小廚美食 (已搬遷)

.📍小廚美食📍 #饅頭去荃灣 #饅頭掃街之選溫馨提示：老闆娘會主動比膠袋你，即食嘅朋友仔記得要提前同佢講聲，避免製造多餘垃圾😉。------------------------------魚肉燒賣($12/7粒)Size正常，魚肉味偏淡，口感唔夠煙韌，不過都軟彈有咬口；燒賣皮薄，冇甩皮甩骨，有皺摺掛醬油；整體不過不失。------------------------------藥膳燒賣($15/5粒)Size比魚肉燒賣細少少，每粒大小不一，純人手製作。依然係皮薄，但就有啲散，食落有淡淡嘅冬菇香，豬肉味道香嫩，唔會死實，彈牙有汁😋，但藥材味唔濃，比醬汁蓋過曬。最最最重要嘅係佢嘅麻辣油，係用花椒、豆豉、蝦米同花生🥜醃過，令味道昇華👏🏻，辣味同後勁唔算好強，又香又惹味，騰椒味極重，食到個嘴唇麻一麻，配埋脆口嘅蝦米同炸蒜就更加香口😍，同鹹中帶香甜嘅豉油一唱一和，簡直冇得彈。但燒賣嚟講價錢都好貴下😕，宜小食多滋味，或者直接買一樽麻辣油同一包金龍燒賣喺屋企自己煮😆。------------------------------整體評分：7.6/10小編回頭率：6.5/10…查看更多

 有睇過燒賣關注組既應該都聽過呢間小廚美食😍佢既藥膳燒賣有好多人力推，普通魚肉燒賣就食得多，藥膳燒賣真係第一次見！另外舖頭仲有賣好多其他小食，佢既鹹牛肉蛋治、沙爹牛肉包、銀針粉、上海粢飯都好多人推薦☺️1⃣️藥膳燒賣（$15）燒賣食落唔會好粉感，藥膳味唔會好濃好苦，食得出淡淡既藥膳味，幾特別🤤一定要嗌辣！佢地既辣油有好香既花椒味👍配埋燒賣食好啱！  2⃣️上海粢飯（$16）即叫即包，店員仲好貼心叫我小心熱😌不過個粢飯比我想像中細。中間有油炸鬼、榨菜同埋肉鬆。油炸鬼唔脆，好淋😕好似擺左好耐咁。…查看更多

一間位於荃昌中心嘅家庭式小食店，佢呢度淨係買嗰啲小食同埋飲品，今次因為上網睇到有YouTubeer介紹過佢，話呢度嘅燒賣係荃灣最好食嘅，咁我當然要過嚟試一試佢啦！-佢位置十分偏僻啊，若果唔係太熟荃灣嘅話都有啲難搵，而我成日經過，但係冇留意到呢個位置！今次我就試咗佢兩款燒賣，一款係普通魚肉燒賣（10/7粒），而另一款就係藥膳燒賣（12/4粒）。-魚肉燒賣非常之有口感，食落去煙煙韌韌，同出邊嘅有少少唔同，而你話魚味嘅話我又唔係話覺得太重，反而配合埋佢嘅辣椒油係超級好食，辣椒油有少少辣，但麻香味比較重。你都可以係到買佢哋嘅秘製辣椒油！記得一定要配合埋佢哋嘅辣椒油！-另外藥膳燒賣，有淡淡的藥材味，如果你配合埋佢哋嘅秘製辣椒油嘅話，一定會更加好食😋呢一間嘅燒賣真係要推薦比大家！…查看更多

放工去完荃灣地鐵站交收, 咁凍, 決定行荃豐既一連串商場返屋企。先去四川風味買明天LUNCH, 然後經過勁出名既小廚美食, 見到仲開緊, 即刻飛奔去買傳聞中勁出名既燒賣, 仲見到有玻璃魷魚, 好想食呀! 於是又買埋返去加餸! 店員態度超親切, 因為燒賣我諗住買返屋企食, 於是問佢有冇個杯有冇蓋, 佢話冇, 不過會幫我放好D。之後我記得好多人都推介佢地個辣醬, 我問店員係咪可以加好出名既辣醬, 佢話係呀! 我地D 辣醬好好食架, 唔辣架, 係麻! 於是就俾左好多辣醬我! 另外我揀玻璃魷魚要咩汁時, 本來想試沙嗲汁, 不過店員誠推咖哩汁, 話食得辣既就食咖哩汁啦! 好! 就試啦! 小廚美食店面雖小, 但藏有好多美食同良心, 呢D 係小店蓋不住的光榮。傳聞中勁好食既麻辣醬係有得賣既! 返到屋企, 急不及待即刻開黎食!店員真係放得好好, 返到屋企冇漏到!藥膳燒賣首先真係要講下個辣醬先, 真心唔太辣, 不過係麻, 但有好多脆脆野, 我食唔到係咩, 但係真係好好食。藥膳燒賣唔係藥材味, 食落裡面絕對唔係粉, FEEL 到係肉。加埋個甜豉油, 一路食, 一路心中默默點頭! 食完燒賣後, 老公仲將個汁用黎食餃子, 可見佢幾咁欣賞。玻璃魷魚個咖哩汁真係幾辣, 但好濃, 見到魷魚面既咖哩漿! 超正!魷魚一咬即開, 唔會韌。有魷魚身同鬆! 夾埋個咖哩汁, 好滿足! 聽講銀針粉都出名, 下次會試埋! 支持小店! 💛…查看更多