我愛慢煮 (普慶坊)

今晚約咗朋友聚舊，揀咗係上環普慶坊嘅呢間我愛慢煮晚餐，貪佢夠隱蔽，可以慢慢傾計。最近開始熱返，朋友一坐低就叫咗一杯荔枝接骨木花特飲。杯特飲加了雪碧，味道清香，荔枝味道濃郁亦有幾粒荔枝肉。我哋仲叫咗芝士條做餐前小食，新鮮熱辣炸起，外面脆入面煙韌，食起上嚟有拉絲效果，仲可以點mayonnaise食。主菜朋友叫咗紅酒香草燴羊膝，一放低時整道菜煙氣繚繞，睇得出佢啱啱整好。羊肉好好肉地，夠嫩又唔騷，加咗香草令味道更出色。醬汁有小小甜味，點嚟食又別有一番風味。我叫咗香烤三文魚扒，三文魚皮煎到香口，魚肉油脂充足，咬落鬆化。最後，我哋揀咗慢煮紅酒梨子配雪糕做甜品。原隻嘅梨味道帶有好香嘅紅酒味，紅酒煮完梨之後亦同時變到好甜，飲落有啲似mulled wine。配玄米茶雪糕，清清哋同紅酒梨子好同夾。…查看更多

本身係朝住呢間個焗芝士流心蛋大啡菇而遠赴西營盤，點知太好賣sold out！不過好彩其他嘢食都唔差，可以彌補返失落嘅心情！首先嗌咗份medium嘅和牛西冷，慢煮嘅牛肉唔會過熟，同時肉質保持鮮嫩，外表再輕輕煎下加上鹽同胡椒調味已經好好味。而雞翼真係超級香脆好出色，上面淋有咸蛋黃醬 ，微微辣感好快就清哂一盤！而焗菠菜苗好有驚喜，菠菜爽口唔會太淋，無論係蝦啦、芝士定忌廉都比好多，個人非常想拎啲汁去煮意粉！食完咁多嘢就算飽都要食返個甜品，佢個Tiramisu 好香滑，滿滿都係香濃咖啡粉，加埋baileys好夾，酒精嘅味道可以將蛋糕嘅甜膩中和，非常唔錯！雖然呢間個位置比較偏遠好多人都會忽略，但佢啲嘢食都實在不錯，個人覺得有去開西上環都可以一戰！適獨指數：🌚🌚🌚🌚🌚好味指數：🌝🌝🌝🌝🌚抵食指數：🌝🌝🌝🌝🌚.…查看更多

普慶坊一直都好多打卡cafe，吸引左唔少真偽文青黎影下相嘆杯啡😛。我兩樣都唔係咁就黎食野啦haaaaaa. 係呢邊有間黃店西式慢煮，地點好秘密咁但味道好ok wor!!!!店內暗暗地，岩哂我哋二人約會🥰，簡約裝修，氣氛幾chill！加上見menu唔洗加一，想客人選擇多d野食同食得開心，絕對係小店心機😀👅👅🔸芝士溫泉蛋大啡菇（$38）💎必食推介！！！😋😋😋溫泉蛋放係大啡菇上面烤，鋪上芝士燒到香一香。望落一粒平凡大菇，咬落香濃菇汁好正！回想起自己整個烤菇都出哂水😥都係出黎食算😂btw神級小食！😇切開個蛋依然係超流心🤩望住d熱辣辣蛋汁流出黎都好治癒，好味。中間有少少茄汁加持，多左一重酸甜，出色嘅小食，需要點多一份🥰🔶法式慢煮油封鴨腿（$98）💎一份有兩隻，都幾抵食其實，仲要有d藝術感襯番個氣氛。輕易切開粉嫩、用鴨油浸熟嘅慢煮鴨髀，肉帶粉紅，用叉都撕開到，時間控制得剛好！😄店員好細心咁附上鹽同pepper比我地自己後落，但我地覺得唔需要加，原汁原味已經很好。碟上掃了藍莓醬，另配honey mustard，後者味道有d似蘸燒鵝嘅醬，變成酸酸甜甜嘅油封鴨腿，醬又不致於太甜👅友人覺得肉處理得不錯，後悔無叫牛扒，因最近食得太多扒🤣另外加左$38有塊香煎鵝肝，自選配菜有幾款，直接食了無影到😂🔶海鮮濃汁藍青口1LB ($128)💎藍青口愛好者必點🥰🥰🥰Baby mussel細嫩肉滑，一口一個用手食係最正😂係為左要用青口連肉裝滿d海鮮汁，濃而不咸，有少少傑嘅汁更容易盛載。兜中仲有兩件多士，吸下d海鮮汁再食，很可以🤤蒜蓉多士籃亦可以另外再加購。🔶慢煮菠蘿、咸焦糖朱古力布朗尼、意大利雪糕（$68）💎本是口痕叫埋甜品，就有左呢份甜品為晚餐完美作結！！暖暖地嘅朱古力brownie中夾集住超薄杏仁片，加上有少少咸焦糖醬嘅gelato原本已很配搭。在冷暖咸甜中，原來加埋呢塊浸過白酒嘅菠蘿一齊食真係有料😋😋😋酒味相當出，浸後嘅菠蘿帶微苦少酸，面頭有薄焦糖，加上前面兩主角一齊食，感覺其實菠蘿先係主角😻幾喜歡呢個看似簡單味道又複雜嘅甜點。🔶黑松露薯條 （$58）呢個二人份有d大份😂架勢上檯，薯條亦炸得香脆。無特別落鹽，我地自己後落少少海鹽，視乎個人口味。基本上黑松露薯條都係無可取代嘅小食皇牌。🔶荔枝接骨木花特飲（$42）💎Weekday想清一d選左呢款Fresh飲品，相對少甜而荔枝無好搶味，啖啖都有荔枝嘅微香👍🏼另外亦有幾款比利時啤酒任君選擇。其實字面係慢煮但唔洗太驚，出菜都係非常快有得食😂不過一次真係試唔哂咁高汁嘅菜式。餐廳差唔多收工時播「走先喇係咁先喇 下次再玩吖」，正😂整體體驗值得再一去。…查看更多

