麻市滋味館

尋日同朋友食飯，朋友話想試吓小炒菜式，網上見到呢間小菜館都有幾多好評，所以專登去佐敦試吓餐廳嘅位置距離地鐵站大約十分鐘，坐低之後越來越多人幫襯，好似都幾多熟客幫襯小菜嘅款式有好多，我哋先揀咗兩隻冰鎮鮑魚試一試，都幾新鮮，肉質都幾厚我就揀咗個蜜桃拔絲骨，因為鍾意食酸酸甜甜嘅餸菜，炒出嚟色澤好靚，酸甜味剛剛好，有蜜桃、青椒、黃椒等做配菜，送飯一流再叫咗個雀巢XO醬炒蝦球，份量都幾大碟，而且有好多隻蝦，配菜仲有好多菇、芹菜、腰果等，每一樣都炒得好滋味，蝦🦐又煮得好爽中國人都係鍾意食飯，所以叫咗個泰式蛋白蟹肉炒飯，飯炒得粒粒分明，帶有少少辣味，而且蟹肉同埋蛋白配襯得好好，成個飯煮得幾好食，值得一讚最後餐廳仲送咗芒果布甸俾我哋食，加埋少少淡奶，為尋日晚餐再加分數餐廳好啱一班朋友嚟飲住啤酒食小菜，又好啱成家人冬天嚟食羊腩煲，係好地道嘅香港小菜館…查看更多

近排食了很多西餐，想食些小菜，友人提議到這店晚餐。初覺得店名怪怪的，不太抱期望。怎知沒想到平日都訂滿枱，幸好還有一張二人枱給我們，否則要再另覓地方了。下次來之前，要訂位呀！原本想食「蒜茸粉絲蒸扇貝」，但當天沒有貨。所以只好點「脆皮炸乳鴿」、「香煎蓮藕餅」、「蒜茸炒豆苗」及「五代同堂炒飯」。脆皮炸乳鴿，皮脆肉嫩，很滋味！友人愛吃這個，香煎蓮藕餅，煎得很香口，內裡有蓮藕，所以比較爽。蒜茸炒豆苗，我們最愛吃的菜 ^_^沒想到份量很多，價錢合理！我們本想點炒飯，見這個名稱特別，就點這個，五代同堂炒飯。炒飯材料豐富，亦很惹味，味道不錯！最後，店員送上甜品「芒果布甸」，不太甜，好味！…查看更多

最近有少少秋風起，想食d惹味嘅嘢。是日收工又約咗朋友去廟街，search咗附近食肆，評論甚佳，便決定一試～ 講眞，鋪位眞係要花少少時間睇Google先搵到。不過，勝在喺Austin同Jordan行過來嘅時間都差唔多，所以我哋一行三人兵分兩路都好快會合。餐廳都有幾張大台，多人聚會都冇問題。menu選擇眾多，主要係海鮮同風味小炒為主。豉椒鵝腸這份豉椒鵝腸眞係炒得好夠鍋氣！鵝腸洗得夠乾淨，都算厚，搭配埋青紅椒、洋蔥等一齊爆炒，又爽脆，眞係想唔好食都難～ 有大排檔風味嘅小炒，又點少得冰凍🍺～ 豉椒蟶子皇本人最愛蟶子皇今晚lee幾隻眞係夠曬大！成個手掌咁大～同樣都係豉椒炒，惹味非常，眞係需要來碗白飯吖～ 蒜蓉粉絲蒸扇貝食完兩個重口味嘅小炒，飲啖🍺，清清喉，蒜蓉粉絲蒸扇貝就送上了。簡單嘅蒜蓉粉絲蒸，就可以突出食材嘅鮮味。但略嫌扇貝細隻咗少少。上湯豆苗落單嗰陣，sales哥哥一再推介，話仲嫩過佢窩🤪 佢咁落力推介，我哋一於試下啦！出來又幾好啵！豆苗眞係要夠嫩，又要有油水+湯汁先可以闢除嗰陣臭青味，如果唔係就會太寡。lee嗰上湯豆苗完全做到～ 唔洗每次都係上湯白菜仔/蒜蓉炒時菜咁悶啦～乳鴿乳鴿係必試推介！皮脆肉嫩冇得彈，醃得夠時間，好入味，size都頗大～ 我哋係跟餐揀咗一隻試下先，食完想encore，結果當晚有兩張大台，每人一隻好快沽清😞 意猶未盡......啫啫芥蘭煲來排檔，又點少得啫啫煲仔菜～ 這款芥蘭煲味道不錯但略嫌芥蘭太腍，如果爽脆d就更好啦～黃金海中蝦以鹹蛋黃為材的小炒，也是我的最愛之一。當選黃金大蝦🦐啦～ 炸至金黃的大蝦，加入用鹹蛋黃及其他調味料開好的醬料快炒，令每隻🦐都均勻沾上蛋黃醬。🍤雙彈，連殼都食得到。芒果布甸埋單嗰陣，餐廳送上免費飯後甜品作全晚的收官之作。有芒果的清香，加花奶食，更香滑，不甜膩，不錯。雖然餐廳位處於佐敦與柯士甸之間不算最便利，但風味十足，間中約埋三五知己，都幾滋味咖！…查看更多

