魂燒

今日行經太子，發現有間日式拉麵館，裝修到好似日本街頭拉麵檔一樣。都幾有日本感覺。呢間店鋪名都改得非常日本化，叫魂燒。食物方便都好有水準。直得一去再去嘅地方。我今次和朋友就選左鰻魚飯和秘製海膽飯，再加三隻燒生蠔。先講吓呢碗鰻魚飯：半條肥味鰻魚加上秘製醬汁，令鰻魚更野味，鰻魚無骨淡淡肉。珍珠米飯配上鰻魚汁再加上鮮甜粟米，配合得相當好吃。另外個秘製海膽飯：海膽新鮮，入口溶化。珍珠米飯香軟加上一隻生雞蛋，我將生雞蛋攪勻再與海膽一起吃，又有另一番滋味。我地仲食左非常味美燒生蠔，有芝士，燒汁，蒜蓉。呢三隻生蠔特別大隻，每隻都好有蠔味，配上不同制法有不同效果，好似燒汁燒生蠔，醬汁味濃令生蠔味更上一層。香蒜味令生蠔更特出，芝士味濃郁。呢三隻生蠔令我一試難忘。我仲試左杯巨峰提子乳酸，看落似一杯雪碧，但飲落去有巨峰提子味道，甜甜地好飲。…查看更多

對吃貨來說，最痛苦莫過於“有得睇冇得食”。 早排朋友來魂燒食海膽飯，send咗張相俾我.......心思思咗一排，今晚終於有機會 拉埋朋友一齊來朝聖喇!今日天氣超熱， 好彩一入到去就有淡淡嘅涼風。相信大家都試過，明明室外好熱但入到商場就超凍，咁樣好易感冒。 呢部冷氣唔會開得好大，涼涼地咁樣比較舒服。-秘製海膽飯海膽鮮甜，完全唔會腥， 仲要成板咁上，非常豪爽。將蛋黃同飯撈勻令個飯都好滑溜，118蚊絕對物超所值，必食!-頂級安格斯牛扒飯 牛扒肉質鮮嫩，整得啱啱好，唔會太韌。秘製醬汁亦帶出左牛肉鮮甜，值得一試!-極上牛小排鵝肝拉麵雖然麵質同正统拉麵店有距離， 但平時嘅拉麵店就冇咁特別嘅配料可以揀。158蚊一碗麵，竟然有三片鵝肝， 有咁高質素嘅配料，湯底又鮮甜， 可以一試。-鹿兒島a4和牛拉麵和牛拉面質素亦唔錯， 食得出同普通肥牛唔一樣，呢個真係試咗先知!-燒芝士蠔燒生蠔方面，可以揀芝士、蒜香或者汁燒。 我哋揀咗重口味嘅芝士。蠔嘅鮮味中和咗芝士嘅鹹味， 雖然大約30蚊一隻唔算好平，但係物有所值。可惜嘅係今次食唔到限量嘅蟹黃飯，唯有等下次再嚟碰下運氣。…查看更多

聽朋友推介，佢話太子最近有間餐廳好岩我食因為佢知道我鍾意食海膽同蟹膏，而呢度，可以一次過滿足哂我兩個願望舖頭面積唔算大，同時室內位於可容納５至６台客。幸好提前卜左台，所以不至於要夏天坐室外雅座餐牌上有不少食物揀，飯、麵、串燒，應有盡有。但筆者黎之前就已經決定左食乜，所以極速就落左單秘製海膽飯　（＄１０８）先黎既係秘製海膽飯原板海膽上台，份量十足，以呢個價錢黎講，可以話係平民價！飯就比較簡單，蛋黃、紫菜，佐以日式甜豉油，以及主角－－海膽！海膽食落完全無腥味，鮮甜無比。我地選擇左將一半海膽放入飯中，與蛋黃拌勻，令簡單既白飯變得十分香口；而另一半海膽就跟紫菜直接放入口中品嚐，原汁原味將滿足味蕾蟹黃　（＄１２８）緊隨而來既係特製激爆蟹黃飯造型滿分！原隻蟹蓋上台，好有和風既感覺！蟹膏份量同樣係無偷工減料，即使撈勻佢，每一粒飯都感受到香濃既蟹膏味！加上新鮮甘甜既蟹腳肉，為成個飯既口感加上層次。簡而言之，色、香、味俱全！…查看更多