地方較隱蔽，要點時間找找！開著google map都不難，要經過些長樓梯！餐廳自助形式點餐和餐具區，所以不需加一服務費！一入店內座位主要是高枱高櫈或長枱可供一大班朋友享用，入去上半層全是正常高度既枱櫈。安格斯頂級西冷牛扒$138分3個份量，我點了小的有8安士，即是大約有226g，不會太少剛剛好，又可以點少許小食起初仲諗住提提幾成熟，見店員冇問就應該唔需選擇都唔會太生，不會有血水滲出其餘中size有12安士，而大size有24安士肉質都算軟、唔乾夠juicy，只是部份有少許靱...未至於痴牙的，整體可以:)煙烤豬仔骨$118反而有意想不到的驚喜，烤汁不會太膩，肉質柔軟，骨和肉比例很好，都有不少肉，絕不會有骨無肉！推介小食類價錢都比較便宜，抵食！燒露荀苗$28、芝士忌廉菠菜苗$32、牛油卡真蝦仁串$36露荀苗幼小、香口無渣！菠菜苗反而吃到芝士的幼滑！蝦仁串非常入味，頂瓜瓜紅桑子手工啤$45、荔枝接骨木花特飲$38手工啤清甜好味，特飲類全是有汽的，荔枝特飲較淡味，有汽的水似的，只是有2粒荔枝。…查看更多

同男朋友好中意食慢食系列既野 除左慢煮工業之外，我地就特登黎左上環試下呢間我愛慢煮🥰仲要呢間唔係好貴👍🏻好抵食！平鐵牛扒flat iron $118個牛扒一啲都唔韌 肉汁仲保留左係塊扒裏面 好juicy😍 切個下見到似五成熟 岩岩好！法式豬鞍架pork rack $138呢個都唔差 鞋左小小但都唔算好老好韌🧐芝士忌廉菠菜苗spinach $32芝士有拉絲既感覺配埋白汁再加菠菜都幾夾🥰炸蕃薯條sweet potato fries $28呢個幾驚喜😍 雖然蕃薯條唔算好熱 但好脆同埋食到係蕃薯既真材實料🤣🤣蕃薯都幾甜👍🏻份量多！荔枝接骨木花特飲 $38係荔枝加梳打的味道 再配埋接骨木花 都幾特別！ 不過呢杯甜過下面個杯🤣熱情芒果特飲 $38有陣熱情果既味道同梳打水 芒果味道唔算好出 但都有幾多芒果肉比你食🥰草莓窩夫配雪糕 $38窩夫有三細件，士多啤梨醬幾好食唔係藥水味🤣🤣…查看更多