在公司附近食午餐時,和友人行街,無意中見到有間飯店,門口都好搶眼,便和同事相約今晚去食晚餐 一入門口已見好多新鮮海鮮,標明晒價錢,令食客放心,而內裏地方都很濶落。望下餐牌,除了海鮮,還有很多小菜和特價孖寶首先我和友人叫了個湯~淮山杞子螺頭燉雞腳原煲燉,都有10幾碗,用料十足,螺頭,雞腳,杞子,淮山好豐富的材料。飲落好清甜,飲得出係原盅燉的。有螺頭的鮮味,又有雞腳嘅膠質,味道不是太咸,夠晒補身。冰鎮鮑魚 今晚好豪叫了5隻鮑魚,好大隻,洗得好乾淨,食落好爽口,好清甜。好正今晚無叫白飯,試下新口味,叫了個奄仔蟹蒸糯米飯一開蒸籠,好香的蟹味已一湧而上。蟹已手排很很好的在糯米飯上,雖然蟹不是很大隻但很多糕,滲落糯米飯內,令到每啖飯除了好香的荷葉味外,還有蟹膏的香味。加了葱一口撈勻,每啖的蟹膏香味都充滿在口中,最衰不能吃多,因糯米飯都很飽肚金銀蛋浸時菜 食咗咁多肉,叫番碟菜,清清地。好多咸蛋,皮蛋,用了波菜,份量很大碟,不會太咸,好味。最後當我們已叫好飽的時候,還有甜品送,原來係,芒果布甸,雖然沒有果肉,但甜度適中,好香,好滑。…查看更多

早排時常出入QE 探病，所以經常在佐敦搵食，記得上次無意中行經廟街，油麻地街市附近見到有間主打海鮮的中菜館，所以今晚決定同老公去試試。當晚7點左右到達，門口招牌用上藍色，遠遠望去都相當搶眼.一入門口看見左手邊有幾個魚缸放著游水海鮮，雖然店內裝潢簡單不過地方乾淨而且非常光猛。店員見到我們倆小口子細心地安排卡位給我們，見到餐牌嘅海鮮孖寶A有老公最愛嘅沙巴龍躉加蒜蓉粉絲蒸扇貝，老公當然立即要order 一份，蒸魚時間恰到好處，魚肉鲜甜嫩滑，果然係新鮮海上鮮蒜蓉粉絲蒸扇貝非常新鮮彈牙，肉質鮮美，如果豉油咸味可以再淡多一點點就更加美味.黃金蝦係必叫item ,咸蛋味唔太咸但味道非常濃郁，色澤金黃，蝦肉爽口全晚最有驚喜就是冰鎮鮑魚，店家細心地將鮑魚切半再用冰碗奉上，而鮑魚有淡淡嘅清酒香味，再沾上少少wasabi 豉油，入口爽口鮮甜，鮑魚肉厚又不失口感彈金銀蛋浸菠菜- 上湯有少少嘅酒香味令到菠菜更為清甜最後店家送上芒果布甸做飯後甜品當晚食飯途中店員不停地幫忙換碟，又主動話甜品不夠吃還可以再添加，而家香港已經很少店舖可以有咁好嘅服務態度！每人大約$3xx 可以吃到好吃新鮮的海鮮，下次無需再入西貢吃了…查看更多