朋友見到好多人介紹呢度嘅海膽飯，就話嚟試下。我呢啲鍾意試新嘢嘅人就冇咩所謂啦，一於捨命陪閨密！店舖晚上6點先開，7點去到，已經差唔多滿座。呢度落單好似茶樓飲茶咁自己用筆係落單紙度寫。朋友咩都唔理，就即時喺「秘製海膽飯」隔離寫咗個「１」字。之後再點埋「汁醬鰻魚飯」、「秘製海膽飯」、「薩摩家芝士棒」、「三燒安格斯一口牛」、「香桃雪葩」同「柚子蛋糕」。「三燒安格斯一口牛」串燒竟然最先嚟！三燒即係3種口味，包括海鹽、西京同秘汁！先講口感，三款牛肉嘅口感有咬口，有肉味，夠Juicy，但唔會嚡或韌；味道方面，個人就比較喜歡西京口味多啲，因為甜甜哋，幾特別。汁醬鰻魚飯我係鰻魚迷，見到鰻魚飯唔貴，就諗唔無諗，點嚟試。話明「汁醬鰻魚飯」，鰻魚上面嘅汁一定唔可以少。我好鍾意旁邊有勁多粟米，因為我好鍾意食粟米！鰻魚份量夠，長得嚟都叫有啲厚度，食落有口感。咬落滑溜軟稔，重點係無咩骨，鰻魚皮亦唔韌（之前有食過一啲塊皮勁韌，食得一啲都唔痛快！），令人食得暢快！鰻魚汁甜度適中，不過如果想用嚟撈飯食嘅話，就未必夠。建議落單嗰時叫「多汁」！（唔知得唔得呢？）薩摩家芝士棒估唔到呢枝芝士棒又幾過癮！一枝燒得焦香嘅魚棒，裡面有熱溶芝士，哈哈，好邪惡，但食得特別開心！秘製海膽飯朋友等到頸都長，佢個目標終於出現！成板海膽，佢見到真係兩眼發光！君子不奪人所好，我循例試咗一啖，剩低嘅都畀佢獨享。海膽食落甜甜哋，冇腥味，冇異味。雖然唔知係咩海膽，但幾軟滑。呢個飯食法幾特別，飯中間有個生蛋黃，食嗰時可以撈埋飯一齊食，似壽喜燒食法。不過我朋友就食唔慣，覺得唔撈啱佢口味啲。不過佢覺得海膽真係唔錯，好滿足！但唔知當日係咪太多人點飯嘅關係，我同朋友都覺得白飯有啲硬，不夠軟身。可能剛剛煲，未熟透？香桃雪葩叫得香桃雪葩，個樣又真係幾似桃。中間都係桃味嘅雪葩。口感無雪糕咁奶味，果味濃啲，清新啲，食完感覺都唔會膩。柚子蛋糕（限售）因為夏天，所以揀咗個無咁「漏」嘅蛋糕嚟做甜品。柚子蛋糕唔係好多地方有，而呢度竟然有，仲話係每日限量嘅。蛋糕面上有啲雪，可能啱啱由雪櫃拎出嚟嘅關係。雖然係咁，但食落又唔會覺得好硬，好凍嘅感覺。柚子味幾重，橫切面都見到有柚子皮顆粒，果然真材實料。估唔到居酒屋食甜品都無中伏！…查看更多