難得來到西環，當然要慢慢享受晚餐，來一場療癒之旅。不得不說，從踏進我愛慢煮的一刻，這裡的簡約風佈置令我心情大好，忘掉近日疫情的煩惱。朋友讓我配菜和甜品拿主意，我就點了芝士忌廉菠菜苗和慢煮紅酒梨配意大利雪糕。我極推薦大家吃芝士忌廉菠菜苗，這菠菜苗非常嫩滑，而且芝士忌廉味濃厚，即使多吃也不會覺得膩味。US安格斯頂級平鐵扒表層微焦，內裡仍是柔和的粉嫩，切下去也沒有血水，就知道大廚慢煮功力有多高深。平鐵牛扒入口軟嫩，牛味濃郁，再撤上粉紅的喜馬拉雅山鹽，牛扒鮮味都被鹽提出來，香氣撲鼻，朋友相當滿意。法式豬鞍架形狀和烤的紋理工整，外層焦白相間，呈演嫩嫩的肉色，豬鞍架微微烤過產生焦香感，鮮甜聚首一堂，肉汁豐沛，好吃到快要流淚荔枝接骨木花特飲以接骨木花梳打為基調，加入雪白的荔枝肉，特飲看上來十分夢幻。我們很喜歡荔枝接骨木花特飲，它的甜度與酸度平均，帶有荔枝果香，順口無比。慢煮紅酒梨配意大利雪糕美麗的擺盤，輕易擄獲人心。慢煮紅酒梨製作費工，是經典的甜品，無論色澤，香氣和口味，這紅酒梨都十分成功。更棒的是意大利雪糕，輕爽不甜膩，奶香舒服的在口中消散，配上甜甜的紅酒洋，散發紅酒香醇餘韻。…查看更多

今晚同男朋友黎到我愛慢煮食晚餐。餐廳採取自助形式，要自己點餐同攞餐具。美國安格斯頂級西冷牛扒，牛扒分大、中、小，我地要小的。西冷鋪滿黑椒和香草調味，但都幾油下，唔算好有牛味，屬於好咬既口感。蜜糖香草丹麥烤雞鎚有四隻，大大隻。雞肉嫩滑，但完全唔入味，味道好啖。草莓醬比利時窩夫配意大利雪糕，配既係綠茶雪糕，我覺得唔太夾。窩夫口感偏結實，似食緊蛋糕甘。但呢個價錢好抵食，有三件窩夫加一球雪糕。比利時手工啤，男朋友話好好飲。荔枝接骨木花特飲有荔枝肉，清新香甜既荔枝梳打。呢間免加一，好難得。…查看更多

男朋友生日，揀左間特別小小嘅餐廳，仲係黃店。餐廳入面有一大隻連豬，10月1有提供食物同地方比手足添。餐廳地點的確唔就腳，喺東華醫院附近，但唔難搵嘅。一入去有啲焗，冇開冷氣，不過之後有開返，ok嘅。點餐唔喺位點，要行落去cashier到嗌嘅。餐具亦都係自己拎，不過有少少污糟，仲有食物殘渣喺隻碟度。一叫完等大概5分鐘就開始上菜，仲上得幾快添。小食性價比非常之高，一啲都唔貴，而且質素OK。 炸蕃薯條，芝士忌廉菠菜苗，同芝士溫泉蛋大啡菇都好味、推介。 到主菜，法式豬鞍架係慢煮，有肉汁得黎外脆內軟，超正！但法式油封鴨脾唔係慢煮，好乾，而且仲有羶味 有啲失望 慢煮紅酒梨配意大利雪糕賣晒冇得叫，叫左朱古力撻。朱古力味濃嘅，但賣相一般我就冇影相了。訂位之前見過有食客可以喺甜品上寫字，我都有request，但上嘅時候冇寫到，咁就算啦⋯⋯總結，菜式唔多選擇，食一次就夠了。除左鴨脾，其他我都推薦的～…查看更多