今天經過佐敦搵食，見到有間小店一入店內，近門口有個魚缸，有多款海鮮白鱔、鮑魚、聖子、海蝦及海班聖子好大隻，鮮味彈牙，蒜蓉好惹味，配上蕃茜，味道更突出果皮蒸鮑魚，喺南非鮑魚，果皮味香，鮑魚蒸既時間啱啱好，唔靭，肉質鮮甜可囗令人回味鴨舌吃唔出有酒味，不過，有少許蔴辣味道，令人一試難忘青瓜吸收左曬鴨舌味道，好惹味冰梅肉排（店員推介），味道咸咸地，又幾得意喎，肉排唔肥，外面微脆，肉汁豐富，可以試下店員送上芒果布甸，免費…查看更多

當我同妹妹搵緊有乜好西食時, 突然迷失於佐敦, 但正因為甘, 我地發現左一間隱世餐廳, 我地被店外搶眼既藍色門面所吸引, 就行近去八下, 見人唔係太多, 都可以直接walkin, 可能因為落雨同地方比較避靜關係, 客人並不是太多~~向來喜歡食海鮮既我, 見到呢個餐牌即時心心眼晒, 哈哈~~冰鎮鮑魚     HK$65隻呢度必食既菜式, 鮑魚夠厚身又大隻, 肉質新鮮又煙韌彈牙, 原來鮑魚凍食味道都唔錯的, 一試愛上~~~薑蔥炒肉蟹    HK$208肉蟹重13両, 唔大又唔算細, 蟹身既肉都好鮮甜, 驚喜原來係個蟹蓋度, 一大開, 滿滿是蟹膏, 食落又滑又滋味, 簡直係大大滿足呀~~蒜蓉粉絲蒸大元貝       HK$35隻蒜蓉粉絲蒸聖子皇              HK$45隻蒜蓉粉絲蒸大元貝同聖子皇都同樣好新鮮同大隻, 仲要好低食, 蒸煮時間剛剛好, 入口鮮甜而且帶蒜香, 係有種食完想再食既感覺, 正~~金銀蛋浸莧菜                          HK$68除食海鮮外, 點都要叫碟菜食下既!! 叫左個金銀蛋浸莧菜, 真係堅足料呀, 未見過D蛋多到可以遮蓋晒D菜, 食落清甜又帶有鹹蛋同蒜香, 很喜歡食呢D住家菜, 哈哈~~芒果布甸                HK$免費食完老闆仲送左個芒果布甸比我地食, 滿足~~…查看更多

同母親大人食海鮮，夏日炎炎選了有冷氣又有大排檔風味的麻市滋味館!先來前菜。酒香鴨舌$48麻辣的鴨舌有少許酒香，十分入味的青瓜。份量也不少。前菜剛好用來飲啤酒。蒸大元貝$35@帶子被開邊蒸，配上蒜蓉粉絲蒸。帶子鮮甜、柔軟。蒸聖子皇$45@聖子也是巨型、大隻。同樣配上蒜蓉粉絲蒸來食它的鮮味。聖子皇爽口彈牙、口感十足。夾埋多生、炸蒜蓉的粉絲，好滿足。奄仔蟹蒸糯米飯$222 (時價)最後有$16/兩的奄仔蟹。奄仔蟹蒸出來好有蟹的鮮味。要讚廚師已細心為客人敲碎咗奄仔蟹的殼了，好容易食到蟹肉。蟹肉亦確實鮮甜十足，清淡才能嚐鮮!糯米飯是柔軟，不算太硬，但比較多油。配上清淡蟹肉食便剛好。份量夠3-4人。最後，送上甜品芒果布甸。感覺麻市滋味館的價錢及品質也合理!…查看更多

