 (7/10)今天的蔬菜是小棠菜，小棠菜易藏沙石清洗麻煩，這裡的小棠菜棵棵無沙，清脆爽甜。招牌御膳炒飯 $129 (5/10)中式炒飯用上日式珍珠米，圓渾飽滿的飯粒咬下輕盈綿彈，乾身不油膩，只是味道上比較普通用上醬油炒，配料也很基本：蛋、肉粒、蔥花和西芹。菠蘿鳥 $350 (4/10)掏空整個菠蘿後再分切及加入其他水果，除菠蘿外還有桃、藍莓、草莓、金奇異果，新鮮度平平，不過最喜歡是它很有心思地做了只鸚鵡站在旁。* * * * *御膳 Imperial觀塘敬業街65-67號敬運工業大廈12樓F室 | ☎️ 3575 9567 / 9029 1530星期二至日 18:00-00:00、星期一休息(公眾假期除外)…查看更多

香港地價租金昂貴，越來越多食肆遷上樓上舖或開業於工業大廈，是晚到訪的御膳亦是其中之一。傍晚時份觀塘的工業區人煙已變稀少，走入工廈，搭過工廈用的拉閘大電梯，才抵達用餐的私房菜餐廳。餐廳內裡裝潢以深色木系作主調，感覺平實不花巧。因坐處放置了大檯，感覺略擠迫。作為私房菜館，菜式當然可依據食客喜好安排增減，亦可依據當日食材鮮度作出微調，不時不食。因小弟一家人普遍偏愛海鮮，菜式當然順理成章以海鮮為主，魚蝦蟹樣樣有，未吃先興奮！一行八人是晚餐單如下： 香芒沙律大蝦球：沙律以香芒、士多啤梨、蘋果及菠蘿作主要食材，蘋果及菠蘿味道不俗，香芒則稍乾身欠汁，生果口感以爽甜為主。大蝦球先經炸香，但因要放於涼菜上，酥脆感難免退減，幸而蝦肉仍保爽口。沙律醬汁雖貌相平實，但味道卻比預期佳。 桂蜜蕃茄青瓜雞腳：這碟冷盤是用作獎勵使用現金結賬的食客。桂蜜蕃茄的桂蜜芳香不太明顯，蕃茄算上清甜，但經冷凍後水份稍被抽乾欠嫩口。青瓜入口脆爽，配上帶微辣的酸汁挺開胃。雞腳賣相飽滿，質感腍身，和青瓜一樣，沾上帶辣的醬汁吃另有一番風味。 砂鍋大魚頭豆腐湯：魚湯呈杏白色，內浸半個大魚頭，魚湯精華盡顯，味道甜美，更令人驚喜的是豆腐，口感十分滑溜，只嫌豆腐份量不夠多，感覺略有所失。 花雕蛋白蒸龍躉球：菜式賣相純白，一塊塊薄切龍躉球放於蒸蛋白之上。要龍躉球魚香足不難，但要其口感嫩滑則不易，這道菜的龍躉球正好兩者俱備。至於蒸蛋白，當中花雕酒香不算突出，但其白滑口感及輕盈蛋香確是值得一讚。 避風塘炒大肉蟹：兩只大肉蟹，斤兩足夠分享，用料新鮮，蟹肉豐滿實在，但味道難免不及花蟹般甜，亦沒有羔蟹般甘香。至於避風塘佐料，食感不算太上火油身，香辣度算輕手，建議鹹度可略作刪減。 蒜蓉粉絲蒸大蟶子皇：每只蟶子皇約有五寸長，雖未至於很巨型，但也有一定充實口感。蟶子皇用料鮮度同樣令人滿意，味道甜美，口感爽彈。以蒜蓉粉絲調味既踏實亦易有美味保證。 士多啤梨骨：菜餚端上時士多啤梨汁香氣撲鼻，實際品評時則果香沒預期突出，儘管如此，醬汁甜酸平衡及濃稠都見理想。排骨本身方面，半肥瘦，鬆軟腍度合理。 金華玉樹雞：鮮雞選材小巧，雞香濃郁，肉質嫩滑。金華火腿選材則較「年輕」，肉感相對腍身，甜度比鹹度高。菜薳翠綠襯色佳，但食味較老身，有點美中不足。 蒜蓉炒時菜：炸蒜粒炒西蘭花，無乜特別。 招牌御膳炒飯：炒飯配料有蝦、帶子、肉粒等，以醬油上色調味，都算炒得均勻惹味。而菜式亮點在於白米選材，餐廳特意用上珍珠米，飯粒特別圓潤飽滿，亦更煙韌及富咬口。 菠蘿鳥：餐後雖沒有糖水甜點，但換來一個更有特色的生果拼盤取名菠蘿鳥。顧名思義，果盤主角是菠蘿及刻劃成鳥狀的蔬果飾品，賣相色彩繽紛，十分吸引。果盤的生果款式十分多元化，除菠蘿外，亦有士多啤梨、藍莓、提子、奇異果、小吉等等。主角菠蘿多汁清甜，其餘生果亦見合時，唯一挑剔的是士多啤梨，部分帶點瘀黑及不夠鮮甜。整體來說，餐廳食物選材富質素，菜式雖不花巧，但見功夫。人均消費三百餘元，個人覺得物有所值。至於可改善之處是上菜略慢及人手不足，服務難免不到位，期望多加改善，令總評由物有所值提升至物超所值。…查看更多