假日與友人到訪一個新地方，在此前先到這間特別的慢煮餐廳吃午餐。在附近平靜的住宅區中，看到混凝土的牆身有細緻的龍和虎的圖案，加上室內的店名牌，總帶點中國風的江湖味道。餐廳有兩層，拾級而上，古雅的裝潢中見潮圖，分別以不同顏色的膠紙和剪裁成大小不一的便利紙貼上笑臉和豬。細心留意餐桌旁，還有一個迷你表情符號隱藏其中，讓人會心微笑。餐具和調味料放在一區，讓人自行取用，如快餐店的自助形式。除了基本醬料，還有粉紅岩鹽，可作肉類調味。荔枝接骨木花特飲($38)，一顆荔枝作裝飾，飲品面還有少量荔枝片，有氣的酸酸甜甜。熱情芒果特飲($38)，個人認為這杯更好喝。芒果肉的軟甜令整杯飲品變成有氣的果甜。安格斯頂級西冷牛扒(小)($138)，調味做得非常出色。牛肉煎得香軟，保留牛肉的肉汁和肉味，咬下去肉汁爆出，味道比烤雞更佳。燒露荀苗($28)，作為伴菜的露荀苗份量不多，燒牛肉汁滲到露荀苗的表面，露荀新鮮爽脆，滿載牛肉汁的油香。香草丹麥烤雞半隻($128)，必點的主菜，口感和味道都非常好。烤雞非常香滑柔軟，幸得慢煮烹調，熱力剛好分解肉纖維中的骨膠原，令肉質非常鬆軟，與平時吃的雞肉有明顯的分別。外層微脆而帶蕃茄醬和香草的味道，內層以嫩滑的雞肉和蕃茄醬香為主。伴隨的醬汁可提升雞肉味。草莓醬比利時窩夫配意大利雪糕($38)，情價別高的一道甜品，三個字已可快速總結這道甜品：快、靚、正。三層熱烘烘的窩夫，配以少了死甜味的意大利雪糕，加上甜度適中的草莓醬，性價比甚高。在賣相、味道和口感都極度出色，而且極度便宜，沒有不嚐之理。…查看更多

今日去港島區參加朋友的畢業禮，難得去開港島區，當然順便去食個午餐，朋友推介這間主打慢煮的餐廳。餐廳裝修帶點中式風格，但竟然係食西餐。48小時羊後膝 羊羶味不算太濃，因為慢煮的關係，肉質超軟熟，而唔會乾身，咬落啖啖肉汁。美式煙烤豬仔骨，牛油卡真蝦仁串豬仔骨份量偏細，只有三條骨，燒烤味香濃，好入味。蝦仁算幾大粒，肉質彈牙爽口。荔枝接骨木花特飲 荔枝味夠清新，再配上接骨木花獨得的味道，很開胃。熱情芒果特飲…查看更多

原來上環有兩間<我愛慢煮>，我book咗普慶坊呢間，但冇同男朋友講清楚，佢差啲去咗孖沙街嗰間😂所以出發前真係要睇清楚地址先🤔呢到係以自助下單形式，落單後就可以坐返埋位等上菜。我地叫咗兩個主菜，一個配菜，一個甜品同兩杯飲品，免收加一服務費，總數四百蚊有找，好抵食！🌪安格斯頂級西冷牛扒(小) $138表面煎得香噴噴，慢煮嘅肉汁果然特別豐富，非常juicy，肉質軟腍，牛味香濃！全塊扒都冇多餘嘅肥膏或煮筋，啖啖肉😚🌪安格斯頂級平鐵扒 $118切開肉質呈粉嫩，賣相吸引！口感嫩滑而且充滿彈性。面層撒上香草，冇多餘醬汁，可以品嘗牛扒嘅天然肉香。🌪芝士忌廉菠菜苗 $32爆芝邪惡之選，個芝士拉絲超長😂菠菜苗索滿芝士忌廉汁，味香而不膩！🌪慢煮紅酒梨配意大利雪糕 $38慢煮紅酒梨煮得好腍好入味，連果肉已經都變咗紅酒色。紅酒喺加熱過後酒精已經揮發，淨低香甜味😋配埋冰凍香滑雪糕，好滋味！🌪凍水果茶 $36味道清甜，多生果，不過茶味可以再濃啲會更好。🌪荔枝接骨木花特飲 $38接骨木有種獨特嘅清香，味道輕盈清爽，配肉食一流！…查看更多

男友在Youtube看到心意意想試，便特意來港島一試。我們共點了：蕃薯條新鮮上枱，很甜很脆，伴碟有黑松露醬和沙律醬。其實醬汁非常香，可惜蕃薯條的蕃薯味已經十分濃，因此點了醬後稍為蓋過了黑松露味，但依然非常好吃！跟男友慢慢吃著等主菜，接著飲料上場：西柚和青檸的配搭頗有趣，清新、解渴、開胃，沒有說驚為天人，但挺解膩。更愛荔枝和接骨木花的組合，接骨木花的清中和了荔枝的死甜，好喝！平鐵扒（Flat Iron）來了。肉質沒有預期的滑腍，接下來的豬鞍更出色：非常雪白的肉色，咬下爽口多汁，調味恰如其分，沒有搶去本來的豬肉香，很喜歡！吃過上面的單點，菠菜苗終於來到，是有點兒失望。不是傳統的樣子，撈勻芝士忌廉來吃，味道仍然有點淡口，重奶香，菠菜吃起來比較像沙律菜的狀態，男友說，下次不必再試這盆菜等菠菜時加點了菠蘿配Gelato作甜品，很喜歡！老實說菠蘿並沒有白酒香，但是很多汁的新鮮菠蘿，表面有焦糖同燒，伴以奶香重的玄米茶gelato，為這頓豐富的午餐劃上完美的句點。這餐人均$220，午餐來說絕對不便宜，但全日同價，因此若果晚上來吃的話，銀包壓力應該感覺會輕省點…查看更多