行開廟街附近，見餓餓地就上openrice搵食，無意之中搵左呢間小菜館食飯見到佢地招牌菜有冰鎮鮑魚，好似好正咁wo叫左2隻試下隻鮑魚都幾大隻喎點wasabi豉油食，嘩！好鮮甜呀！而且咬落好爽口一d都唔韌豉椒炒蟶子皇炒得好惹味呀！唔會太咸而個蟶子炒得剛剛好，保持到爽口o既口感仲好鮮甜！黃金蝦一黎到已經聞到勁香蛋黃香味d蝦炸到脆卜卜脆到可以原隻連殼食個蛋黃好香，同蝦味好夾冰梅肉排見佢話係招牌菜，就叫黎試下，個肉排好新鮮呀！好嫰好多肉汁冰梅醬甜甜酸酸，好醒胃啫啫通菜呢個菜有驚喜wo! 平時d啫啫菜通常用蝦醬果d整，好多時都會太咸，而呢個完全唔會入面仲有蝦乾，好香又唔會過咸，d菜仲好爽口飯後仲有甜品送，係芒果布甸，唔係紅豆沙…查看更多

佐敦一向出名多嘢食，淨係廟街已經夠曬熱鬧。朋友响佐敦附近住，話點都要帶我哋去幫襯尼間麻市滋味館，話食海鮮首選之一，點可以錯過。餐館位於廟街之後，非常易搵。由於是平日夜晚關係，唔洗點等便有位。一踏入餐廳即刻被左邊大大個魚虹吸引，啲蝦兵蟹將生龍活虎，而且朋友話尼度啲海鮮全部都係貨真價實嘅海鮮而非河鮮。我們四人被安排坐卡位，位置非常寬敞。餐牌選擇很多，光是蠔也有好幾種菜式，我完全是選擇困難症發作，遲遲未能下決定。侍應應是看透了我們的猶豫未決，主動過來介紹招牌菜，好熱情呢！讚吖！於他的幫助下，我哋終於下定決心點左菜。餐廳嘅上菜速度都好快，我哋不用久等就可以起筷了。第一碟魚子醬炸桶蠔已叫我們讚嘆不已，無怪朋友及侍應都大力推介。橙紅色的魚子醬豪氣地鋪在炸後金黃的桶蠔上，份量大得誇張。上菜時侍應還細心提醒食時最好配上青嫩的生菜，果然口感與層次都為豐富。魚子醬配上蠔已是鮮味之最，加上炸粉不多，食極都仲有蠔，可見隻蠔有幾大隻，我忍唔住要求食多隻囉！之後嘅風沙雞半隻又係令我哋驚喜連連。一般風沙雞於炒後肉質會變得厚實而不夠嫩。但這碟雞一黎味道足，而且肉質滑得令我不禁問店員是否用新鮮雞作材料呢！而且半隻雞的份量也很多，性價比極高。這味冰鎮飽魚是店員大力推介之下點的，端來時朋友大叫她是不食刺身的，怎料店員話這道菜是熟食，只是師傅用清酒把南非五頭飽浸熟，令外型及口感旨皆似刺身，亦可以輔以醬油及日式芥末作調味。果然，爽口的程度與刺身無異，而且雖說用清酒浸熟，但酒味若有似無，反而飽魚的鮮味十足，令我們嘖嘖稱奇。接着的奇味粉絲蝦煲（6隻）又是大大煲，粉絲好像不用錢般佈滿了整個窩。而6隻大蝦可謂用料十足。平日去西餐廳夜晚食一碟大蝦意粉都要成百蚊，尼味有6隻仲要多多粉絲都只要148，真係好抵食囉！味道好惹味，大蝦新鮮，粉絲又夠入味。最後的金銀蛋浸時菜是健康之選，金銀蛋份量足，菜的份量亦多，四人分都食倒好多，好味。估唔到海鮮中菜館都有西式甜品送，仲要係 一碗，份量唔細嫁。總括而言，難怪住開佐敦嘅朋友要大力推介這間菜館。不似廟街要在露天坐，這兒有雅座有冷氣。菜式選擇豐富而且價錢真心抵到笑，因為碟碟份量等於出面食嘅1.5倍。加上店員親切有禮，我下次一定要再帶friends 黎。…查看更多