今日約左表姐一齊放工去太子食飯。表姐住太子呢頭，一直都留意左呢間小店好耐，佢同我講話間店好特別，因為燒物會即叫即燒，而且每次行過都見食客order既野食好吸引。。所以今晚我地兩個就決定來呢間餐廳醫飽自己個胃啦你見到相的左邊 有一個小檔子 這就是即叫即燒既工作地方啦不停由大量食物既燒香味傳出 吸引到不少途人停低望望店內座位不算太多，仲有少量既室外位置今晚餐廳食客都超多呀，所以我被安排到室外位置。。開初都有點失望 怕會熱。。。但大家可以絕對絕對放心，因為我一滴汗都沒有流。。唔係今日天氣唔熱，而係室外放了一部超超超大既風機。。根本上你係唔會感到熱，而且坐了室外感覺都不錯。。因為會聞到燒野食既風味，又可以見到途人被食物吸引而停下來望成餐晚餐感覺好地道餐廳既食品單有超多款既拉麵，飯，串燒，小吃先來一客本店最出名的海膽飯見到成板海膽 第一個反應 係嘩左一聲超足料呀，成板上海膽鮮甜，完全沒有腥味。我首先把生雞蛋撈了白飯 之後再加上海膽加以拌勻，之後一啖一啖咁放入口口感真是好正，甜甜的海膽mix生雞蛋。。真是絕配好快 我同表姐已經可以食曬成碗海膽飯之後即刻開動食呢個超香既鰻魚飯鰻魚大大件，而且香味十足，配以秘製既醬汁 真的perfect一口暖暖又肥美既鰻魚。再加白飯 真是好好味 超滿足。。而且呢個飯價格唔貴 鰻魚份量十足，絕對十分抵食芝士日本扇貝 28蚊一隻即叫即燒 香氣十足 啖啖肉 而且熱辣辣多春魚好香 味道岩岩好 唔會太鹹或唔夠味抵茄子超大件。而且綿綿的 口感好得意茄子完全吸收曬醬汁，完全帶出茄子既香 甜而且完全唔會食完成口油外皮香脆 雞肉juicy再三回味整體用餐十分滿意，侍應好友善，服務很好，食物款式多，味道佳 而且燒物即叫即燒 很地道 有風味…查看更多

上網睇見人地食哩個勁多膏既蟹黃飯已經勁吸引我黎！！哩晚終於特登約埋個朋友一齊同我黎食喇生煮蟹黃麵…OMG..勁多膏！雖然蟹細細隻肉唔多，但味道鮮甜蟹味突出，而且拉麵可以揀硬度，我地要左普通，軟硬岩岩好，連個湯都有蟹味，差d成碗湯都飲埋秘製海膽飯…大大板海膽！😍 大大啖豪食海膽 暖熱既白飯上仲有隻生蛋黃 將白飯同蛋黃撈勻 加幾滴豉油調味 最後加埋海膽再一啖擺入口 滋味就係咁🙌 不過海膽如果再鮮d既會更好味😚秘汁一口牛… 一啖一粒，肉質有咬口又未至於過韌，秘汁味道好好，醃得又入味佢既生煮蟹黃拉麵都唔好錯過👄 蟹膏勁多勁鮮味！其實好想食埋佢既蟹黃飯 但整哩款既膏蟹唔靚 店員話要到七月中先有😭想食就記得打定電話問下先喇！…查看更多

因為聽聞這裡有海膽飯食，而朋友本身是海膽控，特意帶他來一嚐一板海膽飯！店面看起來比較特別，收銀、燒肉、用餐都是分開三個店面的，當然是連著的。因為用餐的店面比較小，有些位置需要坐在外面，可能會比較熱。幸好我和朋友是坐吧台的，有冷氣對著，不覺得熱。點餐紙有兩張，因為我們都不是太餓，就隨便點了一些，畢竟重點其實只是那個海膽飯。海膽飯上台啦！真的有完整一板海膽，這種吃法看起來就是豪華。大大碗飯上面有一隻生雞蛋，吃的時候加上豉油和少許wasabi拌起來。吃起來就是日本吃飯的感覺啦！一板海膽，全部小小的，看起來像韓國海膽，色澤健康，尚算均勻。我還用wide鏡拍了，看起來更大海膽沒有苦味，帶有淡淡海水味，屬清淡類的海膽，吃多點也不膩。樣子很像冬甩的飯團，是我點的。面頭有少許的柚子醬，硬硬脆脆的都是飯焦的關係，不覺得自己在吃飯團，反而像零食。超抵食的茄子，不過好像只有一半，而非完整一條。比平常吃的燒茄子多汁，吃起來不會乾。朋友說吃完這餐，好飽又好滿足，不以止一止海膽癮喎…查看更多