西營盤MTR站行幾分鐘就到，不過有d斜路 當食好野之前，做下運動 消耗一下 小食拼盤 $98應有盡有，份量好大份唯一美中不足係薯條唔係甜番薯條日式蛋黃醬粟米煙三文魚薄餅 $38 $38都有3 slice pizza ，好抵慢煮36小時紐西蘭牛面肉 $148 慢煮唔想食steak都有option.牛面肉煮到好soft，入味牛油炒蘆筍苗 $38係咁咦 扮下食菜🤭牛油香重👍🏻荔枝接骨木花特飲 $38 推介！食咁多熱氣 唔叫飲品點得芒果蜜桃水果茶 $38睇相好吸引，不過熱飲賣相冇咁吸引P.S.呢間餐廳唔洗加一，因為係自助式點餐…查看更多

好友剛搬了新居, 當然要送她一份新居入伙禮物。 她就請我到「The Hangout Corner」吃晚飯當作回禮。推門入內, 店員即前來歡迎, 態度親切有禮, 並安排我們坐在面向廚房的位置。 背靠紅磚牆壁, 坐上高腳枱櫈, 有點像酒吧格局。 燈光色調柔和, 環境不喧鬧, 感覺休閒舒適。 店員呈上餐牌, 並告知這裏是半自助型式, 需要到收銀處下單付款後, 在旁邊的小桌子上取所需餐具。 食物會稍後由店員奉上。 既然是「我愛慢煮」, 那就要一嚐他們的慢煮食物。 慢煮36小時紐西蘭牛面肉 : 慢煮牛面肉肉質有點似牛舌, 但較腍, 亦不是牛舌的味道。 慢煮牛面肉多汁而又有細嫩的肉味。 澳洲羊T骨 : 甚少在外見到羊T骨, 這是我首次品嚐 三件厚身的羊T骨肉腍, 羊羶味不多。 切開後能見到肉嫩和肉汁豐富。 小食拼盤 : 七味一字雞翼丶吉列蝦丶英式炸魚丶炸吉列蠔丶炸脆薯條。 一大塊炸魚柳, 薯條甚多, 其餘每款兩件。 全部外皮都非常鬆脆, 又不感油膩。 尤其是炸吉列蠔帶濃郁的蠔味, 而七味一字雞翼的辣味甚刺激味蕾。 荔枝接骨木花特飲 : 帶微甜荔枝味道的梳打, 清涼。 青檸薑啤特飲 : 薑啤加入青檸, 口感更清爽暢快。在這輕鬆閒適的環境之下度過一個愉快的晚上。 又多一個跟好友相聚的好地方。…查看更多

上環半山慢煮餐廳.今個weekend同朋友揾地方hea，揾到呢間主打慢煮嘅餐廳覺得好吸引😍.佢位於上環同西營盤中間，有少少難揾，如果搭地鐵，西營盤出會近啲。.慢煮48小時美國安格斯牛肋骨最期待嘅係呢道嘅主菜💁🏻‍♀️用慢煮技術48小時烹調嘅牛肋骨！慢煮果然唔同啲，肉質非常嫩，每啖都係juicy嘅肉汁，煮左48個鐘都不失本身嘅牛肉味。成舊肉有肥有瘦，啱晒我地有啲鍾意食肥膏，有啲鍾意食瘦肉嘅麻煩友🤣.黃金吉列蝦(6隻)吉列炸蝦沾上鹹蛋黃醬，鹹蛋黃味好香🤤鹹蛋黃同蝦真係好夾，令人食慾大增！吉列蝦炸得好脆，作為前菜小食很合胃口。.🐦法式油浸鴨脾 + 炒蘆筍🎋鴨脾有兩隻，啖啖肉而且肉質鬆軟，鴨味香得黎帶少少鹹香，乾身唔油膩🐦我地另外叫左炒蘆筍，同鴨脾放埋同一碟上，份量都幾多😍.荔枝接骨木花特飲荔枝味好清香，配上接骨木花梳打水令到成件事好Fresh🥰而且仲有幾粒真。荔枝係入邊，真材實料！.雖然隱世，但呢間慢煮餐廳真係值得一去，食得出每一道菜都好用心機去煮，味道啱啱好，份量又多🤤讚！👍🏻…查看更多