難得的長假期，決定食極尚海膽飯和蟹黃拉麵好好犒賞一星期的辛勞。魂燒位於太子的閙市中，小小的串燒店，牛肉串燒燒到金金黃黃，傳來陣陣濃郁的燒香，真的十分"燒魂"! 我的身體也不由自由的走進餐館。 秘製海膽飯海膽飯絕對是必食推介，本身我對海膽没有很鍾愛，但吃過這個海膽飯之後，實在大大扭轉了我對海膽的觀感。從前吃過不太新鮮的海膽，口感黏黏卻没有什麼味道。但魂燒的秘製海膽飯，海膽一板板的排列好，新鮮無比，帶淡淡的海水味，口感Creamy幼滑。新鮮的海膽根本不需要豉油點配，否則濃烈的豉油味會奪過海膽的甘甜。蛋汁和海膽出奇的合襯，先把蛋汁拌勻白飯，再把一板板的海膽混合在蛋飯中，蛋汁和海膽絲絲相扣，令白飯由平凡變得不平凡! 我也嘗試把脆卜卜的紫菜中包裹海膽飯，一軟一硬口感，滋味無窮! 在等待蟹黃拉麵時，細心看看餐廳別緻的裝飾，餐廳以日式大紅燈籠作點綴，層架上排列了不同的日本清酒，營造了居酒屋的感覺。 蟹黃拉麵蟹黃拉麵的賣相矜貴，全隻大蟹置於碗中，蟹殼內有黃黃的蟹膏，十分誘人! 湯底帶淡淡的豬骨香味，故意豬骨味不太香濃，否則會蓋過蟹膏在湯中散發的鮮甜。一啖拉麵，一啖充滿蟹黃的濃湯，再吃一隻蟹腳，真的大快朵頤! 蟹黃濃湯鮮甜濃稠，呈奶白色，真想把湯也乾了!  鰻魚飯汁燒鰻魚飯也是經典推介，我已經好久没有食過這麼滑嫰、肥美的原塊鰻魚了! 自鰻魚的成本不斷水漲船高，要吃到整塊的原條鰻魚已經賣少見少了。。。原塊鰻魚烤到焦脆的顏色，再塗上重甜的燒汁，魚尾更加長至碗邊，已經令人食指大動! 鰻魚鮮甜、肥美，入口滑溜即溶，大啖大啖咬的快感非筆墨可以形容，$78真的很抵食，所以也推介大家點汁燒鰻魚飯。 燒生蠔(香蒜/芝士)芝士燒生蠔也非常滋味傾心，生蠔被濃濃的芝士完全包裹著，芝士已經燒到半溶狀態，呈金黃色。咬下去時生蠔肥美而多汁，中間"吱"出來的肉汁鮮甜，再混合芝士吸啜，美味可口!  汁燒茄子+燒菠蘿燒茄子也是我的最愛，茄子吸收了燒汁的甜香。燒烤時間恰到好處，外表帶點香脆時，但茄子肉仍然保持濕潤，真想再Encore! 燒菠蘿是為今餐劃上完美句號，菠蘿清香，燒到焦脆多汁，超級鮮甜，可以一解吃過烤串燒的口渴、熱氣之感，也算半過甜點! 總括而言，魂燒的食物水準一流，海鮮的菜餚也新鮮美味，即使經過食幾串串燒也不俗，但餐廳環境比較侷促，只有bar枱和十多個座住位，適宜2-4位朋友過來用餐。…查看更多